البارحه وسط نون العين مثل القنيف 
وأركاب الاشواق مس الطاري ابطانها

على هنوف لها ديوان صدري مضيف 
واسوار الاضلاع مدهلها ومسكانها

لا قالت الشوق طاغي والوله يالوليف 
مافيق لين اتربع وسط ديوانها

في وصلها نفسي اماره وقلبي كفيف 
لو ياقف الموت الاحمر دون بيبانها

خجلاً على منهج الحب النقي العفيف 
يبكي على مغرياات العمر شيطانها

فيها من الحسن ما ينقض قرار المعيف 
ويكسر قواعد سلوم البدو من شانها

تخلي اللي يدق الثقل يرجع خفيف 
لا من ثعت ليلها الحالك على امتانها

ما تعترف بالنداوي والمها والعسيف 
ولا تفتخر غير في ابوها وفي اخوانها

في صوتها شي مطمن وشي مخيف 
ومخاوف اعجابها تطغي على امانها

اقسى عليها وانا قلبي عليها رهيف 
وارضى لا عانق تغطرسها تمنانها

من كثر ما يسجن الدمعه هدبها الكثيف
اوجانها تستغيث الماء من أعيانها 

10/3/2024 💔

" تحدّني ذكرياتك لين أوقف وأطيح
‏في ليلةٍ حزنها طوّل.. وهي ما سرَت" 💔

Followers of FHEED