ترنيمة أنا صورته و مرايتة
كلمات و ألحان : جورج مينا
توزيع موسيقى و ميكس :  ماركو نبيل
تم التسجيل بإستوديو : OOTS- م/ مينا فيصل

الكورال : فيرونيكا داود - فيرونيا فايز - دميانة تادرس - بيتر نبيل - فادي طارق - مينا فيصل - جورج مينا

كلمات الترنيمة:
القرار:
انا صورته و مرايته اعكس مسيحى للناس..
اعكس للعالم حبه ده هدفى م الأساس..
اعكس للعالم نور شمسه انور ضلمته..
انقل حرارة حبه املاه بمحبته.

١- علشان اعكسه مظبوط لازم أكون محطوط..
بايدين مهندسين شاطرين فى مكان مظبوط متاكدين ..
اللي هما اباء كنيستي بإيمانهم السليم..
استلم منهم ايماني مش من اي تعليم. 

القرار:
انت صورته و مرايته تعكس مسيحك للناس..
تعكس للعالم حبه ده هدفك م الأساس..
تعكس للعالم نور شمسه تنور ضلمته..
تنقل حرارة حبه تملاه بمحبته.

٢- علشان تعكسه دايما لازم تتبعه على طول ..
وراه خطوه بخطوه مهما الطريق يطول..
تتبع تعاليم كتابه تقراه بانتظام..
تفهم تفسير كلامه من آبائنا العِظام.  

القرار :
احنا صورته و مرايته نعكس مسيحينا للناس..
نعكس للعالم حبه ده هدفنا م الأساس..
نعكس للعالم نور شمسه ننور ضلمته ..
ننقل حرارة حبه نملاه بمحبته.

٣- علشان نعكس نوره محتاجين دايما تنضيف..
لازم نكون بنلمع مفيش حتى تراب خفيف..
اللي يلمعنا دايما سر التوبة و الاعتراف..
و بسر التناول هنبقى علطول نضاف.

القرار :
احنا صورته و مرايته نعكس مسيحينا للناس..
نعكس للعالم حبه ده هدفنا م
الأساس..
نعكس للعالم نور شمسه ننور ضلمته ..
ننقل حرارة حبه نملاه بمحبته

ترنيمة أنا صورته و مرايته - تأليف و تلحين جورج مينا

GEORGE MINA