الآذان بصوت الشيخ امام عيسى - تسجيل نادر

يما مويل الهوا - الشيخ إمام عيسى

ويا رفقتى مادام أتت الأحداث 
تقطع الأنفاس .. وتلون الكلام 

ومدام بقينا إتنين 

ومدام ماعدش لا حكم ولا إحتكام 
فلنختلف علنا .. أمام الناس 
فلنختلف علنا .. أمام الناس 

لان فيه غلطة مبوظة الخارطه 
ولابد ما نخرج انا وانت م الوارطه 

ليه إنتو حاسين وانا مش حاسس
أو انتم مش حاسين وأنا حاسس ؟ 

ليه إنتوا بايتين 
تشربوا نخب إنتصارتكم ؟ 

وليه أنا مهزوم كدا وبنعى ؟ 

إزاي نكون أصحاب 
وانتو إنتشيتوا بخمرة الاشتياق ؟؟


وإنتو سكرتوا بصرخة الإغتصاب 

يا إخوتي أنا ف عشق الظلم أخيب ما يكون 

والغدر مش طبعي ..

ليه إنتوا فرحانين وأنا بنعي ؟ 

وإذا كنتوا حررتوه لأبناءه ؟ 

شجرة المحبه 
بينفض أوراقه 

ليه هربوا زي الموت في وش الريح ؟؟
ليه حسوا بالقسوه ؟ 

إسمع أنين الطفل والنسوه 
هل التعاطف مع الأوطان بالرشوة ؟ 

القلب يتأجر مفروش بالساعة 

والعين تطنش فى نظير ساعة 
عربية .. ولاعة ..

هاتدفعوا .. هانشفعوا 
فى الزنقة ننفعوا 

تسرق .. أقل قديس
تقتل .. أقول عادل 

ألون التدليس وآحلل الباطل

اما الشعار ف أهوه 
نحقق الثورة .. نوزع الثروة .. 

نوحد الأمة لو ننزع الفروه .. 
وإن يصرخوا المتضررين .. 

والدم في وش الدبيحه غاض.. 

نرفع شعارات " التطهر بالأنين " 
أو " الألم ساعة المخاض" 

حبة ضحايا لأجل ما نسعد ملايين آخرين 

الكدب في عش الغواية باض 
قانون جديد للمسلمين   

نفعني واستنفع باكتر ما تتوقع 
الإنتهازية سلاح العصر 

أنا أشتم الأردن 
وإنت تشتم مصر 

ما هو في سباق المصالح 
يبقى اللى فاسق صالح .. 

إنت أداة إسرائيل 
وأنا الكلب العميل 
والأمة تبقىق لونين .. عربين .. غريمين 
والإسلام إسلامين .. 

الماء عذب فى شفتك 
في شفتي مالح .. 

الحظ جاي فى سكتك 
من سكتي رايح 

يسكن ما بينا البين .ز 
وإلا ليه فهمني .. مش قادر أفهمك 
ليه اللى الهمني ماهوش نفس اللي الهمك ؟ 

ليه إنت صاعد للعلا بملابس العسكري 
ليه بائن وأقول عليك مفتري 

يابو الحذاء الميري 
ما تبعد الجزمة دايسه على ضميري 

يا مرمل الولية 
يا قاتل الولد 

يا مطربق السماء على رأس البلد 
قائد جيوش السلب 
ياناش الغمة 

ويا قلب يا أبن الكلب  

صدقت فيه أه وصدقت كلمة شعب 

وأدي الجميع خاسر
السالب الأمة مع المسلوب 

وآدي فجر أمتنا الجميل مغلوب 

وآدي إنتحار الأمه بالمقلوب 

وأنا غريب الدار 
لابسني توب العار 

ساكن في وطني بالإيجار .. 
عايش في أمه ما تحترمش الحزن 

جندي تعيش وبينتشي بالدم 
يقتل شباب الأمة لا يندم 

قوم يابني من نومك 
إسرق حلق أمك .. وأرض واد عمك 

وقفل الشارع .. وإنقل السكان 

وإنهب الواجهه .. وبدل الالوان 

وإعمل ولا سامع 

خللي جميع المعقولات تتلخبط 

وإن يسألوك ساعة الجواب أستعبط 
يستعبطوا إنت إعمل الأعبط 

ما تخافش .. عندك جيش 
من اللى بياكلوا العيش 
وإذا عزت اللقمة .. 
جدعان يا كلوا الخيش 

بيخافوا من ضلك .. ويقبلوا الأقدام 
ويهتفوا بفضلك .. من الرعب فى الأحلام 
ويخلدوا إسمك على مدي الأعوام 

ويهتفوا بإسمك .. مع إن ذكروا حرام 

ما أخيبك أمه .. ما أتعسك أمه 
لا عدل ولا همه 

لا مصدقه فعل .. ولا تحفظي كلمه 
أمه تدور وتلف 
تقيله مش حاتخف 
بليده مش بتشف .. 

حماسية .. وحماسها بكتيروا ساعة يجف 

أمه بتتخابط .. أمه بتتعابط 
أمه ومالهاش لا زابط ولا رابط 

ولا كبير عيله .. ولا قرابة دم 
وفكره وهميه ما تورث إلا الهم 

ما تحل عني يا عم 
إحنا ورثنا كلام .. 

علشان ده لما تقول 
على طول أقول .. وبكام ؟ 

ماهو حب .. دبرني 
وتاريخ .. فكرني 
وطريق .. نورني 
ومصير .. بصرني 
ده أنا بقيت عربى من قبل مالقي اللي يمصرني 

أنا إنتمائي لأمتي ممسخرني 
محسوبه في الأحزان علي
في الفرح تنكرني 

ياللي إنت لا أمه ولا إنت أم 
فيه أم ما تعرفش ساعة الألم .. 
تضم !! 

أنا في القمار هاستغبي واتجاسر 
واقف مع الخاسر 

تتحل سلمي .. 
تتحل علمك علمي .. 

تتحل نار .. تاكل أسامي أباتنا 
وضفاير إخواتنا 
والضحكة في صدورنا وفي بيوتنا 
 
اللحظة عبثية .. زمن قصير النظر 
والموت المنتظر 

والحب بين الأخ وأخوه صبح ألغاز 
اللى إتصرف في الهايفه 
كان كفيل يشد ضهر النيل 

لكن بلادنا بتعشق التجميل 
وتحب لما تموت .. تموت فى ترومبيل 
ماركة .. كذا 

وأعذروني إذا شفتم لساني طويل 
الإنتحار أعلي قوايم الموت 

الإنتحار في الكدب .. 
والإنتحار لما نخبي الصوت 

وبمنقاتلش العدو 
يا نعيش نقاتل بعضنا .. يا نموت 

الحزن أتقل من حجارة الصبر 
والهم أوسع من فراغ القبر 

وأنا الحزين .. الحزين 
وأغب الخالدين 

لكن يا إخواني 
أنا أول المؤمنين 
بعودة الصغار 

يبوسوا باب الدار 
ويحضنوا النهار 

مؤمن بإن المعادن تتجلي بالنار 
وإن الجديد أجمل من القديم 
وإن الألم يخلق إنسان جميل عظيم 

وحقولكم قبل الفراق 
مازال على الأرض شاعر 
مالبسش توب العار 
ولا مد إيده السمرا في الأسواق 


ويا قلب يا أبن الكلب | عبد الرحمن الأبنودي

‎⁨قاوم بالصدر العاري - الشيخ إمام.⁩

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

قصيدة "أمنية جارحة" للشاعرة فدوى طوقان

يغنيها الشيخ امام ومعه صافيناز كاظم
ياقوم الام وحتام
(( ان تقبلوا نعانق ))
(( ونفرش النمارق ))
((او تدبروا نفارق ))
((فراق غير وامق))

ما زلنا في غرف التخدير‏
على سرر التخدير ننام‏
والعام يمر وراء العام‏
والأرض تميد بنا والسقف‏
يهيل ركاما فوق ركام‏
والكذب يغطينا من قمة هامتنا‏
حتى الأقدام..
يا قوم الام وحتام؟‏
أواه وأواه يا فيتنام‏
________
آه لو مليون محارب‏
من أبطالك‏
قذفتهم ريح شرقية‏
فوق الصحراء العربية‏
لفرشت نمارق‏
ووهبتمو مليون ولود قحطانية!‏

****‏

عفواً يا أهل البيت‏
جارحة هذي الأمنية‏
لكنا لم يبق لدينا‏
منكم إلا قعقعة الصوت‏

ضيعنا الأشياء الأصلية‏
ولقد أعيانا يا أحبابي‏
رش السكر فوق الموت
Source: https://www.youtube.com/watch?v=1mwDBFetB3A

ياقوم الام وحتام ؟!! - الشيخ امام ‬

https://soundcloud.com/aesamk/sets/tributes-and-mixes
مُختارات من أعمال الموسيقار محمد القصبجي التي استخدم فيها إيقاع الفالس بمناسبة ذكراه. الأعمال هي:
- يا ترى نسي ليه غناء دلال أبو آمنة  - الأغنية في الأصل لفتحية أحمد
- قلبي دليلي غناء كريمة الصقلّي - الأغنية في الأصل لليلى مراد
- المقطع الأخير من "يا حبيبي ارجع لي" غناء ليلى مراد
يلاحظ أن الفالس هنا يبدأ مع الغناء وليس الفاصل الموسيقي
- المقطع الأخير من "فرّق ما بيننا ليه الزمان" غناء أسمهان

Mohamed El Qasabgi - Waltz (1940s) | محمد القصبجي -  فالس

اذا الشمس غرقت في بحر الغمام..
ومدت على الدنيا موجة ظلام
ومات البصر في العيون والبصاير..
وتاه الطريق في الخطوط والدواير
يا ساير يا داير يا ابو المفهومية..
مفيش لك دليل غير عيون الكلام

===============================

“مر الكلام زى الحسام
يقطع مكان ما يمر
أما المديح سهل ومريح
يخدع.. لكن بيضر
والكلمة دين من غير ايدين
بس الوفا عالحر.”

أحمد فؤاد نجم

الشيخ إمام جلسة نادرة جداً بصوت نقي ( إذا الشمس غرقت - مر الكلام ) كاملة

تسجيل نادر للشيخ امام  "اذا الشمس غرقت - مر الكلام"

وهبت عمري للأمل - الشيخ إمام

الشيخ امام ... مغني الثورة والرفض

اهيم شوقا اعود شوقا الى لماكي وسلسبيلي 
ياسمرا ياللي الهوى رماني 
وتهت فيكي وضاع زماني 
يحدفني بحرك لبر تاني 
يجيبني شوقي او تندهيلي 
اهيم شوقا اعود شوقا الى لماكي وسلسبيلي 
هربت منك لقيتني فيكي 
بعدت عنك قربت ليكي 
سهرت وحدي اتونست بيكي 
غلب حماري وتاه سبيلي 
اهيم شوقا اعود شوقا الى لماكي وسلسبيلي

أهيم شوقًا - الشيخ إمام

إذا الشمس غرقت
في بحر الغمام
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا ساير يا داير
يا ابو المفهومية
مفيش لك دليل
غير عيون الكلام


مر الكـــــلام زي الحـســـام يقطع مكان ما يـــمر
أما المديـــح سهل و مريــح يخدع لـكن بيــضـــر
والكلمة دين من غيـر اديــن بس الوفاء عالحـــــر



بسيطه جاوي جاوى
روايه المجاله
مليحه جاوى جاوى
للى ما نايمشى
طويله جاوى جاوى 
حكايه الرساله 
جريبه جاوى جاوى
وانت ماعالمشى
مد الخطوة وامشى 
تلجى الصعب فات
غير الله ما دامشى 
وكل حى مات
وان كنت ناصح وفهمت المجاله
فهمها يابنى للى ما فاهمشى
بسيطه 
كيف الدنيا لف ودور
ياطنبور 
هم شويه 
خلى الميه تغطى البور
معدودة الخطاوي
رايحه ولا جايه
ما يلمكش خوفك
ع الدنيا الدينه 
جول الكلمه عالي 
بالصوت البلالى
جول ان العداله
دين الانسانيه
كامش ليه وخايف
فرج الشفايف
هو العمر واحد
ولا العمر ميه ؟
وان كنت ناصح
وفهمت المجاله
فهمها يا بنيى للى ما فاهمشي
بسيطه 
كيف الدنيا لف ودور
يا طنبور 
هم شويه
خلى الميه تغطى البور
المولى خالجنا بالعدل وناشينا
طل ف خلجه
تلجاة
بالعجل مساوينا
ومنور طريجنا من فضله وهادينا
بالنور اللى طالل 
من غرة نبينا 
جن الليل غوانا
ومشينا فى عمانا 
ونسينا شارعنا
وتهنا فى المدينة 
وان كنت ناصح 
وفهمت المجاله 
فهمها يا بنى للى ما فاهمشى 
بسيطه 
كيف الدنيا لف ودور
ياطنبور
هم شويه خلى الميه
تغطى البور
يا مودر شبابك
بسنين العذاب
بين وهم الامانى 
والصبر اللى شاب
صبرك ع المساوي
بيزيد البلاوي
وتبجى انت المصيبه
وتبجى انت المصاب
يا ويلك بصبرك
ع الظالم وظلمه 
فى الدنيا وياويلك
من يوم الحساب
وان كنت ناصح وفهمت المجاله 
فهمها يا بنى للى ما فا همشي
بسيطه 
كيف الدنيا لف ودور
ياطنبور
هم شويه
خلى الميه تغطى البور


الشيخ إمام - إذا الشمس غرقت ، مُر الكلام ، الطنبور

Executive Director | HRDO CENTER .. To support the Digital Expression
Hazem Hassan, a digital films director, studied Management Information System at the Advanced Academy. He has been participating in the human rights activity since 12 years. The start was in 2000 at the Association for Human Rights Legal Aid (AHRLA), in the documentation and publication unit. Hazem had many practical and professional experiences through the Egyptian civil society's institutions and initiatives. He had training workshops in the Amnesty International about the monitoring and documentation of the economic and social rights; concurrently with the period of work at the Egyptian Center for Economic and Social Rights as an administrator of the digital monitoring and documentation in 2011.

Hazem has established the HRDO Center to support the digital expression. He also established Madany Documentation digital channel in 2011, by which he voluntarily participated in many fruitful initiatives and experiences; aiming to build the bridge of digital communication between the human rights organizations and the societal issues as well as the society members through the internet and the new media mechanisms.

Hazem directed many digital films that issued by HRDO Center via using the new means of digital expression, represented in illustrations and animation. Further, he cooperated with Support for Information Technology Center (SITC) to produce a group of digital films about the professional standards for writing news reporting as well as the freedom of information. That helped Hazem in many ways to gain more chances to direct and produce numerous digital films; gaining professional experiences.

He is interested in networking with many central institutions operating in the field of human rights, and he is interested in reaching out to the different Egyptian initiatives, the interactive campaigns and the Egyptian youth movements.

ويا قلب يا أبن الكلب | عبد الرحمن الأبنودي

Hazem Hassan Mubarak

Recent comments

أَحْمَد عَبْد العَزِيز 𓂆

Amalia Elsamady

doktor

Hazem Hassan Mubarak

Related tracks