عيون 
نص فيديو و موسيقى : يزن الهجري 

في عيون عسلية تكون وبتخبي سكون و أفراح وأتراح 
و عيون بني و مسكون  جواها بلاد و كل رمش سلاح 
و عيون سود بكانون جواها ليالي من عمر نجوم 

لكن في لسا عيون 
لا زرق و خضر  تكون
عيونا لي كل شي فيها 
و يلي فيها كل شي تكون 

عيون عيون و رمش جفون وحصون بنظرة تهدّا 
غيوم غيوم و تمشي تحوم تشتي وقت لي بدا 
حر و برد و تلج و رعد اعاصير ورمش يصدّا
صحرا وجرد و تشرب شرب و يسكر كل لي حدا 

شام وخال وورد وشال و مصر وبيروت وجدّة 
حروب وسلم و دول ومال و حدود ولا فيها تحدّا 
ضيع و توب و إمشي دروب تا انسى ترجعني حدّا 
ويصير غروب و بالمقلوب شرحلي فسرلي حبا 

في عيون يلي فيها تكون 
شعر و نثر و قمع وقهر 
وسجون  …وكل الفنون ….ما بتلمع لنجوم 
لتفتح لعيون 

في عيون كحلي بتكون جواها الشتا و حراس سياج 
و عيون خضر و عيون بترمش كل شهر وبكل لحظة مزاج 
وعيون زرقا ومسكون جواها بحر و ملح وأمواج 
وفي عيون حمرا بتكون من طول الزعل او بصل و صابون

لكن في لسا عيون 
لا زرق و خضر  تكون
عيونا لي كل شي فيها 
و يلي فيها كل شي تكون 

عيون عيون ورمش جفون تغمز للبحر بخدا 
نجوم نجوم  وتضوي تحوم وماقدرت ناسا تعدا 
كتب واديان حقوق وانسان لا جمعت وقسمت قدا 
جيوش تهد وناس تشد ولا حدا يقدر يشدا 

حروب تمر وكحل يشر و عملو من الحبة قبة 
حروف تجر حروف تكر و امحي و يخطرلي سبا 
تروح تفل و صوره تضل لوحدي بالصوره  كبا 
يزيد يقل يروق يمل هي بس لمحة عن حبا 

في عيون يلي فيها تكون 
يللي فيها
سرابٌ محال ُ يأتيك السؤال 
أكون أو لا أكون 
هل أنا مجنون
عين العقل جنون 
من كحل عيون .

عيون

كان بدي غير العالم مش عارف كيف العالم غيرني♟️

Composer, Music producer, Film maker, artist

عيون

Yazan AL Hajari