انتي عظيمه يا هاله بقول قصايدك لاصحابي علي القهوه

شايل نويايا فى إيدى بقول يمكن تشفعلى يا هاله و الله

جيت هنا من غير إحساس، ولا فِكر 
من غير مواعيد، ولا سابق ذِكر..
وخلعت عنيا بإيدي، رميتها
وقلت ماشوفتش حاجة..

سألوني الناس إن كُنت جديد على هنا
وانا كنت جديد على هنا، لاكنّي كدبت 
وضحكت عشان ماتبانش سذاجة..
وخلعت لساني بإيدي 
مشيت، وماقولتش حاجة.. 

وريت للدنيا العين الحمرا 
كإنّي اختارت الجمرة وسيبت التمرة بكيفي
ورفعت عنيا لسابع سما مش شايف 
بس بكيت ..
اديت ضهري لقهري وكمِّلت كإني ماعشتش مُر 
واختارت بكل هدوء الطوق مضطر 
وبلعت كلامي اللي ماقولتوش 
قال يعني إن مابلعتوش، كنت هاقول حاجة..

أكَّلت السكة وشوش نعلي
ومخوفتش م العفريت لاكّنه طلع لي 
وغمز لي وقالي أديني صَدَقت وجيت
ف خلعت وداني بإيدي
بقيت ماسمعتش حاجة..

قال يعني هخّف إن قُلت أنا مش خوّاف
وهقابل بكرة وبَعدُه سليم باكتافي
وكإني ماشلتش هم الجاي شوالات 
وفتحت ادرعتي لتُقل الدنيا غشيم مِتعافي
وضحكت لنفسي وقلت خفاف 
ووقعت..
 وقمت قصاد الناس وقصادي ماقومتش..
وكإني إن قلت انا عايش 
هبقى خلاص ماوقِعتِش..

رايح للمدفع كاشف قلبي برجلي
ومخبّي بإيدي الاختيارات التانية
ومعلّق حيرتي على قورتي، وبضحك للدنيا 
مستني السما تبعت إجابات مجاني 
وكإني إن شوفت الحل الصح هلاقي الوقت 
وأراجع تاني..

واقف في مكاني بكل هزايمي وكل مشاعري
شايل نوايايا ف إيدي بقول يمكن تشفع لي 
بصطاد السمكة بإيد وأرميها بإيد 
وكإني مطب في نص السكة 
ماجبتش أي جديد..
والناس حواليا بتخبط كتفي وتجري
فخلعت دماغي بإيدي، رميته
جريت، مافهمتش حاجة.

هاله ربيع

مافهمتش حاجة - هاله ربيع

عبد الرحمن الأبنودى - الأحزان العاديه كامله

قصيدة الشاعر الكبير المبدع / عبد الرحمن الأبنودي .. الأحزان العادية 1981 .. والصورة للفنان اليمنى شهاب المقرمى

عبدالرحمن الأبنودي - قصيدة الأحزان العادية 1981

«البوصلة»
..
العالم مش محتاج غير واحد طيب ..
دمعُه قريب ..
عندُه شوية دم ..


لو يلمح نملة قصادُه يوسع سِكة ..
لو يسمع صوت عصفور بيغني ورا الشباك .. يهتم ..

ويكون للناس التايهة فـ وسط الصحرا ..
إزازة مية 
وتمرة
وشجرة 
ودِكة ..

لو إيدُه اندفعت 
قفشِت
رقبة حد أذاه ..
يتهز ..
ويحن في ثانية وإيدُه تخاف تتَّكَّ ..

لو شافت عينُه الدم 
يدمّع دم ..

ويغمّي عيون الكلب بتاعُه 
وهات يا فكيك ..

العالم عاوز واحد قلبُه حَمَام بفريك ..

لو حَب 
يحب كأن الدنيا بحالها بتاعتُه ..

لو بَص في ساعتُه 
اتخض ..
يكسّر ساعتُه ..

لو يكرَه 
ينسَى ..

لو يقسَى 
يموت ..

لو طبطب يدّي لغيرُه صوابع إيدُه الخمسة ..

لو يحضن 
يبني لغيرُه بيوت ..


يوميًا يمشي يفوت على كل حبايبُه
فـ كل مكان 
وزمان ..

يتطقّس 
يمكن فيهم حد جعان ..

يطمّن ..
يرجع ..
يلقى عيال الشارع ماشية تفتّش في الصناديق ع القوت ..
فيمد إيديه فـ جيوبه يطلّع باكو بسكوت ..

ويحسُّه قليل حبة
يرُوح مديلهُم قلبُه ..

..
وساعتها يشم الموت بيحوم حواليه ..

فيبص لكلبُه ويضحك ..
مالك ! 
خايف ليه !

وبرغم الألم الكامن فيه ..
مارضاش يتوجّع ..
علشان مايخُضش قلب الكلب بتاعُه عليه ..

وبكل هدوء 
وثبات ..
خد كلبه في حضنه ..
وغمّى عينيه ..
وعملها 
ومات ..

علشان يثبت للعالم كله 
بإن العالم 
عمرُه ما كان محتاج غير واحد طيب ..
واحد بس ....

لو سابنا وراح 
اعتبروا الأخرة شريطها خلاص اتقص ..

والدنيا هتولع بينا

وتفضل 
تولع 
تولع 
تولع 

ثم هتصبح 
هوس ...
..

- حسام إبراهيم 
٢٠٢٢

البوصلة - حسام إبراهيم

القصيدة التى يحتفظ بها خالد صالح من 16 عام ( عودة الأنبياء )

"الله نور السماوات والأرض مثل نوره كمشكاة فيها مصباح المصباح في زجاجة الزجاجة كأنها كوكب دري يوقد من شجرة مباركة زيتونة لا شرقية ولا غربية يكاد زيتها يضيء ولو لم تمسسه نار نور على نور يهدي الله لنوره من يشاء ويضرب الله الأمثال للناس والله بكل شيء عليم"
النور - 35


تعرف اني شوفتك زمان يا خواجة؟ - الخواجة عبدالقادر - زينب

الأبنودى - خايف أموت

زي العيال - صباحية العيد الصغير
متبعترين زي الندى
ومعلقين الفرحة في البلالين
وميقصدوش رش الغنا في الجو 
ولا دبروش للضحكة
كل اللي واخدهم.. حنين للضي

زي العيال دي
 انا كنت عيل مبتدي بالنور
كاشف ضباب الزحمة.. والمرايات 
ومظبّط العالم على قدي 
ومبحبحه حبة
.. علشان يساعيهم

ريحة تراب الفرن مالية لي نخاشيشي 
فملكت حقي في لحظة التخليق 
ومابنكسرش.. لأني مش ممسوك 
ومابتمسكش.. لأني مش محدود
واسع يا حوش المدرسة.. يا وسط دارنا
مطلوقه مُهر الخُضرة قدامي 
ملها لجام.. غير النسيم.. والعين 

ماسك مدار الشمس بصباعي الصغير
لافف خيوط البدر ع التاني
طبّقتش ايدي؟.. لسه مفرودة
لسه الغنا عارف يناغشني
قادر ألمّ الليل في سيالتي
 وأقزقزه حبة ورا حبة

وولاد حارتنا مسهرين الليل
 ومفتحين جفني على الآخر
نقدرش نصبر ع القمر مخنوق
صوت الصفايح تاخر العتمة
وصراخنا جاب بنت النبي.. فاطمة 
لعبت معانا لحد ما شبعنا

وأمي ابتدت تتهجّى في عيوني
 إن البكا مش ضعف.. ده استغفار
وإن المسافة ما بيني وبينهم.. الدهشة
وإنّي ابتديت بالحلم م البيضة 
مابقولشي عارفه.. بس حاسة بشئ
يمكن متفهمهوشي دلوقتي

والشمس حامية.. بس مبتقتلش
والنخل عالي.. بس طوبة تجيب

محفظتش الخطبة.. عشان وحشة
درس الحساب بايخ.. علشان بيحسب حسبته بالظبط
والشيخ مخوّفني من الآخرة
ما بقيتش أروح الجامع إلا عشان: 
أقدر أشوف الغيط من المادنة
وأضحك على اللي بغلته سفّة

بنت أختي قارعة.. والمطر بيرخّ
والسقف يِنْقَع.. عفشنا يِكمَش
والبرد حاسس بينا.. ومقدّر
مش زي برد القاهرة الماسخ.. حسسني إنّي غريب

وقعدت أدور ع الونيس.. ولقيت
لكن أخدني البنك من نفسي
ما أقبلش أكِل.. وقلت: ح القاني
ولقيتني تايه في النيون
مركون لحد الناس ما تتوضى 
ويرتلوني في لحظة ويعدوا
ما بيلحقوش ولا حتتين سكر
ولا داقوا ملمس ضحقتين بُكَّر

قلبي اللي كان قلبي صبح خُردة
صعبة الملامح ع اللي ما بيشوفش
مقدرش أجِيلك كل يوم مهدود
 شايل جفون الخلق وذنوبهم..

يا لون حبيبتي اللي ملوهش مثيل
اوعي النيُون يبهَت عليك
كسر براويزك وطلعني
دور المسيح.. ما عادش ينفعني
رجعني عيل
 او منيش لاعب.. 


كلمات الفنان والمؤلف والمخرج المسرحي: صبري فواز
وموسيقى فيلم الكبار لخالد حماد.

صبري فواز - حنين للضي / Sabry Fawwaz - Hanin L Elday

من المصري 
إلى السوري اللّي جاي لاجيء :-

هتتفاجيء !
هنا كل البشر لاجئين .. 
ماعادش في مصر مصريين ..
رجعنا لعهدنا السابق
بنتسابق
عشان نعرف دي دولة مين .. !
..

أنا السابق 
يا عم اللاحق المسكين ..
بتهرب من سلاح كيميائي ! رايح فين ؟
هربت من الحجارة الطوب
و جيت لحجارة من سچّيل ..

هناك الدكتاتور فارد 
دراعه 
بيقتل الصامد ..

هنا فيه دكتاتور فارض
صداعُه 
بيقتل الصامت ..

هناك قتَلك و أكلك نَي ..
هنا فتَنك و أكلك حَي ..

هربت من السلاح الحي 
و جيت للقتل ع البارد .. 
..

شوارد يا صديقي في أرضنا .. شوارد ..
موارد في مصانع أثرياء الكون ..

ضحايا لأنبياء جايين 
و في إيديهم رسالة من الإله البلطجي المجنون ..
" يقول شَمعون لأجعص حرب ( كُن فيكون ) " ..

ديون يا صديقي مركونة.. و حق الجيرة ع الجيرة ... 
عشان (شيكَل) يكون فارس .. 
لازم له حصان من الليرة .. 
و سِرج من الجينيه المصري ..

يا صاحبي .. العصر مش عصرك ولا عصري ..
و مصر .. لا عمرها مصرك ولا مصري .. 
يجوز في المعصرة عصرك 
يجوز عصري ..
و كوز المنطقة العربية للّي يعوز ..

بيشرب حارس الهيكل في نخب الفوز ..
ويشرب حارس الكعبة يصير أراجوز .. 
ويشرب صاحب اللعبة و يضرب بوز ..
و يضرب حارس الكعبة يقوله : كمان ..

حقوق إنسان ..
نظام للقتل بالمجان ..

بيقتل معظم الشجعان و أعظمهم 
و يعطي وسام لمقابرهم و لعظامهم ..
و بيغير مسار القصة في السيما ..

يا ساكن في الخيام و الصحرا .. خُد خيمة .. 
و مية و نور 
و ورقة و حبر .. 
و أرض جديدة قايسينها اليهود بالشبر ..

و إياك يسجنوا رؤياك ..
و إياك يسكنوا ويّاك ..
و إياك يعزموا بكونياك ..
و إياك تخدعك سحنة .. 
و إياك السكوت و الصبر ..

ساعات الصبر ع المحنة 
بيحفر لانتصارك قبر ..
يا كاظم غيظك المكبوت .. ماينفعش اللجوء و الكظم ..
يا عازم جارك الهلفوت على لحمك .. بلاش العضم .. 
و سيب في الجتة شيء متعان ..

و بكرة لقريتك ترجع .. و تشرب (متّة) في الجولان ..
و تاكل في حَلَب (ملفوف) .. 
و بكرة تشوف ..
هيفضل في اليهود الخوف ..
مادام فينا اللي خاف ع العرض ..

هترجع للوطن حتماً لأن الأرض ..
بتعرف زرعها دايماً و بتشدُّه ..

و مهما ينافق السفاح و يزرع ورد ..
بتحفر قبرها دايماً و بتشدُّه ..

مافهمتش حاجة - هاله ربيع

Halla Rabie

Recent comments

اللاملتفت

mohamed hussien

shady mhmd

Mahmoud Abd El Monem

Related tracks