يا مقربين الفجر نوره ومطلعه
مدوا المسامع في المجامع واسمعوا
صرخة مغني الحي من جوف العدم
اتجمعوا.. اتجمعوا .. اتجمعوا
باسم الإله الشعب رب المضربين
الصايم المحروم على مر السنين
يا منشدين الحي حيوا حينا
واحنا هنا ع العهد دايما مخلصين
محلا القصايد في الشدايد .. والغنا
محلا الكلام الحب أوقات الشقا
احنا اللي تهنا ع الطريق من بغضنا
متفرقين والسجن هوا الملتقي !
آه يا رفاقه من متاهات الطريق
لما الليالي بيتخنق فيها القمر
يمشي الصديق في الضلمه يخبط في الصديق
والسكه بنت الخطوتين تاخد سنه !

إحنا النهارده فين وكام
وبكره كام و بعده فين
في كل يوم بنزور مكان
وكل يوم بنزيد عدد
وكل يوم نفتح بيبان
وكل يوم بنزيل سدد
وكل يوم يطلع بنا
وكل يوم ينزل هدد
وكل يوم نحبل غنا
وكل يوم نولد مدد
احنا كده لازم نكون
جوا السجون برا السجون

محلا القصايد في الشدايد والغنا
محلا كلام الحب أوقات الشقا
احنا اللي تهنا ع الطريق من بعضنا
متفر قين و السجن هوا الملتقى
ملعونه قامه تنحني بالقهر من حاكم .. وخان
ملعونه كلمه تنتني في الحلق تهرب م اللسان
ملعونه ساعه تنحسب م العمر يطويها الخنوع
ملعونه لقمه مغمسه بالذل ملعونه الجبان
آه يا رفاق ... آه يا رفاق
ياللي عملتوا الصلابه للحجر
بانده لكم وسط الكآبه والرتابه .. والضجر
يا مقربين الفجر نوره ومطلعه
مدوا المسامع في المجامع واسمعوا
صرخة مغني الحي من جوف العدم
اتجمعوا
اتجمعوا

احمد فؤاد نجم

مصطفى سعيد - اتجمعوا

محتار يا ناس - زكرياء أحمد - الشيخ امام

قال كاليغولا
أنا ربنا..
بكل هدوء
بالعافية ويّا الذوق 
وما أختلفش ع الناس كتير
وأختلف..
أنا بسرق بصراحة
أنا بغتصب بوقاحة
أنا بقتل برّاحة
وأهو باعترف..
ودا يبرر اللي حصل 
زي قتل النمل بفعل الملل..
والقمر اللي بيبعدني
مع إن الناس بتعبدني
لما محدش كان ينجدني
تبقى جماجمكم 
كاليغولا..

قال هتلر:
مش كان زماني بارسم 
بالفرشة والألوان
وأموت عجوز ما يمتلكش سيرة 
أبص في عيون بنت بنتي وابتسم 
وآمُرها &بنبرة تبدو حازمة_
ما تتحركش وهي بتترسم
لكن..
تفتكر كانت هتتحل؟
كنت هبقى جندي بيموت ع الشَط التاني
مع أول لمسة للبيادة في الأرض الغريبة
هموت وما يعيشليش حبيبة
هموت كده بالعيبة
وأموت كده 
أخضر..

قال عم أبو هاني:
اقف يا حازم مكاني!
الدنيا مش ماضي
والجي جي أكتر
غيرك ماهوش أشطر..
تقدر تسأله بنفسك
ما كنّاش في يوم بصدد إننا نعلم 
احنا استلمنا .. وهنسلم
وانتوا مش هتكمّلوا
_للأسف_
انتوا هتبدأوا من تاني..

قال إبليس:
الإختيار..
خطيئتنا أنا وأنت
أصحاب قرار لكن أهو بنعاني
لو بدلنا الأدوار وكنت أنت مكاني
مش كان زماني..
باستعيذ منك!
كان إيه هيفرق في البشرية؟
كانت هتفضل كما هي..
لكن هنتغير كـ فردين
على مستوانا بس احنا الاتنين
وكان يكون لي زوجة وفي كل بطن اتنين
جايز يكون دا السبب إني أكرهك..
أنا عشت عُمر بدون وَنيس..

قال صاحب الكيف:
الحتة دي قِلة والصنف دا معجون 
اسألني أنا صاحب مزاج يعجبك 
اللي صرفته على دماغي ممكن يسدّ ديون 
إيه اللي رماني..
شايفني يعني بأنبك!

قال سيزيف:
من بُكرا هبطّل تسويف...

التحايل - حازم عمر

‎⁨مذكِّرة صوتيّة - في الثالث من نوڤمبر⁩.m4a

مملُكش غير ضلمة
مملُكش غير ضمَّة
في حضن مبطمنش حد ..

مملُكش غير ضلمة.

وصلة حسيني
موشح هل على الأستار و موشح يا غزالا صاد قلبي
عود: مصطفى سعيد
قانون: بلال بيطار
كمان: أحمد الصالحي
رق: علي الحوت
قبرص
26.05.2015

وصلة حسيني - موشح هل على الأستار و يا غزالا صاد قلبي - مصطفى والصالحي وبلال قبرص 26.5.2015

رثاء - موزار المصرى

التسجيل الكامل لحوار عبد الحليم حافظ مع محمد عبد الوهاب ورأيه فى الشيخ امام
------
من مكتبة عصمت النمر

التحايل - حازم عمر

Hazem Omar