ti zarokên min nema ku neketin wan bîran
bese li van deran ji yusivê kenan meke behs.

şivan kuştin bêrî belav bû, îşlikek bû çar perçe
rahêje çekên xwe û ji wan gur û wawîkan meke behs.

hemû gulan di biharan de xwe bi ser çiyayan re çilmisandin
rûnê û ji wan bilbilan re ji vê bêhnê meke behs.

leyla û mazlumên min hene çiya û welatan bilind dikin bi lîlîyên xwe
ji kerema xwe re ji che û jaenne d'arc an meke behs.

dengbêjên min jî hene li kendelan evdal in xanî û feqî ne
temam ji homeros, shakespeare û hafiz an meke behs.

ey yê ku bi devê çiya û bi ramûsanên deştên xwe nizane
huş be! ji wan sîng û berên metropolên biyanan meke behs.

Ji Dîwana "Anatomiya Demsalên Zer"

Qesîdeyek Ji Bo Bîra Te - Ş'ir: Yehya Omerî / Deng: Erol Şaybak

…şairim hiç çocuk olmamış bir çocuk gibisin…

May the divine lover find me again one day.

“stranek nîn im, dengek nîn im, velerzînek im…”