Lyrics: Ahmed Haddad | كلمات: أحمد حداد
Music: Ahmad A. El Haggar | ألحان وتوزيع: أحمد علي الحجار

عازفين: | Musicians
أحمد الموجي: بيانو/كيبورد | Ahmed El Mougy: Piano/Keys
إسلام القصبجي: عود | Islam El Aasabgy: Oud
Ahmed Khairy: Ney | أحمد خيري: ناي
ياسر حشيش: جيتار | Yaser Hasheesh: Guitar
محمد عبده (سيكا): باص جيتار | Sika: Bass guitar
محمد رأفت: درامز | Muhammad Ra'fat: Drum set

Mixing and mastering engineer : Mohamed Fathi | هندسة صوتية: محمد فتحي

الكلمات:
بحبك تترمى فى حضنى فى وقت الضيق
واحبك تمسحى حزنى يا أحلى صديق
بحبك لما بتغنى ولما بتشربى القهوة
وبكره فرقتك عنّى وببقى بضحكتِك اقوى
بحبك واحنا ع الكورنيش
واحبك صوت مـطـر ع الشيـش ورقصة بطيئة وكمانجا

أقولك سر وميطلعش برانا
بحبك موت.. وكل جنينة حبانا
أقولك سر.. 
بموت فيكِ وبفرح كل مابشوفك 
أدفيكي وخوفى يختفى فى خوفكِ
اقولك سر

بحبك و أنتِ بضفيرتين
قولي لى السحر جاى منين
بحبك وأنتِ مكسوفة تقلانة وملهوفة
بحبك وأنتِ فى الجامعة بتقرى جوابى فى محاضرة
واولع ست الاف شمعة واشوفك فى المنام حاضرة
بحبك بالندا والهمس فى ليلة بدر
واحبك لما تيجى الشمس جوه البحر

يدوب الحب فى القرفة
أقولك ايه عيونك شكلها عارفة
بحبك ليه؟

05/24/2020

Esser | السر

Mahragan el Balla3at - مهرجان البلاعات

يبكي ويضحك - الشيخ زين محمود

أحمد منيب - طلب القهوة

نص: إسراء مقيدم
هندسة صوتية: شادي عبدالله
أداء:زينب فرحات
___________________________
وهتعمل ايه يابو قلب مصبوغ بالجَدَب
مع بنت تكوينها بيشبه للشتا؟
متلوّنة بريحة يناير
روحها عاشقة الكلفتة
واكمنها..مروّية فى القلب بتعب
كان فيها منه حجات كتير
يمكن دفاها..أو جفاها
أو شرودها عن دواها
أو هواها للسهر
وبرغم سقعة جوّها
تلقاها تقدر لو تعوز..تصبح غطا
البنت سكة للسفر
وانت المسافر فيها مهما كان قلبك عجوز
..لساك فتى
 كات جدتى بتحكى زمان
ان البنات..
تأويلها جوة الحلم دنيا
والحلم كان واجب نفاذه فـ خطوتين
"كام رقصة صولو من الوجع
على رتم أوتار الكمان"
وكأنه ديْن
وان الميزان..علشان يوازن كفتين
فـ البنت يلزمها تعيش كام ألف ضحكة
عشان يعادلوا حزنها
والحزن لو كان تُقل وزنه يسوى مَبْكى
بضحكة واحدة منّها.
يامفرّقين حبة دفا ع البردانين
قلب الشتا زى الرصيف
او زى شارع كان مداه ضلمة
ومخبّى وسط العتمة نور 
والبنت برضه قلبها شتوى
عكس الخريف
يسكنها حبة ضىّ رغم الليل
..كل البنات
تقرب لروح البرد فى البوح والسكات
زى الحكاوى الدبلانين
حدوتة كات متشتتّة
مكتوبة لكن ما اتحكتش
مش ميتّة..لكنها
تفاصيلها لسة ماتعاشتش
وعشان كدة
كل الصبايا فطبعهم..
بيكونوا أجمل فى الشتا
كل الصبايا فطبعهم
بيكونوا أجمل..
..
فى الشتا

بنت تقرب للشتا

محمد بشير - بتميل

 لو تعرفي  ..على الحجار  

لو تعرفى - علي الحجار

الفاجومى

الفنان الشعبي الكبير 
محمد مرسي 
الاغنيه اسمها مورسيكو سيستمز 
فتحناها للتحميل علشان الاخوان ضربوا الثوار في الميدان وانتظروا الكثير من فعل الخير 
لان المنظومه فيها فعل حقيقي

morsico systems مورسيكو سيسيتمز

ياسمين حمدان  -- عرانيس

لما تعمل اي حاجة اديها حقا 
يعنى أما تزعل أزعل أوى علشان لما يجى الفرح تعرف تعرف أوى
و لما تكتئب أكتئب أوى علشان لما ربك يفك الكرب ترتاح أوى
و لما تحب حب أوى علشان تعرف تدى أوى
و لما تسامح سامح أوى بس ماتنساش علشان لما يفيض بيك تبقي عملت كل اللي في وسعك
و لما تضحك أضحك أوى علشان تعرف تبكى أوى
و لما تنبسط أنبسط أوى علشان تعرف تتكدر أوى
و لما تغلط كرر غلطتك علشان تعرف تتعلم 
و لما تعمل أى حماقه خد بالك علشان تتعلم الحكة
أعمل كل حاجة لأخرها و أديها حقها و أتعلم من كل اللي حواليك أتعلم من قليل الأصل و ابن الاأصول أتعلم من الكريم و البخيل أتعلم من الغبي و الذكى أتعلم من المتواضع و المغرور أتعلم من اللي شايف نفسه و اللي مقلل من نفسه أتعمل من المحبط و من المتفائل أتعمل من كل ده علشان هيمر عليك مواقف تبقي فيها مرة كدة و مرة كده و أعرف إن اللي فات لو كان وحش الأوحش جاى و إن كان حلو الأحلي و إن ياما دقت علي الرأس طبول و إن كل ده هيخليك أحسن بس أهم دى كل حاجة وقتها ماتسمعش اللي قولك أنت عايش في الدور لكن أسمع اللي حاول يواسيك بكل أو نصيحة مش مهم تعمل بيها المهم تحطها في بالك علشان هيجى يوم وقتها أعمل كلب اللي نفسك فيه اوى طالما لا حرام و لا عيب و أعرف إن هتلاقي ناس كتير منهم اللي يكمل معاك و اللي يفارقك و اللي تأخده الحياة أو يأخده الموت كل ده هيأثر و أعرف إن فيه اللي فاهمك و حابك كده و معاك و فيه اللي مش فاهمك بس مرتحالك بس أهم أدى كل حاجة حقها و ماتكتمش جواك
---------------------------------
خواطر: ماجى إيهاب أنور
هندسة صوتية: رغدة أيمن
أداء صوتى: زينب فرحات

أوى

تفرانيل مصطفى ابراهيم

لأى حد موجود هنا           

النوت دى استغاثة

نداء أخير

قبل الهروب

 

 بس لو مسمعتوش

حصل خير

ومانتش ملام

------------------------

"محمود درويش بيقول: "الجميلات هن القويات يأس يضيء ولا يحترق

 

بس للأسف ساعات اليأس بيتحرق من غير ضى

اليأس نفسه بييأس ويبقى عايز يهرب لمكان بعيد يتحرق فيه

 

بعيد عن أي حاجة وكل حاجة

 

"نمرة عربية أبويا" 169 س أ ى

ودايما بقراها يأس

 

--------------------------

علمنى كيف تموت الأشجار واقفة، فمثلى لا يمكنها السقوط

(أسماء حسين)

 
زمان وأنا صغيرة أول مرة أفتح فيها المعجم كنت بدور على معنى اسمى

اكتشفت إن "زينب" فى اللغة يعنى شجرة عطرة الرائحة

ومع كل يوم كنت بكتشف إن ليا نصيب من اسمى

بس انا ما أخترتش اكون شجرة ، غيرى هو اللى اختارلى اسمى وبيحاسبنى على ضعف جذورى وإزاى مش قادرةأثبت ضد الريح


غريبة؟ مش كده


وعمر طاهر بقى قال( تخيل انك شجرة، واثبت لأنك شجرة ، ضارب فى الأرض مسافة، وثابت وأنت أدرى

)

أنا فعلا شجرة

بس أنا مش أدرى

ومش عارفة مسافتى فى الأرض قد إيه

ومش قادرة أغامر وأعتمد على حاجة مش عارفاها

------------------------------------------


منير عنده أغنية بيقول فيها

الكلمةإيد .. الكلمة رجل.. الكلمة باب

الكلمة كوبرى يمر فوق بحر العباب، الجن يا أحباب ما يقدر يهدمه

فأتكلموا أتكلموا إتكلموا)

 
طول عمرى بحلم أبقى صوت وبس ،

صوت قوى يسمع لبعيد
 

برغم إني ما بتكلمش كتير، بس دايما اللى كان بيراهن على لحظة كلامى بيكسب

بس دلوقتى مش قادرة اتكلم

 

زمان كانوا اللى يعرفونى بيقولولى بطلى تنطى فى دماغنا وتقوللى اللى على لساننا قبل ما نقوله

واللى كنت بحبهم، ماكانوش بيحتاجوا يحكوا ع اللى فى قلوبهم عشان كنت بعرفه لوحدى


 

بس دلوقتى أنا بقيت خرسة

بسجد وببتهل من سكات، اللى خلقنى مش محتاج كلامى عشان يسمع انين قلبى

بس عباده مش كده



نفسى أدور على لغة من غير حروف تحكى على اللى جوايا من غير كلام

تفتكروا هقدر

وأنا أصلا ما بقاش جوايا اى قدرة؟

-------------------

خاتمة

ما بقيتش بعرف اقول غير

"وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ

-------------------------
مونتاج وإخراج: رغدة أيمن
خواطر وأداء صوتى: زينب فرحات

استغاثة .. من سكات

قصيدة: عمرو شاهين
أداء صوتى: زينب فرحات
مونتاج وإخراج: رغدة أيمن
-----تفاصيل بسيطة

 

قولهم 

إن الغياب .. نُص المسافة للقا 

و أن اللقا

خط البداية للغياب 

قولهم 

طعم العتاب

يشبه التلج اللي ب يدوب ع اللسان 

بارد أوى وقت الدخول للفم 

و يدفّى ريقك لما داب 

فاكر مرورك من هنا 

صوت الجونله 

وهى ب تطبطب على سجاده الصلاة المفروشة زينه 

لسه ب يرن في عامود السرير

ريحه الدفا 

وطعم خوفك

سكر القهوة الزيادة وريحه الدخان 

كلهم

اقنعونى إن الفراق … 

محطة تانيه في العلاقة المستمرة 

مش ضروري إن البكا 

ينزل من عينك دموع 

مش ضروري إن الفراق 

يخطف م الشفة ابتسامه 

و لا هوش ضروري 

إن كل حضن أنا ها اخطفه 

ها أدفع قصاده

حسنه

في يوم القيامة 

ف اصرخي لما تجيلك الضحكة بجنونها 

الصرخة ضحكه قديمه مكبوتة 

أنا اللي عايش لحظه الحب وشجونها 

وأنا اللي بعمل م اللحظة دى ..حدوته 

الملايكه 

ضمة كفوفك للجاكت 

طعم الهوا بعد المرور بين خصلتك

كلها تفاصيل بسيطة 

بتخلق القصة .. وتديها الحياة 

الشمس أنتي 

والليل في ستره للمشاعر يبقى أنا 

ضدين ب يجروا عكس بعض 

لحظه لقاهم .. مشهدين ملهومش وصف 

مشهد شروق

" ..اقسم لذاتك بالوفاء

اقسم بكل تفاصيل الحياة .. على البقاء "

مشهد غروب 

" أوعدك أنى ها رجع من جديد

أوعدك .. مش ها أسيبك تحضني الأشواق كتير "

...

قولهم 

إن الزهور ..

قادرة حقيقي ع الغنا رغم الخريف 

وان الخريف ..رمز الشجن .. 

قادر يضيف على جَنَتَكَ .. لون احتضار 

و باختصار

ورق الشجر .. اصفر خريفي 

والسنابل .. اصفر حياه 

و عينيكي أنتي 

شماعات الحلم .. في دولاب الوجود 

قادرة تحافظ ع الفرح

ترتر ب يلمع

على بطن فستان الزفاف

و أنا قلبي يرويه الجفاف .. 

والبعد.. يَّمْ

يسقى تفاحة اللقا 

علشان نسيب الأرض عذرا

للكواكب والنجوم

تفاصيل بسيطة

كتبها محمد المصري ونفذتها مجموعة درب شكمبة

مولانا عماد عفت - إلقاء سامية جاهين وأحمد خير - تنفيذ درب شكمبة

موسيقى نهاية فيلم الزمار 1981
موسيقى: بليغ حمدى

El Zammar film outro
Music by: Baligh Hamdy

موسيقى نهاية فيلم الزمار 1981

مدخل الأغنية 0:00 - 2:40
================
وسط الناس  --   part 1 
================
وانا وسط الناس, أحلامي, بتموت
و انا وسط الناس, انا عايش, لكن حوايا مكبوت
مفيش احساس, لكني راضي بالمكتوب
و انا وسط الناس, أحلامي بتموت
= (News report)
a huge train crash resulted in a death of almost 60 child, now am wondering who's responsible for that crises.
we've just received a report saying that almost a hundred and thirty Syrian body founded after a huge ....
A big explosion happen to take place a minute ago in Gaza, resulted in a death of....  
=
فاكر ولا مش فاكر, حلمك زمان كان ايه ؟
قول للزمن ارجع يا زمن, مش فاكر حلمي ايه !
-
الواقع بقى كابوس, الحلم مشفتوش
والسم عمال يكتر والفكر ثابت فالعقول
=وانا وسط الناس, أحلامي, بتموت
و انا وسط الناس, انا عايش, لكن حوايا مكبوت
مفيش احساس, لكني راضي بالمكتوب
و انا وسط الناس, أحلامي بتموت
==
الفكر مات, والعقل عيش بقالو قرون
فكرت احاول اصحي فكري لكن مجنون
اللي يشوف العالم بلون الطيف
كأن الوقت دايما لية
كانو زمان يقولو علية مجنون
دلوقتي لو في سواد الليل, اقلك قوم, تقولي لية !
مازال الفكر عايش لكنة مسجون
-
وانا وسط الناس, أحلامي, بتموت
و انا وسط الناس, انا عايش, لكن حوايا مكبوت
مفيش احساس, لكني راضي بالمكتوب
و انا وسط الناس, أحلامي بتموت
X2
================
التغيير    --      part 2
================
صوت الطير من فوقي, و أنا عيناي نائمتان
بين عالمي الاسود, و جمال فكري يسرح في الخيال
-
و رئيت البعض من أحلامي, فوجدت البعض منها فاستقبالي
قد كرهت العيش دهرا  في خيالي, ها أنا, انسان امس قد نساني !
==================
فوقفت على قدماي في حالة السكون, فنظرت فالمرآة يا ترى من أكون
فبدأت بالتفكير, بدأت افكاري بالتغيير, ها انا قد كنت يوما صاحب عقل مجنون
-
 فجعلت الرأي لي فالرأي رأي بالتأكيد , فتركت رأي غيري ان رأي من حديد 
لم أكن يوما جبانا, بل كان الحاه شين, فشددت بأمر فورا فغدا يوم جديد
-
ابدأ انتا بالتغيير حتلاقي العالم ليك, وانساني وانسى كل الناس من حواليك
و تملي, شوف, فكر اكتر حتشوف,  تغير.
-
و من النهاردة حتشوف يوم جديد, ان كنت خايف خوفك اوعاه يزيد
و تملي, شوف, فكر اكتر حتشوف, تغير.
================
Sympholution    --     part 3
================
الحقيقة قدام الناس فتح عينك يا استاذ
انزل الشارع شوف, الظلم فكل مكان
ان كان العالم نايم, ارفع صوتك بالعالي
بكرى غيرك يسمع, يصحى العالم من تاني
====
ان كان دا حلم مات, يبقى حاجة مل الحجات
اللي بكرى تفتكرها, اتعلم مل اللي فات
-
اذا كنت فالطريق, يبقى بكرى يوم جديد
بكرى الحلم بيك يزيد, بكرة شمعة ليك تئيد 
بكرة شمعة ليك تئيد 
X8
====




Ahmed Hamdi - خواطر - Part I,II,III

نص: ماريو جابر
هندسة صوتية : عمرو شاهين
ميكساج و آداء صوتي: زينب فرحات 🎙️صوت الونس
***************************************
https://www.facebook.com/ElSayedmgaber
لو يهمه الآمر فعلاٌ

مكنش سابها

للظروف

لو يهمه الآمر فعلاٌ

مكنش بدل أمل

بخوف ..

لو يهمه الآمر فعلاٌ

كان سـئـل

و عشان يهمه

الامر فعلاٌ

كنت أنا علي طول

هجاوب

دا لو يهمه الامر فعلاٌ
……….

مش بهتان من لون

الدنيا لا بالعكس ..

دا أنا

متلون

بس اللون

كان غامق حبه ..

بس

أحيانا يظهر باهت
……

لو يهمه الآمر فعلاٌ

كان

سـئـل دا لونك أنت

ولا باهته عليك ظروفك ..

كنت

ارد و أقول ظروف ..

اللي تـ بدل أمل بخوف

و اللي تتساب للظروف ..

و اللي مفتح يبقي أعمي

مش يشوف

و الكلام يصبح سكات

من الكسوف ..

عشان مايهمه الآمر فعلاٌ ..

لو يهمه

قصة: مصطفى السيد سمير
إخراج وهندسة صوتية:عمروشاهين
أداء: زينب فرحات
************************
http://www.facebook.com/notes/%D9%85%D8%B5%D8%B7%D9%81%D9%89-%D8%A7%D9%84%D8%B3%D9%8A%D8%AF-%D8%B3%D9%85%D9%8A%D8%B1/%D8%AD%D8%AF%D9%88%D8%AA%D8%A9-%D8%A7%D9%84%D8%B4%D9%88%D8%A7%D8%B1%D8%B9/10151681644688266


حدوتة الشوارع
************************
في نهاية كل يوم بعد ما يروح آخر واحد ماشي الشوارع هي كمان بتروح عشان تستريح

بتروح مكان واسع وتقعد تمدد وتلعب برجليها في الرملة .. وفيه منها بينزل البحر عشان يريح جسمه المهدود من شيل الناس والعربيات وسند الشجر والبيوت طول اليوم

الشوارع الكبيرة أول ما بتوصل بتقلع أنوارها العالية وبتديها للشوارع الصغيرة والحواري عشان يلعبوا بيها _ وبعدين بيحطوا سماعات في ودانهم ويسمعوا مزيكا هادية عشان يستريحوا من الدوشة .. أو ياخدهم الكلام مع بعض عن اليوم كان شكله إية وعن المظاهرات الكبيرة والطوابير والخناقات وقفلة المرور لما العربيات كلها تتلخبط مع الاتجاهات والبشر في النص باصين لبعض بعجز يدل على إنهم قد إية كائنات تعيسة مش عارفة حتى تحافظ على براح عشان حاجة تعدي.

أما الشوارع الصغيرة فبيقعدوا يرغوا كتير عشان بقالهم طول اليوم مش لاقيين حد يتكلموا معاه .. حتى الناس اللي بيعدوا غالبا مش بيبصولهم ولا بيستنوا عشان يسلموا عليهم لا بيمشوا على طول

 
محدش أبدا كان يعرف الموضوع دة لحد ما في يوم جت بنت نزلت بالليل عشان تشتري شمس صغيرة من عند عمو بتاع الشمس .. عشان أخوها كان عيان ومحتاج نقل نور والدنيا ليل والشباك نايم .. نزلت عند باب العمارة واستغربت قوي .. هي كانت أول مرة تنزل فيها بالليل كدة وملقتش ولا شارع .. قعدت تبص يمين وشمال ملقيتش .. وبعيد خالص كان فيه شارع صغير خالص يادوب يعدي واحد قلبه كبير أو اتنين ماسكين إيد بعض.. شاورتله من بعيد فابتسم قوي وساب السحابة اللي كان بيقرا فيها وجه ناحيتها وقال لها ازيك اية اللي نزلك دلوقتي .. قالت له الشوارع راحت فين .. قال لها بتستريح من الشغل وبتاخد دش من التراب .. قالت له طيب انا عايزة اروح لعمو بتاع الشمس عشان اخويا عيان .. هرش الشارع في الخطوط البيضا اللي في راسه وقال هو مش من هنا .. هو لازم تعدي شارعين بس اكيد مش حيرضوا يصحوا دلوقتي .. انا ممكن اوديكي بس متقوليش لحد .. عشان انا حانتحل شخصيتهم وهما ممكن يزعلوا

البنت صقفت بإيديها وقالت له انت شارع حلو قوي وراح مسك ايدها ومشيوا..



طول الطريق كان الشارع الصغير بيحكي لها عن البيت الكبير على البحر اللي بتستريح فيه الشوارع بعد كل يوم .. وكان بيقول انه لما كان بيروح كان بيحب قوي يحط الصدفة في ودنه ويسمع وبعدين يحطها على بقه ويتكلم وكإنه بيتكلم مع البحر عالتليفون .. ويقعد يحكي هو عمل اية النهاردة .. البنت ضحكت قوي لما قال لها ان البحر رد عليه مرة " ها وبعدين "!!

البنت مشيت هي والشارع الصغير وكان كل شوية شباك أو إشارة مرور تسلم عليه وتناديه باسم الشارع اللي منتحل شخصيته فيسلم عليه جامد وكإنه يعرفه والبنت كانت بتكتم ضحكتها بصعوبة وبعد ما تمشي شوية بعيد تضحك كتير بصوت عالي ..

 

البنت جابت الشمس وروحت البيت ووقفت عند الباب وقالت للشارع الصغير انت شارع شاطر قوي .. ممكن أسألك سؤال : هو انت لية مرحتش معاهم عشان تستريح .. قال لها عشان فيه بنت في يوم عدت عليا لقيتني ساكت راحت جابت رواية وقعدت جنبي وقعدت تقرا بصوت عالي وتضحك قوي .. ساعتها فيه بياع ورد عدى اداها وردة وقعد جنبها وبعدين بياع جرايد وسحابة ويمامتين .. ومن ساعتها وانا حاسس اني دافي قوي ودايما الحاجات بيعدوا عليا ويسلموا ونقعد نفتكر القصة والبنت .. فقلت افضل مكاني يمكن تحب تخرج بالليل تلاقي حد يوصلها

الشارع سلم على البنت ورجع مكانه وسابها تفتكر براحتها

حدوتة الشوارع

مزج لتراكم اصوات العفن حول مصر
الأصوات :-الافلام- ثرثرة فوق النيل , بنتين من مصر, الكيت كات, لعبة الست, هيستيريا
-الاغاني: | احبك حبين: فرقة ابن عربي, ام كلثوم, ريم بنا |, الف ليلة وليلة أم كلثوم
شعر: على طالباب : عن مضاجعة الواقع, أحمد حداد : أوبريت الثورة
موسيقى الخلفية Sukun (Ney)  Huseyin Ozkilic
اصوات "حقيقية" من ميدان التحرير وميادين مصر
شكر للمبدعين الأصليين للأعمال. وشكر خاص على طالباب

Mix

Fathi Ibrahem