عماد طارق

جـــدتـــــــــــــــــي

يا ساكنة في تفكيري
يا راحلة دون رحيلِ

جدتي - عماد طارق

عــلـمـيـنــــــــــــي



علميني ..

حرف حرف .. و م البداية ..
ياللي مكنتيش البداية ..
وجودك ده لابد آية ..
بـ ايدك ..
تبقيلي .. بداية ..
تبتيديني ..
..

عـلـِّــمـيني-عماد طارق

تعـــالى نحـــــــارب


تعالى نحارب ،، ومن غير سلاح
دروعنا .. صدورنا ،
سيوفنا .. الكفاح
كفاحنا هتافنا .. برغم الجراح
ورغم ان صوتنا .. عديم الذخيرة ..
عمايله كتيره
فـ وش البجاح
يثبت وقوفنا فـ وش الرصاص
ويطبع في جوفنا .. بشاير الخلاص
وفك السراح
يزلزل عروش الطغاة البغاة ،
ويعلا صداه ،،
ويخلق جناح ..
يطير فـ العلالي
برغم الليالي ،، ورغم انوفهم ..
يجيب الصباح
ويشفي غليل الدم اللي ساح

تعالى نحارب .. بدين ،،
وبـ عقيدة
شريعة جديدة
تقول الوطن .. للي فداه
وقمح الوطن ..
للي رواه ..
بدمه ، وهمه ، وعرقه ،،
وشقاه
مش للي ماسك ف ايده السلاح
مش للفتوة ،، وصاحب الجاه
مش اللي يسرق قوت الضعيف ..
يصبح هو صاحب الرغيف  ،،
يمنح ، ويمنع .. زي هواه
مش اللي يسفك دم المسيح ،
ويبني الضريح
يؤم الصلاة
مش اللي يكتم صوت الهتاف
بصوت المدافع ، والارتجاف
يبقى نأمِّن خلف دعاه
وكل اللي يفتح علينا المدينة ..
نوافق ونرضى بأن يعتلينا
ونبقى معاه
ونعلن في طاعته .. جهاد النكاح

تعالى نحارب .. بشرع الجموع
نسمِّـي المواني
اسامي اغاني
تواسي القلوع
تبشـَّـر بـ بكرة
ومية الف فكرة
وشمس ،، وطلوع
تلملم جدايل ليلنا الحزين
تجرِّي جداول شوقنا السجين
ولو سيل دموع
ونرسم جراحنا .. مراسم فرحنا
فتصبح ربوع
نعلـِّـم كل اللي جاي ، واللي فات
معاني الثبات ،،
ورفض الخضوع
نشكل اعظم ملاحم صمود
واني ما هقبل لصنمك سجود
مهما اجوع
عمري ما هحيا سليب الارادة
لا احنا عبيد ،،
ولا هم سادة
فوق الضلوع
يا حرية ...
عشنا ،، ومتنا .. فداها
بكرة هيعلا صوتها وصداها
وبعد المغيب ..
مصيرها .. الــرجوع
وكل الليالي .. مصيرها الصباح

************

تعالى نحارب_عماد طارق

مـوجـوعـــــــــة

موجوعة كتير اوي بـ سببك
اللي نشرت عمرها .. فوق شبابيك عنيك
ضلة
اللي فرشت ضلها .. طريق فرحة عليك هالّـة
اللي خلت حضنها
ترياق يشفيك من العلة
اللي جعلت قلبها
وطن فيه بتتدلّى
لما تتملي غربة ،، واما يتقطع نسبك
موجوعة كتير اوي بـ سببك

موجوعة_عماد طارق

مش هتفرق - عماد طارق
.
موسيقى فيلم خلي بالك من عقلك - عمر خيرت - توزيع جديد

أنا لك يا من ملك - عماد طارق

Emad Tarek