انتحار

sad 🙂

AMR HASSAN

IBrahim Farag

إبراهيم فرج

ibrahim farag

عمرو حسن - جوابي الأخير

تراك اول مايقرب مارس.....ابراهيم فرج

بلاش تمثيل عشان صياعتى و فشلى من غيرهم مكنش يجوز تحبينى

عمرو حسن وحشتيني

شعر بالعامية المصرية .. إبراهيم فرج

المعزوفة الأخيرة لبيتهوفن - إبراهيم فرج - شعر

هذا المغفل أنا - شعر - إبراهيم فرج .

عمرو حسن - المسرحيه

عمرو حسن السيره الذاتيه لحي الزمالك

هشوفك صدفة معرفكيش - ابراهيم فرج

قصيدة آخر نداء || ابراهيم فرج

كان سني أصغر من كدة || ابراهيم فرج

أخر مرة أقابلك || إبراهيم فرج

هنسيب ولا هنتساب || ابراهيم فرج

باعتبار اني بكره هموت - ابراهيم فرج

ابراهيم فرج

باعتبار اني بكره هموت ف حادثه | ابراهيم فرج

خليني اقولك سر  ابراهيم فرج

وما ادراك ما الفوبيا - عمرو حسن - كامله

عمروحسن انا مش كداب

حققت حلمي لما روحت وراه
ورجعت نادم ع اللي حققته
راكب ف قطر الدنيا بتمرجح 
واشتم السواق ع السرعة ف سواقته 
فيه ١٠٠ محطة عدو منزلتش ..
انا حتي لما وصلت مزعلتش ..
ليه ابقي واقف ف الحياه بنهزم ..
وامشي ف غيابها جري ع المسامير ..
الناس يوماتي قصاد عينيا تموت ..
وانا رجلي لازقة ف الحياة بأمير ..
اديني فايدة وحيدة ف الدنيا ..
او حاجة حصلت تستحق نكون ..
آمنت ناس على سري فضحوني ..
آمنت واحدة وشوفتها بتخون ..
انا مش ذبون ولا حد شكله مريض 
ولا شخص كركب شعر راسه ابيض ..
انا ممكن اقتل واحدة بتحبني ..
بسكوتي عنها او بعنف الرد ..
وان سيبت لحمي بين سنان الزمن
ممكن يسمم كل واحد عض  ..
ايه اللي ممكن ناخده م الدنيا
غير العياط الحر والزعل العجوز ..
الكلمة ممكن تقتلك من شد اجزائها
والبنت لما تبصلك هتعوز ..
اطلب رحيل الامنيات م الحلم ..
اطلب رجوع العمر من قبره 
ليه كل واحد يرمي سنارة 
الدنيا لازم تختبر صبره 
انا مش غبي .. 
لكن بفكر واسال الايام
ازاي تخلي الصبح بيعدي ف سنين
والليل بطوله بيعدي ف دقيقة
ايه اللي يفرق حد بيموت ع الشاشات
عن حد بيموت ف الحقيقة ..
فيه الف خدعو اتعملوا ف السينما 
بس انت ساذج وقت ما صدقت .. 
ان الرصاصه لسه ف جيوبه 
والنمر ممكن يبقي للانثي  
فيه ناس كتيرة قاعدة ف الدنيا 
ومأمنة كدب الفيلم ومصدقه 
بس الحقيقه اللي احنا عارفينها 
احمد ذكي بعد ارض الخوف 
راح خد اجازة شهر ف الغردقة 
انا لو تلف الدنيا من تاني 
هرجع لاول بنت حبيتها .. 
واطلب ايديها بدري ست شهور .. 
هكسر عقارب ساعة الحيطة .. 
اكمني بكبر كل ما بتدور .. 
هلبس تيشرت لخالي كان جايبه 
وان دنيا دارت عمري يوم ما اقلعه .. 
همسك ف مجدي واقنعه يفضل .. 
فيه صدمة شالت قلبي وبتخلعه .. 
وقفو الصحاب ع البحر يتفرجو 
علي موجه جوه البحر وبتبلعه 

انسي اللي فات وبلاش كلام يوجعك .. 
قلل كلامك لا الحيطان تسمعك .. 
انا لما جيت الدنيا كنت غريب .. 
وقعدت فترة ما بين حياه او موت .. 
عيل بيهرب منها من صغره .. 
تعبان وعادي بيمشي ميدقش .. 
قالو ف سبوعي يا رب عمره يطول  
واكتشفو ان الهون مبيدقش  .. 

انا مش جدير بالحكي عن نفسي .. 
انا حر حتي ف رفضي للعيشه .. 
انا من زمان 
زي المكان من غير بشر .. 
زي الشجر من غير خريف .. 
او زي ضيف بيكون خفيف .. 
بحزن كأني الحزن لما الناس بتضحك ..
واسكت ف وقت ما يتطلب مني الكلام .. 
وافهم بكل ما ف الكلمة من معني 
ان السكوت ملهوش مكان ف الرضا.. 
والكلمة شبه انتصار للتجربه الحية 
بص بعينك لما اتسالنا سؤال 
ومفيش ساعتها حد كان عارفه 
انا كنت عارف بس مرفعتش ايديا 

فيه شعرة بين الكدب والانكار 
وعشان كده بختار 
افرح ف سري واكتئب بهدوء 
بركات ف نظرك وقت فرحه اتقتل
بركات ف نظري بيختبر مرزوق .. 

الدنيا .  
اول ما عرفت حجم مشكلتي .. 
مدت ايديها واترميت ف اليم .. 
يعقوب عنيه ماستحملتش الدم 
دايما يكون القتل ب السن البطيء 
والناس يوماتي بتخترع اساليب 
الذئب حتي مش بريء م النبي .. 
ما هو سابه برده للحداشر ديب .. 

وانا بنتهي 
كل اما بحضن حد جوه مطار .. 
كل اما اقبل نعش ف الشارع 
او اشوف علاقي بتنتهي فجأه 
فيه ف السنة ٣٦٥ هزيمة ومفجأه .. 
وانا من هنا  
ف الدنيا شوفت الناس واقفين قصاد الموت .. 
شوفت بعيوني حاجات لو حد يحكيها 
صعب اصدقها وهقول استحالة .. 
شوفت العساكر قدام عنيها الموت 
بتقوله لو راجل تعالي ..

الرحيل  _ ابراهيم فرج

باودّعكم 
وانا معكُم
وبطلب تسمعوا شوية
 انا طول عمري باسمعكم 
بقلب يجوز يزعّلكم 
لكن عمره ما يخدعكم 
بودّعكم 
واودّع كل ما بيننا 
وكافة ما رأت عيني 
فمن كان منّكم ضدي 
وعاش معاديني وآذيني 
فماتمناش يودعّني ولا ببكاه يصدّعكم
ومن كان له ف قلبي نصيب
فهذا حبيب 
وحاوطوا دعاه بأسماعكم 

وأما بعد 

فهذا ما رأيت اليوم
ف ساعة نوم 
صحيت منها بعين أوسع وبال مرتاح 
أنا هاخرج من المشهد بنفس دخولي وانا عريان 
وأكبر حلم حققته مروري ف الغابات انسان 
لا يدّي كسّرت شباك 
ولا قدمي ف يوم خطت على جثه 
دخلت المدرسة الدنيا وخدت نصيبي م الحصه 
وقد الفهم والتحصيل 
قد ماكنت وغد جميل 
وديب طيّب 
بحُط دماغي آخر اليوم 
وانا مظلوم ومش ظالم 
ولو فيه حد كدّبني فيعلم ربنا العالِم 
ف عن مالي ماخدتش شيء
وعن بالي ماسيبتش شيء
وعن وقتي 
فانا ولحد دلوقتي مخلص مُجمله ع الناس 
زهدت ف كل شيء فيها 
وعشت حياتي بلاغيها 
واصاحب كل بلاويها وأقول معلش 
مانابنيش من بياض القلب 
غير تجاعيد نَمِت ع الوش 
ودُقت ف دربها الضدين 
من الكافيار لحد المش 
وعدِت رجلي ف دروبها 
خفيفه وقابله مكتوبها 
ومرت روحي جواها متاهة تودي لمتاهة 
وأقول دنيا ومتكلمش 
نهاية الدنيا ابسط من وقوع الرمش 
وكل اللي اتحكى عني كلام باطل 
انا دلوقتي ف مساحة ملفش فيها ولا اماطل 
كلامي زي ماهو بدون تذويق
واي كلام ماقولتوش يعتبر تلفيق

ف أوصيكم 
تمر جنازتي من ناحية ما انا مرّيت 
وترمولي السلام ع البيت 
وماتخلوش صحابي يتعبوا ف المشي 
كفاية سيبتهم هما هناك ومشيت
وأما الدمع لو ليّن 
ف هيّن واتركوه ينساب 
واما لو بُكا عالي فحاسبوا وسطكم كدّاب 
وعلى قبري دقيقة صمت 
وتدعولي بأن يشفعلي ما أصلحت لما أجرمت 
تلاتة يمشوا ف وداعي بقلب سليم 
يزيدوا عن الاف يمشوا بكدب عظيم 
وراعوا وسطكم واحدة ف شالها ريحتي وغيابي 
وشاوروا لأمي على بابي وقولوا البار 
وحاوطوا القبر بالياسمين مش الصبّار 
ومروا في هدوء بيليق على المشهد 

وأوصيكم 
عيون كلبي ماتدمعشي
وعصافيري ماتسمعشي كلام عن موت 
وأوصيكم توطّوا الصوت ف وقت الحزن 
وتسقوا زرعة النعناع لحد الريحة ماتحاوط نواحي البيت
وحاجتي تتقسم بالعدل ع الأصحاب 
موبايلي يتكسر ف وجود تلاتة شهود 
ومش عاوز ف يوم حفلة بكا وتأبين 
هتلقوا فيه ناس ومش عارفين بينعوا ف مين
وهتلاقوا اللي قتلوني بيبكوني على الشاشة
ف شاوروا ع اللي كان منّي وقولوا ده حق
وشاوروا ع اللي جاي يكدب وقولوا ده لأ
أنا جيت الحياة لوحدي 
وماشي منها لوحدي 
وأصحابي اللي عاشروني يادوب كام فرد 
فمش هبلع كمان الكدب تحت الأرض
وف عزايا اذا حبيتوا تتقابلوا 
فياخد دمعتي صاحبي ف بدء الصف 
وهتحسّوه لوحديكم ف بسط الكف 
وهتبصوا ف عنيه تلاقوه بيسند نفسه م الوقعه 
وقلبه السخن هيخلي ايديه ساقعه
ف مروا عليه وبصوا ف عينه تلاقوني 

وأوصيكم 
ف ساعة ماتركتوني تقولوا سلام 
ما احبش ف الختام اترك دموع والآم
وتنقلوا اسفي للناس اللي طيبة قلبي جرحتهم 
وتعتذروا لادويتي اللي ايدي بعنف فتحتهم 
وتضحكوا وقت ما اجيلكم ف يوم ع البال 
انا فايت ورايا خيال يساع الأرض ويساعكم 
باودّعكم

سلام ياصحاب 
سلام يابيوت
ياخطاوي 
معدتش اضايق العالم بازعاجي 
ورايح يعني مش هاجي
ومش هاخلف معاد مع حد بمزاجي 
ومش هاقضي الحياه تبرير ف شيء ماحصلش 
ومش هدوش جيراني بصوت اغانيّا 
ومش هازعج مسايا بطول لياليّا
ومش هاهلك جزم تانيه ولا قمصان 
ومش هاخرج وانا مبسوط 
ومش هارجع وانا قرفان 
اديني رحمتكم مني 
ومن زّني
ياريت وانتوا بعيد عني تحسوا بفرق للأحسن 
وانا احسن 
ومرتاح ف الغياب وسعيد 
لكن يوجعني ان فيه ناس هتبقى بعيد 
واخر القول 
باوصيّكم 
بلاش تفترضوا سوء الظن مع غيري 
يجوز غيري بسيط زيي 
وحاصرينه ف دور شرير وهو بجد أجدعكم
بلاش نفس الغلط تاني 
أذاكم حلّى موتي عن الحياة معكم 

وخلاني وانا بينكم أودعكم 

بوّدعكم

#الوصية

قصيدة الوصيه عمرو حسن لاول مرة

#ابراهيم_فرج #ابيض_و_اسود
—————
Lyrics and video: Ibrahim Farag 
Sound engineering: Mohamed Samir 
—————

Lyrics - الكلمات 


قاعد بلعب عشرة طاوله 
علي ترابيزه ف قهوة عيد 
ابيض واسود طبع حياتي 
من وانا طفل لحد شبابي 
كان الابيض عندي قليل 
والاسود دايما بيفوز .. 
هما قالولي بكره كويس 
وانا صدقت وقولت يجوز 
وانا دلوقتي مشوفتش حاجه 
م اللي قالولي عليها زمان 
كل الواضح ابيض واسود 
طلعت كدبه مفيش الوان 
فين احلام وحكاوي طفولتي 
اللي كبرت صدمني غيابها 
بنت ف كي چي قالتلي بحبك .. 
لما ف يوم كسرت العابها .. 
صاحب قالي انا هبقي معاك 
نبقي لبعض حيطان ودواير .. 
قاللي يا عم ما تيجي نجرب 
فجأه لقيتني شربت سجاير 
خطوة مشيتها برجلي لبكره 
وانا متغمي مشيت للخلف 
بفرح مرة .. وبزعل ياما 
فرصه بتيجي وبخسر ألف 
ديربي بيحصل جوه حياتي 
من ايام وسنين وشهور .. 
دايما يكسب فيه الاسود 
ماتش كئيب من غير جمهور 
كنت ف ثانوي بروح يوميا 
بس الميس بتاخدني غياب
كنت اتمني اكون دكتور 
والتنسيق وداني اداب 
قولت وماله هكمل فيها 
واما اتخرج هبقي معيد 
واتخرجت وخدت شهاده 
قاعد بيها ف قهوة عيد 
هاتلي يا عيد الشاي والطاوله 
عندي مقابلة شغل بسرعه 
كل مقابله انا روحت اعملها 
لازم اكون مش شخص مناسب 
اسف بس يا عيد صدعتك 
لما هجيلك بكره هحاسب 
عيد ميدايني بالف جنيه 
وانا بسنين من عمري مداينه 
لو مش شخص مهم ف حاجه
عيد بيشوفني اهم زباينه 
عمره ما قفل القهوه ف وشي 
زي ما شوفت صحاب قفلوها
دي ما قولت لواحده بحبك 
قالت ليا انا زي اخوها
بكره يعدي الوقت عليا 
وانا مكبرتش غير ف السن 
وانا اتمني الحظ يحالف 
او يديني حقوقي الكامله 
اخد بس شوية سكر 
هبقي اقل كمان م النمله 
لكن اسوء حاجه بتحصل 
ان الاسود بكره هيكسب 
بكره تشوفي كلامي بيحصل 
لما هكركب وابقي عجوز 
واما تبصو لشعري ساعتها 
يبقي الابيض هنا بيفوز .. 
وانا ف مكاني بنفسي الحاله 
زي ما جيت للدنيا وحيد 
بغلب نفسي ف عشرة طاوله 
علي ترابيزه ف قهوة عيد

ابراهيم فرج | ابيض و اسود - Ibrahim Farag | abiad w eswed

مش هسيبها انا معاها فالجنه 🖤 انا نصيبها انا حبيبها انا قلبي ليها غني❤️

مش عاوز اكون حبيبك عاوز اكون اب لعيالك🖤 بسام انجكس /Bassam Angix

متتخضيش .. 
لو جيتي بكره تسالي عني .. 
لقيتيني طول الوقت مبردش ..
متتخضيش لان دي حاجه متخضش  

عارفه اللي يوجع واللي ميداويهوش زمن ..
انك غلطتي وانا عيشت بدفع ف التمن .. 
 متقلب الود مش ممكن يؤتمن .. 

متتخضيش اذا شوفتيني ف الشارع .. 
وشفتك بس عادي مشيت مسلمتش .. 
فيه حاجات كده عدت و خلصت بس مندمتش .. 

وحشتيني .. 
ودي بتتقال ف اي كلام .. 
ف ساعة صفر بين اتنين .. 
وحشتيني .. 
اذا كانت وحشتيني تقولها العين .. 

انا امبارح .. 
وقفت ف شارع البورصه .. 
كاني غريب وماعرفهوش .. 
دخلت محطة الرمل وانا خايف قوي .. 
ريحة فراقنا بتحوم ف المكان والناس مبتحسش بحاجه .. 
محدش افتكر اللي دار وانك مشيتي وان انا ممشتش .. 
الناس بتنسي بس انا منستش .. 

انا كنت محتاجلك قوي .. 
طلعت نتيجتي وكنت شيلت السنه .. 
حبيتي كل الناس الا انا ..
سيباني من غير اتهام .. 
عارفه السهام .. ريهام ..

يمكن مشيتي عشان انا عيلتي علي قدها .. 
ولا اللي زيي ميستاهلش يحب .. 
انا كنت طفل ببصلك وبشب ..
شايفك من الباب الخشب ..
وانتي شيفاني م الباب الحديد .. 
انا ليه محستش غير بالوحده ف فراقنا ..
مع اني كنت ف وجودك وحيد .. 

ال ١١٢ رساله كلهم بالغلط .. 
كل اللي قالوا ارجعيله كان بيساعده ..
كل الساعات اللي ضاعت ف انتظارك نسيتها .. 
وكسبت نفسي لما اشتريتها .. 
يعني بالبلدي انتهينا وطوبتك رميتها .. 

تعالي وقوليلي مشيتي عشان ..
محدش ف عيلتك موافق عليا 
مفيش وقت ليا ف حياتك نهائي 
وعندك مشاغل وعندك دراستك .. 
قريب مسافره وجايز تغيبي .. 
وخايفه عليا اتعلق ف حبلك .. 
جايلك مهندس وجاهز ولازم 
توافقي بنصيبك وباللي اتكتبلك .. 
اقسم بربي عياطي ف غيابك ..
دموع ماتبكتش لكل اللي قبلك 


سنين م اللي عادوا .. 
بدور ف فاضي ..
وشايف هزايمي بتكبر قصادي .. 
موثق خسايري وباصم وماضي 
وعمر اما عيشته بفكر ف ماضي 
كاني ف محاكم وقلبك ده قاضي 
بيحكم عليا اموت بالرصاصه 
واشوف الحياه قبل لونها الرمادي .. 

حصلي الشرف .. 
لكن حصلك قده الفين او تلاته 
شهور كامله ببعت واقول اكيد قافله داتا .. 
غريب التعلق بناس بيسيبونا .. 
عياطنا مكانش عليهم عزيز .. 
انا كنت يوسف بحبك وبس .. 
وكنتي معايا امرأة العزيز .. 

ابوس ايدك .. 
متتخضيش 
لو جيتي بكره تسالي عني .. 
لقيتيني غيرت المكان .. 
علي قد كدبك تبقي مش انسان .. 
وقت الشدد بنبان .. 
وقت المشاعر كلنا واحد .. 
وقت المقابله المظاهر بتخدع 
وقت الفراق اللي يلحق بيمشي 
محدش بيوعد ويوفي بوعوده .. 
طريق اخره ضلمه مفيش فيه نهايه 
وهفضل غريب ..
وهفضل لوحدي .. 
واقيس الشوارع ب طول انتظارها 
وفاكر كلام كان قتلني ف هزارها .. 
وفاكر دموعي اللي نزلت عشانها 
وفاكر رقمها اللي اخره اتننات .. 
بدور عليها ف كل البنات .. 
بقرب وببعد 
واخون لما بوعد 
وارد الحنين بالبرود والخيانه .. 
وبهرب بكدبي وبجرح فلانه .. 
بقيت قاسي زيك .. واديني كتبتك 
بنفس انفصامك وحزني وكأبتك 
بقيت حد تاني غريب معرفوش 
وذنب اللي بعدك وذنبي ف رقبتك 

كده تبقي خلصت بكل اللي فيها 
سنين فيا عدوا وكسروا التروس .. 
حياة كامله شايل ف قلبي .. 
وبغلط وعمري ما خدت الدروس 
ليالي انتظرتك وعمرك ما جيتي .. 
وقد احتياجي لقيتك قسيتي .. 
انا لسه فاكر لكنك نسيتي .. 
كلامنا اللي ياما عليه اتفقنا ..
وداع م اللي هو مالوش معني تاني 
غير اني هبطل وهنسي الاغاني .. 
وهبعد نهائي واغير مكاني 
واحاول لوحدي اكمل واعيش .. 
وان جيتي بكره تسالي عني 
جايز ماردش .. متتخضيش ..

شِعر - متتخضيش | ابراهيم فرج

الرحيل _ ابراهيم فرج

3mmar Yasser