El Joker - Teena _ الجوكر - طينة

يا لقطة

بيعت ولاد دايرتك لاجل الراب
لاجل الهرم ع الانتاج و معاه الجوكر ع الارشاد
و كلامك يثبت وقت ما كنت بتقول الغنا حرام
كنت زبون شاطر فاهم بيفاصل في الجرام

لا و البجح يدفع اهله فلوس المصحات
قال التالتة ممكن يقصد عدد المرات
ارررر…. احمد عبيط جوكر خسيس
في تراك الاب الفاجر تاجر بشعور اليتيم

اللي هو الحمد لله مش زي اللي حسه
يسطا قالك طينة من جوا وصف حالته
ليك صور زمان حاطط ميك اب على البوز
ابن شبرا ازاي و لاجل الفوتو شوت يحط روچ

حبايبي من الاهلي و الزمالك دول كتير
و عملت اعلانين فيهم كانو طالعين بيغنولي
فا لما تخسر انت نص الشعب في جملة حاجة تكسف
تيمك خد باله ان ده شيء هيكون مؤذي في البزنس

يعني مثلا لو اعلان في المنتخب انت اوت
نضجك في الميديا صفر لسة محتاج تتكون
بص الضحك بقى.. مطبخ مطبخكو في الاعلان و عانة
اشمعنى في اللي جي طب مطبخكو مش معانا

و انت قولت اسم فودا فا بتزود مكسبي
راحت عليك اي شركة تانية غيرهم كده يا
غبي
شوف الحملة الجيا تعرف ليه مطبخكو ماتطلبش
من غير كنكة او دس ابيو تراكك ماضربش

قوللي صحيح في حفلة ريتش ده كيد ايه اللي حصل
سمعت ان الجمهور كان بيشتم فيك و منك
حتى نزلت انت اوبينينج للكيس ده شيء يحتقر
ااه و صحيح الحفلة دي جات جيا لميمو و استرخصها

زمان لما اللي بيوزعلك ده كان لسة حاجة
طلبني فا روحتله بس حسيته في السذاجة

[ ] قولت اكيد هتليق عليه اقترحتك جالك
عملت انت الاعلان و في الاخر ماخدتش حاجة

و كلمتني قولتلي يا شقيق اقول لمين
دنا كتبت ليا و ليه و اقعدت اسجل اسبوعين
و لما التراك نزل استنين فلوس و مبتجيش
بمعنى ان القانون لا يحمي المغفلين

و بيشتغل معاهم لسة.. بس بزنس مفيش تضخم
اصل مين يقتنع بيه غير ناس في نفس التأخر
مش هقولك فلو بس ممكن اسئلك عن التضفق
عارف ان ظهوري في ٣ اعلانات بيبسي غاظكو

الحكم صفر ترافكو… لسة هشلفطكو
الدكتور داخل الحلبة يحوش فا قومت طرده
صوتك عمري ما قدرته قولتله باتل فا وترتو
مستعد تكون في ارضه… و هيجلي بردو

و ينزل تراك تاني برود باي هررررم هايل
بس هرم مايكتبش اسمه عشان خايييف
من الفشل في الاندجراوند زي الفشل اللي في الميديا
مش قادر حتى اتخيلك بتغني في اعلان لايديال

ممكن اعلان لبن.. و تبقى انت لواحدك شايله
و يجيبوك و يقوله او ماشربتش لبن تبقى زيه
او ممكن حملة اسمها ماتجربش بدل بطل
تبقى مثل ان حتى لو بطلت بتفضل اهطل

ده هشتكة نازل سولو انا الدجل
خدك يشهد و يفكرك اما بولو كلك قلم
بتعايرني عشان بساعد ناس و انت كنت منهم
لا ده اكيد كاميرا الخاغيحيلهم بينهم

ياما شتم المهرجانات و في الاخر غناها
و ريته هو اللي كتبها ده من كنكة اتملاها
و بالعافية اصلا قدر الفاشل يقول معاها
و دي بتبقى الحتة الوحيدة اللي الناس عارفها

طلع لقاء مرة كسف نفسه وقع من ع البيت
رجع قال لفانزه ع الجروب مش غلطتي
انزله المهندسين اعترضو على بهدلتيه
و كات النتيجة ان بسببه باته فانزه محبوسين

انا شريف مونيب في سحر الليالي… ده المتجه
انت اكيد اقرب لكاراكتر خالد ابو العجل
مش اكيد بتبهروني بس اكيد بتقرفوني
سايبين المدامات في البيت مجتمعين لاجل ما يشتموني

Abyusif  Kalem Canaca  Prod Abyusif _  أبيوسف  اغنية كلم كنكة توزيع ابيوسف

Eljoker -  - dawsha-Tofa7et 7awa

My Acc : www.facebook.com/OnlyForZamalek1

سماء بها غيوم - دوشة

Da Tkder-داتا كتير

اه يا حال سكران فوق شوف حالنا " إحنا بقالنا سنين شوف اجيالنا 

احنا بلدنا بتولع وإحنا في دنيا تمامها , ورقتين دايرين ورا دخانها 

إنت تقسي " وانا الف كتير عشان أنسي , كل حاجة فيك وسخة وفاكسة 

انا لسه " بشوف قدام عيني طريقك الجميل ! , مليان تماثيل ونخيل ونجيل 

مناظر تبهرني " عيون تسحرني , لكن ده مش مكاني وانا عابر سبيل 

إحنا الإنسان صحاب المكان مش ذنبنا إننا جينا والحال سكران 

بعنادك أرجع مخمور " في الليل الأخير ,وخمورك سبب إحتراقي 

في شوارع الف وادور , ويطول المسير , وإنت ولا حاسس ولا داري 
ـــــــــــــــــــــــــــــــــــــــــــــــــــــــــــــــــــــــــــــــــ
اهم مافيك بني واوراق , ودواير حمرة تجري سباق

رمل ابيض سيطر ع الاسواق " اه ياحال سكران الحال معروف 

خدنا و ودينا جرينا وراك , لو سكران عيشنا في دنياك 

بيني وبين الاحلام مسافات , وبقرب ليها بصباع ملفوف 
ـــــــــــــــــــــــــــــــــــــــــــــــــــــــــــــــــــــــــــــــــــــــ
ولا مركب عندي لكني أعلنت التحدي وسأمضي وأعدي أعماق البحار 

طول ما فإيدي قلمي يرفرف علمي ويدي إشارة لكل صاحب قرار 

ده الحال سكران مليان توهان والدنيا جنان لو الدماغ عمار 

إرفع إنذار هنا وهنا وإحتار وإختار بين دنيا وجنة ونار 

امشي المشوار إكتم اسرار" الحال يبني سور إبنيلوا اسوار 

إعمل نكتار الخمرة فطار, ياحال سكران انا صاحب البار 

ده كحولك نساني إسمي , كل كيميا فيك بتدمر جسمي 

انا بحبس كبتي إنت بتحبسني , خليتني بقول للدنيا ياخصمي إتهزمي 
ـــــــــــــــــــــــــــــــــــــــــــــــــــــــــــــــــــــــــــــــــ
اهم مافيك بني واوراق , ودواير حمرة تجري سباق

رمل ابيض سيطر ع الاسواق " اه ياحال سكران الحال معروف 

خدنا و ودينا جرينا وراك , لو سكران عيشنا في دنياك 

بيني وبين الاحلام مسافات , وبقرب ليها بصباع ملفوف 
ـــــــــــــــــــــــــــــــــــــــــــــــــــــــــــــــــــــــــــــــــــــــ
ياه لو نبقي انا وإنت صحاب ,متاخدش حساب مني في طلبات اطلبها 

تفضل كده سكران او مش دريان وحياتي أخدها اظبطها 

ياتري إنت بعيد ولا أعمي !! ,, بتشوفنا او تسمعنا ؟! ـ

نفسي اعرف انا عنك معني يخفف حتي علينا اوجاعنا إشمعني 

إنت تملي عارفنا , ولا انت واخدنا خاطفنا 

ولا إحنا سجارة لاففنا وكل شوية تيجي تولعنا 

كله ليه نصيب بالدور , اللي بيحترق فينا بيغور

هموما روتينك دموعنا خمور , رج فينا براحتك وإحنا نفور """" شور 
ـــــــــــــــــــــــــــــــــــــــــــــــــــــــــــــــــــــــــــــــــ
اهم مافيك بني واوراق , ودواير حمرة تجري سباق

رمل ابيض سيطر ع الاسواق " اه ياحال سكران الحال معروف 

خدنا و ودينا جرينا وراك , لو سكران عيشنا في دنياك 

بيني وبين الاحلام مسافات , وبقرب ليها بصباع ملفوف 
ـــــــــــــــــــــــــــــــــــــــــــــــــــــــــــــــــــــــــــــــــــــــ
مراكبك ماليها شراع وجناح , مايمشيها غير الرياح 

إرتاح , كل مراكبية بحرك نشيدهم نشيد جراح 

جوة المركبة تجربة متعبة ’ خلصت الاسئلة وخمورك أجوبة 

كحتك أتربة حياتك شقلبة ,, علي بعض إنت جيبتنا عملت بينا كركبة 

دفعتنا بدماغنا التمن , بقينا بنعيش علي سكر الزمن 

مين فينا تقل سكر إتركن , ده اللي فينا فاق جوة منك إتسجن.ـ






Ya 7al SaKran - YouseF JoKer \ يوسف جوكر - يا حال سكران

Lyrics:
قاعد علي قهوة.. خريج جامعة، 
16 سنة تعليم و مستقبلي مبهم،
معنديش أدني فكرة إيه اللي ممكن يحصل بكره، 
بشهادتي أياً كان تقديري أخري أشتغل ف كول سنتر، 
فبحاول أجمع كورسات عشان أحشي بيها ال سي في، 
أروح أقدم ف وظيفة يشترطوا خبرة سنة و إتنين!، 
طب منين؟ مانا خلصت دراستي خدوني قهر جندي، 
سنة أو تلاتة علي حسب طارو كده من عمري، 
و يقولك "أصل الجيش ده مصنع الرجالة"، 
لو كنت إنت قبله متني أنا راجل خليك ف حالك، 
مبتتعلمش جوه حاجة متصدقش العقول التعبانة، 
لا صحيح بيعلموك ضبط النفس وقت الإهانة!!، 
ها يا دفعة.. خلصت جيشك؟ عايز تتجوز؟، 
طب مطلوب منك مهر شبكة شقة ف مكان كويس، 
فيشيل الفكرة من دماغه و يلعن الجواز ده من أساسه، 
عايزله ف حدود نص مليون عشان بس يختار شريك حياته،
شوفوا الشاب ف بلاد بره إزاي بيتعامل، 
الشاب حتي لو عاطل الحكومة بتوفرله راتب، 
و لو حابب إنه يتجوز هيروح جايب خاتم، 
مش طقم كامل مش هيكع 20 باكو عند الصايغ، 
بايخ.. وجودنا ف البلد دي، 
عندكو نفس المشكلة ولا دي بس عندي، 
لا عارف أتقدم ف حياتي ولا حتي أتقدم لواحدة، 
دولة جاحدة كافرة بإن لينا الحق ف عيشة عدلة، 
طب أهج و أسيبها؟ و أتمرمط نفس المرمطة بره؟، 
عالأقل بره هلاقي المقابل المادي أعلي، 
فكرة حلوة حضر الشنطة معوش تأشيرة ظروفه صعبة، 
فالحل أصبح يدفع مبلغ و الهجرة تبقي ف مركب عايمة، 
و يا تبقي غدا للسمك، 
يا توصل هناك سليم و حكومة البلد ترحلك، 
و ترجع لنقطة الصفر بين قوسين أم الدنيا، 
و يفضل حلم السفر ييجي ف بالك كل ثانية، 
بس خلاص.. مانت معندكش الإمكانية، 
فبتستسلم للعيشة ف بلد أصلاً منتهية،
و إياك تصدق كدبة "قوم يا مصري عمر بلدك"،
الحاجة الوحيدة اللي هتتعمر ف البلد دي سلاح ف وشك،
لو إعترضت قولت كلمة حق قولت لأ،
هيسحلوك زي الكلب يدخلوك السجون زق،
زي الألاف اللي ف سنك و محبوسين ورا القضبان،
علشان لقوا نور ف عنيهم و بلدنا بتقطع الأنوار،
ماهو مش ده المطلوب منك أومال هم غيبوك ليه؟،
أيوه مغيب هو ده تعليم اللي إتعلمته ولا إيه،
متسبش سؤال فاضي إكتب حاجة تاخد درجة،
الرسم بيتضاف عالمجموع لكن الدين طالع بره،
عمرك شوفت طالب أجنبي بيدرس هنا ف بعثة؟،
ولا عمرك هتشوف لإنهم عارفين إن إحنا ف وكسة،
فهمت المغزي ولا لمؤاخذة دماغك لسه مقفولة؟،
العيب مش عليك ولا علي عقلك العيب علي اللي علقهولك،
أنت مقصر؟ لأه،
يبقي كده العيب ف الدولة،
يبقي ملعون أبوها دولة اللي تكون سبب فشل شبابها،
مبهاجمش نظام معين التراك ده مش مسيس،
أنا بحكي عني و عن اللي ف سني بس إنت أفهم مني كويس،
حكومتنا الناصحة لعبت لعبة حلوة،
"بصوا الشاب يوسف خريج و بيبيع فريسكا،
مش زيكو يا فشلة مقالش للشغل لأه،
كل يوم بطقم شيك فجاتله من أمريكا منحة"،
مع إن لو رجعنا بالتاريخ إسبوعين تلاتة،
هتلاقوا نفس الشاب ف برنامج صاحبة السعادة،
بس ساعتها مكانتش فريسكا كان بيبيع جندوفلي،
لو مكنش إتشهر بالفريسكا كانو هيشهروه بالدرة المشوي،
و كل الفيلم ده عشان يقنعوك إن إنت اللي غلط،
مفهاش حاجة تكون متعلم و تنزل تبيع قوطة ف قفص!،
حكومات فاشلة مهما إتغيرت الوشوش العكرة،
بحلم باليوم اللي أغور فيه من البلد دي بقي و أسيبها،
هي اللي رافضاني.. 
مش أنا اللي رافضها.. 
شوفوا الكوادر لو فاكريني شاب طايش،
هاتلي عالم مصري ظهر غير لما بقي بره عايش،
مش بس فقر إمكانيات لأ و فرق ف الإهتمام،
إن ده إنسان دوره يبدع و دور الدولة تزقه لقدام،
شوفوا الدول اللي بتتبني بشبابها،
دول عارفة إن دول أملها و بيهم بكره أحلي،
مش زينا أحنا بالعكس ده العجز محاوطنا،
هات شهادتك كده قطعها ده لو مكانش ف ضهرك واسطة،
سوق عربية خضار أو إشتغل علي توكتوك،
ده كلام رئيس الجمهورية و رئيس وزراء حكومته،
شايفين الدماغ؟ شايفين التفكير ف الحلول؟،
بذمتكم دي بلد تستاهل أحارب عشانها و أموت؟،
أنتمي لوطني إزاي و وطني مش شايفني حتي،
نقول تعليم نقول بطالة يجيبوا السبب فينا إحنا،
كلامي خلص و لو مصر بتسأل ليه كارهها،
كانت تزرع فيا البذرة قبل ما تسأل عن نتايجها.

Follow

The Nightmare | الكابوس - MT3

Title :Tecnik Omk I تكنيك أمك
Write By : El joker .. ( cover by 2ota ) 
Vocal : 2oTa 
Music : free beat
Master & Mix : Mo4kll 
Much Love & Respect For J A P

2ota

tecnik omk I تكنيك أمك

MT3 - هي دي الحياة

LYRICS: JAGUAR
VOCALS: JAGUAR
MUSIC: RAP INSTRUMENTALS URB
MASTER&MIX: JAGUAR
VIDEO: ESLAM SAYED

:الكلمات

أخرج من المحنة وإهزم كل شيء فكّر يؤذينا
عدّى وفرحنا وإحنا مسيبناهوش يتحكّم فينا
سيبك من الرحلة كنزنا في ايماننا باللي فوقينا
لو هيسامحنا عشان شاورنا لما آمنوا بينا
________________________________________
يا صديق الرحلة مين هيخاف على مستقبلنا غيرنا
من زمان ناتج المناقشة ما بيننا بنختار بيه مصيرنا
دلوقتي بتستنى تشوف اتجاهي وتمشي عكسه
خوفك من اختلافنا خطر أكبر من اختلافنا نفسه
اه بخاف.. عشان اختلافنا مش على شيء بسيط
وافقت نشك عشان نتطمن انت عايز دين جديد
مبقاش وصولنا للحقيقة مصلحتنا العُليا
بتستخدم ناتج تفكيرنا في التبرير لمُتع الدنيا
زمان شكَلنا المجتمع المُتفاهم في جسد واحد
بانتقاء الفكرة الأكثر فايدة من الفكر المُتزاحم
ده لحد ما انت بدأت تشوف أفكاري ضد مبادئك
ولكوني مش منتمي لشيء من اللحظة دي سبقتك
مبادئي دي زمان أنا وانت اللي اتفقنا عليها
وظلم الدنيا اللي واجهناه خلاك عايز تشك فيها
ولثقتي فيك.. فكرت بكل حيادية في أفكارك..
بس ده مش معناه إني أدفن حقيقة عشان أشوف انتصارك
________________________________________
لو مشيت عالصح.. ألف شيء هيشدَك تغلط
ومسار الصح مش هيهمه لو فكرت تهرب
لا قرارك هيروي صحراء.. ولا هيزيد محيطنا بحر
صدّقني بدوّر على سبب لكون الصح صح
مش محتاج برهان عالصح أقنع بيه اللي اعترض
الصح لو بالشك خنقته.. بيتنفّس زفير الغلط
بكرة تزهق.. بكرة تعقل.. بكرة تعرف إني فعلاً
كل همي كان حقيقتي وإنت كان إزاي هتعلى
________________________________________
بعِندك افترقنا.. فقدنا مُتعة الطريق
طول ما بتنقد كل حاجة عمرك ما هتثق في شيء
اسلوبك كان ليه طعم في البداية وكان مفيد
مع الوقت اعذرني واضح إنه مرض مُتحكّم فيك
بافتراض حتى إنه مرض صدّقني أهون كتير من مرضك
انت بتؤمن بالأساطير.. عشان الأساطير بتحقّق غرضك
انت بتؤمن بالقاعدة لحين لحظة تعارض فيها رأيك
.. قاعدة كل شيء ليه أصل، ليه متقفش عندك؟!
إحنا بندرس الحقايق منها بنستخرج قانون
فالقانون ده مش دايمًا بيحكم كل شيء في الكون
فيه حاجات فوق مستوى الإدراك وخارج نطاق حقايقنا
كون إلهنا آخر الأصل شيء ملهوش دليل في طريقنا
خليك مُقتنع.. وإفضل إرض بأنصاف الأدلة
ومتغيّرش مسارك.. ولا تشك في خطوة مهما أدلّك
محتاجك تشكّل دايمًا.. في نقاشنا الإجابة التانية
ومن ناتج آراءنا نحدّد الحقيقي من المزيّف
________________________________________
مش محتاج برهان عالصح أقنع بيه اللي اعترض
الصح لو بالشك خنقته.. بيتنفّس زفير الغلط
بكرة تزهق.. بكرة تعقل.. بكرة تعرف إني فعلاً
كل همي كان حقيقتي وإنت كان إزاي هتعلى
لو مشيت عالصح.. ألف شيء هيشدَك تغلط
ومسار الصح مش هيهمه لو فكرت تهرب
لا قرارك هيروي صحراء.. ولا هيزيد محيطنا بحر
صدّقني بدوّر على سبب لكون الصح صح
________________________________________
الحياة أعقد من إنك تعرف كل معنى ليها
والحياة متكوّنتش عشان أمثالى يتوهوا فيها!
إرض بقَدَرَك .. إعرف قَدْرَك.. يمكن يقوى بَصَرَك
اجتهادي لصالحك بيمثّل غِشاوة في وِجهة نَظَرَك؟!
اجتهادنا كان ايه هدفه؟ متقولّيش العلم وشغفه
ضفت سؤال بدأ طريقنا، ايه قيمة الشيء اللي انت ضايفه؟
استخدمت مبادئي في كشف حقيقة اختيار مُزَيّن
واجتهادنا عشان نوصل للواحد، مش واحد مُعَيّن

Thanks for listening..

The air we breathe

Alamet estefham III علامة استفهام

3lamet Estefham III علامة استفهام

Written & performed by MT3.
Produced by RaKan.

 الكلمات:

من ع القهوة للمطار أيوة بظبط مسافر،
بالعافية عرفت أهاجر.. سجدة للرب أنا شاكر،
و بدعي يكون الأسوء عدى الأحسن داخل،
شايل شنطي على ضهري.. فهمومي بتتاخر،

دمعتين ع الخد تنزل ف حضن أمي هتوحشيني،
و نظرة أخيرة على بلد مش هزعل طلعت ميتيني،
ملعون اللي ممشيني سايب أهلي سنيني،
سايب رسالة لحبيبتي بترجاها "إستنيني"،

ملقتش فرصة ف مرة فرج من الله لقيتها بره،
شكلتي تفاصيل ملامحي قعدتي بره مش هتغيرها،
مش حباً فيكي أبداً كارهك من وقت الثورة،
أرواح كتير شموع تنور و إنتي حالفة تعيشي ف ضلمة،

حكومتنا الناصحة.. لعبت لعبة حلوة،
بس المرة دي كات أحلى من لعبة يوسف بتاع الفريسكا،
جابو شاب ف مؤتمر قال للرئيس منتخبتكش،
بعدها بفترة على نفس القهوة سوا صدفة بيشوفوا الماتش،

بس.. تغور السياسة الحاج قاطعني إبعد عنها،
دلوقتي بتكون نفسك تولع البلد مالكش دعوة،
خليك ف حالك عيش إتجوز ربي عيالك،
كده هخون أخويا بس حاضر هسمع كلامك،

ماشي.. تذكرتي ف إيدي و ماشي،
بيجري ف وريدي كاشي،
مش هعمل زي أخويا ف بحر الغربة راح مجاشي،
لأ هرجع تاني بس أأمن المستقبل،
الناس هيقولو مغفل م الكفار مختار جهنم،

فاكرين إني هكون راجع حباً ليها،
بس ناسيين إني مش ناسي ناسي اللي فيها،
الناس دي شاربة كاس كاسي عنيهم عاميها،
سهل عليك جداً تقنعهم إن كل الشباب عميلة،

فهات ذخيرة إتسلح بيها كع فيها و دب فينا،
دب علينا و قطة برة فشل يأمن أي كنيسة،
ولسه.. بيعرب عن قلقه،
بان كي مون ف نفسه،
ده حتى البنكنوت ف بلده،
في شبان تموت لأجله،
و في اللي فرصهم أحسن حبة من قاصرها يهجو يسافرو،

أسف يا والدي وعدي كان محكيش ف سياسة بلدي،
بس غصب عني عندي كلام يتكتم أنفجر دلوقتي،
فسيبني براحتي أشكي على ما ييجي معاد طيارتي،
إعتبرني بهري خدني على قد عقلي.. مرضي؟،

راتبك الشهري.. هل قد تعبك؟ لأ،
لو على كتفك نسر في فرق،
أو لو قاضي و بتحكم بالحق،
ماما اللي إختارت موظف ف بنك،
بهزر معاك أنا أسف يا حج،
نرجع للجد.. هل إقتنعت دلوقت؟

يمكن كان بالإمكان يكون لينا فيها مكان،
و إحكي لإبني "كان يا ما كان سبب قومة المكان ميدان"،
بس حصل عكس المنتظر بعد ما الدم سال سلسال،
موجود الظلم لا يزال فا ياريت اللي جري ما كان،

فمتطلبش.. مني أحب كيان ناكر حقوقي،
القاتل متمسكش الممسوك ناشط حقوقي،
الحق ميزعلش للأسف عمرك ما تفوقي،
حالتك راكدة زي نيلك معدش بيجري ف عروقي،

ميعاد هروبي أسف جداً خد بالك من نفسك إنت،
أنا حتى محققتش حلمي مش روبي على بسكليتة،
أنا مبكسل حتة.. عامل نفسي مش شايفها،
و هي إزاي هعيش و مفيش حيطة الأهل تسندنا،

بس.. مسيرنا نتعود قدرنا و نصيبنا،
ف بلاد تانية نروح و نتمسّك بلدنا بتسيبنا،
رغم الغربة و القهرة و الدمعة اللي مش هنّزلها،
لسه بلدنا الجميلة أهاليها برضو شايفنّا،

مجرد شباب كسلى.. مأنتخين ع الكنبة،
زي كده إعلان فاشل لبنك شايل إسم الدولة،
فرخصونا و غلو السلعة باعوا الأرض عادي بحجة،
"محدش فيكو كان عارفها" لا حقك تبيعها،
ماشي

فهمتو؟ ليه كارهينها نسبياً،
ليه بنسعى للغربة الفكرة مش بس مادياً،
بس ع الأقل تعيش ف دولة بتعاملك بأدمية،
"البيادة هي سبب الكبوة" تحتقرك حتى فكرياً،

إدن ف مالطة.. مفيش ودان سامعة،
و الناس دي جاهلة عاملة فاهمة عيونها صاحية عقولها نايمة،
فعادي قشطة قلت أخدها من قاصرها،
لإن مفيش خير ف بلد الكاكي بيحدد مصيرها،

ف أول كام شهر عرفت إن إتكتب كتابها،
مقدرتش تستنى بتمنى ربنا يوفقها،
عادي.. بس المصائب لا تأتي فرادا،
راحو الأهل فمبقاش في سبب لرجوعي إطلاقاً،

و سنين تمر.. ربنا كرمني و إتجوزت،
و ف مرة قاعد مع نفسي سرحت ف أيام ما كنت،
فجأة فوقت.. لما بنتي جت هزتني،
ركزت شوية.. بصيت لقيتني،

قاعد ع القهوة.. خريج جامعة،
16 سنة تعليم و مستقبلي مبهم،
معنديش أدنى فكرة إيه اللي ممكن يحصل بكره،
بشهادتي أياً كان تقديري أخري أشتغل ف كول سنتر..

MT3 - ما قبل الكابوس (Prod. RaKan)

We love the Egyptian RAP & HIPHOP and should support the Rappers <3

The Nightmare | الكابوس - MT3

Egyptian Rap ✪

Recent comments

ahmed

Mohamed Elsayed

احمد مرضى

Mohand Ahmed

Related tracks