من وين أبدا يا قلبي لو قلت فنون .... أوصف خدها بالأول والا العيون 
خايف لو قلت عيونها تزعل الخدود .... واللي فينا مكفينا ما بدنا غضون

لشعورا بدي اغني أول الحروف .... وفوق متونم رددهن كيف بدي اعوف
مألوف الليلة اسافر بس مش مألوف .... بهواها اقضي عمري عابر محزون

يا جبين ان طل علينا طفي يا شموس .... وياقمر شو بينقلك صرت فانوس 
سحر يضوي جبلنا شام وطرطوس .... ولو بدها على شبابي بكلمة بتمون

حواجب جوز سيوف بتحكم بالموت .... ان هزت حاجب على حاجب بدب الصوت 
صرت موضة قديمة يا عشتروت .... وحبيبة قلبي هيه الأحلى بالكون

عيونها يا جنة نرجس واحة ألوان .... وسعدي وشقايي صارو بين الأجفان 
عخدودها في غمازة لو بالأمكان .... بلمستها بلكي بتشفي قلبي المحزون

يا ثغرها لو تبسم ضحكة ملاك .... ومبدع خزها مصفف جلى السواك 
كل ما بتدعيني اشرب كاسة كونياك .... بذوق العناب بيطلع جن بليمون

ثوب يهفهف على ضلوعها وبيقلي ليك .... حاجة تتطلع فينا وتتعب عينيك 
يا هيك يكون الحلا يما مش هيك .... نار وثلجتها بارد بارد وسكون

كواحل نقشة صايغ في عندو ذوق .... وكل ما بتتمشى بتقولي اتطلع واسرق 
يا قلبي بعرف انك ذايب محروق .... بس مش طالع بايدينا الا الفنون

و منين أبدا يا قلبي " عود" - من تراث مدينة السويداء

ومن اين ابدا يا قلبي لو قلت فنون
بوصف خدها بالأول ولّا العيون؟
خايف لو قلت عيونها تزعل الخدود
واللي فينا مكفّينا ما بدنا غبون

لشعورها بدي غنّي أول الحروف
وفوق متونها مردّدهن كيف بدي عوف؟
مألوف الليلة سافر، بس مش مألوف
بهواها قضّي عمري عابر محزون

يا جبينها ان طلّ علينا طفّي يا شموس 
ويا قمر شو بينقلك؟ صورة فانوس
سحر يضوّي جبلنا شام وطرطوس
ولو بدها ع شبابي بكلمة بتمون

حواجب جوز سيوف وبتحكم بالموت
ان هزّت حاجب ع حاجب بيدبّ الصوت
صرتي موضة قديمة يا عشتروت
وحبيبة قلبي هي الأحلى بالكون

عيونها يا جنّة نرجس واحة ألوان
وسعدي وشقايي صاروا بين الأجفان
عخدودها في غمازة، لو بالإمكان
بلمستها بركي بتشفي قلبي المحزون

يا ثغرها لو تبسّم ضحكة ملاك
ومبدع خزان مصفّف جلّ اللي سوّاك
كل ما بتدعيني اشرب كاسة كونياك
بذوق العنّاب بيطلع جنّ بليمون

ثوب يهفهف ع ضلوعها وبيقلي: ليك
حاجة تتطلع فينا وتتعب عينيك
يا هيك يكون الحلا يا امّا مش هيك
نار وثلجتها بارد بارد وسكون

كواحل نقشة صايغ في عنده ذوق
وكل ما بتتمشى تقول لي تطلّع واسرق
يا قلبي بعرف انك ذايب محروق
بس مش طالع بايدينا الا الفنون

ومنين ابدا يا قلبي - فادي صعب

السويداء صخرة البازلت الأقوى في سورية 

جوقية من السويداء .. يا رافع الرشاش

مكتبة تلاوات الشيخ إبراهيم مدهش المنصري

أولم يروا أنا خلقنا لهم مما عملت أيدينا أنعاما ¦¦ تلاوات المحراب ¦¦ إبراهيم بن مدهش المنصري (128kbit_AAC)

فرقة سفر Safar Music Band

وافي العباس
شادي الصفدي
مهند دويعر
وهيب رضوان
سوسن العقباني

يا بو ردين - سفر Ya Bo Rdayeen - Safar

لأبكيها..
عشرتك ياصاحبي لأبكيها..
وأشكيها..
دنيا البقاء ما دام واحد فيها..
شو إلي جرى ياصاحبي هديتني..
ياحسرتي على صحبتك أرثيها..
يا زهور كللي نعشو و ثوبو..
حسرة على كل واحد فقد محبوب..
قلبي شكى بصرخة جريح بيحتضر..
خسارة على هالروح فارقت غاليها..
ياأمي بحلمي شفتو جنبي متكي..
يحكي حكي ويضحك بدمعة ملبكة..
قلي وصاتي يا صاحبي عندكم
أمي..
أمي وبعدي مين يواسيها..
قلها القدر جن..ورجفت دينيتي..
من حين ياأمي مادانتني منيتي
لاتذرفي دمعات تزيدي بلوعتي ..
ياأمي ..
ياأمي عشاني دمعتك داريها...

وابكيها لعشرتك ياصاحبي-من قصائد السويداء

محبوب قلبك بالهوى سميتني 
ومن بعد ما سميتني سميتني 
عليتني عجوانحك فوق السما 
ومن بعد ما عليتني عليتني 
عليتني عجوانحك فوق السما
وصرت تحاكيني بالإشارة وبالومى 
جريتني من الظلم بميل الهنا 
ومن كثر ما جريتني جريتني
ذكرتني بإيام ما كانت لنا
حسبتها كل يوم ستعشر سنة
زودتني بنظرات بتهد البنى
و هديتني من كثر ما هديتني

محبوب قلبك بالهوى سميتني-من تراث السويداء

زهور البيت اشتاقتلك...دموع العين حنتلك..
حتى حبات التراب...مع اشعاري غنتلك..

غيابك عني هد الحيل...انتي بميل وانا بميل..
ابكي واصرخ طول الليل ... انت وينك انت وين..

اشتقتلك يا روحي...اه يا معذب وجداني...
انت يا مداوي جروحي... بقلبي اغلا انسانه..
ليش لغيري تروحي...تغيبي وتنسي حناني..
بكير عيوني تنوحي.. ما يهتز جفن بعينك..ما يهتز جفن بعينك..

غيابك عني هد الحيل...انتي بميل وانا بميل..
ابكي واصرخ طول الليل ... انت وينك انت وين..

كنت شوفك ايامي ...كنتي انتي الي الجنه..
بعدك ماتت امالي ... زودتي بروحي العني..
صرت اندب غرامي ...الي كان معك متهني.

وين ذكرى ايامي... وين ازهار سنينك...وين ازهار سنينك..
زهور البيت شتاقتلك...دموع العين حنتلك..
حتى حبات التراب...مع اشعاري غنتلك..

غيابك عني هد الحيل...انتي بميل وانا بميل..
ابكي واصرخ طول الليل ... انت وينك انت وين..

زهور البيت اشتاقتلك - من قصائد السويداء

سمرا وصغيرة عالحب ,, شفتا بيوم التعليلة
يوم الشفتا قلبي دق ,, وفاضت منّو مواويلي
فاض ركاض بأحلى ألفاظ ,, بغنّي عوام إنْ قلتيلي

يوم إنْ ضحكت بان الدُّر ,, وانتظم صف اللولو
عنقك شبرين وأكثر ,, اسم الله وما شالله حولو
صدرك يا البحر الأحمر ,, مركبتين بأسطولو
الأول ماس الثّاني نحاس
الأول ماس الثّاني نحاس
خفضت الرّاس اسحبت أنفاس ,, نسيت النّاس مقابيلي

نسيت النّاس الـ قدامي ,, تطلّعت عليكي بلهفة
نهيدك فرخ الحمامة ,, متل العصفور بكفي
لبكي عالخد الدّامي ,, شَف الشّهد من الشِّفة
سال النَّد بجنب الخد
سال النَّد بجنب الخد
قطاف الورد بتسكُب شَهدْ ,, تبسّمتي وضحكتيلي

ضحكتيلي وتبسّمتي ,, وبعينك شفت الغمزات
عقلي وروحي سرقتي ,, خلخلتي براسي العقلات
عنّا بالبيت سهرتي ,, قلتي بخاف من العتمات
قلتي هِل عليي طِل
قلتي هِل عليي طِل
بدّي فِل ولا تزعل ,, تكفّلني بالتّوصيلة

وصّلتك لنُص الدّار ,, لجوّات البوابة
قلتيلي فوت عنّا سهار ,, وصرتي تشدّي بثيابي
خفت من اللسان الثّرثار ,, يفضح شوقي وعذابي
غاب الزّين وعُدت حزين
غاب الزّين وعُدت حزين
غبتي وين من كوانين ,, ونوم العين سرقتيلي

سرقتيلي النّوم الهادي ,, نوّرتي كل العتمات
بالسّما صرتي تلاثة ,, الثّريّا وثلاث نجمات
غنّالك طير الشّادي ,, غنّى عنّي بالنغمات
قلبي جَر بحرف الإر
قلبي جَر بحرف الإر
بين الشّعر بفن ونثر ,, وبدّي منّك تقبيلة

بدّي منّك يالأشقر ,, قُبلة من الثُّم صغيرة
عنّي إصحك تتأخّر ,, عيّنتك قبل الجيرة
بس عيونِك قالوا سِر ,, قالوها وياني غيري
عقلي احتار ودمّي فَار
صح وصار هويتي كثار ,, وخسرانة وراجعتيلي

----------------------------------------------------------------------------------------------------

الله يهديك قلبي صغير ومتربّي ,, حرام عليك لا تدلّه عالمحبّة
مين اللي قال بعدك عالحُب صغيرة ,, قلبك لو مال بتحسّي صرتِ كبيرة
قلبي ميّال وانتِ عنّه خبيرة ,, ما في مجال قولي إنّك بتحبي
قلبي يا زين جوهر صافي ع حِلّه ,, طلعتلّه منين عالمحبّة لا تدلّه
صرلي سنتين عمحاول بدي قلّه ,, ما عرفته وين بين ضلوعي متخبّي
قلبك مأسور ما عنده مين يصونه ,, أصبح مكسور خابت بالحِب ظنونه
أمسى مقهور ما شافت نور عيونه ,, لولا هالسّور جبته يمشي ع دربي
قلبي بالحُب غنّى وقلتِ نغماته ,, ردّي عالقلب جَن وجنّت دقّاته
غيرك ما حَب ولا فرّط بآهاته ,, بحياة الرَّب لا تنسيني وتطيري
غلطان كثير قلبي معلّق بروحه ,, لكن بكّير ما بدّي اسمع نُوحه
هالقلب صغير وكثير كبيرة جروحه ,, منّي بيطير لو صرّحتله بحبي

سمرا وصغيرة عالحُب +الله يهديك + موجوع القلب موجوع - من تراث السّويداء

لـبدي و ابدع قوافي عـحلو القد
بـعد الجهـالة تايب صاير مِجـود
مدري عن الجهل حالف بدّو يتوب
ولّا لغيري موالف مرحوم الجـد

مدري عن الجهل حلافي بدّو يتوب
رماني بالمهـافي وعقـلي مسـلوب
ما هو حـق وإنصـافي تسلاني بنوب
يا حشـم الزعل كـافي ان حاكيتك رد

يا حشـم الزعل حاجي خلينا طياب
قاضب درب العواجي من دون اسباب
كنّـو قصـدك غنـاجي وتفتيح بـواب
عندي صارت ملاجي من هزل وجد

كل شي بتطولو يـدّي عندك مرهـون
يابو عيون المسودة وسالف مدهون
كنّـك زعـلان بجـدِّ والله ما تهـون
واجـب عليـي الكدّة من كل البـدّ
..
شرح بعض المفردات
مِجْود : متديّن
تسلاني : تنساني
يا حشم : يا صاحب الحشمة "المحشوم"
سالف مدهون : سالف مُعطّر
الكدّة : هي الذهاب جماعة لطلب الصلح والرضى

ميس حرب - حلو القد / من قصائد تراث السويداء

يا سيف على الاعداء طايل - مروان محفوظ Marwan Mahfouz

إذا أبتسم (لا فرَحاً ) بدا كأنّهُ يبكي

ما وراءَ الحزن

كما في صورة غير مُحَمَّضة
بأقلّ نفخةٍ تنهار .
--------------------------------
أجمل ما في الموسيقا،أنها تسهل عليك التمييز بين الجيد و الرديء.

وابكيها لعشرتك ياصاحبي-من قصائد السويداء

Fadi Abdul