إيه العمل يا أحمد ... يوم طلعة المشهد ... و الأنبياء تشهد ... أنك رسول الله ... يا نازل الروضة ... عمدانها بيضا ... بيضا و منورة ... فيها رسول الله // من التراث النادر لأغانى الضمة البورسعيدى // فرقة الطنبورة

إيه العمل يا أحمد - من تراث أغانى الضمة البورسعيدي - فرقة الطنبورة

أشعار .. أحمد فؤاد نجم
أداء .. الظابط : الشيخ امام
المتهم : أحمد فؤاد نجم

إنت شيوعي

أنا مصراوي

إنتو مصايب إنتو بلاوي

ممكن أعرف مين الأول بيكلمني

إحنا نيابة أمن الدولة

طب فهمني دولة مين؟

دولة مصر

مصر العشه ولا القصر

أيوه حنبدي ندور ونلف حاجه تنرفز خالص إف

مالك ... شايل طاجن خالك

لم لسانك ما تخرّفش

أنا ما اقصدش اهانتك طبعا

أيوه استعبط

لا ما اعرفش

إيه رأيك فـ سفارة كوريا

إيه رأيك في قضية مصر

مصر فـ وحده هى وسوريا وليبيا ولازم ييجي النصر

ييجي منين وازاى و لمين

آدى كلام الشيوعيين

أنا من حقي

حق فـ عينك

أنا بتكلم بيني وبينك

يعني كلام برّا التحقيق

إذا كانش يسببلك ضيق

طيب قول

مين مسئول ؟

مين مسئول عن إيه يا أخينا

ع إللي جرى لنا فـ غزه وسينا

أنت شيوعي أكيد و طاوعني فضّي دماغك من دي قضيه

شعبنا جاهل مهما تقول له مش حيآمن بالشيوعية

؟ما الشيوعية فـ فيتنام .. إيه رأيك فيهم يا همّام

مش بطال مش بطال

لكن إحنا .. ورانا عيال

طب ما نحارب لجل عيالنا يطلعوا أسعد من أجيالنا

إنت الظاهر مخك فاضي و هتدوشني معاك ع الفاضي وأنا بحبحت معاك بكفايه إبقي اتفلسف عند القاضي

هى قضيه ؟

لأ ملوخية

أمال فاهم إيه آمال هيّ الدولة دي لعب عيال

ممكن أعرف أنا هنا ليه

 ؟أيوا هتعرف ، أمال إيه . يوم خمسه وعشرين الماضي إيه مشاك عند التحرير

تحرير إيه يا جناب القاضي

أنا مش قاضي

بكرا تصير

بطل غلبه وجاوب دوغري

أنا غلباوي كدا من صغري

كل الشيوعيين أمثالك آخر غلبه وقله ذوق يحصل إيه لو تمشي فـ حالك فاكر نفسك  مين ، ما تفوق

لو راح افوق مش من مصلحتك

أنا معجب جدا بصراحتك

إيه رأيك فـ حكاية الطلبه

حاجه عظيمه بشرة خير

إنت دماغك ينفع جزمه

وانت لسانك ينفع سير

إخرس قطع لسانك سافل

كتر خيرك

مخك قافل ، مين وداك بقي عند الطلبه رايح ضمن المندسين

رحت أناقشهم واسمع منهم

تسمع منهم إيه يا سي طين دول عايزين الدنيا تولع علشان أصلا مش فاهمين

هيّ الحرب يا عالم لعبه دى بتتكلف بالملايين

وأنت هتدفع إيه من جيبك

امال هـ ادفع من جيب مين إنت حمار وخدوك فـ مشمّك رحت هناك زى الباقيين ، عاملين لجنه وقال وطنيه مش ممكن دول وطنيين ، وجماعة أنصار الثورة و فلسطين وهباب الطين . ما نخلينا يا سيدي في حالنا مالنا ومال الفدائين
هو إحنا اللي نهبنا بلدهم دول عالم صيع فاقدين ، قتلوا الراجل عند الشيراتون وإحنا إللي طلعنا القاتلين

وصفي التل دا كلب وخاين

اهو كل العالم خاينين ، واحد صاحبي مراته مرافقه وهو مرافق ييجي عشرين . أمريكا بتزعل وبتحرن .. هو إحنا يا عالم ناقصين ، مش نستعبر مـ إللي جرالنا ونعيش بقي زي   !العايشين
دي عيال عُملا للشيوعيه وإحنا عدو الشيوعيين

روّق دمك بس شوية . مين مساعدكو بقالكو سنين

بيساعدونا صحيح يا سي بعجر علشان دول عالم مجانين إحنا حيلتنا منين نديهم ونسددهم بالملايين

همّا شافوها قضية مبدأ

مبدأ مين وزكايب مين ، هي دى عالم تعرف مبدأ . دولا بقول لك ناس مجانين . عملو السد العالي علشان نبقي اشتراكيين ، إشتراكيه هناك فـ بلدهم وإحنا ف بيتنا نعيش حُرّين 
عايزين الفلاح الجاهل يتساوى بالمحترمين ! وكمان قال تحديد ملكيه أبو ألفين يدّوه  خمسين شغل ملاحده وعالم كفره ومخالفين أحكام الدين والعُمّال رخرين اسم الله فاكرين روحهم بني آدمين .. ناس عايزين الحرق بولعه دا كله من الشيوعيين نشروا لنا الأفكار السوده أولاد الكلب الملاعين ، مين وداك بقي عند الطلبه
انطق قول
اتكلم مين

هما إيه مطالبهم ؟

انت حتستجوبني يا شاطر

لأ مش قصدى بس أنا باسأل كانوا طالبين كراريس ومساطر ولا مطالب ميه الميه كل الشعب مآمن بيها

دول طالبين حرب وشعبيه . مين مجنون بقي حيمشيها . عايزين يدوا الرتش سلاح عشان تحصل فيها مجازر أنا لو أشوف حلوف فلاح شايل شومه لازم اهاجر

لازم بينه وبينك دم

دم فـ عينك هُس اتلم .. ثم نحارب ليه و بـ إيه ؟ بسلاح ما يموتش بعوضه

روّق دمك بس يا بيه الحرب ضروره و مفروضه
و اهو نفس سلاحنا المظلوم فـ فيتنام دابح أمريكا

دي طبيعه أرض يا بني آدم

بطلوا بقي كدب وبولوتيكا ، طب ما الهند بنفس سلاحنا فـ باكستان بعزقت الغرب

!رأيك يعني ضروري ان إحنا و حتمـًا يعني نخش الحرب
طيب حاضر
فين المخبر
هتغير رأيك
بالضرب
هتغير رأيك بالضرب

ورقة من ملف القضية - الشيخ امام و احمد فؤاد نجم

أني أحبكِ زينبُ #الخواجة عبد القادر

عنبـــــــــَّـــــــــر .. كله يسمع
شخشخت بالزهر مانصفنيش ولا مرة
وراهنت بالمهر والبقشيش على مرة
والسجن للحُر وان كان مر ..ولا مرة .. 
فكرتنى بالتوبة من دى النوبة .. ولا مرة !

بعد مساء الخير على حراس الليل
كنجي برنجي تشنجي كله لبط ولومنجي
بس البدلة بتفرق والعيب عالمخزنجي
الأوله للنبى .. والتانية ايوب ..
والتالته غربتى .. والرابعة المكتوب
والخامسة .. اللى افترى حتماً يبات مغلوب

الأوله يا نبى يا محرر الانسان يا بلسم اللي ابتلى يا نجدة الغلبان
كرمت صنف البشر عن طايفة الحيوان
ورفعت سيف الهدى عالى على الطغيان
وغسلت ارض العرب من بقعة الأوثان
وزعقت يا امتى .. فى سائر الازمان
الظلم يوم لو حكم .. والحق يوم لو هان
يحرم عليك المطر والفى والعمران
تسرح بحورك عطش .. فى الزرع والإنسان
ويجر فيك الحنش وتحوم الغربان ..
ترمى الخراب ع الجبل والسهل والوديان
النور يغور م السما .. وجه القمر ما يبان
والشوف يضيع فى العما والضلمة والاحزان
والخوف يطيح فى البشر من قسوة السجان
الناس تخاف بعضها .. وتخوف السلطان

والتانية ، قولت أنا آيوب وانا مثلين
آيوب ومها ابتلى .. ايوب يروح لي فين
ايوب صبر كام سنة آيوب صبرله يومين
طلعت عليه القصص واتنادى بالاسمين
عدوه من الانبيا والصالحين الاتنين
وانا اللى صبرى هنا جوة اللُمان صبرين
صبرى على خطفتى من عزوتى والبين
وصبر تانى على حكم الزمان يا عين
الندل فينا حكم .. والندل حكمة شين
حكم البقر ع البشر .. بشريعة القرنين
وحق تربة نبى طه كحيل العين
هالبت يوم يتنصب بدل الميزان اتنين..
وانظر بعين الرضا للعدل فى الميزانين

والتالته، غربتى فى عالم الاندال
الندل فيه احتمى .. والحُر فيه انطال
والواطى لما اعتلى .. اجرله كام طبال
الشحط والبلطجى واللص والمحتال
والكدية لبست شنب واتحزمت بعقال 
ومين يحب النبى .. سقفة كمان يا عيال
الرقص دار فى البلد عمال على بطال
واللحم لما اتكشف .. غطى على اللى اتقال
لا سمعنا صوت فى النغم .. ولا شعر فى الموال
خنقوا الكلام فى الغُنى .. والرنة فى الخلخال

واحد يا موحد الواحد
اتنين يا جد الحسين
تلاته يا سو الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
 
اعرفكم جميعاً ان السجن سور ...
واعرفكم جميعا ان الفكرة نور ...
وعمر النور مايعجز يأزح الف سور ...
وعمر الصور مايقدر يحجز بنت حور ...
واعرفكم جميعا ان الظلم شايخ ...
واعرفكم جميعا باب السجن خايخ ...
واعرفكم جميعا ان ملهش اوكرة
واعرفكم جميعا انه هايبقى ذكرى
واعرفكم جميعا ان الثورة فكرة
وابشركم جميعاً .. ان الوعدة بكرة
والنور عندنا وعندكوا .. يا حبايب ،

العنبرة - أحمد فؤاد نجم - باريس 1986

Original Sound Track of Rags & Tatters - 2013
Singing: Sheikh Nasser- Rabei Zein.
من شريط صوت فيلم فرش وغطا
"كل القلوب إلى الحبيب تميل"

أداء:
الشيخ ناصر الصعيدي - مقابر الإمام الليثي
و المنشد ربيع زين

 مقتطفات من أشعار
عبد الرحيم البرعي/ابن الفارض

هذه هي المستخدمة في الفيلم منقحة من المؤثرات الصوتية التي وضعت لاحقا في المكساج

تسجيل واعداد: أحمد مصطفى صالح

Kollo ElQuloub - From Rags & Tatters - صوت فيلم فرش وغطا : كل القلوب إلى الحبيب تميل

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مـآمن يمشي فين



كلمتين يا مصر يمكن هما أخر كلمتين - بصوت احمد فؤاد نجم

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

احمد فؤاد نجم احمد افندى محمد حامد عبد العال - نجم

احمد فؤاد نجم - احمد افندى محمد حامد عبد العال

يا حبايبنا
فين .. وحشتونا
لسه فاكرينا
ولا نسيتونا
دا حنا فى الغربه
م الهوى دبنا
وأنتو فى الغربه
اوعوا تفكروا
إننا تبنا
مهما فرقونا
ولا بعدونا
يا حبايبنا


كلمات: بيرم التونسي 
ألحان: الشيخ امام 
تاريخ: 1984

الشيخ امام - ياحبايبنا فين وحشتونا - عود

 كتبها الإمام أبي حامد الغزالي
 وأنشدها الشيخ محمد الهلباوي
ـــــ
 قـل لمـن يفهـم عنـي ماأقـول فصل القول فـذا شـرحٌ يطـولْ أنت لا تعـرف إيـاك ولا تـدرى مـن أنـت ولا كيـف الوصـولْ كيف تدري من على العرش استوى لا تقل كيف استوى كيف النـزولْ كيف تجلى الله أم كـيـف يُرى فلعمري ليس ذا إلا فضـولْ هو لا أين ولا كيـف لـه وهو في كل النواحـي لا يـزولْ جـل ذاتـاً وصـفـاتِ وسـمـا وتعالـى قـدره عـمـا نـقـولْ
ـــــ
: الكلمات الأصلية
أرسل الزمخشري صاحب تفسير الكشاف إلى حجة الإسلام أبو حامد محمد الغزالي رسالة طلب منه فيها تفسير آيات الصفات ومنها (الرحمن على العرش استوى) وقد كان الزمخشري من المعتزلة .. وقيل إنه رجع عن ذلك في آخر حياته. 
فأجابه الإمام الغزالي بهذه الأبيات الرائعة ذات المدلول العميق : 

قـل لمـن يفهـم عنـي ماأقـول ْقصِّر القول فـذا شـرحٌ يطـولْ 
ثَـم سـر غامـض مـن دونــه قصـرت والله أعنـاق الفـحـولْ 
أنت لا تعـرف إيـاك ولـم تـدرمـن أنـت ولا كيـف الوصـولْ 
لا ولا تدري صفات رُكِّبـتْ فيـك حـارت فـي خفايـاه العـقـولْ 
أين منك الـروح فـي جوهرهـاهل تراهـا فتـرى كيـف تجـولْ 
وكذا الأنفـاس هـل تحصرهـا لا ولا تـدري متـى عنـك تـزولْ 
أيـن منـك العقـل والفـهـم إذاغلب النـوم فقـل لـي ياجهـولْ 
أنـت أكـل الخبـز لا تعـرفـه كيف يجري منك أم كيـف تبـولْ 
فـإذا كانـت طـوايـاك الـتـيبين جنبيـك كـذا فيهـا ضلـولْ 
كيف تدري من على العرش استوى لا تقل كيف استوى كيف النـزولْ 
كيـف يحكـي الـرب أم كـيـف يرى فلعمري ليس ذا إلا فضـولْ 
فهو لا أين ولا كيـف لـه وهـورب الكيـف والكـبـف يـحـولْ 
وهو فـوق الفـوق لا فـوق لـه وهو في كل النواحـي لا يـزولْ 
جـل ذاتـاً وصـفـات وسـمـاوتعالـى قـدره عـمـا تـقـولْ 
ــــ

قل لمن يفهم عني ما أقول - الشيخ محمد الهلباوي


    النهارده لامبو مات..
    قتله ليل اسبانيا في الليل ع الرصيف
    قلبه كان لابس خفيف
    قتلته الآه..
    قتلته في الحانة شنبات الشاويش..
    قتلته الناس اللي غرقانة بهمومها في النبيت..
    قتلته الدوسيهات في دواليب الحكومة..
    قتله الطفل اللي مش لاقي الفطار
    طلعت الناس النهارده للكنيسة
    لقوه جنب الجدار..
    قطته جنب الجيتار..
    قاعدة مش شايفة النهار..
    في انتظار الليل.. واسبانيا.. وشنابات الشاويش
    لامبو مات.
    لامبو؟؟ يا عيني.. وتبكي الطفلتين
    يمسحوا دموعهم في ايد الامهات
    في المناديل الجديدة
    آخر الرحلة تموت يا لامبو على طرف الرصيف
    وانت لو جالك فقير..
    كنت تشوي قلبك الطيب تحطوله في رغيف؟!
    قطته توطي
    عشان دمعتها ما تعملش ع الاسفلت صوت..
    لامبو مات

    #الخال

الخواجة لامبو مات | الأبنودي " الخال "

Hasan Suror