Mezo

زيدان

مزك

Arabic + sudanese

عقد الجلاد

وردي

sudanesse

العميري

akrymi

محمد الجزار - شفت بي عينيا

حرام يابا حرام احمد فتح الله

احمد فتح الله

ما اصلو ريده اصبح حياتي زيدان ابراهيم

عقد الجلاد مدائح

العقد > الطمبارة والغناي  gurashi

من الالبوم الجديد للعقد - تحمل الطابع السياسي بكلماتها العميقة

كفاكِ    gurashi

هاني عابدين - خلي العيش

عقد الجلاد  at لأنك عندى كل الخير

مرت الايام حبيبي...
ولسه.. ظالمنا الزمن...
اصلو ما قايلين وحاتك..
ندفع ألافرح تمن..
آ ه... مر التمن...
في هجير الدنيا ماشي..
اصلو لا ظل لا غمامه...
حبيبي يا حبيبي يا حبيبي...
تبكي عيني من حنينا...
تبكي فاقده الابتسامه...
حبيبي يا حبيبي يا حبيبي...
تشرق الدمعات وترجا...
يا صفاها... يا مناما..
حبيبي يا حبيبي يا حبيبي...
يرجى طيفك مره عابر..
يقرا في دموعا الملامه...
حبيبي يا حبيبي يا حبيبي...
تكتم ألحيره وتغازل...
تسأل النجمات...الى ما؟
إلى ما؟
إلى ما؟
خليتني أنا هنا
أغالب النور للزمن...
بقاني سواح
سواح
سواح
سواح
تهيجنا الذكرى.. وأنادي عليك..
وأبرى سراب بعيداً لاح..
اباري النجم لم يلوح....
يفوت يروح لحبيبتي صباح...
اكافي الشمس لم تغيب ...
شان ألقى سناك وأنوم مرتاح...
بقيت مسافر وسط الريح...
وزاد الرحله جنون وجراح...
أتعب مره وارتاح مره
ومره اهذي مع القمره
يا القمره يا القمره...
اقلبي السنسنة الحمرا
وشوفي حبيبي غاب ما جا..
اه ..اه ...لو تسمع اه
حبيتا وهويتا
لكن مني ضاعت
املي البنيتا
للدنياي راحت
وراحت م لقيتا
امالي البنيتا راحت ف ثواني
احلامي اللقيتا ضاعت مني تاني
الورده الرعيتا وسقيتا بحناني
ياريت م هويتا ضيعت الاماني
انا قايلك حنينه لعهدي بتصوني
انا قايلك امينه تنسيني ظنوني
تاريك ي ضنينة لهوايا بتخوني
هدمت املي فيك ي حليل البجونا
ودعتك وداعا م من بعدو عودة
حطمتي الاماني وضاعت من وردة
تاريخي وزماني زي السيف وحدا
قطع لي قليبي وحرمني المودة

سواح - النور الجيلاني

بين الريد و الهوى at Sudan

أجراس الحقيقة - نظام الدين

من الاسكلا وحلا_م.الجزار

Lw T3ra Alshog - لو تعرف الشوق

طواقى الخوف 
كلمات:محمدطه القدال
الحان:شمت محمدنور
ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
……
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.

وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب

الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.

والأرض موقوت القنابل
في الحدود
والأرض منهبة الثعالب
والطحالب
والجيوش
باليوناميد
واليوناميس
والفُرقة بينات القبايل
والشتايم في المنصات
والشراكة الفي
المكايد
والخناجرفي الحناجر
والمنابر ..
آه من تلك المنابر،
إنداية كرتلة وبنابر
والجرايد
داقة طارات المدايد
الصَدَق في الناس كذوب
الساسة نِيّام العسل
بين انتباهة
وغفلتين
بين السلاطين والحبوش
والشلاتين
والقرايب
فين حلايب؟
واللي بنى الأرض كان في الفرض سوداني
عيني عليها
اتمزعت
حتة في قلبي
وحتة ف غصتي .. تاني
آدي اسرائيل في النيل
بكِّيني ولعبطني
والنيل أدنداني
إحنا حبايب في الطيّبة والآه؟
آ.
غنيلي ورقصني ؟
طيب.
بسِّ سمعني آه الآه في وداني.
***
أنقد السُقا وما بينصلح وكَّايو
وانكشح اللبن ما بينفعِن بكَّايو
بعدن بى الدروب مابقصِّرِن تكَّايو
والشاكي النقاص ناقص قمح شكَّايو
***
وانا لا بجيب سيرة الجنوب
ولا أكلوني
إذا ما أكلو التور الأبيض ..
(الأرض في الجزيرة)
وبدر الله فوق سماهو
يا ساسا يابساحوتة
مكوار حبس مياهو
عطشت قبايل ابقوتة؟
البودة في خلاهو
والأرضة في بيوتا؟
الزول رِبَت كلاهو
سمينة بي مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلوني
إذا ما أكلو التور الأبيض ..

***
يدر الله يابسلوكة
سلوكة الجزيرة
كل يوم فينا بتنتش
سكك الحديد بي كم؟
بي كم بيت المفتش؟
والبيع بيعة عدوكا
بعت الأرض بترابا؟؟
باكر تبيع أبوكا
وان مُتْ من تُخمة باكر
ناس الشرق يبكوكا
وناس الغرب يبكوكا
ناس الشمال يبكوكا
وناس الجنوب يبكوكا.
وانا لا بجيب سيرة الجنوب
ولا أكلوني
إذا ما أكلو التور الأبيض ..
***
حمدتكم بالجاية
والجاية فوق الجاية
وعسكري الجباية
قلبو الحجر اللداية
***
بشرتكم بالسادة
والسادة بعد السادة
وجرادة فوق جرادة
من دوكة لام كدلدة
***
حمدتكم بالواقعة
والصاقعة جنب الصاقعة
مقدودة مالها راقعة
والدمعة صابة وناقعة
***
بشرتكم بالتوية
والصبنة لي الدامبوية
في الحلة دي ام كدوية
ما تقعدوا شدرة موية
***
والأرض لا حليوة
ولاها دي الجزيرة
الأرض أمات الحنين
لو نقط الضحوي البريق،
في الحين تبتق شهوتِن.
تحبل
كما الأمات
وتشرق بالوحم
لو تسعة الميلاد بتمرق بالسنين،
أو دي الشوارع بالبنات متحينة،
ترسل تراتيل الخروج في يوم
وتقطع سرتِن.
الأرض تعريف الهديل
هدل الحمام بشري
وشوق السلام انسان
بالحيل بيعرف أنَّتِن
والأرض شافت
إلا خافت
من عيون الليل
تناجي حبيب
غريب في الليل
وتفرز غنوتِنْ.
زي بذرة في جوف الأرض
أو ضحكة عند طرف القلب
بتغني لو جات في العيون
والضحكة لاقت مرقتِن
الأرض منصوص الضمان
حضن أمك الدافي وأمين
ريحة حبيب
جاياني من شمة حبيبتي وكرفتِن
لو جاتا في يوم الهموم،
في الحين تزغرد فرحتِن.
أو حرقصت فوقها السموم،
باكر تهبهب نسمتِن.
والأرض ما بتعرف تنوم
ترتاح
وغابت جمتِن
بس تدِّي مدين للعديم
بالمدة تحفظ ذمتِن
***
هن مارقات خلاهِن
ما مارقات بَراهِن

لي بصاص حِداهِن
إو قصاص بِراهِن

هن مارقات تراهِن
تريانات تراهِن

الخوف ما حَماهِن
من شوفة حِماهِن

طمانات جناهِن
بي لبنا معاهِن

يوم الشينة جَاهِن..
مرقن ليهو جَاهِن

بالعز المبطَّر
والزوق الشَفاهِن

لا حايدات مداهِن
لا قايدات عماهِن

وما كشحن بلاهِن
فوق زولاً أباهِن

لو الضيم رماهِن
هِنْ ياهِنْ
وما هِنْ.
***

وانا لا بجيب سيرة الجنوب
لاني زول بالمرة خايف
إلا شايف
إلا شايف
إلا شايف
***

أنا شايف المطر
يتحاشى الضهاري الراجية قولة خيرا
وانا شايف المطر
يمشي على الصحاري تلمو في بشكيرا
وانا شايف العشم
يتناسى العشامى ونيما ياكل نيرا
وانا شايف النفس
تتذكر نفسها وتنسى يوم حديرا
وانا شايف البلد
الطيب جناها وقمنا في شدِّيرا
…
…
شاحدك يا كريم
لا تحصل خراب لا أرجى يوم وديرا.


عقد الجلاد وخرافة القدال -طواقي الخوف

طه سليمان-ولع لى النحرقو

Ma5arg al-kelma أبوبكر سيد أحمد - مخارج الكلمة

جاي تترجاني أغفر ليك ذنبك
 ما كفاية الشفتو من نارك وحبك
 أنت فاكر تاني أرجع لك واحاسبك
 لا يا ناكر دربي أصبح ما هو دربك
 كنت تحلم بالسعادة في كلمة مودة
 وهي غير ما إنت فاكر
 وهي في نبضة مشاعر
 في القلوب الما بترد أي طارق أي زائر
 شايلة هم الدنيا زاده ومالية كل الكون بشاير
 إجتمعنا علي المحبة في ثواني
 في طريق مفروشة بي حبي وحناني
 وافترقنا كل واحد في طريقه
 انا ضائع وإنت مخدوع بالأماني
 كل زادي في ضياعي
 قلبي مفتوح للأحبة
 للجمال الأشجى روحي
 في شعوري سحره شبه
 ورسالة فني سامي
 تدعو للخير والمحبة
 إلا قلبك يا حبيبي
 لسه ما أدرك وشبه

عثمان حسين جاى تترجانى تانى اغفر ليك ذنبك لا لا

غرامك شي عجيب  فرقة ميامي

عقد الجلاد ومحجوب شريف

- عقد الجلاد - محجوب شريف - يابا مع السلامه.mpg

ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
نحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
كنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى لالوبة مصلبة البنيات
النسيمات الهفيف
وانت فى لالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى

رائعة القدال # أمــونة # ماضهبت أقول لقيتك # عقد الجلاد

كان بدري عليك .. العميري

غزال الروض .. العميري

من طرف الحبيب جات اغرب رسائل .. الجابري والعميري

"والعقل ليس سوى دخان فليغب إن القلوب تدلنا"

حبيبي أكتب لي - حامد ابو سبح

محمد وردي - ذات الشامة

فنجان جبنه - عقد الجﻻد

حسين الصادق & وائل عبداللطيف - اللوري القاقا

قبال تعاتبيني .. طول عمري ليك بستنى
قبال تعاتبيني .. أنا ريدي ليك ما قلا
زايد مع الأيام .. وعنو ما بتخلا
إنتي ملاكي الفي دنياي .. إنتي حروفي البيها غناي .. حني علي دا رضاكي منايا
البينا أكتر من اثنين .. وحبنا عايش في قلبين .. يلا نعيش أحلامنا .. نعيشا سوا
أنسي العوازل والظنون .. الديمة ما بترحم تجور
بين الأحبة دوام بكون .. عشرة ومحنة تدوم دهور
واتخيلي كيفن أكون .. من غير هواك
زولا مشاركاهو الهموم .. بتمنى لقاك
إنتي ملاكي الفي دنياي .. إنتي حروفي البيها غناي .. حني علي دا رضاكي منايا
البينا أكتر من اثنين .. وحبنا عايش في قلبين .. يلا نعيش أحلامنا .. نعيشا سوا

هايبرد قبال تعاتبيني

طلال الساتة - نار حمراء

العقد > الطمبارة والغناي gurashi

♫♪♥ VIVA ♥♫♪