 سادد عليّا النفَس .. فاتح عليك النار 
مش بالسلاح باهزمك .. لكن بسيل أحرار 
مابين ميدان وميدان .. هتلاقي برضه ميدان 
مليان بثورة غضب .. والثورة للجدعان

قول ياخسيس باسمعك .. ردي صمود وثبات 
وجعْتني وهاوجعك .. والعبرة بالنهايات 
اللي قتلني جبان .. واللي خذلني جبان 
واللي نصرني جدع .. والثورة للجدعان

مش هاحلف بس أقسم بالله .. نخضع مستحيل 
الثورة مستمرة .. لو كان المشوار طويل
الثورة في المدارس .. والشوارع .. والحيطان .. الثورة للجدعان

أول حروف الأمل .. طلقة تساوي حياة
شايل عزيمة جبل .. صابه الرصاص نجاه
ياصبرك الفتان .. ياقلبك الإنسان
واقفها وقفة جدع .. والثورة للجدعان

ياحضرة العسكري .. أنا حضرة الثاير
أنا اللي حلمي ابتدا .. لبلادي في يناير
ماكانش بالمجان .. حلم اني اعيش إنسان 
مايشيله إلا الجدع .. والثورة للجدعان


الثوره للجدعان - محمد الصهناوي

Wa7ed Ft. Mc Amin

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

الكمال - علي طالباب

الثورة كدبة كبيرة
الثورة مالهاش وجود

العفن _ علي طالباب

لا للديكتاتور في أي شكــــــــــل كــــــــان .

إعلامي عقلي ...بيموّله دم أخويا اللي وقع جنبي...
في الميـــــدان .

قدّسوا الحريــــــــة ...كي لا يحكمكم الطغـــــاة .

علي طالباب - نصارع الظلام

القناص - رشا رزق

NCS: Music Without Limitations.

🔊 Free Download / Stream: http://ncs.io/AnyCloser
🔑 Become a SuperFan → http://ncs.io/SuperFan
🛍️ NCS Merchandise → http://ncs.io/StoreNS

NCS Arcade →  our official second channel has just launched, including our brand new 24/7 Livestream! 

Join in here: https://www.youtube.com/watch?v=-Mypt378fkc

Watch on YouTube: https://www.youtube.com/watch?v=MVXja46rOOg

[NCS]
• http://soundcloud.com/NoCopyrightSounds
• http://instagram.com/NoCopyrightSounds
• http://facebook.com/NoCopyrightSounds
• http://twitter.com/NCSounds
• https://www.twitch.tv/nocopyrightsounds

[Netrum]
• https://www.facebook.com/netrumsounds
• https://www.instagram.com/netrumsounds
• https://soundcloud.com/netrumsounds
- - - - - - - - - - - - - - - - - - - - - - - - - - - - - - - - - - - - - -

When you are using this track, please add this in your description:

Track: Netrum - Any Closer [NCS Release]
Music provided by NoCopyrightSounds.
Watch: https://youtu.be/aXlBUL6NEtI
Free Download / Stream: http://ncs.io/AnyCloser
- - - - - - - - - - - - - - - - - - - - - - - - - - - - - - - - - - - - - -

©️ Check out our Usage Policy on how to use NCS music in your videos: http://ncs.io/UsagePolicy

To request a commercial license visit: http://ncs.io/Commercial
NCS: Music Without Limitations.

الثوره للجدعان - محمد الصهناوي

Ezzeldin A. Sadek