ممدوح عزام. 🌱

أحد المقاطع الرقيقة من الرواية المرافقة لإلي حاليا: "جهات الجنوب" لممدوح عزام. ❤

الرواية مليانة رقة ولسا في مقاطع حابة كثير إني وثقهم بصوتي على حسابي عالساوند كلاود كذكرى ومشان ما أنسى هي المقاطع يلي ملّت قلبي رقة وحلاوة. 🌱


شاي وحب وأُنس | جهات الجنوب | ممدوح عزام 🌱

كنت قاعدة لوحدة من شوي وعم بسمع أغاني وفجأة إجت أغنية "يا طيور" تبع أسمهان وعلى طول اشتهيت وفتحت نفسي على إني أرجع أقرأ بجهات الجنوب وآخد لفة بين المقاطع يلي مخططة عليهم..

جبت الكتاب من المكتبة وأول ما فتحته إجت عيني عالمقطع يلي بالتسجيل، وللصدفة هاد المقطع هو ثاني مشهد بعد يلي سجلته المرة الماضية، ففيكم تحكوا إنو الحلقة الثانية من المسلسل >▪︎< ♡

*عالهامش: ضفت هالمرة خلال التسجيل وبنهايته كوبليهات من أغاني سمعتهم بالسهرية اليوم وحسيتهم كثير لابقين للمشهد يلي سجلته، فبتمنى تحبوهم  ويزيدوا من لذة المشهد وحلاوته مثل ما عملوا معي. ❤

**الأغاني يلي استخدمتهم بالترتيب:
١.حبيتك وبحبك ل ملحم بركات
٢.كوفر لمقطع من أغنية تراتيل الغرام تبع صباح فخري
٣.يا طيور ل أسمهان

طحين وشبَق ▪︎ جهات الجنوب ▪︎ ممدوح عزام

مقطع لمسني جدا. رغم كل شيء محكي وكل الوجع فيه، إلا إنو جميل. مين حكى إنو الجمال مابيكون متواجد لما يكون في وجع وألم؟ مرات بحس إنو بهيك لحظات بيزداد وبيتضاعف لأنو بيكون حقيقي أكثر. ❤️

بَوْح | لا تخبر الحصان | ممدوح عزام

شو كانت قراءة هالكتاب صعبة وثقيلة على قلبي، وأصعب منها كان لما انتهيت من قراءته والفترة يلي بعد آخر صفحة ولحد اللحظة يلي قررت فيها أنتقي أبرز المقاطع يلي لفتتني وأخدتني، وأسجلهم، كمحاولة لتخفيف الثقل يلي انحط على صدري، وهي أول تسجيل.. 🌿

الكلمات | أرض الكلام | ممدوح عزام 🌿

بحب محاولات الإنسان ورغبته لحماية يلي بحبهم وإلتجاؤه لإنه يهبهم ولو سويعات من الطمأنينة والفرح وإن كانت هالسويعات وهم وزيف أو لون شاذ وسط اللوحة العامة لحياة مرعبة، مشتتة، ومخيفة. لكن مجرد الرغبة والمحاولة، حتى لو انتهت للفشل أو ما بدأت أصلا، هي بحد ذاتها شيء نبيل ويُحترم.
 وكل حدا فينا بيستحق يتواجد هالحدا بحياته، يكونله هالحدا يلي بيحاول يهديه ويخترعله هالسويعات ويكونله هالقمر الصافي وسط الليل الحالك. لهيك لازم نقدّر أكثر هالناس ونقدّر محاولاتهم ونستشعر قديشهم -إن وُجِدوا- هم هدية كثير وجودها مهم وبيفرق. 

سُويعات فرح | قصر المطر | ممدوح عزام 🍂

"والأسطر التي اخترت أن أقطفها أصبحت تنتمي إليّ وشعرت أنني يجب أن أنقلها. ألم تكن بكل جزء صغير منها هامة في حياتي كأهمية لقاءات المصادفة، والأزمات، والأحداث التي وُصِفت على أنها تخصّني؟"

-هنري ميللر | الكتب في حياتي 🌱



شاي وحب وأُنس | جهات الجنوب | ممدوح عزام 🌱

eman alshamali