“Таны анзааралгүй орхисон, тэвчилгүй хаясан, чухалд тооцоогүй өнгөрөөсөн нэг зүйл:
Хүмүүс ээ,  Амьдрал ямар гайхалтай юм бэ? “Амьдрал гайхалтай хэвээрээ”... Амьдралаас бид юуг нь олж харахаас шалтгаалан тэр л үзлээрээ ертөнцийг туулдаг гэдэг. Хором хормоор урсан өнгөрөх өдрүүдээс гэрэл гэгээ, аз жаргалыг түүдэг нэгэн байхад бусдын сэтгэлийг харлуулж бараан сүүдрээрээ дайрдаг нэгэн ч бас бий. Энэ бүхний цаана гайхалтай нүдээр харж сэтгэлдээ тултал мэдэрсэн эгэл амьдралын гайхамшигтай түүхүүд хөвөрнө.

АМЬДРАЛ ГАЙХАЛТАЙ НЭВТРҮҮЛЭГ

Амьдралыг гайхалтай  болгох ганц хүчин төгөлдөр зэвсэг  бол тэвчээр. Тэвчиж чаддаг хүн бол агуу хайрыг мэдэрнэ. Агуу хайрыг мэдэрсэн хүн бол амьдралын гайхалтайг мэдэрнээ гэж. Энэ тухай сонсогч Ганбаа өөрт тохиолдсон гайхалтай түүхээ хуваалцах болно.

АМЬДРАЛЫГ ГАЙХАЛТАЙ БОЛГОДОГ ЗҮЙЛ БОЛ ТЭВЧЭЭР

Айл гэрт аз жаргал, инээд хөөр, хөгжилтэй дурсамжуудыг арвин баялаг гайхалтай болгодог хүмүүс бол хүүхдүүд байдаг. Тэд бол амьдралын төлөө зүтгэж ядрахдаа ядарч, зовохдоо зовох томчууд бидний сэтгэлийн сэргээш. Аав ээждээ, ах дүүдээ сэргээш болж чадсан хүүхдийн онигоог та сонсоход бэлэн үү?

ХҮҮХДҮҮДИЙН ХӨГЖИЛТЭЙ ТҮҮХ

Энэ баян амьдралыг гайхалтай болгож байдаг нь бүхнийг өөдрөг гэгээлгээр харж чаддаг хүн та. 
Бараг гучин жил уулзаагүй “ААВ”-тайгаа уулзах ямар байдгийг Мөнхболдтой адилхан хувь тавиланг туулсан хүн л зүрхэндээ тултал мэдрэх байх. Харин гомдол шарх биш уучлал хайраар  уулзах нь тэр хоёр хүний аль алинд нь үнэ цэнэтэй  байдаг гэдгийг манай сонсогч Мөнхболд хуваалцсан юм. Энэ бол амьдралын гайхалтай түүх.

АМЬДРАЛ ҮНЭХЭЭР БАЯН

Хөлд орох гэж байгаа бяцхан жаал унаж босож байж явж сурдаг шиг томчууд бид ч амьдралд алдаж онодог. Харин алдаанаасаа суралцаж эргэж босох нь амжилтын, амьдралын амтыг мэдрэх торгон агшин ажээ. Болохгүй бүтэхгүй, чадахгүй байна гэж сэтгэлээр унаж, гундуухан яваа олон залууст Гантулгын амьдралын энэхүү гэрчлэл урам зоригийн гал, ухаарлын очийг асааж өгсөн түүхийг та сонсоорой.

НУГАРЧ, СӨХӨРСӨН Ч ЭРГЭЭД СЭХЭХ ТЭНХЭЭТЭЙ БАЙ

Гайхалтай амьдралын нэгэн хэсэг нь аз жаргал байдаг бол нөгөө хэсэг нь ЗОВЛОНГООС АВСАН СУРГАМЖ байдаг
Хэтрүүлж хэлбэл танихгүй нэгэнд цааш амьдрах нас бэлэглэсэн. Тэгсэн хэрнээ согтуу хүний ухаанаа алдсан үгэнд унаж өөрөө хохирч яваа сонин түүх Нямбаярын. Энэ тухай Та “Амьдрал Гайхалтай хэвээрээ” нэвтрүүлгийн 9 дэхь дугаараас хүлээн авч сонсоорой.

ЗОВЛОНГООС АВСАН СУРГАМЖ

“2009 оноос би ТББ ажиллаж байгаа. Өнөөдрийг хүртэл ажиллахдаа  бусдын төлөө гэж хийж байгаа бүхэн эргээд надад болон миний хамт олонд аз жаргалыг өгч байгааг мэдэрсэн. Юу ч хийж чадахгүй байгаа тэр хүмүүст туслаад, сонсож хайрлахаар эргээд миний амьдралд байгаа асуудлууд том биш юм байна. Бусад хүний асуудлууд минийхээс ч хэцүү юм байна” гэж ярих Туяа бүсгүйн гайхалтай түүхээр та аялаарай.

БУСДЫН ТӨЛӨӨ ХИЙЖ БАЙГАА БҮХЭН ЭРГЭЭД НАДАД АЗ ЖАРГАЛЫГ ӨГДӨГ

Өрхийн тэргүүн бол зохиолч гэж би боддог. Яагаад зохиолч вэ? гэхээр гэр бүлээ аз жаргалтай, сайхан байлгахын тулд өрхийн тэргүүн зохиолч байх хэрэгтэй. Би баяр баясгалантай, ажил төрөл боломжтой сэтгэл хангалуун гаднаас орж ирэхэд миний гэр бүл яг тийм л угтаж авдаг... гэж амьдралаас гайхалтай зүйлсийг шүүрдэж чаддаг сонсогч Төмөрхуягийн түүхийг сонсож урам зориг аваарай.

ГЭР БҮЛИЙНХЭЭ ТҮҮХИЙГ ЗОХИОГЧ ЗАЛУУ

Хэн нэгнийг чин сэтгэлээсээ уучилж, бүгдийг гэрэл гэгээтэйгээр харж чаддаг хүнд Амьдрал өөрөө аз жаргалын хаалгуудыг, гайхалтай боломжуудыг шинээр нээж өгдөг ажээ. Хайртай дотны хүндээ итгэж, уучилж чадсан  үзэсгэлэнтэй бас томоос том зүрх сэтгэлтэй  Энхцэцэг бүсгүй манай радиогийн 930 Шоуны “Амьдрал гайхалтай” буланг чимж чадлаа.

ХҮНИЙ СЭТГЭЛ ГЭЭЧ ЯАСАН АГУУ ЮМ БЭ?

Миний найз Германаас машин зөөдөг байлаа. Бид гэр бүлийн найзууд юм л даа. Гэтэл найзын маань эхнэр машин зөөж яваад Оросын мафитай таараад.Тэгээд зугтаж яваад осолд ороод бүсэлхийнээсээ доош мэдээгүй болчихсон. Найз минь эхнэрээ асрахын тулд наймаагаа орхиод бүх мөнгөө эмчилгээнд нь зориулаад цаашдаа амьдрал нь хэрхэн хөвөрсөн тухай гайхалтай түүхийг эрхэм та эндээс сонсоорой.

МИНИЙ НАЙЗ БОЛ МИНИЙ БАХАРХАЛ

Хүн амьдралаас юуг эрж хайна, юуг харахыг хүснэ түүнийгээ л олж хардаг гэдэг. Бид энэ ертөнцөд үдлээд буцах жаахаан хугацаандаа амьдрал ямар гайхалтай болохыг өнгөлөг, өөдрөг сайхнаар харах нь хамгийн чухал ажээ. Бусад шиг л сайхан амьдралыг хүсэж тэмүүлдэг нь залуу гэр бүлүүдийн буруу биш ч гэлээ энэ бүгдийг хамтдаа босгох эхний хэдэн жилд урам зоригоор биенээ тэтгэж, тэвчээртэй, эр зоригтойгоор хамтдаа сайн сайхан бүхнээ босгон байгуулахын үнэ цэнийг хуваалцсан Ганбаагийн түүхээр аялаарай.

НЭГ НЭГЭНДЭЭ ИТГЭЖ СУР

Өгсөн нь ч, авсан нь ч ерөөлтэй хүмүүний амьдрал юутай гайхамшигтай вэ? Энэ яриа бусдын төлөө гэх Монгол түмний агуу өглөгөөс гадна “хосууд” биенээ хайрлах дээдийн дээд түүх ажээ. Манай хөтлөгч Отгонбаатарын энэ түүх. Сонсон байгаа бидэнд хослон амьдрах заяаг бүтэн болгосон ерөөл тавилан ямархан байх нь хамаагүй. Хамгийн чухал нь өвдсөн зовсон, баяртай жаргалтай, хүнд бэрх бүх л цаг үеүдэд биесээ дэмнэн, зөвхөн ХАЙРЛАХ гэдэг үгээр зүрхээ тэтгэн, гуйвж дайвашгүй бат бөх, унтарч бөхөшгүй гэрэл гэгээтэй, хав халуун сэтгэлээр хамтдаа урагш тэмүүлэн амьдрахын ухааныг сийлж байна.

БИ ӨГЛӨГЧ АРД ТҮМЭН ДУНД АМЬДАРДАГ

Монголчууд бид “Санаа зөв бол, Заяа зөвөө” гэдэг. Санаа зөв байж, амьдралаас гэрэл гэгээг  нь харж, мэдэрч, амталж, түгээж чаддаг хүн сэтгэлдээ оч асааж, зүрхэндээ хайр тээж гэрэлтдэг ажээ. Тэр хүн бол 930 хөтөлбөрийн “Амьдрал гайхалтай хэвээрээ” буланд холбогдсон манай сонсогч Баярмагнай. Энэ залуугийн зоригтой гаргасан нэг шийдвэр Түүний гэр бүлд үгээр илэрхийлэмгүй аз жаргалыг бүтээжээ.  Тэднийд ирэх л гэж ирсэн охин үр нь Баярмагнайг амьдралаас шагнасан хамгийнг том бэлэг нь.

ИРЭХ Л ГЭЖ ИРСЭН ОХИН ҮР

Хэн нэгэнд энгийн юм шиг атлаа харин хэн нэгний хувьд амьдралынх нь гэгээн мөр, нандин дурсамж, эрхэм сургамж болж чадсан тийм л гайхалтай, ийм л үнэ цэнэтэй яриаг танд дуулгая. Энэ бол 930 Шоуны “Амьдрал гайхалтай хэвээрээ” буланд 2015 оны 10 сарын 22-ны өдөр холбогдсон сонсогч Боогий болон түүний эхнэр Асемгулийн ухаарал бэлэглэж, зүрх уяруулам түүх.  Амьдралд нь гайхалтай түүх болон тамгалагдсан түүний яриаг одоо сонсъё.

ЯМАР Ч ЗҮЙЛ ТОХИОЛДСОН ГАЙХАЛТАЙ ГЭЖ ХҮЛЭЭЖ АВАХАД ГАЙХАЛТАЙ Л БАЙДАГ ЮМ БАЙНА

ЭНЭ ОРЧЛОНД ЭМЭГТЭЙЧҮҮД БАЙГАА БОЛОХООР ҮНЭХЭЭР ГАЙХАЛТАЙ

Гэр бүл, найз нөхөд гэлтгүй бүх зүйлд уучлал хамгийн чухал. Би нөхөртэйгээ 18 жил амьдарч байна. Амьдраад 8 жил болсон ч хүүхэдтэй болохгүй байсан. Хоёулхнаа болохоор зөрчилдөөн их гарна. Тэгсэн нөхөр маань ч өөр хүнтэй болчлоо. За болъё доо, нөхрөө явуулъя даа гэж шийдсэн. Гэтэл би жирэмсэн болчихсон байсан. Тэгээд нөхөртөө хэлсэн чинь мэдээж 8 жил хүлээсэн хүн намайг худлаа яриад байна гээд огтхон ч итгээгүй. Тиймээс би за за, амьдрал ийм болсноос хойш хүүхдээ авахуулчихъя гэж бодсон. Тэгээд байрныхаа гадаа салхилаад  суухдаа  96 –тай өвөөтэй амьдралын түүх ярилаа. Өвөө надад бараг л 100 жилийн түүх ярьсан даа. 
	Хүмүүс бид хэн нэгнийгээ үгийн зэв, үйлдлийн муугаар гомдоодог. Аа харин гомдож хорсож сэтгэлээ улам гүн шархлуулахын оронд УУЧЛАЛ гэдэг маш том арга зам байдгийг 930 ШОУ нд холбогдож амьдралынхаа гайхалтай түүхийг хуваалцсан Бүсгүйн түүхийг хүргэж байна.

ХАМГИЙН ГАЙХАЛТАЙ ЗҮЙЛ БОЛ УУЧЛАЛ

“Өрөөлийн хүүхдэд ч өөрийн сэтгэлээр хандацгаая” гайхалтай уриаг Монголын эрч хүчтэй, хүнлэг залуустаа чин сэтгэлээсээ хэлсэн сонсогч Энхтөрөөр бахархаад баршгүй байлаа. Тэр уриалаад ч зогсохгүй өөрөө энэ зүйлийг хийдэг. Өвлийн хүйтэнд сургууль руугаа дааран бээрэн яваа жаахан хүүхдүүдийг хүргээд л өгчихдөг залуу.  Та бидэнд жаахан л халуун сэтгэл байвал хэн нэгэнд туслах, бусдыг баярлуулах зүйлсийг хийх боломжтой ажээ. Та бодоод үз дээ? Би хэнд юугаар тусалж болох вэ? гэж.

ХАЛУУН СЭТГЭЛ

2 жилийн өмнө би нэлээд хүнд өвдөөд гадаадад хагалгаанд орлоо. Маш хүнд хагалгаа байсан учраас амь нас маань дээсэн дөрөөн дээр байсан. Тэгээд  сайн аав, эгч, хань, хамт олны буянаар маш сайхан даваад гарсан. Одоо өнөөг хүртэл эрүүл саруул сайхан байна гэж бахдан ярих Билгээгийн амьдралын түүхийг та сонсорой.

АМЬДРАЛ БОЛ БЭЛЭГ

Хүүхэд насанд хүргэж өгдөг галт тэрэг хэрвээ байдаг бол би л лав суунаа. Хүн бүрийн зүрх сэтгэлд хүүхэд насанд нь тохиолдсон гайхалтай, бүүр гайхамшигтай дурсамж, хөгжилтэй хөгтэй түүхүүд хоногшин үлдсэн байдаг. Магадгүй та яг л тийм гэгээн дурсамжаа бодон өөрийн эрхгүй инээмсэглэл тодруулан суугаа биз ээ. Тэгвэл танд ч магадгүй тохиолдсон байж болох хөгжилтэй охидын түүхийг сонсъё.

ХҮҮХЭД НАСНЫ ДУРСАМЖ

Үүрээр зүүдэлсэн хайр минь үнэн 
Үгүйлсэн өдрийн минь гуниг минь үнэн 
Үнэхээр чамдаа хайртай минь үнэн гэж...
Цахим ертөнц гээч том харилцаа холбоо үүсээгүй байхад 10 жилийн хүүхдүүд бие биендээ сэтгэлээ илэрхийлэн ийнхүү захидлаар харилцдаг байсныг санаж байна. Энэ бол манай сонсогч Ганчимэгт ирсэн хайрын захидал. Үргэлжлүүлэн та нэвтрүүлгээс сонсоорой.

ҮНЭН ГЭВЭЛ ХАЙР МИНЬ ҮНЭН

Амьдралд алдаа оноо, жаргал зовлон бүхнийг амсаж эдэлж, туулж мэдэрч байж өөрийнхөөрөө хамгийн сайн нь юу болохыг хүмүүс сонгодог. Хүн бүхний хувьд хань ижил их чухал сонголт. Түүнээс гадна зүрхэн дэхь итгэлээ өгөх Тэр нэгэн биднийг сонгосон билээ. Бид Бурханд итгэлээ өгсөн байхад цаг үргэлж бидний төлөө байсаар байдаг цор ганц нь Тэр юм.  Тиймээ, Тэрээр “Бүү ай. Би чамтай хамт” гэж хүн бүрт хэлж байгаа. Учир нь Бурхан бидний итгэлээр дамжуулан Өөрийн ажлаа хийдэг юм.  Энэ тухай сонсогч Сүхээ амьдралынхаа гэрчлэлийг тантай хуваалцаж байна.

БҮҮ АЙ. БИ ЧАМТАЙ ХАМТ

Family Radio is a network of family broadcasting in Mongolia

АМЬДРАЛ ГАЙХАЛТАЙ НЭВТРҮҮЛЭГ

ГЭР БҮЛИЙН РАДИО