بليــاتشـو - أنتيـكا راب

هي كُل دول ..
و الكلام وقت إما أقول ..
ندي : ))
كُل سنة و إنتي بنتي و صاحبتي و حببتي
كُل سنة و إنتي اللي باقية من كُل السنين

كُل سنة و إنتي الوقت
و الدفا
و الأمان

ربنا يخليكي ليا 
الكلام ده عنها
و ليها
و مزيكته من أول أغنية سمعناها و حبناها إحنا الاتنين سوا

يا وردة مغسولة بـِ ندى : ))

بحبك <3
____
كلمات :- شيماء عبدالله
مونتاج :- ضياء صبري
مزيكا :- ياسر عبدالرحمن - هو إنتي ليه بعيدة كده من فيلم هي فوضي .


Entii El Banat Kolohm-shimaa abduallah

بين مرحلة فضا , يليها زحمة مشاغل الحياة ,
لقيتني بسرح ,
بسرح في امبارح اللي عدّي صاروخ ,
في دعوة دعيتها بحرقه , و لسه ما اتحققتش ,
بالجزع و من بعدُه الرضا ,
______________
لقيتني ركزت لأول مره في الحياة ,و خرجت الطاقه دي ,اللي كنت مستهلكها بس في البُكا عاللي راح ,
لقيتني ارتحت , و انا مشغول ,
و لكن من تاني لقيتني , سرحت ,
بقالي كتير اصلي ما حلمتش , فقولت افتكر , حواديتي ليّا زمان ,
و الليل في بدايتُه و لسه مطوّل , يمكن اتوه في حدوته من اياهُم ,و انام ,
______________
و كان يا مكان , كان في واحد , مش حاسس بالأمان ,
بيدوّر على حكايته المتبعترَه , عشان يخبيها لنفسُه من عيون الناس ,
بيحاول يفهم , يعني ايه حُب ؟ , يعني ايه صاحب , يعني ايه حُضن , يعني ايه أمان ؟
و راح بحياتُه لمتاهه , 
بين جدرانها كان ضلمة , و اخرها نور في توب معيوب ,
سرح بخيالُه في الضلمة , و رسم بنت حلوة و حبها ,
و زين لنفسُه قربها , 
رسم بخياله , اللي مش فيها , و اتمنى يشوفُه ,
و نسي , انه بيرسم في الضلمة ,
قاد نورُه للحظة , لقى الصورة ملخبطة , 
و فهم , ان اصل الصورة , ماكنش محتاج تعديل , 
و ان رسمُه الزايد , بوّخ الصورة اللي اصلاََ , مش لايقه على خيالُه ,
_____________
كمّل تاني في المتاهه , بس رسم صاحب يكون ونيس , 
و نسي ان بره المتاهه كان لُه عزيز , 
 خيالٌه من تاني خانُه في الضلمة , و خناقُه مع صاحبُه لسوء الفهم ما كنش عيب في الصاحب ,
بس عيب في اللي اختارُه , 
اصل خيالُه ده بليد , و اصلُه ما بيعرفش يختار ,
قال, طب هصبر تاني و اتعلّم , 
اصلي بختار اجبار , بين ضلمة المتاهه ,
___________
و كمّل تاني في متاهتُه , لسه بيدوّر على حكايتُه , 
بقلب مُرهق , و روح حزينَه , 
الضلمة زينتلُه من تاني البنت , 
يا عم دي جيّالك خليها تدفّيك في حضنها , دي هي اللي قدّامك ! 
مش لسه بتحبها  !!
قام رد , ازاي احب اللي مش شبهي ! ,
و الحضن ده كداب , مش هغلط تاني و اختارُه ,
ده الحضن اللي هيحضنّي , هينوّر الضلمة , و يخرجني برّه المتاهه ,
__________
النهار زمانُه طالع , عايز اكمّل باقي الحدوته ,
اخر المتاهه , كانت بنت صغنطrrوته ,
كان في عيونها شئ غريب ,
شئ خلاه أول مره يختار ,
هي دي , 
انا مش هرسم تاني بخيالي , انا بشوفه قدامي حي ,
الحكاية بتتحكي في صورة جديده , اجمل من اللي كنت بدور الاقيها ,
اصل الماضي لازم تتصالح معاه عشان تبني المستقبل ,
انا فهمت بيها الماضي , عشان هي المستقبل ...
آخر الحدوته , آمان , 
ياما عاش يحلم بس يفهم معناه ,
الآمان في الحب , 
في الحضن وقت الحزن ,
في الصاحب اللي بيقويك ,
و المتاهه , اللي بتحلى بس وقت الوصول,
احلى ما في الخيال , هي ..
و احلى ما في التوهان , هي ..
و احلى ما في الاحلام , هي ..
_________-
خلاص انا افتكرت حواديتي , 
و من تاني راجع انام ,و احلم ...

تشويش غير متعمد-حدوتة آخر الليل

الكلمات 
_________ 
والليل عياط 
والعزله ليل وعياط 
والاكتئاب .. اصعب طريقه للانتحار وللاحباط
مفضلش حد .. كل اللى فاضل منهم مفصلش 
متغبش .. 
كل اللى لسا موجودين بروحهم هنا غابوا وانت اللى روحك ف السما متغبش
مشيت .. وسايبلى ذكريات هشه ووحده وبيت 
صبح مهجوز .. معشش خوف 
معتش ظروف هتمنعنى ب انى اكتبلك 
وافضفضلك .. 
ف من فضلك انزلى  تانى شوف مشاكلى ووحدتى او خدنى فوق  
كملت اهو عشرين سنه 
وعشرين وجع .. 
عيط .. اه عيط كتير ولا شيئ رجع

لا انت رجعت ولا حتى خالى
وبقيت بعانى من القلق والاكتئاب
وبقيت ببرد م الفراق شتا اوصيف 
عارف يارب انى ضعيف عارف <
"وعارف انك" لا تحمل نفسنا الا وسعها
بس انا وسعى ضاق بيا
غبى انا غبى يارب عارف 
بحضن ف شوك مستنى يطرح ليا ورد ! 
وامسك ف ناس غاويه تشوفنى كئيب
بس انا والله مش كده 
اسأل عبده عليا 
هيقول انى كنت لعبى 
واسأله فين لعبى يارب 
فين الطساسيس 
او بنك الحظ 
والربع حنيه بتاعى معاه .. خلي يجيبو انا مخاصمه 
وقوله انة معتش بلعب حتى .. هلعب مين غيره يعنى 
من بعده حاجات رافضه تفرح .. وكتير اوى قاصد يوجعنى 
وقوله ان انا  حبيت جديد .. وسابتنى عادى ف وحدتى
وانت السبب عشمتنى بالاهتمام وبالسند  وسبتنى وطلعت انت للسما 
وبقيت بدور ع السند فيهم  واسند انا ويكسرو ويزود الوحده بهم .. مش ده المهم 
المهم انى من زمان حتى مصلتش .. انا عارف ان ربنا جمبك دلوقتى 
اتأسفله .. قولو محمود اسف جدا والله يارب .. وبيحبك .. وملوش غيرك
واهو بكره يارب يعقل ويكون ماشى  ف خطوط سيرك 
قوله يطمنى عشان خايف 
قوله محتاجه واهو شايف 
الحال ازاى ... 
حبوب الاكتيئاب رافضه تجيب نتيجه 
والمهدئ بقى بيعصبنى
. والمنوم بيسهرنى كتير 
والقهوه المره .. طعمها بقى سكر مش لاقى أمر
وبقيت بتوه  ومش لاقى ممر 
ولا لاقى دليل .. الليل لا مبحبوش ..  الضلمه بتوجع وتطيب 
والنور بيطيب وبيوجع .. 
لا انا عارف  ارجع ولا افضل 
ولا عارف اخاف ولا اطمن 
الحمد لله  انا راضى بس انت واحشنى  ف قولت اكتبلك .. علشان مش عارف احكى لمين .. متغبش كتير .. انا هستناك .. ولا اقولك استنانى 

محمود مصطفى علام _ رسايل مبتوصلش

من فضلك تابعنا وللمشاركه معنا تواصل عبر سكايب 
skype >> mrezz2014
شكرا لكل المتابعين

انتى كامله | دراما الواقع

قصيدة ملعون حبك كلمات الشاعره سماح عبدالفتاح   #سماح_عبدالفتاح  #ملعون_حبك

مينا صفوت_ القمر

كلمات والقاء / ابراهيم غازي
هندسة صوتية / أحمد الصافي

الكلمات

كانت بتسمعلك أغاني عشان
أو مُش عشان
هي دلوقت  فِ مكان وأنت فِ مكان
مُجرد فترة لمُراهقة وكبت مُخاط
وإفراز هرمونات عاجز وطيف إحباط
عياط م الوحدة دون تفكير
سليمة يا عم قلبك باظ
لكن بتحس 
لِسه خير
مشيت وياها نفس السير
وكانت قشة مع ريحك
غبي
سلمت مفاتيحك لرمش كحيل
بيسمعلك فِ نُص الليل
أغاني الصبح بتسيَّل مع المكياج
نقول كُنت فِ حياتها علاج .
نقول فترة
ساعات بنكون لناس قاسية
بديل الدمع
أو قطرة
وهي
1000 × 100
ضحية .
ضحية مِن ضحايا حُب دخيل
لقتهم حبوا فيك طبعك
وصبرك مهما تقِل الشيل

ما بتحبكش بـِ قواها
ولا حبت بعقلية
ولا كان  إللي جواها
ولا كان حُب فِ النية
عجزت بجد تقراها
عشان كانت رومانسية ..بتتأثر بما حاطها
دي واحدة علموها تحب
وتضحك أمتى فين مع مين
ما فهموهاش
بإن الضحك وعياطها .
 بإرادتها

فا حبست روحها فِ أوضتها
وسمعتلك بهاند فري .

ما سمعتلكش بهواها

بجد بجد ظلموها
وجيت بالظلم وياها

ما كُنتش ناوي تهواها

لكن مِن كُتر إلحاحهم عليك حنيت
وهي شِبه بتحلل مشاعرك
نمت فجأة صحيت
لقيت الكادر عامل زووووم
وهي عينها شبة فلاش وناشر صمتها المفهوم
 لقيتها لوحدها فِ مشهد
بتتنهد
ساعتها 
وإللي كان رابط حياتها معاك
ما كانشي غير سحاب صيفي ما بيمطرش غير فِ عيون   
فا تنزع حبلها السُري عن الايفون
وتسمعلك لأول مَرة دون ما يكون
فيه حد جابرها على صوتك

فِ هذا المشهد الفِطري بتولد نفسها ذاتي
وتولد للي جاي موتك

صحيح كان ليك طلل ليها
فِ حين إغوائها تِستناك
كانت وياك فِ حين لما وجود الأهل كان رابط
لكن دلوقت فارقوها
أبوها كان صحيح حابك
وكانت أمها شايفاك
بيتمنوك صحيح ليها
وليهم كات بتتمناك
يجوز بالفُرقة دي شافت لأول مرة مشاعرها
بدون إجبار
وحركها الفُراق تِختار
بدون تشويش
وتنزع عنها هاند فري وتسمع وحدها وتعيش
ولما دخلت ليها البيت
كانت فاقت  وكنت حَنيت
وكنت نسيت على رموشها  طلل ماضي
جريت العُمر ع الفاضي
ولما وصلت
غسلت عنيك بدمع الشك
رصيد العُمر قد أوشك على نفاذه

فا سيبُه الشخص لِ ما عازُه
ما تجبروهوش
خصوصا حب إكراهي
عشان ما ألمحش ف عيونها دموع ولا هي تلمحني

مشيتوا وسيبتوا سكينكوا بأتلم حتة تدبحني
 
أديني عشقتها يا إللي
فارقتوها فا فارقتني

أنا ما اقدرش أقول فعلا بأنها خاينه وخانتني
لكن خلتني أعشقها
فا عشقتوها ليه فيا
ضحية
بفعلكوا  كانت
وأنا مِن فعلها ضحية
وغيري نفعلها علشان خدت وقت وحنين وحنان
بدون ضغط وكيان جبري
وحيد دلوقت بل أبدي
لحين العُزلة مع قبري

ومن غير واحده علشان حد
لحب له حد قد مالت

سيبونا نحب دون تفريغ
طاقات  الحب جواكوا
سيبونا نهوا شئ لينا
كما كنا بنهواكوا
عشان دي بنذبكوا فيها
لواحد ذنب قد شالت




سيبونا نحب وش لوش مِن طرفين
لمنع ظهور طرف تالت

طرف تالت

اتغيرتي ليه ..احمد فضل و احمد البرش 2018

لسه انت كنت في بالي

وانا قاعد سرحان و حزين
بالصدفة الباحتة لمحت اتنين
ماشيين ف شارعنا الفاضى
فندهت الاقرب ليا
بقولك يا فلان ...
محتاج افضفض حبة معاك
وقتك يسمح انى أتكلم ؟!
- أتفضل قول .. و انا وياك
انا ليا كتير عايش وحدى
ساكت سارح .. دايما مشتاق
انا كل حياتى .. فراق ف فراق
انا خايف أقرب من بيتنا
ليكون حايش جواه ذكرى
فتزيد شوقى .. و انا مش حمل زيادة بجد
انا دايما باصص فى الارض
انا اول مرة ارفع عينى
و دى اول مرة انا بحكى لحد
عارف يا فلان
انا ليا زمان مسجون فى الحزن
و ان حتى ان عوزة احضن نفسى
ممنوع م الحضن
انا ياما حاولت اهرب لكن
برجع تانى
انا نفسى الشوق يوم ينسانى
بقولك يا فلان ...
الاقيش وياك حبة أفراح
الاقيش وياك ..
أستيكة بتمسح اى جراح
الاقيش عندك وحياتك
ماحى لعقلى و لكل ما راح
الاقيش نسيان ..
طب اى مُنبه للسرحان ؟!
- والله ما فيه
يا خسارة خلاص .. شكلك مليت
عموما شكرا على ذوقك
تقدر تمشى ..
- شكلك تعبان
انا هخطف عينى لتحت و انام
و ان شاء الله انا هبقى تمام
شكرا يا فلان ..

Facebook : https://www.facebook.com/Brado11/

قصيدة حزينة بعنوان فُلان لـ عبدالرحمن محمد

اشعار وقصائد بالعاميه المصريه عيش الاحساس ولاى مساعده كلمونى على 
skype.  mrezz2014
او الاتصال على 01096949692 واتمنى للجميع استماع ممتع