Born Again (Stins Dead)

7Nya BarDa

*
نسألكم الدعاء .. 
lyric : Amr Saiko 
Rapper : Amr Saiko
S:E : El AswaNy
vocals : El Aswany
St : El z8aBa Team <3

Free Beats By Dansnon Beats @ 2015

lyrics 
*********

بعد الدفنة مشيت - قولت بكرا هاكون نسيت
بس طلعت ناسى فعلاً ان الفقد مابيتنسيش
الارض باشت من تحتيا من كتر الدموع
وصل بيا الجنون ادعى لربى اى رجوع
بس افتكرت .. ان موتها ده كان رحمة ليها
وان القدر شر لينا بس فيه الخير ليها
ماتت يوم ومُت سنة - وكل يوم بقول يا صبر !
كان نفسى اخفف عنها ولو ليلة من ليالى القبر 
افتكرت كل دعوة طلعت منها عشانى
فا دلوقتى يا رب ارحمها - ده حضن القبر عالم تانى
جدتى - القلب الطيب مات وحياتى تنتهى
رغم كدا جاى اقولك بعد موتها لازم ننتبه
صعب عليا اننا جوا القبر سبناها لوحدها
حتى جوزها حتى حفيدها حتى نسيبها حتى ابنها
واقولك ايه - عاجز اعبر ع الى حاسس بيه
ما بعد موت عزيز - محدش تانى تخاف عليه
فوق من الف ونص سنة - يوم الساعة مقرب
وانتَ لسه حابب الذنب لا بتدعى غيرك يجرب
بالمرة - صدمتى كانت فـ اخر مرة اشوفها
عنيها مقفولة وجوا كفنها - ولما وطيت ابوسها
لقيتها - رجعت طفلة فجأة ولسة بتضحك
لدرجة انى بدأت اشكك ان موتها كدبة
وقت الدفنة جوا القبر -  فقدت الوعى لأول مرة
اخر مشهد كنت شايفة امى وعيلتى واقفين برة
واتقفل الباب - وكله مشى وسابنى فـ حضنه
ولقيت جايلى كتاب شكله يخوّف بس مسكته
روحت واقف على حيلى - لقيت الكل واقف زيى
احلى حاجة ان محدش فيهم عارف انى بغنى
فا لقيت راجل كبير كتابه تقيل - يشبه لـ كتابى
جيت اشيل عنه الحمل قالى ياريت خلينى فـ حسابى
سيبته لحظة وجيت لقيته بيصرخ من عذابه
واضح ان ساعته دقت بس كان فـ شماله كتابه
لقيت التانى جى يقولى ايه الى جابك هنا
شكلك لسه عايش يابنى ولا انتَ ميت زينا
روحت سيبته جريت قطعت كلام مش لاقى بيت
بس استدعى فضولى راجل مات قاعد بيقول يا ريت !
اول سؤال سألته هو ايه الى بيحصل هنا
لقيته من ندالته - قالى ياريت بلاش اسأله
المُلخص انى زيك بس وقتى قبل وقتك
سعادتك تقدر تغير - بس انا اعجز
فا بقول ياريتنى امبارح - كنت اعرف بكرا هاروح
وانا عمرى ما اغلط تانى بس يا روح ما بعدك روح
لو ساعة - لو ثانية - لو دقة فـ ساعة تانية-
#ياريتنى_كنت_افهم_ان_بجد_الدنيا_فانية
قالى شوية تفوق وتمشى وترجع طول وعرض
بس مهما تعمل فوق اعرف مسيرك تحت الارض
فا ياريت - حاول تتوب وحاول تلحق نفسك
( لو وصلت للى والصله - مش هتلاقى حد يساعدك )
برضو استهترت - كملت مشى لاقيت البنت اياها
الى اتعودت انى ارتكب - نص ذنوبى معاها
غرقانة فـ بحر ذنوب عميق ماتجيبلوش اخر
ماسكة فـ رقبتى وبتسحبنى - مع انى خارج مداها
فا غرقت - وجوه البحر شوفت كل الشلة
ده انا كنت فاكر الغلطة بتغفر لما يزيد مرتكبينها
خرجت من بحرهم - لا مانجيتش من ذنبهم
هاكمل وقتى ويمكن 0بكرا هارجعلهم
ماهو امتحان - والنتيجة يا جنة يا جهنم
مصطلحاتى جريئة بس المغزا انى اساعدك
والرابع اصغر منى - قالى انا برضو كنت شبهك
كنت بقول العمر طويل كنت بكدب ع المستقبل
بس لفيت جوا دايرة - وقوة حرفى سالبة
واتأكدت ان كلمة لسة بدرى اكبر كارثة
وان العمر مش بالسن - وان السن مش توقيت
ده الى قالى هافضل فاكرك اخلف المواعيد
والخامس - جى بيجرى وجاى كمان تعبان وراه
من كتر لهفة التعبان قرب ياكل خطاه
فجأة جدتى من على ابواب الجنة بتنادى
بتقولى اصحى كفاية ده مش معادك ده معادى
شايفها عروسة ! - اجمل بنت عنيا شافتها
خوفنا عليها مش منطقى جدتى عارفة الجنة بيتها
فاتطمنت - بعد خوفى ان معادى لسه مجاش
وان زى ما النار زحمة - الجنة ضمن الاحتمال
فالى مات - ماكنش حاطط فـ دماغه فيوم يموت
والى عاش حياته براحته بكرا يموت جوا التابوت

- #A_S

Track || ليلة فى القبر - Amr Saiko Ft . El Aswany - Z8aBa Team

المعجزه جزء 3 | The Miracle PIII
Kaiser RC | قيصر

for more Like me On Facebook:
www.facebook.com/Kaiser.Rap

Recorded By RC Family Records (Like'em On Facebook):
www.facebook.com/RCFAMRAP

Special Thanks For:
Bassam Snoop, Ahmed Kamel and George Kamal

الكلمات :
نفخ في ادم من روحه، علم ادم من علمه/
نطق ادم بقدرته وخلق نسله من صلبه/
ارسل رسل نزل كتب وقال الانسان في كبد/
وكان الدليل في ٤ من سورة الليل و٤ من سورة البلد/

في احسن صوره شكله، اداه العقل يميزه/
نتأمل، نتفكر في خلقه ننام، نقوم نحمده/
سخرله ما في الارض والسما سبحان رب العباد/
اداه لسان شفتين عنين تشوف ٣ ابعاد/

زحف الانسان ورا المجهول منذ بداية الخليقه/
وكل ما يوصل عايز اكتر يتحدي الطبيعه/
كل ما يتعلم يكتشف يزيد علمه بقدرة الله/
ولذلك يخشي الله اكتر عباده العلماء/

بحث البشر عن الاله شرق العالم وغربه/
ايقانه بوجود قوه اعظم تدير الكون وشأنه/
منهم عبد الاصنام، عبد الشمس، البقر/
منهم اقر وجوده والعياذ بالله كفر/

وعشان مايكنش علي الله حجه ارسل رسل وانبياء/
افتح المصحف ١٦٥ سورة النساء/
وعشان تتيسر الرساله آيدهم بالمعجزه/
خرقاً للعاده حكمة ربنا تأييد بقدره بالغه/

آييد محمد بالقران، سخر الجن لسليمان/
امر نبيه نوح بسفينه تعصم عباده من الطوفان/
لان الحديد لداوود، خرج يونس من بطن الحوت/
آييد موسي بعصى، عيسي بيبرئ يحيي من الموت/

واخر كل المعجزات تتجلي قدرة الرحمن/
ختام المعجزات بكتاب عظيم زي القران/
ارشاداً للعباد موعظه من قوم عصت فا أباد/
ويبان اعجازه اكتر طول ما في بحث واجتهاد/

ولحد الان بيبان اعجاز القران الكريم/
اعجاز وصل لايد اجيال واجيال رغم الاف السنين/
ولانه ختام المعجزات سبحان ربك حكيم/
يكون اعجاز كل الامم تشهد عليه ليوم الدين/

معجزة موسي ماكنش كتابه ولا كان عيسي كتابه/
معجزة موسي في عصي يشق البحر يمينه وشماله/
يمر ومين معاه لبر نجاه يغرق فرعون وراه/
تخرج جثته من البحر سليمه ليومنا عبره لمين تلاه/

٩٢ سورة يونس بتنبه لنجاة فرعون ببدنه/
وانه هيصبح عبره للجاي من بعده/
يكتشف العلماء عن قريب ملح البحر ع الجثمان/
٥ اسفر توراه ماحكيتش القصه زي ما في القران/

وسألو العذراء ازي نكلم مين في المهد صبي/
فرد عيسي الصبي في مهده انا عبد الله النبي/
آتاني كتابه وصاني بالصلاه والزكاه ومش شقي/
والسوره بتحكي باسم مريم في القران تكريم من وفي/

ونشأ عيسي وسط بيئه الطب اتطور فيها/
وقدر باذن ربه يشفي حالات الطب عجز يشفيها/
ايده ربنا يبرئ يحيي من الموت كانت المعجزه/
تحدي مين برع في الطب يقدر يعمل كده!/

قال اليهود ان النصاري مش علي شئ/
رد النصاري علي اليهود نفس الرد الشئ بالشئ/
رد القران عليهم اسلامنا ايمان بالكتب والمرسلين/
بالظبط في سورة البقره ايه ٢٨٥/

موسي نبي وعيسي نبي وكلٍ ليه رسالته/
لكن اعجازهم شافه بعينه بس اللي عاشه في وقته/
وهنا بتبان؛ حكمة رب العالمين/
ان القران اخر معجزه قايمه نشوفها ليوم الدين/

مابين ولادة عيسي بدون الزوج وبرضه ما بتأمنوش/
مابين تحدي هاتوا كتاب بمثله وماعرفتوش/
تحدي لأهل الشعر، يبان فصاحه في عجز الفعل/
مابين موسي بيرمي العصا اول من يسجد اهل السحر/


V2. المعجزه جزء 3 | The Miracle PIII - Kaiser RC | قيصر (Bounced Edition)

" اتمنى تعذرونى على غيابى اللى بيطول بس بآذن الله دى آخر مره "
" غمضوا عيونكم و اسمعوا "
" وصلووه لـ غيركم يمكن دعمكم يرجع يدينى آمل "
شكرآ
Written by: Ninja
Music: ( Free Beat )
Vocals: Ninja & Romyo
Design By / Mark Stal
Master and mix by: Ninja
© 2017 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3

الـكـلـمـات
Intro
يا بيت اصبح حطاام
من بعد مـ كان عماار
يا طير يشبه غراب
لكن جناحه ضعيف
انا قلبى عليكى مال
بيطلب السؤال
كان بصره معاكى انتى
و بعدك اصبح كفييف
Verse 1
مر وقت زاد بُعاد .. حالة فقد طول مسافات
سكه سد اولها حب .. سكه سد آخرها فراق
قلب داب مـ الاشتياق نتيجه انه بس شاف
فعينك انتى احلى حياه كنتى فعلآ احلى حياه

كنتى طريقه لما تاه كنتى نوره وسط عتمه
من كتر حبه فضلك عن حور الجنه
و انتى رفضتى قربى حتى احتاجتك ياما كنتى حاسه !
اول مره نتلاقى اتلاقت قلوبنا اكيد مش ناسيه ...

بس الطيور بتهاجر و تعود لديارها
احلامنا هى هى .. انا وانتى اللى اتغيرنا
واتبدلنا بـ اتنين غيرنا و اللى محتاجينه فينا
معرفناش نكون مع بعض فـ اتاخدنا بذنب ماضينا

و انا مش هنسى اول بحبك طلعت منى وردك كان
انا اسفه مش هحب كفايه عليا وجع زمان :)
فـ ابتسمت و قلت بهزر بس كان فـ عيونى شوق
طفل عاصى فـ حضن امه و هو خلاص فـ حضن الموت
Chourse
يا بيت اصبح حطاام
من بعد مـ كان عماار
يا طير يشبه غراب
لكن جناحه ضعيف
انا قلبى عليكى مال
بيطلب السؤال
كان بصره معاكى انتى
و بعدك اصبح كفييف
Verse 2
طفل اول مره يفتح .. طفل اول مره يلمس ايد
كأنك امه فعلأ .. كان الفرح معاكى بيزيد
قلتى صحاب و كان بيسأل .. كنتى تغيبى و هو يقلق
و اما اتسيبتى و رجعتيله فضل بكل برائه يسمع

و يغنيلك تسمعيه .. يقرب خطوه ترجعيه
 عنيه كانت فضحاه قدامك و انتى بتتناسيه
و اما يروح يفضل يبكى للقمر و يقول موال
و الله لو كان الصبر جبل كان داب مـ الاشتياق

كلام كتير اتقال كنا شبه بعض بغباء
كان الفرح متوقف على اسمك انتى من دون الاسماء
فـ اقوله و اصبر نفسه بيه .. اصمم ابقى ليه
و فـ تانى مره اقولها قولتى " الحب كدبه مفيش عشاق "

و اخترتى البُعد عنى عشان مكنش ينفع قرب
كداب انا لما قلت من بعدها هستحمل بُعد
مـ انا بيت اصبح حُطاام .. و طير يشبه غراب
و اما قلبى عليكى مال .. اكتشفت .. جناحى ضعيف
Outro
يا بيت اصبح حطاام
من بعد مـ كان عماار
يا طير يشبه غراب
لكن جناحه ضعيف
انا قلبى عليكى مال
بيطلب السؤال
كان بصره معاكى انتى
و بعدك اصبح كفييف

أتمنى يكون وصلكم كلامى
شكرآ
#نينجا

Eslam Ninja Ft Romyo Home | اسلام نينجا و روميو بيت

:) اسمعوا بقلبكوا 
ودا اكونت الفيس للى حابب يتابعنى
https://www.facebook.com/zead.karam
Vocal & Writting :Zyad karam
Music : S_lam shetos
Mix&Master : Tito el zayton
اسيبكوا مع الكلمات
V1
الحمل زاد ع الأكتاف لأن الضهر اتقطم 
الحب كان موجود لكنه ف قطر البعد اتصدم
الفقر كان رجل كبير ماسك عكاز 
والأحلام صاروخ تحقيقها ف الواقع بقا عدم
كل البيبان مقفوله والمفتاح اهو بايش 
حققت ايه اكبر انجازك انك عايش 
الوجع نهش ف القلوب مبقاش في حته سليمه
القمر جه بعد الغروب نور سواد ليالينا 
العتمه كانت نور ف عز نهار لكل شيطان 
والضلمه  ارض بور لكل ملاك عايش كفران 
واهو عاش نهار وليل وكبروه علشان غلطان 
ف عاشت الشياطين ومات ملاك مكسور غلبان 
واهو نزل الشارع  وعاشر التعابين بقا غاوي 
واطبع طبعهم مبقاش تعبان دا اصبح حاوي 
لكنه لسه ملاك وشيطانه يطلع وقت عوزا 
كانو فعلآ سحره  لكنو اصبح موسى
C1 
مش سامع غير صويت وصوت منبوح م الغنا
مش شايف غير سواد وعيون دبلت م البكا 
مش حاسس غير بقلوب مكسورة وطالبه اللقا
مش خايف غير م الخوف وكدبه صحبه نحن هنا 


مش سامع غير صويت وصوت منبوح م الغنا
مش شايف غير سواد وعيون دبلت م البكا 
مش حاسس غير بقلوب مكسورة وطالبه اللقا
مش خايف غير م الخوف وكدبه صحبه نحن هنا
V2
بكتب بدمي حروف متتسمعش ولا تتشاف 
لاكن تتحس بالقلوب دا كلام الليل خواف 
هو كدب هي بعدت  واللي وهو وماشي 
زرع ف طريقي شوك هيجيلي بكره وهو حافي 
كل الظروف حاربته لاكن اصراره زاد 
كسرو  السلالم نط  م الشباك ف ماات
واهو مات   والناس هيقولو ايه اللي اتشاف 
هيقولو مات بيحاول مش هيقولو عاش خواف
قارح .. بلف الخلق واطلعهم مسارح 
قبل اما بكره يجي هقنعك بأنه امبارح 
 سهله ... ماهي كل واحده وليها دخله
عايز تشوف جدعان ارملهم حرمه ف وسط القعده 
خزق عيونك لو حنت لنن عنيها 
اكسر ضلوعلك لو في يوم اشتاقت ليها 
عارفك جدع والجدع قلبه يدوب علي طول 
اكبر مخاوفي ف الحياه انك تعيش مكسور
C2
مش سامع غير صويت وصوت منبوح م الغنا
مش شايف غير سواد وعيون دبلت م البكا 
مش حاسس غير بقلوب مكسورة وطالبه اللقا
مش خايف غير م الخوف وكدبه صحبه نحن هنا
مش سامع غير صويت وصوت منبوح م الغنا
مش شايف غير سواد وعيون دبلت م البكا 
مش حاسس غير بقلوب مكسورة وطالبه اللقا
مش خايف غير م الخوف وكدبه صحبه نحن هنا

سواد_ Zyad Karam

New Track
Eslam Ninja Absent | اسلام نينجا غايب
Written by: Ninja
Music: ( Free Beat )
Vocals: Ninja 
Design By / mohsen Tako
Rec On Ninja Home Studio
Master and mix by: Ninja
© 2018 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

الـ ـكـ ـلـ ـمـ ـا تـ

غايب و اللى خلى قربى شبه سكون محلك
لف دايره يمكن تلقى حد فيهم يفهم قلبك
اللى شبهك يعرف يرسم زيك وجعه او يكتبلك
دور فـ السما كويس يمكن تلقى غراب يشبهلك

مش هتلاقى و لو لقيت هيبقى فيه من طبع آنس
دا الجماد من دمعك باش و القريب مبقاش يحس
مين بيجس نبض فقير محتاج لحضنك تحت المطر
مفيش من رحيتك حاجه هتكملى ضلع اتكسر

مش بغنى بس بحكى كلام و مستنينى اسمع
مهما كان فراقنا زمان مسافات استنينى هرجع
امحى كل ذكرى كانت .. مش هتفرق امتى سابت
كانت احلى لما نامت .. جوا حضنك وانت ساكت

بتفتكر ايامكم تضحك عـ اللى راح و نسيك
فـ مهما كانوا كتير حواليك خليك يا قلبى وحيد
خليك بعيد و اياك .. تحن فـ يوم و تعود
عطشان منك يا آرض بور غصونى بتموت

بجمل اللى فاضل بتمسك فـ قشه و بغرق
مهما كان حبك فيه ثوره هيفضل برضه سجنها آخرك
رعشه الايدين و الضحكه و السلام بعنين و حضن
دمعه الفراق و الدبله وايه اللى باقى ؟ شويه حب !

كنتى انعزال مؤقت لما كان غيابنا قرب
كنتلك حبيب و آكتر قلتلك بلاش الحزن
كنت طفلك لما كنتى آم من سراب و ضعت
كل ذكرى بينا سايبه بصمه بكل مره بعت

الفراق كلام .. الفرق فعلآ كان معامله
وريتك عيوبى الاول و مشوفتش حقيقتك كامله
بس آستنى .. بلاش تغيبى .. لسانى بضحك
نحتلك تمثالى حى .. بيتنفس يا متحف

آشرحى اللى فاضل و امشى بس متسبينش كالوس
علمتينى آغرق عـ الشط علمتينى آخاف اغوص
كنت بضحك لما يقولوا حبيبتك فين و اقول سابتنى
بتبان فـ ضحكتى كسره نفسى وارجع اقول يا ريتنى

يوم لقانا الزمن يقف بس ميجمعناش مكانا
ليه بنتمسك كل مره فـ اللى فـ آقرب فرصه باعنا
بس متخافيش انا اتعلمت منى اعيش و اكمل
لما يسآلوكى فين قوليلهم .. منفعناش مـ الاول

#غايب
#نينجاا
#شكراً

Eslam Ninja Absent | اسلام نينجا غايب

isco _ Maestro 3 _ 3 اسكو _ مايسترو.mp3

التراك دا مش كامل دا اولا
ثانيا كل سنه و هي طيبه و معايا <3
لون البحر ازرق

Promo Blue Sea | لون البحر آزرق

New Track
Eslam Ninja S | اسلام نينجا س
Written by: Ninja
Music: ( Mohamed Mahmoud )
Vocals: Ninja 
Design By / Abdelwahab Foaad
Rec On Abn EL-motanby Home Studio
Master and mix by: Ninja
© 2018 Ninja
" Hamza Part 2 "
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

ارسم واهي لوحه باهته زي غيرها
بتدخل كل قصه برغم كونك عارف اخرها
و ايه الجديد مـ ياما مسكت فـ اللى راميك
بتفكر فكل الناس و سايب اللي فكر فيك
مكانتش دى النهايه السيناريو اتعدل
لو كان بآيدي كنت اغير الاحداث مـ الاول
حبيتك و دوبت فيكي و كنت مصدق اللي اتقال
ياما غنيت اغاني مسمعتهاش الناس ...
غراب و طاير و السما ملاذ للعاشقين
الليل شبع كلام الليل جعان حنين الليل تعب بكي و آنين الليل لهمومنا كان بيشيل
 الليل غطانا بين ضلوعه لما كنا فحضن النيل
حلمت معاكي بكل شئ و محلمتش ببيت !
لو كنتي فعلا نور مكنتش اتعميت
مكنش هيبقي في ضحكه فيك مكنتش هلعن الظروف
لساك يا قلبي فـ تاني حرف مـ الحروف

Verse 2
كان نفسي تكوني مرسي زمن مشافش نوح
كان مخافش افرح و افكر امتي تروح
واما سابني اللي كنت سنده و ضهره لوحدي متكسرتش
صامد .. فـ ساد الصمت و مفكرتش
خديني بعيد يا موجه و ارميني فـ برمودا
يمكن دا هيشيل شويه هموم من فوق حيطان الاوضه
يمكن اغرق و الاقي نفسي بين الناس اللي يفهموني
الناس اللي تفهم يعني ايه تسهر عيوني
معني كل كلمه اتقالت و ان اللي بينا مكانش وهم
الونس كان شئ مؤقت لما كل شئ كان سهل
شبهتك بكل حاجه و عمرك يوم مـ كنتي شبهي
كان نفسي تفضلي جمبي يا بنت قلبي
الروايه شبه غيرها كتير مع اختلاف بسيط
كنت ببعد عني فتره و كنت بجيلك بالتدريج
واما احتجتلك كنتي بتمشي و بتسبيني للغير
قلتلك مش شبهي كُنت غراب و كُنتي طير ..

Eslam Ninja Ft Romyo Home | اسلام نينجا و روميو بيت

Eslam Ninja

Recent comments

Eman Sayed

Mőĥámmĕď Śámĩŕ

احمد نيمار

Moataz Essam

Related tracks