قلبي اتولد مقشر، من طقطق للسلام، أنا آكل م الكلام، ومن الكراوية أسكر.. أسكر من الكراوية

النبض بصوت فؤاد حدّاد

كلمات: الشاعر احمد فؤاد نجم
غناء والحان: الشيخ امام عيسى 

جيفارا مات
جيفارا مات
اخر خبر فى الراديوهات
وفى الكنايس
والجوامع
وفى الحواري
والشوارع
وع القهاوي وع البارات
جيفارا مات
واتمد حبل الدردشه
والتعليقات
مات المناضل المثال
ياميت خسارة على الرجال
مات الجدع فوق مدفعة جوه الغابات
جسد نضالة بمصرعه
ومن سكات
لا طبالين يفرقعوا
ولا اعلانات
***

ما رايكم دام عزكم
ياانتيكات
يا غرقانين فى المأكولات
والملبوسات
يا دافيانين
ومولعين الدفايات
يا محفلطين يا ملمعين
ياجيمسنات
يا بتوع نضال اخر زمن
فى العوامات
ما رايكم دام عزكم
جيفارا مات
لاطنطنة
ولا شنشنه
ولا اعلامات واستعلامات
***
عينى عليه ساعه القضا
من غير رفاقه تودعه
يطلع انينه للفضا
يزعق
ولا مين يسمعه
يمكن صرخ من الالم
من لسعه النار ف الحشا
يمكن ضحك
او ابتسم
او ارتعش
او انتشى
يمكن لفظ اخر نفس
كلمه وادع
لجل الجياع
يمكن وصيه
للى حاضنين القضيه
فى الصراع
صور كتير
ملو الخيال
والف مليون احتمال
لكن اكيد
اكيد اكيد
ولاجدال
جيفارا مات
موتة رجال

***
ياشغالين ومحرومين
يا مسلسلين رجلين وراس
خلاص خلاص
مالكوش خلاص
غير بالبنادق والرصاص
دا منطق العصر السعيد
عصر الزنوج والامريكان
الكلمه للنار والحديد
والعدل اخرس او جبان
صرخه جيفار يا عبيد
في اى موطن او مكان
مافيش بديل
مافيش مناص
يا تجهزوا جيش الخلاص
يا تقولوا على العالم خلاص

الشيخ إمام عيسى والشاعر أحمد فؤاد نجم - جيفارا مات

إكبَر يا ليل - بصوت فؤاد حداد

الشيخ امام - ان قلبى احب ظبيا

                              

سكران الكراويه - بصوت فؤاد حدّاد

الشاي في إيد الشهيد - بصوت فؤاد حدّاد

العطش يحلى مع الميّه - بصوت فؤاد حدّاد

موّال قتيل المحبّة - فؤاد حدّاد

الشيخ امام عيسى - اتانى زمانى

اصحي يا مصر _الشيخ امام

اتجمعوا العشاق في سجن القلعة … اتجمعوا العشاق في باب الخلق

و الشمس غنوة من الزنازن طالعة .. و مصر غنوة مفرعة في الحلق

تجمعوا العشاق بالزنزانة …. مهما يطول السجن مهما القهر

مهما يزيد الفجر بالسجانة .. مين اللي يقدر ساعة يحبس مصر

……………

تجمعوا و العشق نار في الدم ….. نار تحرق الجوع و الدموع و الهم

نار تشتعل لما القدم ينضم …. لما الايادي تفور في لم اللحم

و اللحم متنتور في رملة سينا …. و الكدب بيحجز على أيادينا

قدم العدو غارسة في لحم ترابي … و الكدب عشش مخبرين على بابي

و المخبرين خارجين كلاب سعرانة … بيجمعوا العشاق في الزنزانة

……………

مصر النهار يطلقنا في الميادين .. مصر البكا .. مصر الغنا و الطين

مصر الشموس الهالة من الزنزانين .. هالة و طارحة بدمنا بسا تين

مصر الجناين طرحة مين يقطفها .. مصر الجناين للي يرفع سيفها

مهما يطول السجن مهما القهر .. مهما يزيد الفجر بالسجانة

مين اللي يقدر ساعة يحبس مصر

Etgama'o ElO'shak - Sheikh Emam ( CD Version ) إتجمعوا العشاق - الشيخ إمام

انا والد الشعراء ..فؤاد حداد
أيوه...
انا الوالد ...
و ياما ولاد.. !!

سكران الكراويه - بصوت فؤاد حدّاد

Foad Haddad

Recent comments

Ahmad Tareq

Related tracks