single

oMAR

اوجاع

كورال وفرق وثورة

اعجب مافيك يا وطن الصبر ع الاغراب 
تعبان يسم البدن ويصم سمعى غراب 
اشوف خريطة وطن يطلعلى وش غراب 
هجر الحمام الشجر و اتحكموا الاغراب

مدد يا سيدى مدد ..مدد يا ابو شمعة أيدة 
مدد يا سيدى مدد يمكن  نلاقى الفايدة
و العايدة ع الغلبان مدد يا سيدى مدد ..دانا و الله تعبــــان 

مدد يا سيدى مدد ماترجعنيش مكسور
  عشان اجيلك هنا عدتلك  الف سور 
دخلتلك عريان ..طلعنى بقا مستور 
أخد  رغيف العيش من غير ما اقف  فى طـــابور 


مدد يا سيدى مدد ..مدد يا ابو شمعة أيدة 
مدد يا سيدى مدد يمكن  نلاقى الفايدة
و العايدة ع الغلبان مدد يا سيدى مدد ..دانا و الله تعبــــان 


Gazaga - عمدان النور - Madad مدد

ارحل ياسيسي..شعبي

استعباط - محمد المهدى

اصحى يا سيدى - سامية جاهين وآية حميدة - كلمات أمين حدّاد - ألحان محمّد عزّت

صلاة خوف
قصيدة لمحمود عزت

نجّينا م الشرّير
ارحمنا م التجربة.
المعركة _المرّادي_
مش هيّنة..
المعركة غايمة..
غربال ورا غربال
وف صفنّا الجنرال.. 
المعركة مرعبة.

ووقفنا زيّ الجثث..
باصين على المدبحة.
الدم على صدرنا..
بننتصر؟ ولّا..
فـ طابور الدبح؟
هل دا سؤال العار
ولا السكوت أقبح؟
ننزل نلمّ الغنايم..
ولا نعدّ الجثث؟
خلاص..
فتحنا الطريق؟
ولا الطريق اتهدم؟
الشهدا أخدوا القصاص؟
ولا بكوا م الألم؟
المجد للقنّاص؟
ولا اللي مخّه اتقسم؟
نبني جدار للفخر؟
ولا نافورة الدمّ؟
فيه ظلم..
آخره الجناين؟
فيه عدل..
بابه الظلم؟

خرّجنا م المحنة
لما الغيلان صرخت
غارزين في بعض الناب.
فجأة اكتشفنا ف صوتنا
ريحة الدم..
وف وشنا أنياب.
وان الغيلان احنا 

نجّينا م المحنة..
وم الهذيان..
وم النشيد العظيم
ع المارش..بالتعظيم..
بتردده الجماهير
بصريخ جماعي عنيف
يكبت صريخ الخوف..
واللي بيرفض يهتف
يبقى شق الصفّ..
خاين..فـ صف الوحدة
مش مصفوف..
نجينا م الوحدة
والصف ماتوحّدش..
لكن بيتوحّش
نجينا من رؤية
واضحة وضوح الجبل..
بين العمى والشوف
لكنها الأوهام..
خرّجنا منها سُلام..
أكتاف على أقدام..
خرّجنا منها نضاف
الدم مش ع الكفّ..
خرّجنا منها ألف..
أو ميّة..
أو واحد
ف المقتلة القايمة
ينسي سؤال الحرب
يسأل سؤال الضعيف
ويقول:
أنا خايف..
مش م الهزيمة
إنما م النصر
مفروش طريقه بالجثث
للقصر.
لا ندخله..
لا نحمي أصحابه..
نفضل نحاصره
وإسمنا مطموس
نكتب أسامي الشهدا
على بابه..
خرّجنا منها عرايا
زي ما دخلنا..
لا وزرا ولا حاشية
لا نلبس النياشين..
خرجنا منها جُداد
زي ما نزلنا
عيال كتير ماشية
من حدّ مش خايفين..

خرّجنا منها الآن..
نجّينا م التجربة..
المعركة مرعبة
نجينا م التجربة..
المعركة مرعبة. 

صلاة خوف | Prayer of Fear

كلمات فؤاد حداد

أنا حرّه وأموت في الحريّه
ومزاجي أعمل سحليّه
أزحف ع الأرض وع الحيطه
واطلع وانزل واعمل زيطه
واضرب في الشمس طرمبيطه
أنا حره بديلي وبراسي
وماحدّش يكتم أنفاسي
وما احطش ماسك لإحساسي
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا عاوزه أعيش
أنا بدي أعيش
أنا نفسي أعيش
على كيف كيفي
أنا حرّه وأموت في الحريّه
ومزاجي أعمل سحليّه
أرقع في الشمس الزغروطه
واخد حمام من غير فوطه
أنا حره براسي وبديلي
حره بنهاري وبليلي
حره بمناخيري القطقوطه
أنا حره بخشمي ماهوش خشمك
وما احطش برقع ولا يشمك
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا حرّه وأموت في الحريّه
ومزاجي أعمل سحليّه
أنا ابقى سحليه وسيم
ويجيني برص بتاع سيما

وبتاع مزيكا وترا لم لم

واتاوي في حضنه وأنا باحلم

ويقول لي ابتسمي يا بسيمه

وافرحي بالميه وبالخضره

ماتحطيش احمر ولا بودره

ولا احط قزاز

ولا أقفل شيش

عقلي يا هزاز

كلّك نغاشيش

وأنا حره أعيش

أنا حرّه وأموت في الحريّه

ومزاجي أعمل سحليّه

سحليه وحبايبي سحالي

أنا حره بحالي ومحتالي

حرة أصحصح والا أسخسخ

والا أغني وقلبي يشخشخ

أبواب الدنيا فاتحه لي

ما اقعدشي في الأوده لوحدي

وما احطش إيدي على خدي

ولا احط قزاز

ولا أقفل شيش

عقلي يا هزاز

كلّك نغاشيش

وأنا حره أعيش

أنا عاوزه أعيش

أنا بدي أعيش

أنا نفسي أعيش

على كيف كيفي


Music & vocals: Ghalia Benali
Accordeon: Wael El Said
Back vocals: Che the archive
Actors: Yanae, Lisa, Baya, Chade
Images and video: Ghalia Benali

"غالية بنعلى - زى سحالى "أنا حرة أعيش

مالك..
متغير حالك 
وتقيله الخطوه 
وسكه مقطوعه
مآلمني احساسي 
انك موجوعه
انا راسي مرفوعه
والشكوى ممنوعة
وحلمي ماله حدود
مالك
ايه اللي بيجرى لنا
مظلومه بينا 
مسموعه الأنه
اسمك علمنا
مهما اتألمنا
باب الامل موجود
ليه كل ما نلمح فجرك ..يحجبه الماضي
هيهات يحوش الشمس سحاب صيف فاضي
هيهات قبول السما لدم عالفاضي
عشت حياتي احلم 
باللي يليق بيكي
واللي يعليكي
وازاي افديكي
حتى اللي ماتوا 
لو رجعت حياته
هايموت تاني فيكي
يموت ليكي
بس مش بيكي
بس يرضيكي
كان امله انتي
كان نفسه يشوفك حلوه
ويكتب لك غنوه 
يتغزل فيكي 
ساكته ليه ؟!
قولي آه
قولي ﻷ
قولي حسك مااتخنق
قولي دربنا ماافترق
قولي حلمنا مااتسرق
ماتسيبينيش تايه وحدي
قولي مين قساكي 
ومين اللي معايا 
ومين ضدي 
قولي مين غيرك لي
وليكي مين بعدي

قولي | ياسر المناوهلي | سبتمبر 2013

جيفارا مات - اسكندريلا حازم شاهين - من حفل تأبين الشاعر الكبير أحمد فؤاد نجم الفاجومي دار الاوبرا المصريه

جيفارا مات - اسكندريلا  حازم شاهين - حفل تأبين الفاجومي دار الاوبرا

اروع ما قال هشام الجخ

Every Time You Go   كل مابتروح - Tania Saleh تانيا صالح

خان يخو اخوان تسجيل جديد
الاغنية فكرة الاعلامي : باسم يوسف 
كلمات والحان وغناء : محمد عبدالعال مادو
توزيع : محمد كمال 
سجل الغناء فالاستديو وعزف كمانجة : مروان انور

خان يخون اخوان .. مادو

هذا النشيد من البوم 
Peace Me Upon Us 
للتحميل واستماع بقية الأناشيد يرجى زيارة الرابط التالي
http://goo.gl/EpJRFP

النسخة الجديدة 2014 | نشيد لو زراني أداء # آدم علي & فرقة هارموني

حازم شاهين -حاجات واحشاني - Hazem Shahin- Things I Miss

كلمات  :  مصطفي أبراهيم  

ألحان   :  نور ناجح  

توزيع    :  ليل وعين 

دفتر أسامي الهاموش , ليل وعين

يا ليلة ما جاني الغالى ودق عليا الباب
اتبسمت انا زى العادة وقلت يا باب كداب
اتاري حبيبي، بيقول ياحبيبي ..
يامطفي لهيبي افتح دوبني الغياب

استعباط - محمد المهدى

Hanaamo