جااااااااااااااااااااااااااااااااااااااااااااااااااااااااااااااااااااااااااااااااااااامده  يا زووووووووووووووووووووووووووووووووووو\

فااااااااااااااااااجره  يا زةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة

الجوكر - الواقع

ahmed kamel 
احمد كامل 
لعبتك 
ahmed kamel
لعبتك 
#لعبتك 
لعبتك لعبتك 
احمد كامل 
#احمد_كامل 

احمد_كامل لعبتك ahmed kamel لعبتك

كلمات : الشاعر معتز الميرغنى
اداء : عبير وارث & معتز الميرغنى
------------------------------------
هى
-----
سيبت ليه الحى فيا .. يوجع النص اللى مات
ليه كتبت علينا بكره .. نبقى سطر ف ذكريات
اللى طمّن قلبى سابـُه .. قاله انسى .. قاله خاف
ياللى كاتب فيا اسمك .. جوه قلبى بخط جاف
قلبى شاف الشوف بعينك .. انت فينك ؛ فين انا !!
ده انت حاله بتيجى مره .. كل كام مليون سنه
انسى عادى !! 
يعنى نبقى م الليلادى مش سوا !!؟
طب موافقه ....
بس مين فالدنيا يقدر .. ينسى يتنفس هوا !!؟
ده الدوا .. لو فيه شفا .. يبقى بس عشان ايديك بتمدهولى
خدت ليه من ليلى حضنك .. اللى كنت بتدهولى
عمرى قبلك كان ف كفه .. و انت وحدك كنت كفه
ضمنى فى الحلم قرّب .. يجوز احساسى يتدفى
--------------------
هو
-----
ان جيتى للجد 
انا اول واحد حَب بجد
انا اول واحد شال صورتك
تحت مخده عشان يحلم بيكى
انا اول واحد غمض عينه
علشان مايشوفش الا عينيكى
ان جيتى للجد
انا اول واحد خباكى فحضنه ونام
كان اول واحد بيقابلك وسط الاحلام
ان جيتى للجد
انا اول واحد صام عمره
واستنى كتير اوى يوم عيدك
انا اكتر حد من الدنيا
كان دمه بيوصل لوريدك
ان جيتى للجد
انا اول واحد حَب بجد
وانا اول واحد ساب ايدك
--------------------
هى
-----
ليه كنت اقوى عليا منى
مع انى سيبت الروح معاك
وانت مشيت بعد اما جيت
وانا قلبى ياما كتير ناداك
فهمتنى بيك ان بكره
سهل انى اعيش ....
وماينتهيش .....
يظهر مفيش ..
فايده فهواك
نفسى اسمعلك مبرر
تقنعنى بيه ان انت احسن
انت عايش ازاى كده
وانا كل لحظه تعدى بحزن
ودموعى تلحق بعضها
والقلب واقف مطرحه
ولا نبضه قادر يعترف
ولا ذكريات بـ تريحه
الوحده بس بتدبحه
والبعد .. جوووع
كلام الليل مدهون دموع
ومافيش له شمس بتمسحه
--------------------
هو
-----
صدقينى مش قساوة قلب منى
غصب عنى انى اسيبك للدموع
واكتم الشوق اللى فيا و اخرسه
ولا سهل انى احبسه بين الضلوع
صدقينى .. لسه بحلم بردو بيكى
وردتك لسه ف كتابى بشمها
ما يادوب بقى حبة مشاعر
بقدر انى ألمها
لما تصيبنى الوحده بيكى
و احضن عروستك أضمها
وانسى معاها الكام نفس
دافى بيخرج شحتفه
وانسى الشتا وانسى المطر
واحس جنبك بالدفا
واشتاق زياده اوام والين
لكنى وحدى بستكين
زى الجمل ما تشوفه عين 
او تلمحه لحظة صفا
صدقينى دى الطريقه
انا مش بحاول أعذبك
وانتى مش كدبه ف حقيقه
بعرف انى اكدبك
لسه ماج الشاى بيسال عن ايديكى
لمستك .. نفختك .. حتى شفايفك
وحشاااااااااه اوى 
حتى روجك لما كان مطبوع عليه
ياااااه .. حتى الجماد صعبان عليه طول البعاد
حسوا الفراق ؛ وبيسالونى و اقول مفيش
فـ استغربوا !! ازاى انا ظاهر كده
بالشكل ده قادر اعيش
--------------------
هى
-----
سالوا عليا لوحدهم ؟؟
معقول بجد وحشتهم ؟؟
والماج رافض يتكسر!!
انا عارفه انى جرحتهم
وجرحت قلبك قبلهم
وادينى جايه بعتذر
ماتهدنيش ارجوك حرام
طب قولى اكفر ذنبى فين
وحياة هواك قربنى ليك
وبلاش نتوه وسط السنين
وبلاش حياتنا تفترق
واعيشها وانت مش معايا
دانا كل ليله بتحرق
وبشوف خيالك فالمرايه
وحياه عينيك سامح بقى
انا عارفه انى وحشتهم
عارفه اشتياقك زاد اوى
نفسى فعينيك احلفلهم
شهدهم انت .. قولهم
انى بموت .. وانى بضيع
والله دموعى بتشتريك
ازاى كده قادر تبيع
--------------------
هو
-----
الحكايه فكبرياء !!!
قصدى الحكايه فكلمتين
مش معنى انى فاشتياق
هتبان دموعى فكل عين
واستنى عطف او اسرقه
من اى حد و ابوس ايديه
ولا صنف راجل اصدقه
لو كان يبان الشوق عليه
احنا كده جلمود حجر
مش م السهوله تكسريه
او تلمحيه ف تقربى وتجربى
تكتبى اسمك عليه
و يا بختها .. تتهنى بيه
اللى هتقدر تنحته تمثال دهب
وبنار غيريتها تلهلبه
يعشقلها طعم اللهب
صدقينى باختصار
كان بايدك لاختيار
بين قرب جنه وبعد نار
يمكن عنادك كان سبب

"يَعشَـقُها ؛ ولكن .... "لمعتز الميرغنى

+ www.6rby.com +  الومه على ايه اصاله

٣ سنين عدو عليا كانهم يومين 
جيت السنادي انا عشان اقولك كلمتين 
كل ذكره حلو بينا لسه موجوده ف خيالي 
لسه فاكر عيد ميلادك اللي قبل عيد ميلادي

لو فتحتي درج قوضتك هتلاقيه مليان هدايا 
لو بصيتي عالتسريحه هتشوفيني ف المرايا 
كنت المخده اللي انتي بردوه بتنامي عليها
انا اللي لما سافرت سبتك حسيتك معايا

٣ سنين عشناهم واحنا مش دريانين
كبرنا انا وانتي ومش عارفين رايحين لفين ؟
٣ سنين عاشرتك وانتي بتمووتي فيا 
٣ سنين لامساني واديكي مفرقتش اديا 

فا اتفقنا مالبدايه ان بعد ٧ سنين .. 
هخلص جيش ودراسه وهنبقي مخطوبين 
فقولت فتره وتعدي وانتي هتصبريني
وفضلت معاكي صابر وانتي صابره ٣ سنين .. 

مكنتش اعرف انك هتخالفي وعدك ليا  
وتقوليلي يلا اخطبني اصل الناس باصين عليا
خلي الناس ينفعوكي ومتنسيش تعزميني  
ولو حد سالك عني ابقي قولي انك بعتيني


انا كنت راجل جدا ومعاكي للنهايه 
خلفتي وعدك ليا واتفقنا مالبدايه 
يلا العبي وفرجيهم عالورقه المقلوبه
مالدنيا لعبه بينا كانت دايما رايحه جايه


عشت معاكي الف خمسه وتسعين يوم 
جاتلي فترة كنت بنام ع صوتك واقوم 
بيني وبينك ألفين ميه وتسعين حكااية
ضعف وقتك اللي كنتي عايشه فيه اصلا معايا

ربنا لما خلق ادم مجبلوش اي حد ..
ده جابله حوا تعيش معاه وتحبه حب بجد 
مجبلوش اي صاحب ولا حته اي حبيب 
ده مبدا الحياه ان الراجل نصه الست 

شغلي محمد فؤاد واسمعي خدني الحنين
انسي اي حاجه بينا كانت مرفوعه لأوس اتنين 
قدرنا كان اقوي منا ومش زعلان علشان بعدنا 
ولو فكرتي ترجعيلى هيبقي كمان ٣ سنين.

Ghebo _ 3 sneen 2013 | غيبو _ ٣ سنين

كلمات والقاء : الشاعر محمود حسن
_____________________________

إنتى حلوه
حلوه جداً
كل يوم حِلوِك يزيد
مكتئب وضحكتى ليا ..
خلتيلي الحُزن عيد
حلوه جداً زى قهوه .. 
دوقتها معاكى في يناير
خلتينى بحب أشوفك ..
وأدمنك بدل السجاير
ضحكتِك خبطت فـ عينى 
دوقتها .. حِليِت سنينى
إبتسمتى فَـ إبتسَمت ..
فجأه ف عنيكى إترَسَمت ..
من يوميها بقيت معاكى ..
من يوميها لقيت طريقي  
الحياه كات صعبه قبلِك ..
ضحكتك بَلَّتلى ريقي
هحكى عن تفاصيلها ياما ..
وشكلها .. دايماً شاغلنى
بيقلولى روحى حلوه ..
قولت هي أحلى منى
أحلى من كل الى غَنَّى ..
والى لسه رَح يغنى
قولت دى ست البنات ..
ضحكها سكر نَبات ..
حلوه لما بتيجى تحكى ..
حلوه اكتر ف السُكات
أحلى من كل الغَناوى ..
والسهر وسط القهاوى ..  
حتى من احلي الحكاوى ..
إنتى برده تِبقِى أحلى
أحلى من كل البنات ..
الى جُم أو رَح يجولى
لسه إيه ف الكون نسيته ؟ 
قولى يلا معايا .. قولى  !
إنتى حلوه 
حلوه جـداً
غاروا منى الناس عشانِك 
هقدر أقبل أي حاجه
طول ما قلبي ده مكانك
والمكان ده مش كلام او بيجي بالروتين
مش ضروري تكون فيه خطه او طريقه عشان احبك
مش ضروري تلبسيلي بشكل تاني .. او لازم تديني عين !
مش ضروري تبقي غيرك .. زي ص او زي س
مش ضروري تلعنيلي ليل نهار ف فلان سبقني
الضرروري ف وقت ضيقي ، تبقي اول من لَحقني
تبقي ام قبل زوجه او حبيبه او و او
متقوليش فيه مسافه بينا ،  حتي لو كانت .. ولو
هو فعلا ده صحيح
المسافه شئ قبيح 
الوجع وحده ف مداها
المسافه حقيقي لعنه
بس ممكن نتحاشاها
زي عم فلان ما قال
كان ف سجنه ذات مره
والمسافه ويا عجزه
توجع اكتر الف مره
قال :
شوفتها .. قمر إبتسملي
وجاتلي نسمه من هواها
فجأه حسيت ليلي شالني
وخدني اكمل نوم معاها
الكلام يحلو اكتر
طول ما ليكي ف قلبه يد
الغزل لايق عليكي
ورد جي مكتوب ف ورد
حلوه لما بتضحكيلي
ع الكلام مش لاقيه رد
حلوه وانتي بترسلميلي 
بيت وبكره وطفله شبهك
البشر اخر همومك
اتفقنا ، راي رأيك
ويهموا ف إيه الناس ..
مايغوروا الناس مايغوروا 
قلبِك يا حبيبتى كفايه ..
واخد دورهم فوق دوره 
وانتي حلوه 
حلوه جداً
مهما غاروا ومهما قالوا
اي حلو الناس تعيبوا
الكلام ده يزيد جماله

Ghebo _ 3 sneen 2013 | غيبو _ ٣ سنين

GHEBO

Recent comments

Cesia Jhanibel Gamarra Sánchez

احمد ابراهيم

Shimaa gmal

basma adel

Related tracks