ساعات أفرفش نفسي .. وأطلع من مودي   باسترجع أمسي .. وأحلم بوجوي   أحلم وأتمنى .. يامصر تعودي      خاطفينك عسكر وأللا حرامية .. وأللا جماعة انتهازيه   وزهرة شبابك .. صبحو معديه  ترا را رات .. ترا را رات .. ترا را رات     ليه تبيع الدم للي مايملكش التمن  ليه تبيع للي بيحاول يحارب الزمن  وبكره لابلح الشام ولا عنب اليمن     قالو الغرض مرض وأهو بانلنا العرض  دوس عالمفترض فعيونا يكونو     زهو الكراسي يعمل ماسي  ويوطي راسي وشبابنا يهونو     قالو حمو الثورة وهي اللي حمتهم  سترت كام عورة والايام كشفتهم  ركعتين لله وبوسة لايد سيدهم  ترا را رات .. ترا را رات .. ترا را رات     ردي وقوليلي مين دول يابهيه .. اتهد حيلي مالرباطيه   من كون شبابك مالهمش ديه .. من كون شبابك مالهمش ديه     مالهمش فرؤوس مطاطيه .. مالهمش زعامات محنيه  مالهمش فسكة الحق رجوع .. ولو فيها دما ودموع  ده جيل مايعرفش خضوع .. جيل مالوش فركوع  غير لوجه الله .. ده طرح الثورة حلو يا محلاه     ساعات أفرفش نفسي .. وأطلع من مودي   باسترجع أمسي .. وأحلم بوجوي   أحلم وأتمنى .. يامصر تعودي      ترا را رات .. ترا را رات .. ترا را رات

انا مش معاك ...بحب اغانيك بسانت برده مش فاهم ...

ده طرح الثوره حلو يا محلاه

لا حياة لمن تنادي|ياسر المناوهلي|يونيو 2013

الكرسي | ياسر المناوهلي | يونيو 2013

ElManawahly أغنية ياكش تولع - ياسر المناوهلي

مالك..
متغير حالك 
وتقيله الخطوه 
وسكه مقطوعه
مآلمني احساسي 
انك موجوعه
انا راسي مرفوعه
والشكوى ممنوعة
وحلمي ماله حدود
مالك
ايه اللي بيجرى لنا
مظلومه بينا 
مسموعه الأنه
اسمك علمنا
مهما اتألمنا
باب الامل موجود
ليه كل ما نلمح فجرك ..يحجبه الماضي
هيهات يحوش الشمس سحاب صيف فاضي
هيهات قبول السما لدم عالفاضي
عشت حياتي احلم 
باللي يليق بيكي
واللي يعليكي
وازاي افديكي
حتى اللي ماتوا 
لو رجعت حياته
هايموت تاني فيكي
يموت ليكي
بس مش بيكي
بس يرضيكي
كان امله انتي
كان نفسه يشوفك حلوه
ويكتب لك غنوه 
يتغزل فيكي 
ساكته ليه ؟!
قولي آه
قولي ﻷ
قولي حسك مااتخنق
قولي دربنا ماافترق
قولي حلمنا مااتسرق
ماتسيبينيش تايه وحدي
قولي مين قساكي 
ومين اللي معايا 
ومين ضدي 
قولي مين غيرك لي
وليكي مين بعدي

قولي | ياسر المناوهلي | سبتمبر 2013

واهي رجعت ريما بعد التغيير 
بحكاية قديمة شفناها كتير 
 
واهي رجعت ريما بعد التغيير 
بحكاية قديمة شفناها كتير 
 
كرباح مرفوع وكلام ممنوع 
والناس بتموت برصاص وبجوع 
واهى رحعت ريما طب رجعت ليه 
 
اصل المنحوس كان عنده فانوس 
وعيال جدعان سابهم للسوس 
 
اصل المنحوس كان عنده فانوس 
وعيال جدعان سابهم للسوس 
 
معرفش يسوق من غير ما يدوس 
خيش في خازوق معمول مخصوص
شافته ريما و اتقلبت بيه
واهي رجعت ريما  تسأل فرعون اتفرعن ليه 
 
واهي رجعت ريما بعد التغيير 
بحكاية قديمة شفناها كتير 
اصل المنحوس كان عنده فانوس 
 
واهي رجعت ريما بكلام متعاد 
وشجيع السيما اهو جه يا ولاد 
ميرى ومضمون ورغم انه حنون
بيكون شمشمون ويهد جبال 
 
مع كام طبال على كام راس مال 
وفتاوي حلال وبتوع سيما 
رجعت ريما
 
واهي رجعت ريما لابسالنا وشوش 
بتداري جريمة بالحلق حوش
ميخيلش علينا لعبك يا لئيمة 
ياما عدا علينا وطلع مغشوش
طز في ريما

ريما | ياسر المناوهلي | يناير 2014

Seasonal Small Town Dreams (Cover)

البِمب - ياسر المناوهلي Yasser el Manawehly - El Pimp

ياسر المناوهلي -  يامستني السمنة

ياسر المناوهلي - ايه الجديد

أفرفش نفسي - ياسر المناوهلي

انقسام ياسر المناوهلي

I'm passionate and interested about anything related with People, technology, books, musics

أفرفش نفسي - ياسر المناوهلي

haytham_amer

Recent comments

Amr Lotfy

Abo Anas

Samah Ahmed

Earthlover

Related tracks