يعيدوا فيكى الفساد ... يروجوا للكساد ... ويعبدوا مصالحهم .. ويدوسوا رقاب العباد ... سيباهم لنا ليه ؟

omar

لا حياة لمن تنادي|ياسر المناوهلي|يونيو 2013

ElManawahly أغنية ياكش تولع - ياسر المناوهلي

كلمات : أحمد فؤاد نجم
غناء و الحان : الشيخ امام عيسي
انتاج: 1984
ممنوع من السفر 
ممنوع من الغنا 
ممنوع من الكلام 
ممنوع من الاشتياق 
ممنوع من الاستياء 
ممنوع من الابتسام 
وكل يوم فى حبك 
تزيد الممنوعات 
وكل يوم باحبك 
اكتر من اللى فات 
حبيبتي يا سفينه 
متشوقه وسجينه 
مخبر فى كل عقده 

عسكر فى كل مينا 
يمنعني لو اغير 
عليكي او اطير 
اليكي واستجير 
بحضنك 
او انام 
فى حجرك الوسيع 
وقلبك الربيع 
اعود كما الرضيع 
بحرقه الفطام 
حبيبتي يا مدينه 
متزوقه وحزينه 
فى كل حاره حسره 
وف كل قصر زينه 
ممنوع من اني اصبح 
بعشقك .. او ابات 
ممنوع من المناقشه 
ممنوع من السكات 
وكل يوم فى حبك 
تزيد الممنوعات 
وكل يوم باحبك 
اكتر من اللى فات


الشيخ امام و احمد فؤاد نجم - ممنوع من السفر | Sheikh Emam& Foad Negm - Mamno'a mn El Safar

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مـآمن يمشي فين



كلمتين يا مصر يمكن هما أخر كلمتين - بصوت احمد فؤاد نجم

ايه العمل - ياسر المناوهلي   Eih Elamal - Elmanawahly

ياسر المناوهلي ياكش تولع

رااائعة تميم البرغوثي في مدح مصر
أتحداك هتسمعها أكثر من مرة

يا شعب مصر-تميم البرغوثي

هِشام عَباس - زمان وأنا صُغير

الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.

شعر : مصطفى إبراهيم : الصورة قصادك

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

رافعين جباه حرة شريفة
باسطين أيادى تأدي الفرض

ناقصين مؤذن وخليفة
ونور ما بين السما والأرض

يا مصر عودى زى زمان 
ندهة من الجامعة وحلوان 

يا مصر عودى زى زمان تعصى العدوين وتعاندى
آمان آمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



الدم يجرى فى ماء النيل
والنيل بيفتح على سجنى

والسجن يطرح غلة وتيل
نجوع ونتعرى ونبنى

يا مصر لسه عددنا كتير لا تجزعى من بأس الغير
يا مصر ملو قلوبنا الخير وحلمنا ورد مندى
أمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



يسعد صباحك يا جنينة
يسعد صباح اللى رواكى

يا خضرا من زرع إدينا
شربت من بحر هواكي

شربت من كاس محبوبى وعشقت نيل أسمر نوبى
وغسلت فيه بدنى وتوبى وكتبت إسمه على زندي
آمان آمان بيرم أفندى

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

يامصر قومى .. الشيخ أمام

ورقة من ملف القضية؛
الشيخ أمام؛

أحمد فؤاد نجم؛
تقاسيم؛؛

ورقة من ملف القضية - الشيخ إمام؛

اغنية فلان الفلانى اللى كان يومها جنبى

هشام عباس _وبتقولى

مراجيح ياسر المناوهلي I wellsbox - YouTube

الأسم عمر عثمان أسماعيل علي.. السن ٣ ۲ سنة.. من مواليد القاهرة.. خريج الأكاديمية البحرية قسم نقل دولي.. طبعا" هقول زي الفنانين ان هي لها فضل كبير أوي عليه وان هي علمتني كتير بس انا مش واثق من المعلومة دي لغاية دلوقتي. بص. هو أنا ممكن تقول كدة بحاول أحسب نفسي واحد من شعراءالعامية في مصر اللي لسة بيشقوا طريقهم اللي نفسهم يوصلوا للناس و يكونوا في حسن ظنهم.. و الشعر العامي ده بنسبالي ممكن تقول كدة هو المياة اللي بشربها أو الهوا اللي بتنفسوا يعني ببساطة انا من غيروا لا أكون.. معرفش ليه شغلي الشاغل في كتاباتي هي مصر بأحوالها بزحمتها بناسها الطيبين واللي مش طيبين كمان مش عارف لية فعلا بس ممكن علشان خايف علي نفسي فيها ويمكن علشان خايف عليها ويمكن علشان خايف منها ومن اللي مسكنها دايما" بس اللي أكيد أني بحبها... وطبعا" لو سألتني مين بقي من الشعراء ممكن يكونلك قدوة .. خد بقي عندك ياسيدي طبعا" الخال عبد الرحمن الأبنودي , عمنا صلاح جاهين , بيرم التونسي , أحمد فؤاد نجم , نزار قباني , جمال بخيت.. 

هذا أنا .....


ElManawahly أغنية ياكش تولع - ياسر المناوهلي

$hams.☭

Recent comments

Mohamed Shref

Abdullatif Muhammad

Mohamed Khalifa ;)

Related tracks