مونتاج هيثم الغيتاوي 
-----
كلمات سيد حجاب - ألحان عمار الشريعي - غناء محمد الحلو
يا وابور الليل.. يا رايح
ومجبّل ع الصعيد..
عاود لينا بروايح
زمن الفرحة البعيد
***
زمان الاحزان رمانا
غُربا.. ولا دريانين
الغربة دى ف دمانا؟!
ولاّ جاتنا منين؟!
تايهين ما بين غُمانا
وليل مالهوش عنين
فينك يا نجوم سمانا
دايبين لهفة وحنين
والخوف فى جلوبنا طايح
ولا عاد بيجينا عيد
***
جايمة علينا القيامة
وأيامنا مغيَّمين
وان عشناها بجيامة
رح نفضل جيَّمين
وانا فى الريح والغيامة
باحلف لكوا 100 يمين
دنيتنا خيرها ياما
ومين اللى مانعُه مين؟!
والناى فى جلبى نايح
بس أنا واعى وشديد


حلم الجنوبي - أنقى نسخة للمقدمة - الحلو - حجاب - الشريعي

هيثم الغيتاوي