"Halwsa"
Artist: Ham-D
Prod by: Breaded Skull
Recorded By: The Great "Omar Boflot" of "Y-Crew"
lyircs:
سهله دى صعبه دى اختبار تراكمى 
الدنيا هارشه ملحتى رد فعلى منطقى
ماتقوليش معلش اصل معلش مش هتحللى
مشكله ف شكل معادله من الانا شوفتو ف دنيتى

تعالى وانا افهمك الدنيا كانت ماشيه ازاى
بيحدفونى بالطوب وانا من ساسى لراسى إزاز
طبيعى انى اتكسر انا انسان مش من فولاذ
والدنيا مش حلوه ومش سالكه زى مابيوصلها"زاب"


بركان لما بثور.. لو عالصبر كنت صبور
كنت بعرف اكون مجنون بس بقدر الهدوء
كنت مميز ف السكوت كنت بحب صوت الموج
من كتر حبى فى المزيكا بقيت اكتر فنان مغمور

جيت وشوشت الودع راح الودع سبلى 
لوكان ليا خير فى حد ماكنش الحد ده سابنى ومشى
ماقدمتش السبت فالنتيجه كانت بالسالب
مش هصلح الاتكسر هفضل اخرب ف الباقى

شارب انا مش فايق..هتكلم وانامش فارق
عجبك كلامى ولاحتى اتفلق لو تدايق 
اصل مافيش وقت انى ابرر ازاى قبل فعلى بفكر 
فا انت شايفنى مش بفكر مش مسؤول فا بتضغط اكتر

انا حر فابعند اكتر مش همشى بأسلوبك اصلا
هتزود او هتقصر مش هيحل مش هيأثر 
فابروح وبشرب اسكر وأعلى وأعلا اكتر 
مابكلش من المناظر فلما بشوف مناظركو بخرب

فاتجرو شكلى اتعصب استفزك انت تبمبك 
تفضل ترغى وبتتنطط وافضل ساكت انا مش بنطق
فاتهب منك اكتر ..لون وشك يقلب احمر 
تفضل تهرى تشد ف شعرك وانا قاعد اتفرج وبضحك

فا فى ثانيه الكم اتشمر صوبع صوبع عندى اتطرقع
كنت بسمع صوت ملاكى بس لصوت شيطانى بخضع
هبت منى زيك ف أشرب..مش زيك انا لا أكتر 
ماسك فيك وعمال اضرب دمك ده عالحيطه اتصفى

جيت عومت دماغى مركب احلامى غرقت 
كانت قاعده مالهاش لازمه استفه قذره مابتحلش
بعد ما سابت رجعت حنت انا مش راجع لا مابحنش 
فاكر اخر قاعده بينا زعقتلها قامت مشيت 

دماغى متكركبه فا مش هرتب جمله 
اثار الشرب طلبت مالشرق والغرب كلمه 
الصعبنيات مش بتأكل بس المر يبل ريقنا
بناكل عيش مالشقى مش بناكله بالنوتيلا

انا مش مباح لسيادتك علشان مابينا قربه 
ولاحتى تحت امرك علشان خاطر عضم التربه
الدم عمره مايبقى ميا بس بفضلك اصبح شوربه
الضفر خرج من اللحم عادى بقينا قرايب بينا غربه

قبل ماتحكم عنى بحاجه تعالى اسمعها منى 
ومش محتاج لرائيك لانه مش هيفيدنى 
مش مهم......بينكو وبين اللاشئ علاقه
فارغكو بيضاجعكو كانوع من الرياضه 

كلامكو مش بيكيف الظاهر انه فِشل
علشان كده عايش لوحدى اصل انتو ناس ماتتعاشرش
الحياه لونها مش بمبى سعاد حسنى ماصدقِتش
عشان صريح كلامى ماسخ علشان كده مابيتبلعش

Single

Ham-D | Halwsa

Hamdy A.K.A "Ham-D" "PUNCHER"
Song writer & Rap performer from Aexandria,Egypt
check out the tracks and if you like it support by like&share 
bye

أبويا قالي ان الغلبان ف جاه الله اتعشم :)