عااااااش فشخ ي نينجااااااا

I've been waiting for it for a long time,Chapeau🎩❤

انا مشفتش اجمل من التراك داه بجد احسن رابر😍❤

ممكن الوتس بتاعك علشان مش عارف احمل الاغاني وعاوزه علي الفون هو كان معايا بس اتمسح

Written by: Ninja
Music: ( Free Beat )
Vocals: Ninja
Master and mix by: Ninja
© 2015 Ninja
www.facebook.com/eninjamusic
Much Love & Respect <3

حب الحب و عشق ذنبها و قابلها بحضن
مبين حاجه حلوه و جواه الف حاجه تخض
دقات القلب فـ قربها أجراس كنائس الناصره
هحب مين قدها و حبها هيا مكنش فتره

و بعدت هيا بعد مـ قالت بيا ليه مبتحسش
اتمنى تكون سعيد من بعدى يابن قلبى و افرش
مـ الهموم اميال أصرخ باعلى صوت فـ الكل
اتكلم اياك تكتم كتم الهموم مش حلو

اتكلم طب و اقول ايه أرثيكى عشان سيبتينى
احتجت حضنك عشان اتطمن بس انتى احتجتينى
دا حتى كسره قلبى و انتى معايا ليها طعم تانى 
بحاول اكونلك نفسى ليه بس انتى مش فهمانى

يا قلب داق مرار م الحب و انت مش من العاشقين 
سموك يتيم و ابوك و امك لسه عايشين
دقق فـ النظر لو كان دا فيلم فـ انا مش بطل
المشهد اللى اتحذف صوت الدبله و سط المطر

محبوس جوا السرداب منتيش جنيه و انا مش مارد
سيف مسرور قتل ألوف و قدام واحده سيفه بارد
الفرق بينا اتحسب ! نبض قلبى فرق 
بكبت جوايا الوجع لاجل ما اجسده فوق الورق

حكاوى الليل مـ بتدوى أشكيلى يا قمر و احكى
النور خفت حوالينا لما كنتى جوا حضنى
فـ تبكى و تبكى و هم فوق الهم يزيد
و تقول ياريتنى كان زمانى مبقتش بعيد

طب اعاتب قلمى و لا اعاتبهم و اشرحلهم
أعاتب قلمى أولى مـ هو دايمآ يكتبهلم
يا دايره دورى بينا انا مش قبطان سفينه
انا السر الاخير لـ كشف غموض 2000 مدينه

اللحن عباره عن قرش عايم جوا محيط احباط
حبنا كان وادى السند ولا مـ بقى من انقاض
ولا كان هروب أميره ولا كان غرق جزيره
ولا كان مين اللى باع ولا كان حكاوى كتيره

انا عوزتك ليا أم تكونى فـ عز البرد حضن
و قت مـ تحتاجينى جمبك احتويكى وفيكى أضم
لكنك كنتى معايا و معاه هو فـ نفس الوقت
مع انك حبتينى بس كنتى فـ خانه الفقد

صورتك قدامى لسه بعاتبها و بكتبلها
مش عاوز اتكلم بزياده كل الكلام انتهى
دانتى بنتى و انا لسه ابوكى زى زمان
بضهر نفس القلم مسحت شئ كان ليا كيان

هدينى بكلمه و خدى منى حنان وبلاش تسكتى
سكوتك بيموتى غصب عنك او تقصدى
وانتى قابله بكده طبعآ مـ انا عودتك عـ الكره
مبين أيدك كان سجن شخص فـ يوم كان عايش حر

لفت دلوقتى الدايره و بقيت انا السجان
ركوعك تحت رجلى مش هيرجعنى زى زمان
زرعتى فيا ضعف زرعت فيكى قوه
حصدتى بعدى الجمر حصدت بعدك نقطه فـ سطر


Daira | دايره

المعجزه جزء 3 | The Miracle PIII
Kaiser RC | قيصر

for more Like me On Facebook:
www.facebook.com/Kaiser.Rap

Recorded By RC Family Records (Like'em On Facebook):
www.facebook.com/RCFAMRAP

Special Thanks For:
Bassam Snoop, Ahmed Kamel and George Kamal

الكلمات :
نفخ في ادم من روحه، علم ادم من علمه/
نطق ادم بقدرته وخلق نسله من صلبه/
ارسل رسل نزل كتب وقال الانسان في كبد/
وكان الدليل في ٤ من سورة الليل و٤ من سورة البلد/

في احسن صوره شكله، اداه العقل يميزه/
نتأمل، نتفكر في خلقه ننام، نقوم نحمده/
سخرله ما في الارض والسما سبحان رب العباد/
اداه لسان شفتين عنين تشوف ٣ ابعاد/

زحف الانسان ورا المجهول منذ بداية الخليقه/
وكل ما يوصل عايز اكتر يتحدي الطبيعه/
كل ما يتعلم يكتشف يزيد علمه بقدرة الله/
ولذلك يخشي الله اكتر عباده العلماء/

بحث البشر عن الاله شرق العالم وغربه/
ايقانه بوجود قوه اعظم تدير الكون وشأنه/
منهم عبد الاصنام، عبد الشمس، البقر/
منهم اقر وجوده والعياذ بالله كفر/

وعشان مايكنش علي الله حجه ارسل رسل وانبياء/
افتح المصحف ١٦٥ سورة النساء/
وعشان تتيسر الرساله آيدهم بالمعجزه/
خرقاً للعاده حكمة ربنا تأييد بقدره بالغه/

آييد محمد بالقران، سخر الجن لسليمان/
امر نبيه نوح بسفينه تعصم عباده من الطوفان/
لان الحديد لداوود، خرج يونس من بطن الحوت/
آييد موسي بعصى، عيسي بيبرئ يحيي من الموت/

واخر كل المعجزات تتجلي قدرة الرحمن/
ختام المعجزات بكتاب عظيم زي القران/
ارشاداً للعباد موعظه من قوم عصت فا أباد/
ويبان اعجازه اكتر طول ما في بحث واجتهاد/

ولحد الان بيبان اعجاز القران الكريم/
اعجاز وصل لايد اجيال واجيال رغم الاف السنين/
ولانه ختام المعجزات سبحان ربك حكيم/
يكون اعجاز كل الامم تشهد عليه ليوم الدين/

معجزة موسي ماكنش كتابه ولا كان عيسي كتابه/
معجزة موسي في عصي يشق البحر يمينه وشماله/
يمر ومين معاه لبر نجاه يغرق فرعون وراه/
تخرج جثته من البحر سليمه ليومنا عبره لمين تلاه/

٩٢ سورة يونس بتنبه لنجاة فرعون ببدنه/
وانه هيصبح عبره للجاي من بعده/
يكتشف العلماء عن قريب ملح البحر ع الجثمان/
٥ اسفر توراه ماحكيتش القصه زي ما في القران/

وسألو العذراء ازي نكلم مين في المهد صبي/
فرد عيسي الصبي في مهده انا عبد الله النبي/
آتاني كتابه وصاني بالصلاه والزكاه ومش شقي/
والسوره بتحكي باسم مريم في القران تكريم من وفي/

ونشأ عيسي وسط بيئه الطب اتطور فيها/
وقدر باذن ربه يشفي حالات الطب عجز يشفيها/
ايده ربنا يبرئ يحيي من الموت كانت المعجزه/
تحدي مين برع في الطب يقدر يعمل كده!/

قال اليهود ان النصاري مش علي شئ/
رد النصاري علي اليهود نفس الرد الشئ بالشئ/
رد القران عليهم اسلامنا ايمان بالكتب والمرسلين/
بالظبط في سورة البقره ايه ٢٨٥/

موسي نبي وعيسي نبي وكلٍ ليه رسالته/
لكن اعجازهم شافه بعينه بس اللي عاشه في وقته/
وهنا بتبان؛ حكمة رب العالمين/
ان القران اخر معجزه قايمه نشوفها ليوم الدين/

مابين ولادة عيسي بدون الزوج وبرضه ما بتأمنوش/
مابين تحدي هاتوا كتاب بمثله وماعرفتوش/
تحدي لأهل الشعر، يبان فصاحه في عجز الفعل/
مابين موسي بيرمي العصا اول من يسجد اهل السحر/


V2. المعجزه جزء 3 | The Miracle PIII - Kaiser RC | قيصر (Bounced Edition)

Written by: Ninja
Music: ( Free Beat )
Vocals: Ninja
Design By / Adham Bedoo
Rec On El Imortal Studio
Master and mix by: Ninja
© 2016 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

------------------------------
Verse 1
داق من كل حاجه هم غرق السجاده
البكى ملوش اعاده مشوفتش منهم اى سعاده
قلب بمال بسؤال محتاج أهتمام من الاحباب
كلهم بألف وش تلقى منهم ياما أنواع

اللى قدامك حبيبك ولاجل مصلحه هو ضهرك
واما حد فيوم يعيبك تلقاه هو اول ضربه
و اللى رابطه بيك حريم طلاما حواليك بنات يلزقلك
و من خيبتك فـ وقت حاجتك كنت مستنيه يندهلك

و اللى عايز شهره بس ربه رؤوف بحاله
مـ هو دا اللى قالوا عليه لاجل مراته باع عياله
و اللى ماسك سكينه تلمه و بيغرزها فـ ضهرك
دا اللى قدامك يقول عليك اخوه و تقول دا صاحبك

و اللى كانلك يوم كـ أبن .. خوفت عليه كانه انت
حوه خلته يعملك أستبن .. لو سابته فـ السكه
و اللى من قبلك كانت حياته عباره عن وحده
علمته معنى ان يكون فى ناس حواليه - و سابك انت -

Chourse
ألف وش ووش .. تزعل يقولوا معلش بتقل
دا الاهتمام لو كان فلوس يبقوا دول دارسينه بخل
شيل النقط و حط لو مكانها يمكن تفرق
- شيل النقط و حط لو مكانها يمكن تفرق -
مش هتفرق اى حاجه هتبقى النوته ناقصها لحن
لما تخلص مصلحتهم هيبعوك فـ اقرب وقت
افهم  الحب وهم الاهل وهم صاحبك وهم
كيوبد من اللى شافه استخسر حتى فيك السهم

Verse 2
كلنا بنافق بعض .. كلنا نواقص كامله
كلنا صحاب مصلحه كلنا ضاميرنا عاميه
انت تنافقه عشان مصلحتك هو يعمل عكس نصايحك
انت تقوله فاهمين بعض و يقولك اكيد دانا صاحبك

و اللى زمان لو حد شافكوا سوا يقول أخوات
دلوقتى لو اتسألت عليه ردك هيكون ايه غير سكات
و اللى فـ عينه تحلى حبيبتك فـ يجتهد لاجل مـ تبعدوا
ولو مقدرش يوصل يجى يقول قالت حبته

و اللى من زمان جمبك و بيته جمب بيتك
بقت تجمعكوا واحده و تفرق مـ  بينكوا حيطه
و اللى قلت عليها لما الكل سابك هيا سندك فينها
دلوقتى بتلعن غيبتها متستاهلش تجيب سيرتها

و اللى كان ضهره فـ ضهرك و اللى فرق بينكوا موت
و اللى باعك بعد مـ  كان بيغرق و كنتله انت الطوق
وانت بتنافق نفسك حتى عشان تثبتلك
انك الضحيه .. سمكه زينه فـ وسط بركه

Eslam Ninja illusion | اسلام نينجا وهم

Written by: Ninja
Music: ( Free Beat )
Vocals: Ninja
Design By / George Kamal
Rec On Ninja Home Studio
Master and mix by: Ninja
© 2016 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

------------------------------

بمحى كل شئ مالورقه قمحى لون خدك الوردى
لسه بين كشكولك ورده جبتهالك وانت جمبى
نجمه بين ثنايا السما متكشفهاش عين الكفار
دين العشق والانتظار كنتى حمامه و كنت الغار
"فـ الاول"
قربنا بسرعه .. حضننا مبقاش يسعنا
الهم شكل نفسه بنا مهما كلنا منه جُعنا
بدخل فكل حاجه و ببقى عارف النهايات
بلقى نفسى بالساعات بتآمل صورك من سُكات

بضحك فـ تضحكى آنتى و انسى كل شئ بيضايق
بعتبرك انك بنتى بعدى و عمرى مـ بنام شايل
بشوفك فـ كل حاجه و كل حد مبتشوفنيش
غيبى عن كل الناس بس عنى متغابيش

بحكى عـ اللى كان كآنى عشته زى مـ اتكتبلى
بخاف مـ الضلمه لما بلقى ضلى مبقاش جمبى
مش بخبى ان العيب عليا زيى زيك
انا شايفك .. مهما عجزت ملامحك عارفك

Chourse
جمعنا شبه قبل مـ يجمعنا حب و عشره
قالوا عليكى بكره قلت انا عليكى ذكرى
مصدقوش قلتلهم لما تعيشوا قدى هيبقى اسهل
بحتاج احس بقلبى قبل مـ اشوف و اسمع
بدرسك و المنهج صعب بنهج فوق صدرك بضعف
بنهر كل حاجه و كل حد مقالش يديمكوا لبعض
الصوره بينا كبيره ميسعهاش برواز
همزه و من أول السطر قلبى بيته من آزاز

Eslam Ninja Hamza | اسلام نينجا همزه

" اتمنى تعذرونى على غيابى اللى بيطول بس بآذن الله دى آخر مره "
" غمضوا عيونكم و اسمعوا "
" وصلووه لـ غيركم يمكن دعمكم يرجع يدينى آمل "
شكرآ
Written by: Ninja
Music: ( Free Beat )
Vocals: Ninja & Romyo
Design By / Mark Stal
Master and mix by: Ninja
© 2017 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3

الـكـلـمـات
Intro
يا بيت اصبح حطاام
من بعد مـ كان عماار
يا طير يشبه غراب
لكن جناحه ضعيف
انا قلبى عليكى مال
بيطلب السؤال
كان بصره معاكى انتى
و بعدك اصبح كفييف
Verse 1
مر وقت زاد بُعاد .. حالة فقد طول مسافات
سكه سد اولها حب .. سكه سد آخرها فراق
قلب داب مـ الاشتياق نتيجه انه بس شاف
فعينك انتى احلى حياه كنتى فعلآ احلى حياه

كنتى طريقه لما تاه كنتى نوره وسط عتمه
من كتر حبه فضلك عن حور الجنه
و انتى رفضتى قربى حتى احتاجتك ياما كنتى حاسه !
اول مره نتلاقى اتلاقت قلوبنا اكيد مش ناسيه ...

بس الطيور بتهاجر و تعود لديارها
احلامنا هى هى .. انا وانتى اللى اتغيرنا
واتبدلنا بـ اتنين غيرنا و اللى محتاجينه فينا
معرفناش نكون مع بعض فـ اتاخدنا بذنب ماضينا

و انا مش هنسى اول بحبك طلعت منى وردك كان
انا اسفه مش هحب كفايه عليا وجع زمان :)
فـ ابتسمت و قلت بهزر بس كان فـ عيونى شوق
طفل عاصى فـ حضن امه و هو خلاص فـ حضن الموت
Chourse
يا بيت اصبح حطاام
من بعد مـ كان عماار
يا طير يشبه غراب
لكن جناحه ضعيف
انا قلبى عليكى مال
بيطلب السؤال
كان بصره معاكى انتى
و بعدك اصبح كفييف
Verse 2
طفل اول مره يفتح .. طفل اول مره يلمس ايد
كأنك امه فعلأ .. كان الفرح معاكى بيزيد
قلتى صحاب و كان بيسأل .. كنتى تغيبى و هو يقلق
و اما اتسيبتى و رجعتيله فضل بكل برائه يسمع

و يغنيلك تسمعيه .. يقرب خطوه ترجعيه
 عنيه كانت فضحاه قدامك و انتى بتتناسيه
و اما يروح يفضل يبكى للقمر و يقول موال
و الله لو كان الصبر جبل كان داب مـ الاشتياق

كلام كتير اتقال كنا شبه بعض بغباء
كان الفرح متوقف على اسمك انتى من دون الاسماء
فـ اقوله و اصبر نفسه بيه .. اصمم ابقى ليه
و فـ تانى مره اقولها قولتى " الحب كدبه مفيش عشاق "

و اخترتى البُعد عنى عشان مكنش ينفع قرب
كداب انا لما قلت من بعدها هستحمل بُعد
مـ انا بيت اصبح حُطاام .. و طير يشبه غراب
و اما قلبى عليكى مال .. اكتشفت .. جناحى ضعيف
Outro
يا بيت اصبح حطاام
من بعد مـ كان عماار
يا طير يشبه غراب
لكن جناحه ضعيف
انا قلبى عليكى مال
بيطلب السؤال
كان بصره معاكى انتى
و بعدك اصبح كفييف

أتمنى يكون وصلكم كلامى
شكرآ
#نينجا

Eslam Ninja Ft Romyo Home | اسلام نينجا و روميو بيت

New Track
Eslam Ninja Absent | اسلام نينجا غايب
Written by: Ninja
Music: ( Free Beat )
Vocals: Ninja 
Design By / mohsen Tako
Rec On Ninja Home Studio
Master and mix by: Ninja
© 2018 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

الـ ـكـ ـلـ ـمـ ـا تـ

غايب و اللى خلى قربى شبه سكون محلك
لف دايره يمكن تلقى حد فيهم يفهم قلبك
اللى شبهك يعرف يرسم زيك وجعه او يكتبلك
دور فـ السما كويس يمكن تلقى غراب يشبهلك

مش هتلاقى و لو لقيت هيبقى فيه من طبع آنس
دا الجماد من دمعك باش و القريب مبقاش يحس
مين بيجس نبض فقير محتاج لحضنك تحت المطر
مفيش من رحيتك حاجه هتكملى ضلع اتكسر

مش بغنى بس بحكى كلام و مستنينى اسمع
مهما كان فراقنا زمان مسافات استنينى هرجع
امحى كل ذكرى كانت .. مش هتفرق امتى سابت
كانت احلى لما نامت .. جوا حضنك وانت ساكت

بتفتكر ايامكم تضحك عـ اللى راح و نسيك
فـ مهما كانوا كتير حواليك خليك يا قلبى وحيد
خليك بعيد و اياك .. تحن فـ يوم و تعود
عطشان منك يا آرض بور غصونى بتموت

بجمل اللى فاضل بتمسك فـ قشه و بغرق
مهما كان حبك فيه ثوره هيفضل برضه سجنها آخرك
رعشه الايدين و الضحكه و السلام بعنين و حضن
دمعه الفراق و الدبله وايه اللى باقى ؟ شويه حب !

كنتى انعزال مؤقت لما كان غيابنا قرب
كنتلك حبيب و آكتر قلتلك بلاش الحزن
كنت طفلك لما كنتى آم من سراب و ضعت
كل ذكرى بينا سايبه بصمه بكل مره بعت

الفراق كلام .. الفرق فعلآ كان معامله
وريتك عيوبى الاول و مشوفتش حقيقتك كامله
بس آستنى .. بلاش تغيبى .. لسانى بضحك
نحتلك تمثالى حى .. بيتنفس يا متحف

آشرحى اللى فاضل و امشى بس متسبينش كالوس
علمتينى آغرق عـ الشط علمتينى آخاف اغوص
كنت بضحك لما يقولوا حبيبتك فين و اقول سابتنى
بتبان فـ ضحكتى كسره نفسى وارجع اقول يا ريتنى

يوم لقانا الزمن يقف بس ميجمعناش مكانا
ليه بنتمسك كل مره فـ اللى فـ آقرب فرصه باعنا
بس متخافيش انا اتعلمت منى اعيش و اكمل
لما يسآلوكى فين قوليلهم .. منفعناش مـ الاول

#غايب
#نينجاا
#شكراً

Eslam Ninja Absent | اسلام نينجا غايب

isco _ Maestro 3 _ 3 اسكو _ مايسترو.mp3

New Track
Eslam Ninja S | اسلام نينجا س
Written by: Ninja
Music: ( Mohamed Mahmoud )
Vocals: Ninja 
Design By / Abdelwahab Foaad
Rec On Abn EL-motanby Home Studio
Master and mix by: Ninja
© 2018 Ninja
" Hamza Part 2 "
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

ارسم واهي لوحه باهته زي غيرها
بتدخل كل قصه برغم كونك عارف اخرها
و ايه الجديد مـ ياما مسكت فـ اللى راميك
بتفكر فكل الناس و سايب اللي فكر فيك
مكانتش دى النهايه السيناريو اتعدل
لو كان بآيدي كنت اغير الاحداث مـ الاول
حبيتك و دوبت فيكي و كنت مصدق اللي اتقال
ياما غنيت اغاني مسمعتهاش الناس ...
غراب و طاير و السما ملاذ للعاشقين
الليل شبع كلام الليل جعان حنين الليل تعب بكي و آنين الليل لهمومنا كان بيشيل
 الليل غطانا بين ضلوعه لما كنا فحضن النيل
حلمت معاكي بكل شئ و محلمتش ببيت !
لو كنتي فعلا نور مكنتش اتعميت
مكنش هيبقي في ضحكه فيك مكنتش هلعن الظروف
لساك يا قلبي فـ تاني حرف مـ الحروف

Verse 2
كان نفسي تكوني مرسي زمن مشافش نوح
كان مخافش افرح و افكر امتي تروح
واما سابني اللي كنت سنده و ضهره لوحدي متكسرتش
صامد .. فـ ساد الصمت و مفكرتش
خديني بعيد يا موجه و ارميني فـ برمودا
يمكن دا هيشيل شويه هموم من فوق حيطان الاوضه
يمكن اغرق و الاقي نفسي بين الناس اللي يفهموني
الناس اللي تفهم يعني ايه تسهر عيوني
معني كل كلمه اتقالت و ان اللي بينا مكانش وهم
الونس كان شئ مؤقت لما كل شئ كان سهل
شبهتك بكل حاجه و عمرك يوم مـ كنتي شبهي
كان نفسي تفضلي جمبي يا بنت قلبي
الروايه شبه غيرها كتير مع اختلاف بسيط
كنت ببعد عني فتره و كنت بجيلك بالتدريج
واما احتجتلك كنتي بتمشي و بتسبيني للغير
قلتلك مش شبهي كُنت غراب و كُنتي طير ..

Eslam Ninja S | اسلام نينجا س

Eslam Ninja Lilna | اسلام نينجا ليلنا
Written by: Ninja
Music: ( Jurrivh Beats )
Vocals: Ninja
Design By / Abdelwahab Foaad
Rec On Abn EL-motanby Home Studio
Master and mix by: Abn EL-motanby
© 2019 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
الـ ـكـ ـلـ ـمـ ا تـ

غيبتي من سكات متبقاش منك غير اسمي
كل الطباع دي طباعي حتي نفسك كان من جسمي
قوليلي ازاي انا المفروض اقبل بكونك مش موجود
كل الكيان اتبخر متبقاش منك غير صوره سودا
و اللي فات مـ العمر اتسرق
بتحسي ايه من بعدي .. وانتي بتسرحي فالسما
بكتبلك و بفكر ايه اللي اتبقي مقولتهوش
بنفس معني ان مفيش شئ معاكي معشتهوش
كنتي ام و كنتي اخت و كنتي ضهري و كنتي السند
قلتي مش هتمشي فـ يوم و متبقاش بعدك غير ورق
وانا
محلتيش حاجه غير الصبر
غراب وحيد معرفش يدفن نفسه فـ قبر
حزن .. عدي و فات كتير
جرح .. مبيهداش بيزيد
منكرش اني بكابر ارجعلك و اني لسه ازاي بعيد
لسه الاماكن نفسها بس احنا اللي اتبدلنا بغيرنا
النجوم متغيرتش و لسه .. ليلنا هو ليلنا
لسه لينا فالفراق كلام كتير مقولناهوش
لسه لينا فالحياه عمر تاني معيشناهوش
لسه بصبر عاللي جاي و كاني عايش ليكي نوح
لسه الغراب فسماكي و الجناح مجروح
فرق بينا كان مسافات و زادت .. و الغيره انطفت
كنت عايزك ليا بس و ياما حاولت ان انا انضفك
بس عكس المعني كان .. ان الظاهر مش مفهوش
ان حبك كان مسموم .. انك بعدتي و مش هموت
و مش هموم انا بحكي بس لمجرد تخليد الذكري
حلمنا سوا .. و اديني عايش لوحدي لبكره
فكرة اني هنام و خايف بستوعبها بالتدريج
يمكن لقيتي اللي احسن مني بس
وعد مني مفيش
برسمك فكل مكان و قلمي مل فـ بترجاه
انه يمحي كل ذكري لما الحضن كان انقاض
لما ببكي عالاطلال انا ببكي لمجرد طفوله
ايه اللي فرق من عشرين سنه لحد دلوقتي ملامح صوره
لسه بضحك عالتفاهه .. ولسه بعمل نفسي فاهم
لسه حضنك هو وطني مهما تتبدل مساكن
كنت قابل اكونلك مرسي و مقبلتيش تكوني طوق
كنت هش كاني قشه و كنتي قاسيه زي موج
كنتي موت و انا لسه طفل مش عارف انطق شهاده
فـ مت كافر و اللي عايش لسه عاملك دير عباده
لسه طعم القهوه ساده و لسه برضه محبتهاش
لسه سكرك زياده لقيتي مين فالبعد شاش
سايبك فوق دولابي ذكري .. شايلك بين هدومي خوف
فاكره اول وعد بينا هنفترق لو كان في موت
بكتبلك حاجات كتير بس المعني لسه انتي
كان نفسي اكون وحش و اقول سايب مش انتي سيبتي

كان نفسي اكون وحش و اقول سايب مش انتي سيبتي

فـ مت كافر و اللي عايش لسه عاملك دير عباده

لسه ريحتك فالشوارع .. لسه اسمك عالحيطان
لسه بمثل اني سامع .. لسه بتباع مـ الصحاب
فاكره حلفاني بستي و الدموع وانا بشتكيلك
ولا لما فـ يوم وقعتي و كنت اول حد اشيلك

#ليلنا
#نينجا

MixTape

Eslam Ninja Lilna | اسلام نينجا ليلنا

Eslam Ninja Story | اسلام نينجا حدوته
Written by: Ninja
Music: ( Free )
Vocals: Ninja
Design By / Adham BeDoo
Rec On Abn EL-motanby Home Studio
Master and mix by: Ninja
© 2019 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

Verse 1
وانا لسه طير و قلبي بجناحات لبعيد ياخدني
بلاش تلفي الدنيا مش هتلقي شبيه لحضني
عيوبي .. عارفها كلها مبتتوصفش
كـ غراب مش قادر ولا قابل تشاركه نصيبه فعش
همومي تزيد فـ تضيق الدنيا بيا و ليهم اصد
اي محاوله لـ غيرك بعترف بخاف مـ الحضن
قولي .. ايه اللي فاضل منك ليا و بعدين امشي بعيد
كفايه كلام اني البايع طب قولي كان نصيب
مليش حبيب درويش تايه و الصحرا طويله
ملقتش نصيب فـ حب و لا فـ ابن ولا فـ عيله
حُضنك مسافات قلبي مشي لحد مـ تاه
و اللي راح و سابك راح يا قلبي و شكوتك لله
من بعدك .. الايام نفس الشكل
كنت بصبر نفسي بـ السيجاره و القهوه و ريحتك للفجر
خُفت منك و انا اللي خضني يسيع بلاد
ملقيتش فحُضنك مرسي مراكبي مكُنتليش الزاد
ومن غيرك وقف الوقت و مستنتش مشيت
انا الحد اللي فاضل من حدود وطن قلبي لاشئ

Chourse
وانا خايف اقرب كوني لما بقرب بتعب
ميت مستني تابوته منك اكمنك مغلء
بفرح فـ بشوفك جمبي و بحزن افضل اضحك
حدوته متسمعتش انا تايه دنيا و آخره
و يمكن حُضنك متوي يضُم يتيم مـ البرد
قُلتلك بخاف مـ الضلمه و الوحده و صمتك و الوقت
ومن ذنوب كانت مبينا و من يوم قُولتي فيه شبعت
طول عُمري بدفع التمن لو حتي انا اللي بعت

Verse 2
الله غالب .. و اللي غايب جايز يوم هيرجع
استهلكني جيش من الحريم من قبلك طب هننفع!!
وان نفعنا .. هتقبليني و انا مُستهلك
كل حلمك بيت و عيله و اقصي حلمي كان اني اهلك
كُنت بغمض عيني اشوفك كُنت بتآملك خوف
بدفن نفسي فيكي تنجي كُنت عايش كُنتي موت
كُنت تايه و انتي طريق كُنتي طوق و كنت غريق
كُنت بقولك اني لوحدي و بتسيبيني بالبطئ
بطبطب عـ القلب اللي بعدك لسه شايل ليكي ذكري
هاتيلي حد بعدي حلمتي معاه ببكره
مـ انا موهوب بالسكات و لسه بسرح بـ السعات
لسه جوا مني صوره فيها معني الماضي مات
حلم فات .. خد مني روحي و اللي فاضل مش كتير
انا مـ الخلق اللي لو تحب بتحب بضمير
حاسس كآني مكان مـ بينا ليه جوانا حُرمه
انا سيبت كل الناس و جيتلك لآجل اضمك
كُنتي فتره .. و انا مقتنع و لا شئ بيدوم
انا لو غميت عنيا هحن من ريحة الهدوم

Chourse
وانا خايف اقرب كوني لما بقرب بتعب
ميت مستني تابوته منك اكمنك مغلء
بفرح فـ بشوفك جمبي و بحزن افضل اضحك
حدوته متسمعتش انا تايه دنيا و آخره
و يمكن حُضنك متوي يضُم يتيم مـ البرد
قُلتلك بخاف مـ الضلمه و الوحده و صمتك و الوقت
ومن ذنوب كانت مبينا و من يوم قُولتي فيه شبعت
طول عُمري بدفع التمن لو حتي انا اللي بعت

#اسلام_نينجا
#حدوته

Eslam Ninja Story | اسلام نينجا حدوته

Eslam Ninja FT Mido Etnin A8rab | اسلام نينجا اتنين اغراب
Written by: Ninja
Music: ( Free )
Vocals: Ninja Ft Mido
Design By / Mohsen Tako
Rec On Black Wolves Studio
Master and mix by: Omar Masry
© 2019 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

مفاضلش فينا نفس نبني طوبه تاني فبيتنا
كان الاحسن لينا انا وانت نفضل فبدايات علاقتنا
كل اللي قبلك هم و اللي بعد منك شوك
والي كان بين دول و دول ورد اتسابلي فوق تابوت
حُضنك سعني شوفته بحر غريق و القشه فين
موانس القمر بغني يا ليل يا عين
ياما قولت لأ كتير حاولت بيكي اتمسك فاكره 
وعلاقتنا فوق قضيب و القطر جاي استني حبه
ملت عليها مالت بيا .. مكانتش هيا
شوفت كتير من كل الناس متوقعتش منها الآذيه
كانت آرض بروي فيها بذره و اللي طرح ورق
آخر ليله و آخر موج و آخر حُضن فـ آخر نفس
احتاجت مني و احتاجتلها و احتياجنا قل
يا نقرب يا نبعد يا نلاقي لعلاقتنا حل
حد متمسك و سابني زي اخر قشه فعش
و الغراب سأل سماه غابوا تاني !! قالت معلش
مانت متعود و البُعد بالنسبالك آكل
طُعم قربك منه قتل جُعت خوف مبينكوا سد
قُرب متحددله وقت قمت ثاير قلت لأ
كُنت غاير و اتخلقت حيطه قُربها منها هد
عيني جت فعينها مسكت ايدها و قولت استني
بسآل نفسي ازاي لحد دلوقتي مقدرتيش تفهمي
فوجودها و فغيابها كُنت ساكت بس بغني
وسط عتمه ليل ظهرت نجومنا مش شايفاها اسمها
قُربك مني مكنش جنه عشت أتمني مُت استني
بغمض عيني اشوفك شئ ملوش مُسمي
كُنت بستشعر وجودك مهما يكون مبينا بلاد
و من السهر سمانا بتغيم تحت عنينا سواد
كُنت باجي جمب حيطه اشكيلها تقولي همك زاد
بُعدها ساب علامات شايف تفاصيلها فكل الناس
مدوقتش غير الصبر وقعت فيكي خيبه
من حزن الحظ ان مكنش فـ قلبي ريبه
سيبتك تمشي و قولت تاني هتيجي آيدها فلتت آيدي
هي بعدت و انا واقف فـ مكان لقانا مستنيكي
بالآمانه كانت صيناني و اللي فرق بينا غباء
كُنت مريض حُضنك مصحه احتجتك دوا كنتيلي داء
دا فيكي داب الشعر الاسمر شاب و النهايه وش
مش بالسهل اشوفك قدام عيني و انتي فآيدك حد
بعدك الجسم خس
مالبدايه قولتي هفضل قولت هتمشي و قلبي حس
استني بس لسه عندي كلام كتير مقولتهوش
حضني مطره و حضنك بور طريق فـ سطور مشوفتيهوش
شوفت بيتنا زاهي بين ضلوعك صحرا و كان خراب
فالنهايه كُنت انا و انتي اقل من " اتنين آغراب "
فالمحطات البعيده باني فيها جوا منك بيت
اتمنيت القاكي لكن ياريتني مـ اتمنيت
انا اتهديت .. و اللي فاضل مني هوا
كان نفسي اكتبلك التراك دا و انا بقول " لسانا سوا " 
#نينجا
#أتنين_اغراب

Eslam Ninja Absent | اسلام نينجا غايب

Eslam Ninja

Recent comments

J

Mahmoud Ayman

Nourhan Nouny

Mohamed Ahmed 1757

Related tracks