აუტიზმი, აშლილობა თუ ნეირო მრავალფეროვნება? რა არის აუტიზმის პირველადი სიმპტომები და რა ასაკში ვლინდება ის? რას უნდა მიაქციონ ყურადღება მშობლებმა? ახასიათებს თუ არა აუტიზმს რაიმე კვეთითი აშლილობები, მაგალითად, ADHD?

ამ თემის ირგვლივ დღეს ფსიქიატრ ქეთევან სილაგაძესთან ერთად ვისაუბრებთ.

საინტერესო პოდკასტი | აუტიზმი

სტივენ ჰოკინგი ბრიტანელი ფიზიკოსი და ასტროფიზიკოსი იყო. ის 20-ე საუკუნის ერთ-ერთ ყველაზე ცნობილ მეცნიერად ითვლება, რომელსაც მრავალი ჰიპოთეზა თუ თეორია უკავშირდება.

ჰოკინგს ხშირად აკავშირებენ შავ ხვრელებთან, დიდი აფეთქების თეორიასთან, ყველაფრის თეორიის (ფიზიკის უნიფიკაცია) შემუშავების მცდელობასთან და სხვა მოწინავე სამეცნიერო კონცეფციებთან.

შემდეგი პოდკასტის 96-ე ეპიზოდში სწორედ სტივენ ჰოკინგზე ვსაუბრობთ. მიმოვიხილავთ ჰოკინგის მოღვაწეობას, ცხოვრებასა და იმას თუ რა შეცვალა მან მეცნიერებაში.

ჩვენი სტუმარია ფიზიკოსი ლადო რაზმაძე.

რა შეცვალა სტივენ ჰოკინგმა — ყველაფრის თეორია

Attention Deficit Hyperactivity Disorder - ქართულად კი ყურადღების დეფიციტისა და ჰიპერაქტივობის სინდრომი. დღევანდელი პოდკასტის სტუმრები არიან ადამიანები, რომლებიც მათი კომპეტენციითა და გამოცდილებებით ეცდებიან, უფრო ნათელი გახადონ ყველაფერი ADHD-ის ირგლივ. ფსიქიატრი ლუკა ხუხაშვილი, ანა გვარიშვილთან და დავით ჯანელიძესთან ერთად, რომლებიც ცხოვრობენ ამ დიაგნოზით ეცდებიან გაგვიზიარონ მათი გამოცდილება თუ რა სირთულეებს აწყდებიან.

საინტერესო პოდკასტი | Life with ADHD

შევქმნათ უკეთესი ქალაქები - ეს გახლავთ კომპანია Bolt-ის მისიაა, რომლითაც ის ოპერირებს სხვადასხვა ქვეყანაში, მათ შორის საქართველოში.

Bolt უკვე 10 წელია საქართველოშია. მარკეტერის პოდკასტში გიყვებით, როგორ შემოვიდა კომპანია საქართველოში, რას ნიშნავს უკეთესი ქალაქი და როგორ წარიმართა მთლიანი გადაადგილების ინდუსტრიის რევოლუცია.

მარკეტერის პოდკასტის სტუმარია კომპანია ბოლტის მარკეტინგის ლიდი - რუსო კობახიძე.

მარკეტერის პოდკასტს წარმოგიდგენთ საქართველოს ბანკი ბიზნესი.

მარკეტერის პოდკასტი | შევქმნათ უკეთესი ქალაქები - ბოლტის მისია

"საუკეთესო წინ არის" - საახალწლო კამპანიაში, ამ სიტყვებით შეაჯამა „საქართველოს ბანკმა“ 2023 წელი  და მალევე "საუკეთესო"-სთვის მზადების პროცესშიც მთელი ერი ჩართო.

"მათ შეიძლება გამოიცნონ ჩვენი სტრატეგია, ჩვენი შემადგენლობა, სათამაშო მონახაზი, ჩაფიქრებული ცვლილებებიც კი, მაგრამ მათ არაფერი იციან ჩვენი მთავარი იარაღის შესახებ. ამ ძალას, რომელიც ჩვენ კარგად ვიცით რაშია, სხვები ვერაფერს დაუპირისპირებენ, ვერაფრით გააჩერებენ! საქართველო ერთადაა, საქართველო ფორმაშია" - სწორედ ამ სიტყვებით დაიწყო წლის ყველაზე დიდი კამპანია, რომელმაც ყველას სათქმელი გააერთიანა და ისტორიული მოვლენისთვის საერთო განწყობა და მზაობა მოამწიფა.

ფეხბურთში პროცესები ჩვენ სასარგებლოდ განვითარდა, ამ ყველაფერს კი საკომუნიკაციო კამპანია ფეხდაფეხ მიჰყვა და ისეთი შთაბეჭდილება შექმნა, თითქოს ყველაფერი წინასწარ გათვლილი იყო. 

მარკეტერის პოდკასტში გიყვებით, როგორ დაიგეგმა, განვითარდა და როგორ გრძელდება საქართველოს ეროვნული ნაკრების წარმატების თანამგზავრი კამპანია და როგორ ჩადგა საქართველო ფორმაში!

სტუმრები: მარიამ ცანავა - საქართველოს ბანკი, ეკა ყიფიანი - JWT Metro

მარკეტერის პოდკასტს წარმოგიდგენთ საქართველოს ბანკი ბიზნესი.

მარკეტერის პოდკასტი | საქართველო ფორმაშია

Miami Ad School ის დაწესებულებაა, რომლისკენაც მსოფლიოს თითქმის ყველა ქვეყნის ახალგაზრდა შემოქმედები მიისწრაფვიან. წლების განმავლობაში, „საქართველოს ბანკის“ მიერ დაწესებული ნიკა გუჯეჯიანის სახელობის სტიპენდია, ქართული სარეკლამო ინდუსტრიის არაერთნა წარმომადგენელმა მოიპოვა და ბერლინში, მათთვის საოცნებო სასწავლებელში გააგრძელა სწავლა - რასაც საერთაშორისო სააგენტოებში მნიშვნელოვანი გამოცდილება მოჰყვა. „საინტერესო პოდკასტის“ სტუმარია, ხატია არველაძე - ნიკა გუჯეჯიანის სახელობის სტიპენდიანტი, რომელიც Miami Ad School-ში მიღებულ ცოდნაზე გვიყვება.

წამყვანი: ჯაბა შავიშვილი
პოდკასტის წარმდგენი: საქართველოს ბანკი

საინტერესო პოდკასტი | ნიკა გუჯეჯიანის სახელობის სტიპენდია

რა განაპირობებს შინაგან თავისუფლებას, რომელიც აისახება სცენაზე, ვიდეოში, შემოქმედებაში - აღზრდა? გარემო? გავლენები? რამდენად ახდენს ქართული მემკვიდრეობა გავლენას არტისტულ სტილზე? 

დღევანდელ პოდკასტში ჩვენი სტუმარი Creams-ია, იგივე ნათია ჭიჭინაძე, რომელიც მოგვიყვება, როგორია იყო ახალგაზრდა, ამომავალი მუსიკოსი საქართველოში, აუთენტური თვითგამოხატვის ფუფუნებით, ქართული კულტურული და სოციალური კონტექსტის გათვალისწინებით.

საინტერესო პოდკასტი | ნათია ჭიჭინაძე-creams

მეორე წელია ქართული ოცნება რუსული კანონის დამტკიცებას ცდილობს. საზოგადოების დიდი ნაწილი ამ ყველაფერს პროტესტით შეხვდა და გვესმის საფრთხეებზე, რაც ამ კანონის დამტკიცებამ შეიძლება გააჩინოს.

შემდეგ პოდკასტში ვსაუბრობთ იმაზე თუ რამდენად ცუდად შეიძლება ეს აისახოს ქვეყანაში მეცნიერებასა და განათლებაზე. ჩვენი სტუმარია ალტე უნივერსიტეტის ციფრულო ტრანსფორმაციის ცენტრის ხელმძღვანელი, ნანა დიხამინჯია.

რუსული კანონის ეფექტი — რა ემუქრება მეცნიერებას

ინფლუენსერებთან თანამშრომლობა ბევრი ბრენდის კომუნიკაციაში უჭირავს მნიშვნელოვანი ადგილი. თუმცა, მოდით გავერკვეთ:

* რას ნიშნავს ინფლუენსერობა საქართველოში, დღეს?
* როგორია ინფლუენსერის ჯილდო და რა ძალისხმევას საჭიროებს მისგან ეს საქმე?

ვსაუბრობთ მარიამ დავითაძესთან, იგივე Acidwv-თან ერთად. ბევრი მას TikTok-დან, Instagram-დან და YouTube-დან იცნობთ. მარიამმა ცოდნა და გამოცდილება, ინფლუენსერული პროექტის გარდა, საკუთარი ბიზნესების შექმნაში გამოიყენა. მარკეტერის პოდკასტში მარიამი გვიყვება, როგორ გამოიყენა საკუთარი ცოდნა და უნარები ბიზნესების წამოსაწყებად.

მარკეტერის პოდკასტის წარმდგენია საქართველოს ბანკი ბიზნესი

მარკეტერის პოდკასტი | ინფლუენსერობა და საკუთარი ბიზნესი

დამწერლობის ცნება ფართოა და ის მხოლოდ ენის ბგერით ელემენტებს არ მოიცავს. ის გვხვდებოდა ნახატებისა და გრაფიკული სიმბოლოების სახითაც.

ადამიანს დამწერლობა ერთბაშად არ შეუქმნია, ის დროთა განმავლობაში და საჭიროებებიდან გამომდინარე ვითარდებოდა. თავიდან უნდა ყოფილიყო სიმბოლიკა და უკვე დროსთან ერთად გაჩნდა ის, რასაც დღეს ჩვენ დამწერლობას ვეძახით.

ანბანი ამ სიტყვის თანამედროვე გაგებით, პირველად ფინიკიელებმა შექმნეს. ეს კაცობრიობის ისტორიაში უდიდესი წინგადადგმული ნაბიჯია, რამაც ადამიანის ფიქრები უკვდავყო. თუმცა, დღეს ამით აღარ ვკმაყოფილდებით და ჩნდება შეკითხვა, რა იქნება ციფრულ სამყაროში და როგორ ფორმას მიიღებს მომავალში დამწერლობა?

პოდკასტში დამწერლობის ისტორიაზე, ევოლუციასა და მომავალზე ვსაუბრობთ. ჩვენი სტუმარია გამომცემელი მამუკა ხანთაძე.

შემდეგი პოდკასტი: დამწერლობის ევოლუცია — როგორი იქნება წიგნის მომავალი

“თქვენი მოლოდინები თქვენს რეალობას განსაზღვრავს. თუ წარმატების არ გჯერათ, მიზანს ვერ მიაღწევთ” - ასე იწყება ჟურნალ “ფორბსის” ცნობილი სტატია სათაურით “8 მოლოდინი, რომელიც დაგანგრევთ.”

ფლომასტერის პოდკასტის პირველ ეპიზოდში სწორედ ამ მოლოდინებზე ვსაუბრობთ. რა ზიანი შეიძლება მოუტანოს ადამიანს არარეალური მოლოდინების შექმნამ? Რა კავშირშია ეს პროდუქტიულობასა და სტრესთან?

ჩვენი სტუმარია სანდრო ჯეჯელავა - ქოუჩი, ტრენერი და კონსულტანტი.

ფლომასტერის პოდკასტი - სანდრო ჯეჯელავა: 8 მოლოდინი, რომელიც დაგანგრევთ I ნაწილი 1

პოდკასტი ლიდერობაზე, კარიერაზე, წარმატებაზე, პროდუქტიულობასა და სხვა საინტერესო თემებზე.

ფლომასტერის პოდკასტი - სანდრო ჯეჯელავა: 8 მოლოდინი, რომელიც დაგანგრევთ I ნაწილი 1

FlowMaster