هل يصلحوا دول لنشيد معدول واضح ف العرض والطول


هتداروا فين ياصيادين النجم عينكم لما يسألكوا الربيع ... فين القمر فين النجوم ياصيادين ... هتداروا قضبانكم دي فين ... لو تسمح النجمة اللي حملها القمر ليا السلام حبة تميلي اوشوشها الكلام ... متأخذنيش الليل هنا علمني اخاف وماختشيش ... من مدة الحمي ماقشت كل حي وانا بعد مابسلم بطير اغسل ايدي واطلع جبال الحبهان اقرا علي جيراني واصحابي الميتين سورة ياسين ... وارجع حزين الفكر مدبوح الانين واقعد هنا تحت الضلام ده لوحدي احلم بالقمر .. يانجمتي شوفتيش بلد زي البلد دي ماعمركيش الموت في تربتها انشتل والسجن قضبان في طريقنا بتنفتل واللي انقتل ما بيتبكيش شوفيش بلد زي البلد دي ماعمركيش

عنبـــــــــَّـــــــــر .. كله يسمع
شخشخت بالزهر مانصفنيش ولا مرة
وراهنت بالمهر والبقشيش على مرة
والسجن للحُر وان كان مر ..ولا مرة .. 
فكرتنى بالتوبة من دى النوبة .. ولا مرة !

بعد مساء الخير على حراس الليل
كنجي برنجي تشنجي كله لبط ولومنجي
بس البدلة بتفرق والعيب عالمخزنجي
الأوله للنبى .. والتانية ايوب ..
والتالته غربتى .. والرابعة المكتوب
والخامسة .. اللى افترى حتماً يبات مغلوب

الأوله يا نبى يا محرر الانسان يا بلسم اللي ابتلى يا نجدة الغلبان
كرمت صنف البشر عن طايفة الحيوان
ورفعت سيف الهدى عالى على الطغيان
وغسلت ارض العرب من بقعة الأوثان
وزعقت يا امتى .. فى سائر الازمان
الظلم يوم لو حكم .. والحق يوم لو هان
يحرم عليك المطر والفى والعمران
تسرح بحورك عطش .. فى الزرع والإنسان
ويجر فيك الحنش وتحوم الغربان ..
ترمى الخراب ع الجبل والسهل والوديان
النور يغور م السما .. وجه القمر ما يبان
والشوف يضيع فى العما والضلمة والاحزان
والخوف يطيح فى البشر من قسوة السجان
الناس تخاف بعضها .. وتخوف السلطان

والتانية ، قولت أنا آيوب وانا مثلين
آيوب ومها ابتلى .. ايوب يروح لي فين
ايوب صبر كام سنة آيوب صبرله يومين
طلعت عليه القصص واتنادى بالاسمين
عدوه من الانبيا والصالحين الاتنين
وانا اللى صبرى هنا جوة اللُمان صبرين
صبرى على خطفتى من عزوتى والبين
وصبر تانى على حكم الزمان يا عين
الندل فينا حكم .. والندل حكمة شين
حكم البقر ع البشر .. بشريعة القرنين
وحق تربة نبى طه كحيل العين
هالبت يوم يتنصب بدل الميزان اتنين..
وانظر بعين الرضا للعدل فى الميزانين

والتالته، غربتى فى عالم الاندال
الندل فيه احتمى .. والحُر فيه انطال
والواطى لما اعتلى .. اجرله كام طبال
الشحط والبلطجى واللص والمحتال
والكدية لبست شنب واتحزمت بعقال 
ومين يحب النبى .. سقفة كمان يا عيال
الرقص دار فى البلد عمال على بطال
واللحم لما اتكشف .. غطى على اللى اتقال
لا سمعنا صوت فى النغم .. ولا شعر فى الموال
خنقوا الكلام فى الغُنى .. والرنة فى الخلخال

واحد يا موحد الواحد
اتنين يا جد الحسين
تلاته يا سو الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
 
اعرفكم جميعاً ان السجن سور ...
واعرفكم جميعا ان الفكرة نور ...
وعمر النور مايعجز يأزح الف سور ...
وعمر الصور مايقدر يحجز بنت حور ...
واعرفكم جميعا ان الظلم شايخ ...
واعرفكم جميعا باب السجن خايخ ...
واعرفكم جميعا ان ملهش اوكرة
واعرفكم جميعا انه هايبقى ذكرى
واعرفكم جميعا ان الثورة فكرة
وابشركم جميعاً .. ان الوعدة بكرة
والنور عندنا وعندكوا .. يا حبايب ،

العنبرة - أحمد فؤاد نجم - باريس 1986

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مـآمن يمشي فين



كلمتين يا مصر يمكن هما أخر كلمتين - بصوت احمد فؤاد نجم

كلمات : مولانا فؤاد حداد 
:)


عيوني من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحي 
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي وأنا زارع
أنا سارح
جناين بكرة فِ امبارح
ريحان الشوق بيتنهد
قديم وجديد وبيقلد
طريقة حسك الهادي
أشوفك ساكتة بتنادي
حياتى يومين
وحسك بينهم النسمة
عيونى من العطش قايمة
تناجي الليل ع سلمي
وقلبي يدق فِ الضلمة
ينورلي
ينورلي كأني صغير
ولسه هخاف واتطمن
ولسه هطير
وأجيلك من ليالي كتير
أبين ولا أتبين
تبين زين ولا أتبين
بحبك والندي بيغير
وضحك لسه بيجنن
وقلبك يعرف الرحمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحى
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة ينورلي 



سلمى _ احمد منيب

القصيدة التى يحتفظ بها خالد صالح من 16 عام ( عودة الأنبياء )


يا نجمتى
شفتيش بلد زي البلد دي عمركيش .. ؟
الموت فى تربتها انشتل
والسجن قضبان فى طريقنا بتنفتل
واللى انقتل
ما بينبكيش .. ؟
شفتيش بلد زي البلد دي عمركيش .. ؟


قصيدة صيادين النجوم - عبدالرحمن الأبنودي

الأبنودى - خايف أموت

تجميع مشاهد الفيديو الاساسي ... للأستاذ محمد سعيد
برجاء الدعاء لوالدته رحمها الله 

الخواجة عبد القادر ... مُجمّع Exclusive ♥

كلب الست - غناء : نبيل لحود 

Basata Band - Kalb El Set كلب الست - فرقة بساطة

عبدالرحمن الأبنودي-إكتم أنينك

قصيدة أنا الدرويش - عبد الرحمن الأبنودي


    النهارده لامبو مات..
    قتله ليل اسبانيا في الليل ع الرصيف
    قلبه كان لابس خفيف
    قتلته الآه..
    قتلته في الحانة شنبات الشاويش..
    قتلته الناس اللي غرقانة بهمومها في النبيت..
    قتلته الدوسيهات في دواليب الحكومة..
    قتله الطفل اللي مش لاقي الفطار
    طلعت الناس النهارده للكنيسة
    لقوه جنب الجدار..
    قطته جنب الجيتار..
    قاعدة مش شايفة النهار..
    في انتظار الليل.. واسبانيا.. وشنابات الشاويش
    لامبو مات.
    لامبو؟؟ يا عيني.. وتبكي الطفلتين
    يمسحوا دموعهم في ايد الامهات
    في المناديل الجديدة
    آخر الرحلة تموت يا لامبو على طرف الرصيف
    وانت لو جالك فقير..
    كنت تشوي قلبك الطيب تحطوله في رغيف؟!
    قطته توطي
    عشان دمعتها ما تعملش ع الاسفلت صوت..
    لامبو مات

    #الخال

قصيدة صيادين النجوم - عبدالرحمن الأبنودي

Eslam Spring

Recent comments

Kero Felemon

Mohamed Kamal

Mosta9775

Eslam Spring

Related tracks