
Official page > https://www.facebook.com/RawyAziz.Ensangiat

#جثة_تايهة

عدوا الجثث ..
لقيوا جثة نقصة ..
حطوا التلج ..
وظبطوا تمام الرصة ..
راحوا يدوروا علي الجثمان التايه ..
وسط موتى الحياة ..
لقيوه هربان ورافض العودة ..
لو هاعيدوا له الحياة ..
ربط أكفانه لجل مايجهز لربنا ..!
عدى بوابات الدنيا وفلت ..
لقي نفسه خارج أسوار الجنة ..
وكأنه جه العنوان غلط ..!
الغلط انه سلك الدنيا ..
بطريق بعيد عن ربنا ..
لجل مايكون قريب منه ..
لكنه تاه عن ربنا ..
رجع بحنينه لجدران الدنيا ..
افتكر السبحة والسجادة ..
نطق الشهاده والفجر في الزاوية 
افتكر افكاره ع العبادة ..
افتكر تكفيره وكبيره ..
وتجبيره ع الامر وتكشيره ..
تعيره لعجوزة كات ملحده ..
والمقام اللي هده السيدة ..
افتكر جلبيته القصيرة ..
وتشيرته اللي حرم لبسه ..
ودقنه اللي كات صغيرة ..
والحاجات اللي كات في نفسه ..
ضحكه وعياطه ..
طوال سكاته ..
احتجاجاته ..
اخواته اللي ماتوا ..
افتكر الألم اللي لطمه لأخته ..
أما رفضت النقاب ..
والكتاب اللي اشتريته وخبته ..
ومسح بيه التراب ..
افتكر اخوه اللي قابله ..
ع الباب وفي طريقه للجنة ..
وهو اللي بايده قتله ..
عشان ينفع يخش الجنة ..
اتزحم دماغه بحنين لحاجات ..
تفتله من كمين الأخره ..
لكنه مات ..
استمات علي رجوعه ودموعه ..
انسابت من عنين ثكلة ..
لكنه مات ..
افتكر جريه ورا الـ ..
والتخلي عن .. لجل الشهادة ..
وهتافه ضد الـ ..
وتحريمه لاسباب الساعدة ..
افتكر ان ربنا رحيم ..
وممكن يرحمه م الجحيم ..
لكن الموت مافهشي اعادة ..!
لكن الموت مافهشي اعادة ..!

لـ راوي عزيز

جثة تايهة - راوي عزيز

يا روايح الزمن الجميل | هدي عمار

بين مرحلة فضا , يليها زحمة مشاغل الحياة ,
لقيتني بسرح ,
بسرح في امبارح اللي عدّي صاروخ ,
في دعوة دعيتها بحرقه , و لسه ما اتحققتش ,
بالجزع و من بعدُه الرضا ,
______________
لقيتني ركزت لأول مره في الحياة ,و خرجت الطاقه دي ,اللي كنت مستهلكها بس في البُكا عاللي راح ,
لقيتني ارتحت , و انا مشغول ,
و لكن من تاني لقيتني , سرحت ,
بقالي كتير اصلي ما حلمتش , فقولت افتكر , حواديتي ليّا زمان ,
و الليل في بدايتُه و لسه مطوّل , يمكن اتوه في حدوته من اياهُم ,و انام ,
______________
و كان يا مكان , كان في واحد , مش حاسس بالأمان ,
بيدوّر على حكايته المتبعترَه , عشان يخبيها لنفسُه من عيون الناس ,
بيحاول يفهم , يعني ايه حُب ؟ , يعني ايه صاحب , يعني ايه حُضن , يعني ايه أمان ؟
و راح بحياتُه لمتاهه , 
بين جدرانها كان ضلمة , و اخرها نور في توب معيوب ,
سرح بخيالُه في الضلمة , و رسم بنت حلوة و حبها ,
و زين لنفسُه قربها , 
رسم بخياله , اللي مش فيها , و اتمنى يشوفُه ,
و نسي , انه بيرسم في الضلمة ,
قاد نورُه للحظة , لقى الصورة ملخبطة , 
و فهم , ان اصل الصورة , ماكنش محتاج تعديل , 
و ان رسمُه الزايد , بوّخ الصورة اللي اصلاََ , مش لايقه على خيالُه ,
_____________
كمّل تاني في المتاهه , بس رسم صاحب يكون ونيس , 
و نسي ان بره المتاهه كان لُه عزيز , 
 خيالٌه من تاني خانُه في الضلمة , و خناقُه مع صاحبُه لسوء الفهم ما كنش عيب في الصاحب ,
بس عيب في اللي اختارُه , 
اصل خيالُه ده بليد , و اصلُه ما بيعرفش يختار ,
قال, طب هصبر تاني و اتعلّم , 
اصلي بختار اجبار , بين ضلمة المتاهه ,
___________
و كمّل تاني في متاهتُه , لسه بيدوّر على حكايتُه , 
بقلب مُرهق , و روح حزينَه , 
الضلمة زينتلُه من تاني البنت , 
يا عم دي جيّالك خليها تدفّيك في حضنها , دي هي اللي قدّامك ! 
مش لسه بتحبها  !!
قام رد , ازاي احب اللي مش شبهي ! ,
و الحضن ده كداب , مش هغلط تاني و اختارُه ,
ده الحضن اللي هيحضنّي , هينوّر الضلمة , و يخرجني برّه المتاهه ,
__________
النهار زمانُه طالع , عايز اكمّل باقي الحدوته ,
اخر المتاهه , كانت بنت صغنطrrوته ,
كان في عيونها شئ غريب ,
شئ خلاه أول مره يختار ,
هي دي , 
انا مش هرسم تاني بخيالي , انا بشوفه قدامي حي ,
الحكاية بتتحكي في صورة جديده , اجمل من اللي كنت بدور الاقيها ,
اصل الماضي لازم تتصالح معاه عشان تبني المستقبل ,
انا فهمت بيها الماضي , عشان هي المستقبل ...
آخر الحدوته , آمان , 
ياما عاش يحلم بس يفهم معناه ,
الآمان في الحب , 
في الحضن وقت الحزن ,
في الصاحب اللي بيقويك ,
و المتاهه , اللي بتحلى بس وقت الوصول,
احلى ما في الخيال , هي ..
و احلى ما في التوهان , هي ..
و احلى ما في الاحلام , هي ..
_________-
خلاص انا افتكرت حواديتي , 
و من تاني راجع انام ,و احلم ...

تشويش غير متعمد-حدوتة آخر الليل

انزل الشارع وشوف بعنيك وانت فى طريقك بص بصه حواليك سيبك من النخبه المثقفين هو الشارع هيقولك الحقيقه فين مفيش تربيه ومفيش تعليم مفيش نظام و مفيش قوانين

somo انا السكران

Asmaa Mahmoud