:: هلا بحيدر ::
بمناسبة مولد أمير المؤمنين علي بن أبي طالب عليه السلام
شهر رجب 1442هـ - 2021 م

أداء الرادود / عيسى العيسى
كلمات الشاعر / أبو كمال الأحسائي
الهندسة الصوتية / جهاد الحداد
المونتاج / عباس اللامي

الحسابات الرسمية للرادود الحسيني عيسى العيسى
اليوتيوب : https://www.youtube.com/channel/UCp9R8n6hCLyAXFlSTDyzZXA
الانستقرام: https://www.instagram.com/essa_media
تويتر : https://twitter.com/ESSA_MEDIA
التيك توك: https://www.tiktok.com/@essa.media

القصيدة كاملة:

ولينا ..ولينا هلا بجيتك ولينا 
علينا ..علينا بزغ نورك علينا

حرم ورد   ركن غرد  زمن ردد    هلا بحيدر
       * * *       * * *
كرامة مانحك ربك..ابد ماحازها انسان
ولادة في وسط كعبه..يكعبة رب الاكوان
بزغ فجرك ابيت الله..يمن للبيت اركان
قداسة مولدك تعني..علي للطهر عنوان

محافل.. محافل امتلا الكون محافل
بلابل.. بلابل غردت لك بلابل......

وكل نجمه...ضوت بسمه.. تعيد اسمه
هلا بحيدر

    * * *      * * *
عظيم ومعجز بذاتك..ومعجز مولدك صار
تراتيل الوحي تحوفك..جليل ومهدك انوار
واسمك من علا ربك..علي فحواه اسرار
وتوضح سرك الاول..نشوفه بشُق للجدار

علامه.. علامه شَق للجدار علامه
من الله..  من الله بس لحيدر كرامه

يسبحانه....في قرآنه ... رفع شانه....
هلا بحيدر

       * * *         * * *
تباشير الفرح هلت..على الدنيا وعلينا
وافواج الملا الأعلى..اجت تلثم جبينه 
يهنون بعلي حيدر ..إلى حضرة نبينا
وكأن المصطفى ينادي..هلا بجيت وصينا

بوطالب.. بوطالب ألف مبروك بوطالب
تهنى.. تهنى باسد الله الغالب 

يهنيالك .... بطل جالك.....على فالك..
هلا بحيدر

      * * *        * * *
من اول يوم ياحيدر..الك اعطيك عهدي
اواليكم واتابعكم..وتحت الواك جندي
ونهجك ما ألي غيره..اتبعه بكل جهدي
وحكمك ياعلي حكمي..وحدك هو حدي

يغالي.. يغالي حفرت اسمك بصدرى
اشوفك.. اشوفك انت ملجاي وذخري

ترى ربك... فرض حبك.... ورفع ذكرك
هلا بحيدر

هلا بحيدر | الرادود عيسى العيسى | مولد أمير المؤمنين ع

:: ماذا أَقُول ::
شهر جمادى الآخرة  1443 - 2022م

أداء الرادود/ عيسى العيسى
الشاعر/ سالم الأحسائي
الهندسة الصوتية والتوزيع/ جهاد الحداد 
تنفيذ كورال/
جهاد الحداد
احمد الاحمد 
محمد الضمين
مخطوطة / عبدالله العلي

تابعونا ع وسائل التواصل الإجتماعية:
اليوتيوب: https://www.youtube.com/channel/UCp9R...
الانستقرام: https://www.instagram.com/essa_media
تويتر: https://twitter.com/ESSA_MEDIA
التيك توك: https://www.tiktok.com/@essa.media

القصيدة كاملة:
نُورُ طه النبي             باهرٌ للعقول 
سيدي سيدي           قُلْ لي ماذا أَقُول
                وُلدتْ فَاطمَه
                      *
الله ما سن الخليقة وتركها بالعبث
وما خلق معدوم أصلاً وأوجده ابدنيه الحدث
ولا صنع أجسام أصلاً ولا صنع بيها جثث
إلا بس للطاهره اللي الروحها الباري نفث

كُلُّ ما في الوُجُود      ناطقٌ سيقول 
سيدي سيدي           قُلْ لي ماذا أَقُول
                وُلدتْ فَاطمَه
                      *
الله ما سوه أرضنه ولا طبگ فوگ السمه
وما جعل الفلك يدوي بالطباق المظلمه
إلا بس لجل الرسول ولجل بنته فاطمه
الهالسبب سر الخليقه الباري عنا عتمه

فلأجل النبي             ولأجل البتول
سيدي سيدي           قُلْ لي ماذا أَقُول
                وُلدتْ فَاطمَه
                      *
عالم العرفان بيَّن والنجم ظهرت صفاته
والنبي المختار وضح كل أمر كان ابحياته
ومن بزغ نور البتوله وبدت أجمل ذكرياته
گال هذي هيه روحي فاطمه وگال إنها ذاته

كُلُّ من قد حضروا     هنَؤا بالبتول
سيدي سيدي           قُلْ لي ماذا أَقُول
                وُلدتْ فَاطمَه
                      *
النبي استبشر وأخبر أمته بالذي راده
وصار يخبرهم يگلهم عن مفاهيم العباده
وصار يرشدهم ويعلن لامته ابليل السعاده
سر تعاليم النبوه والإمامه والقياده

كُلُ سرٍّ يفوق            فَحْوى معنى العقُول
سيدي سيدي           قُلْ لي ماذا أَقُول
                وُلدتْ فَاطمَه
                      *
حگها كل الناس تفرح وتعلن ابليل المسره
لأن المصطفى الهادي بيَّن الهناس جهره
وگال ابمجمل كلامه بضعتي هذي الزهره
الياذيها ياذي الله ومنا آنه اتبره

مُذْ بدتْ فَرْحَتي        باسْم طه الرَّسول 
سيدي سيدي           قُلْ لي ماذا أَقُول
                وُلدتْ فَاطمَه

ماذا أَقُول | الرادود عيسى العيسى | مولد السيدة فاطمة الزهراء

:: نجم الحسن ::
شهر رمضان 1443 هـ - 2022 م

أداء الرادود/ عيسى العيسى
الشاعر / أبو كمال الأحسائي
الهندسة الصوتية والتوزيع / جهاد الحداد 
مونتاج وتنفيذ / مصطفى الساعدي
تنفيذ كورال/ جهاد الحداد و محمد الضمين
مخطوطة / عبدالله العلي

تابعونا ع وسائل التواصل الإجتماعية:
اليوتيوب: https://www.youtube.com/channel/UCp9R...
الانستقرام: https://www.instagram.com/essa_media
تويتر: https://twitter.com/ESSA_MEDIA
التيك توك: https://www.tiktok.com/@essa.media

القصيدة كاملة:
صوت الملك صاح     جايب بشاره
نجم الحسن لاح         وبانت أنواره
هنو البتوله والوصي     وجده الهادي
هنو البتوله والوصي      وجده الهادي
 * * * * *
أهل الروايات .. تذكر علامات .. وذكرى قُدسيه
نوره غشى الكون .. هذا اليذكرون .. رحمه مهديه
وهبت على الناس .. من كل الاجناس .. نسمه بحريه
وروح المحبين .. تغمرها الحين .. فرحة الجيه
تنطر على نار     فاطمه وحيدر
وجده المختار     جالس وينظر
هنو البتوله والوصي     وجده الهادي
 * * * * *
وآمر المعبود .. بجية المولود .. وانكشف نوره
نور الحسن بان .. في شهر الايمان .. في أجل صوره
أفراح وأعياد .. بليلة الميلاد .. تبقى مذكوره
وسبع السماوات .. هالليله بالذات .. كلها مسروره
وسبع الأراضين     أحيت الليله
وكل المحبين         حفلك تشيله
هنو البتوله والوصي     وجده الهادي
 * * * * *
بيت الوحي ماج .. من كثر الافواج .. حاضره يَمه
من حور وأملاك .. متجمعه هناك .. مهده إتلزمه
تهني الوصي بيه .. وجده تهنيه .. والبتول أمه
أول نجم لاح .. هل بسمه وأفراح .. في سما العصمه
قلب أمك اليوم     يالحسن طاير
من حولك يحوم     بوجهك يناظر
هنو البتوله والوصي     وجده الهادي
 * * * * *
ليلة فضل هاي .. فيها الحسن جاي .. باسمه مكتوبه
لن ربه علاه .. من لطفه أعطاه .. رايه منصوبه
بالجنه مهيوب .. شافع للذنوب .. اتبع دروبه
أول السبطين .. الخير النبيين .. نهجه وأسلوبه
ريحانه ميمون     بضعة الهادي
باسم الله مصيون     كلنا انادي
هنو البتوله والوصي     وجده الهادي
 * * * * *
لن الحسن غير .. زاد الشهر خير .. جوده ما ينحد
رحمه وسلامات .. منه وكرامات .. لاجله ما تنعد
حلمه والعلوم .. ماخذها ملزوم .. عن أبوعن جد
ومن فاطمه النور .. ما تشبهه الحور .. بحسنه اتفرد
يا سيد الناس     ياهلا بنورك
عيني وعلى الراس     روعة احضورك
هنو البتوله والوصي     وجده الهادي
 * * * * *
يبن الميامين .. بيك اهتنى الدين .. شرعه واحكامه
والشيعي اليوم .. ماعنده هموم .. ناشر اعلامه
ناشر شعارات .. حب وموالاة .. بالزكي اهيامه
وكل من يجافيك .. وقلبه يعاديك .. ناقص اسلامه
دربك سلكناه     نبغي الجنه
ما لحظه عفناه     من كثر حبنه
هنو البتوله والوصي     وجده الهادي

نجم الحسن | الرادود عيسى العيسى | مولد الإمام الحسن المجتبى ع

:: حبك ياحيدر ::
عيد الغدير الاغر | شهر ذو القعدة 1443 هـ - 2022 م

أداء الرادود/ عيسى العيسى
الشاعر / سالم الأحسائي
الهندسة الصوتية والتوزيع / سيد محمد الكاظمي
مونتاج والوان / عباس اللامي
تنفيذ كورال/ احمد قربان و سيد محمد الكاظمي
مخطوطة / عبدالله العلي
التسجيل / ستوديو فدك

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
تويتر : https://twitter.com/ESSA_MEDIA
التيك توك: https://www.tiktok.com/@essa_media

القصيدة كاملة:
من عالم الذر ياعلي     حبك ياحيدر ياعلي 
حبك ياداحي الباب     من عالم الأصلاب 
حبك ياحيدر 

* * * * *

يا أبا الحسن وياك   ابكل سنه ميعاد   وانجدد البيعه 
من چنه بالاصلاب   هذا العهد ينعاد   والموقف انذيعه 
واليشهد الأحداث   من گبل هود وعاد   احنه إلك شيعه 
والباري من سواك   ياعلة الايجاد   أمرنا بالبيعه 
 
والباري يشهد ياعلي     وأيد محمد ياعلي 
وسبب لك الأسباب     من عالم الأصلاب 

* * * * *

يا أبا الحسن نهواك   من چنه بالأرحام   گبل الولاده 
ومن بعد تسعه اشهور   ولا تمت الأيام   كل طفل ناده 
ياعلي ياكرار   يصرخ گبل ما ينام   صرخة سعاده
وحب الولاية كان   عالفطرة والإسلام   هذا اعتقاده 

ومن گبل هذا ياعلي     أنت ملاذه يا علي 
واللي رجه ما خاب     من عالم الأصلاب 

* * * * *

يا أبا الحسن مشغوف   وصوتي طفح ايمان   واسمع ينادي 
هيهات نتناساك   ابگلب مو بلسان   هذا اعتقادي 
حبك رضعته وصار   ايسيل بالدمان   ويجري ابفؤادي 
فتش ابكَلبي وشوف   ابداخل الوجدان   تلگه ودادي 
 
من رضعوني ياعلي     حبك غذوني ياعلي 
وكَلبي بودادك ذاب     من عالم الأصلاب 

* * * * *

يا أبا الحسن وياك   ابكل ساعة وبكل يوم   وابكل حياتي 
من اگعد انته اوياي   ومن افز من النوم   ساعة مباتي 
وابساعة الشدات   ولو بينت الهموم   انته نجاتي 
ياشهم يا نبراس   لو مر وگت ميشوم   بيك امنياتي 
 
وبسر حروفك ياعلي     كل ساعة اشوفك ياعلي 
ابهالعلم ما ارتاب     من عالم الأصلاب 

* * * * *

يا أبا الحسن موصوف   بالمصحف ومعروف   واضح بيانك 
وابـ ( قل هو ) انشوف   معناها عالمكشوف   بيها عنوانك 
أقسم قسم منعوف   حبك ينور الشوف   وتظل بمچانك 
مثل النجم وتطوف   وعگل المحب مشغوف   ويطلب امانك 
 
وانته اماني ياعلي     وسر المثاني ياعلي 
وانته شرح الكتاب     من عالم الأصلاب 

* * * * *

يا أبا الحسن انعيش   كلنه بعد وياك   وهذا عهدنه 
وحبك سند ايكون   يالبشدد نلگاك   انته سندنه 
يا هيبة التكوين   هالليلة من جيناك   غيرك ما عدنه 
انته جمال الكون   سبحانه من سواك   ولجلك وجدنه 
 
انته املنه ياعلي     ومنهج عملنه ياعلي  
وانته اولي الألباب     من عالم الأصلاب

حبك ياحيدر | الرادود عيسى العيسى | عيد الغدير الاغر

:: رحمات محمدية ::
مولد الرسول الأعظم صل الله عليه و آله وسلم
شهر ربيع الأول 1444 - 2022

أداء الرادود/ عيسى العيسى
الشاعر / أبوكمال الأحسائي
الهندسة الصوتية والتوزيع / إبراهيم خليل
مونتاج وتنفيذ/ مصطفى الساعدي
تنفيذ كورال/ عدنان المنسف و أحمد محب
مخطوطة / عبدالله العلي
المتابعة والتنسيق : علي البحراني
التسجيل / IK STUDIO

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
تويتر : https://twitter.com/ESSA_MEDIA
التيك توك: https://www.tiktok.com/@essa_media

القصيدة كاملة:
رحمات     وعلامات    طير الجنة غرد
كرامات     ومسرات    هلا بمولد محمد

رواية مولدك يا سيد الكون 
من نسج الجلالة
آية اتنزلت بكتاب مكنون 
في اعذب مقالة 
گلوب الناس تنتظرك والعيون 
يا شمس الرسالة
فرحنا والملايك هم يفرحون 
وكلن باحتفاله

گصدناك   وجيناك      يمرسول انتودد
لگيناك      حضناك     هلا بمولد محمد

             * * * * *

كسرى وعرش كسرى تزلزل اليوم 
هاي أول علامه
قصر الجور والطغيان مهدوم 
يمولود السلامه
كأن الكون صحرا وأنت الغيوم 
هلا بأغلى غمامه 
اجيت ومابگى بالدنيا مظلوم 
ماضلت ظُلامه 

روايات    ومقالات    بالمولد تمجد 
صرخات  ونداءات    هلا بمولد محمد

             * * * * *

يهادي الناس والكاهن المحتار 
ينظر بالسموات 
يعاين للنجوم وينشد شصار 
شنهي هالعلامات
الكواكب  تختلف وتشع بالانوار
ليش اليوم بالذات 
أثاري مولد الهادي المختار 
ومحتفله المجرات 

من جيت   خليت    نهج الله تحدد
غنيت       وناديت   هلا بمولد محمد

             * * * * *

أبواب السما بوجه الشياطين 
ميلادك قفلها 
واحتار الرجيم يطير  من وين 
وأعوانه سألها 
شهب واملاك وگفت بالملايين 
تحرسنا شغلها 
اليوم اليوم جا خير النبيين 
وعشاگه بحفلها 

اسرار   واخبار     شحچي لك شعدد
انوار    بالدار      هلا بمولد محمد

             * * * * *

بگت اكبر علامه اليوم تنگال 
حبيب الله يهادى
ميلادك جمعنا شيب واطفال 
من صلب اعتقادى 
عشاگك نضل أجيال وأجيال 
وكل عاشگ ينادي
محمد كالندى فوگ الگلب سال
ونبت باسمه ودادى

تحنان   وألحان    نعزفها ونردد
الآن       وكل آن   هلا بمولد محمد

             * * * * *

محمد رحمة الله وعمت الناس
هلا باشرف ولاده 
محمد أريحيه وفوگها احساس
بالحب والسعاده 
مهابه يامحمد مالها قياس
ياتاج القياده 
أحبك مو حبر يحويه قرطاس 
حبي لك عباده 

مهيوب    ومحبوب   من حَبك تسدد 
بالقلوب   مكتوب   هلا بمولد محمد

رحمات محمدية | عيسى العيسى | مولد الرسول الإعظم ص

:: أقمار شعبان ::
مولد الإمام الحسين و العباس و السجاد عليهم السلام
شهر شعبان 1444 - 2023

أداء الرادود/ عيسى العيسى
الشاعر / أبوكمال الأحسائي
الهندسة الصوتية والتوزيع / جهاد الحداد
مونتاج وتنفيذ/ مصطفى الساعدي
تنفيذ كورال/ محمد الضمين و جهاد الحداد
مخطوطة / عبدالله العلي

يهدى ثواب هذا العمل إلى :
مدينة حسين البوسعد 

وإلى أرواح المؤمنين :
حجي أحمد العيسى
رضيه كاظم المخيدير
إبراهيم حسين المخيدير

وإلى أرواح موتى جميع المؤمنين المشاركين في انجاز هذا العمل 

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
تويتر : https://twitter.com/ESSA_MEDIA
التيك توك: https://www.tiktok.com/@essa_media

القصيدة كاملة:
السما زايد ضواها والقمر فيها انحجب❗
شلون صارت هالحچايه ياتُرا شنهو السبب ؟

ياشهر بالله اعترف  
ليش وضعك مختلف !؟

كل شهر هلاله واحد وانت أكثر  وش عجب‼️
                    
                  * * * * *
شع وبان الفرح كله    من اجا هذا الشهر 
بهجت الأرواح زادت   بس تُرا شنهو الخبر ؟
شو ثلاثه امن الأهله   كل اهلال أصبح بدر

بس إلك عدة أهله
زينت هالكون كله

ياشهر هذي كرامه إلك انت تنحسب 
شلون صارت هالحچايه ياتُرا شنهو السبب
                    
                  * * * * *
انتشى شعبان وابسم  وبدا ينطيني جواب
وقالي روح المدينه    ولاحظ الشي العجاب
بدور من نور القداسه  الله شق عنها الحجاب

ومنها جتنى هالمهابه
وشان واصل للسحابه

وإن شدا الشادي باسمهم انتشي له وانطرب
شلون صارت هالحچايه ياتُرا شنهو السبب
                    
                  * * * * *
افتتح الاعياد كوكب   وجنته انقى لجين
يوم ثالث باب رحمه    انفتح للمؤمنين 
اهتفت الاملاك باسمه   هذا ميلاد الحسين

حسين سر الله تعالى
مكتسي بثوب الجلاله

ارفع آيات التهاني  للزكيه يالمحب
شلون صارت هالحچايه ياتُرا شنهو السبب
                    
                  * * * * *
ويوم رابع ياجماله   من جمال اللي حضر
أذهل الناس بوصوفه  اسمه عباس القمر
الشمس تخجل تنظره  نورها اگباله انكسر

الفرح غطى العوالم
من اجا بدر الهواشم

يوسفي هو بجماله والاسم عزم وغضب
شلون صارت هالحچايه ياتُرا شنهو السبب
                    
                  * * * * *
ومفخرة بيت الرساله    يوم خامس هل علي
السجود انكتب باسمه  ومن سجوده يعتلي
ياهلا بزين العباد          ياهلا بثاني علي 

هل على الدنيا هلاله
وصوت فرحتنا تعالى

ارفعو صوت المحافل هالمسا فوق السحب
شلون صارت هالحچايه ياتُرا شنهو السبب

أقمار شعبان | عيسى العيسى | مولد الإمام الحسين و العباس و السجاد ع

:: محبوب ::
مولد الإمام الرضا عليه السلام
شهر شوال 1445 - 2024

أداء ملا / عيسى العيسى
شعر الأديب / جابر الكاظمي
الهندسة الصوتية والتوزيع / جهاد الحداد
مونتاج وتنفيذ/ مصطفى الساعدي
تنفيذ كورال/ محمد الضمين و جهاد الحداد
مخطوطة / عبدالله العلي
الترجمة / زينب سليمان

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
تويتر : https://twitter.com/ESSA_MEDIA
التيك توك: https://www.tiktok.com/@essa_media

القصيدة كاملة:
محبوب محبوب           وبحبك انذوب
وبگلبي مكتوب             اسمك يمهيوب
كل حبي وهيامي           باسمك يا إمامي
                   *  *  *  *
هالليلة الصدر مشروح واحچي بكل رحابه
أعزف أعذب الألحان والمهجة ربابه
مسرور الگلب واقريت موال وعتابه
بميلادك يمن يهواك وحي وكتابه
أهواك أهواك           وبروحي ذكراك
كل فكري وياك           ما لحظة أنساك
واتعين وسامي            باسمك يا إمامي
                   *  *  *  *
وافاني بشير الشوگ واتوجه إليه
بشرني ونطيت الروح للمولد هديه
أشعر چن نجوم الليل حطهن بين ايديه
غازلت السمه وغنيت لعيون الثريه
ألحان ألحان             حبك يا سلطان
كل ما بالاكوان          ويايه فرحان
واتعطر كلامي           باسمك يا إمامي
                   *  *  *  *
بشرني البشير وراح للمحفل دعاني
جيت المحفلك محفوف بالحب والأماني
باسمك يالرضا اختطيت آيات التهاني
كل ما بالنفس ألحان رددهن لساني
أنغام أنغام                    ما إلهن أرقام
بيك المحب هام           يا نسل الاكرام  
كل شوقي وغرامي         باسمك يا إمامي
                   *  *  *  *
يا موجة بحر طفاح بالحب والمحنه
مشغوف المحب وبغير اسمك ما تغنه
ابحبك يالرضا الدلال مسرور وتهنه
هالليلة المحب بالشوگ للمحفل تعنه
وياي وياي                 فرحانه دنياي
بحبك يمولاي            ظل ثابت الراي
واسرار الأسامي          باسمك يا إمامي
                   *  *  *  *
يا عاشر بدر معصوم تسطع بالكرامه
يا ثامن إمام وبيك مصيونه الإمامه
نهجك للبشر وداه عد شاطي السلامه
وانته بجبهة التاريخ للمؤمن علامه
أسرار أسرار                   تتوهج أنوار
يالمولدك صار              للعزه تذكار
هذا آنه اعتصامي         باسمك يا إمامي
                   *  *  *  *
يا نسمة أمل دنياي يا زهرة ملاحة
چفك يا محيط الكون منبع للسماحة
من علمك كسبنا اعلوم دستور الفصاحة
دنيا وآخره الوالاك يتحقق نجاحه
معصوم معصوم           ميلادك اليوم
بعيوني مرسوم             وبگلبي مختوم
اختم هالختامي           باسمك يا إمامي

#الرادود_عيسى_العيسى
#مولد_الامام_الرضا

محبوب | عيسى العيسى | مولد الإمام الرضا عليه السلام

🚩 :: مسلم تعنه ::

🎙اداء ملا | عيسى العيسى
🖋 شعر المرحوم | السيد عبدالحسين الشرع
🎛️ الهندسة الصوتية والتوزيع | جهاد الحداد
🔳 تنفيذ كورال | محمد الضمين و جهاد الحداد
🎬 مونتاج وتنفيذ | مصطفى الساعدي
🖋 مخطوطة | عبدالله العلي

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
التيك توك: https://www.tiktok.com/@UCp9R8n6hCLyAXFlSTDyzZXA 
تويتر : https://twitter.com/ESSA_MEDIA
ساوند كلاود: https://soundcloud.com/essa_media

القصيدة كاملة:
مسلم تعنه الجيمت أهل الكوفه
مشهر البتار              يشبه الكرار
من يگصد الجيش     ويطشر اصفوفه

*
طلع من الدار محرب         ولمــــذهب يشع بيده
زلزله وعالگوم حدر         يرعد ويصدف رعيده
صاح وين المفر عني         صارت الشرده بعيده
گام اعلى جيمتهم يكر          واعيونه تتواگد جمر
اتولاهم ابسيفه طبر               والنعم والد حميده
كور الخيل وذبها على المردوفه
خله الدمه اعبار         يشبه التيـــــار
يعجز اسكندر من يريد ايروفه

 *
يشد گام اعلى الكتيبه         وطوعه من خلفه تهلهل
ذكــــر الوادم ابعمه         اعلى الحزم من گام يحمل
وده لابن ازياد الاشعث      بالمدد والخيــل عجـــل
مسلم على العسكر غضب     وحطم صنــاديد العرب
راواهم ابحربه العجب         ليث چنه وهاج مشــبل
مسلم حجر سجيل ترمي اچفوفه
واظلم النهار          من كثر الغبار
وعين الشمس منها غدت مكسوفه

*
چنه ملچ الموت سيفه       والقدر مسـلم اسلاحه
بيت ما خله ابنزلته            إلا ما حط بيه مناحه
هجت أهل الخيل منه        وكبر العسكر اصياحه
بيّن ابعيناه الغضب       من شاف فرسان العرب
سيفه ابجماجمها خطب       لاچن ابدع بالفصاحه
چا من ابصمصامه القدر واحتوفه
سيفه ولقدار           عدهم جسم صار
قبض الارواح ابينهم منصوفه

*
عجب الوادم ابحـربه          وذكـــر الوادم ابعمه
انگلبت الكوفه اعلى حربه    وكل فزعهم ما يهمه
ايطشر العسكر ابسيفه         ورمحه للعسكر يلمه
گلبه ابحربهم ما يهم          ظل ينگد اعيون الزلم
ايطشر وبالعسكر يلم       وخضب العسكر ابدمه
ذكرهم ابصولة علي الماصوفه
خلاها طشار           والجيش محتار
ما يگرب الحربه بعد من خوفه

*
انجسمت اعليه الحرايب     ودعت الكوفه اعلى حربه
بالرماح وبالمواضي            وبالحجر گامت تضربه
والفحل يطرد وراها           وخايف امن الغدره گلبه
خايف دليله امن الغدر             يدري ابهم جيمت كفر
دارت عليه من كل كتر       وچلچلت كلها اعلى دربه
بلده وزلمها بالغدر معروفه
ما بيهم احرار        انذال واشرار
والغدر هيهات الانذال اتعوفه

*
من حرب مسلم وباسه        گالو اشلون البصيره
گعدت الناس اعلى دربه     وحفرت المسلم حفيره
من گصدهم وگع بيها       وظل ابو طاهر ابحيره
وتناخو اعليه العده           وانطو أمان أهل الرده
ومن چفه طاح امهنده       وظل طرف عينه يديره
حاطت به جيمان الاعادي اتحوفه
بس دمه اعبار            وبمهجته نار
يا ريت حاضر ياعلي وتشوفه

مسلم تعنه | عيسى العيسى  | جديد محرم الحرام 1446 هـ - 2024

🚩 :: يا جدي ::

🎙اداء ملا | عيسى العيسى
🖋 شعر الأديب | جابر الكاظمي
🎛️ الهندسة الصوتية والتوزيع | إبراهيم خليل
🔳 آهات وكورال | سيد محمود الهاشم و محمد الضمين و جهاد الحداد
🎬 مونتاج وتنفيذ | مصطفى الساعدي
🖋 مخطوطة | عبدالله العلي

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
التيك توك: https://www.tiktok.com/@UCp9R8n6hCLyAXFlSTDyzZXA 
تويتر : https://twitter.com/ESSA_MEDIA
ساوند كلاود: https://soundcloud.com/essa_media

القصيدة كاملة:
يا جدي تسمع شكوتي    خانت ايامي    والگلب ظامي
ريتك تشاهد حالتي     عالترب دامي    والگلب ظامي
                           *  *  * 
يا جدي ريتك چنت حاضر وياي    بالغاضريه
خلوني وحدي بكربله گوم اعداي    جاروا عليه
وبلا ذنب حرموني من شرب الماي    گوم آل أميه

زيدت نيران العطش    جمرة خيامي    والگلب ظامي
ريتك تشاهد حالتي    عالترب دامي    والگلب ظامي
                           *  *  * 
يا جدي بصواب الحجر دمي سال    شيبي تخضب
سهم المثلث گطع هرش الدلال      چبدي تصوب
وخيول أمية هجمت اعله الأطفال    والخيم تلهب

گوم اللي سلبوا جثتي    سلبوا ايتامي    والگلب ظامي
ريتك تشاهد حالتي     عالترب دامي     والگلب ظامي
                           *  *  * 
يا جدي هاي الگوم ما رحموني    وبحالي تدري
عطشان وبسيف الغدر ذبحوني    وانگطع نحري 
بالخيل من عگب الچتل سحگوني    وهشموا صدري

گطعوا وريدي بلا ذنب    وزادت آلامي    والگلب ظامي
ريتك تشاهد حالتي      عالترب دامي     والگلب ظامي
                           *  *  * 
ريتك تشوف النحر لمن گطعوه    وانسفك دمي 
براس الرمح نصبوا راسي وشالوه    والوجه مدمي 
وجسمي ثلاثة ايام بالطف خلوه    عالغبره مرمي
 
وبكربله جور الدهر    خيب احلامي    والگلب ظامي
ريتك تشاهد حالتي      عالترب دامي     والگلب ظامي
                           *  *  * 
يا رسول الله الجسد ظل بالميدان    طايح موذر
وبلايه راس موسد اعله التربان    بالدمه امعفر
وظليت اتنطر يجيلي الدفان    للدفن يحضر

خلوني مرمي بلا دفن    محد يحامي    والگلب ظامي
ريتك تشاهد حالتي      عالترب دامي     والگلب ظامي
                           *  *  * 
راسي طلع ويه الفواطم للشام    يخبرك عنها
ايشاركها بالهم والهضم والآلام    ويحسب محنها
نوبه امشي جدام الحرم والأيتام    أحرس ظعنها

ونوبه اليتامه والحرم    تمشي جدامي    والگلب ظامي
ريتك تشاهد حالتي      عالترب دامي     والگلب ظامي

#الرادود_عيسى_العيسى
#محرم_1446
#عاشوراء_1446

يا جدي | عيسى العيسى  | جديد محرم الحرام 1446 هـ - 2024

:: سر الوجود ::
شهر ربيع الثاني 1446 هـ - 2024 م

🎙الملا | عيسى العيسى
🖋 الشاعر | سالم الأحسائي
🖋 مخطوطات | عبدالله العلي
🎛️ الهندسة الصوتية والتوزيع | إبراهيم خليل
🎥 مصور | سيد مهدي البراهيم
🎥 مساعد مصور | طه البن أحمد
🎬 مونتاج وتنفيذ | سيد محمد البراهيم
🔳 المتابعة والتنسيق | علي البحراني 

يهدى ثواب هذا العمل للأرواح النورانية الطاهرة من مات على حب محمد وآل محمد . كل الشكر والتقدير لمن ساهم لإنجاز هذا العمل الشكر  للجميع في كل المجالات فهم الأيادي البيضاء  لإنجاح العمل من خلف الكواليس ..

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
التيك توك: https://www.tiktok.com/@UCp9R8n6hCLyAXFlSTDyzZXA 
تويتر : https://twitter.com/ESSA_MEDIA
ساوند كلاود: https://soundcloud.com/essa_media

القصيدة كاملة:
سچاچين الوكت تجرح عدل فيني 
وعذولي لسى ايعاتب وما امخليني
صفيت الوحدي ما أدري العمل والراي
أثاري الوكت اسهامه تأذيني
ونظرات العتب اللي عليَّ اتكون
ابنفسي اختلي ما مره تخليني

لون كل مغرم الناس التراقب بيه
چا شنهو الصبر اللي يكفيني 
اشب امن الغرام والتهب كل حين
ما مره شفت اللي يطفيني 
اذوب آنه ومثل قيس العشگ ليلاه
واظن ناره اخف من هاللي تكويني 

واضلوعي اصطفت مثل الحطب بالروح 
ولواهيب الجمر تحرگ عدل فيني 
واشد منها الشماته لو اجت واتلوم
وابنار الحقد گعدت تحاچيني
أنا اللي اعشگت ياناس سر اوجود
وعنهم ما أشت لحظة ويخلوني

همّه اللي بضميري وهمّه بالاحساس 
وهمّه اللي بشعوري وهمّه بعيوني
أعيش اوياهم ابكل لحظة وابكل حين
وما أنسه ولاهم حتى تكفيني 
مو همّه اللي حبهم فرض كل الناس
چا ليش البشر بيهم يلوموني ؟

سر الوجود | الملا عيسى العيسى | جديد شهر ربيع الثاني 1446 هـ - 2024 م | سچاچين الوكت تجرح

القناة الرسمي للرادود عيسى العيسى

محبوب | عيسى العيسى | مولد الإمام الرضا عليه السلام

عيسى العيسى / ESSA ALESSA

Related tracks