‎⁨يا سلام ويا سلام الله⁩

يابنت هذا الهوى والحب صعبه دروبه - عيسى الاحسائي

أجل رحيلك بالسفر لا تعجل
قلب العنى توه بعد مهتنى بك
إسمح لي في ليلة لقى قبل ترحل
أعيش في ذكراه مدة غيابك
أخشى مع الايام عني تبدل
ويجفي هبوب الهجر من دون بابك
احساسك بحبي لغيري تحول
مثل الربيع اشتقت اناظر سحابك
لا يا عديل الروح تكفى تجمل
لا تطول بفرقاك يسلم شبابك
لا تجعل ادموعي على الخد همل
تجرح خفوقن بالمحبه شقى بك

‎⁨اجل رحيلك

•خالد سلامه

:-انسني خل الزمن يكشف خفاك 
                         دامني مقدر احقق ما تبي

الدموع الحمر جفت يا ملاك 
                         بين كل الناس واضح مذهبي

كنت احبك ودي احضي في لقاك 
                         احسبك صادق تحقق مطلبي

مستحيل اخضع وانا امشي وراك 
                         ابتعد ما ابيك فيني وش تبي

الليالي درت وطفت لي ضياك 
                          آه يالمغرور تنوي مقلبي

ياعذاب الروح حزني من شقاك 
                           صرت بأعصابي علامك تلعبي

لو تشوف الموت ما يعيد لي هواك 
                            الهدف واضح ترى ماني غبي

انتهينا وانت تعرف وش خطاك
                            لاتعذر تحسبن عندك صبي

خالد سلامه انسني خل الزمن يكشف خفاك

انتصر ياس حبي وانتهى من رجايا
وابتدى الشك يظهر في خوافي ظنوني
الله يسامحك ماظنيت هذا جزايا
ليه تبكي عيوني يامضنت عيوني
 
احسب انك بدرب الود تمشي معايا
ليه تقسى عليّه وانت قلبك حنوني
احسبك ماتصدق في هواي الدعايا
يوم انا فيك ماصدق ولو يعذولني
 
ليتني ما دريت ولا عرفت النهايه
مير هذا مقدر لازم انه يكوني
لاتقولون ياعذال ويش السوايا
انشدوا من بدى بالهجر لاتنشدوني
 
انشدو من على صداته حطم هوايا
عقب ذيك الصداقه كن مايعرفوني
صار حبي وحبك ياحبيبي روايه
مثلوها العواذل عن لقاك ابعدوني
 
عط حنانك لغيري لاتسَل عن عنايا
خل ذكراك ليا وانتوا لاتذكروني
ياقمر وين نورك غاب واظلم سمايا
ليه سود الليالي تحول دونك ودوني
 
"والله انه مصيبه من بيجبر عزايا
مير في عز نفسي كل شي يهوني"
 

 كلمات: فيصل منصور المفقاعي

‎⁨سلامه العبدالله | انتصر ياس حبي وانتهى من رجايا⁩

‎⁨فهد بن سعيد)—(كلنالك ياحبيبي⁩.m4a

كلمات : فيصل منصور المفقاعي
لحن وغناء : سلامة العبدالله رحمه الله


سلامة العبدالله : أرجوك جفت دموعي (تسجيل أستوديو)

الطير والبرد والريضان .. والليل والنار والدلة 
والغيم ومشاهد الغدران .. والأرض لا صار مبتلة
أخير من صكت البيبان .. البيت لا شرعوا ظله
يابنت ما للطرب مسكان .. ما بين شارعك والفلة
إن جيت يمك وأنا شفقان .. أضحك وأنا علتي علة
تدرين يا قايد الغزلان .. يا معذبة كل خلق الله
هواي لا سالن الوديان .. وشبيت ناري ورى مظلة
مع أشقر صافي الجنحان .. السبق بالقيظ ما تله
إليا تنهض مثل سلطان .. وإليا طرح مثل عبدالله

‎⁨يا سلام ويا سلام الله⁩

حمد الطيّار