بمصاحبة عازف القانون محمد عطيّة

الشيخ محمد الفيومي - ليالي وموّال لك يا زمان العجب (مختلف - صيغة ثانية)

في هذه الحلقة نستعرض الحياة الصاخبة والقاسية لمغنية الجاز السيدة بيلي هوليداي وكيف عاشت حياتها وصنعت مجدها رغم الصعوبات سواء من المجتمع   االأبيض العنصري ضد ذوي البشرة الداكنة أو حتى من الأمريكيين ذوي الأصول الأفريقية.
إعداد وتقديم وهندسة صوتية:
أحمد طارق أبودنيا

بيلي هوليداي: الرجاء الصمت فالسيدة ستبدأ بالغناء! #20

أنا يومًا ما | سيد مكاوي

أفناني ذا الحب - فرقة ابن عربي (Afnany Al Hob- Ensemble Ibn Arabi) مهرجان روح

غناء: نجاة علي
لحن: داوود حسني

أصل الغرام نظرة

"قوّة الشهداء"
__________
مسحراتى فى الطريق الصعب

منقراتى و كل دقه بقلب

إحنا الشعب

المصرى أول سيرة الإنسان

احنا من صخر العزيق والصبر

واحنا من طل وندى المواويل

زى ما اتعود علينا النيل

زى ما اتعود علينا العطش

يمكن خطأنا فى الزمان الطويل

كان من سبيل الرحمه والحنيه

يصعب علينا فى يوم نفارق عيالنا

 

وماجاش فى بالنا

زى العرق‏:‏ الدم يبنى البيوت

يا اللى الشقا من ست آلاف حبنا

اللى يزرع واللى يصنع خير بيعرف ربنا

واللى يعدل فى نصيب اليتيمه يعرف ربنا

واللى بينوّر طريق المدينه يعرف ربنا

واللى يضرب فى قلوب الأعادى يعرف ربنا

سجدت لله الكريم الهادى

 

والمشى طاب لى

والدق على طبلى

 

مسحراتى من جنود الأرض

منقراتى كل دقه بفرض

أطلب غنايا زى أب ضناه

القدس لاحت فى الطريق حاضناه

يا رب علمنى العطش والجوع

 

واجعل لعينى دموع

واجعل لقلبى ضلوع

واجعلنى صوت الشهيد

فى النبض والتنهيد

شريان فلسطينى شجر مزروع

فى الأرض جدر وفى الليالى فروع

يسمعنى خال فى كل بلده وعم

جرح الملاجىء عمره ما يتلم

تفنى الليالى ولا يبور الدم

ولا طيارات الأمريكان تمنع

 

النور من المصنع

ولا كل ريف تحت السما يسمع

 

طير الحمام يسجع

ولا ابن إنسان الأمل يرضع

ولا ليل شجاع يولد نهار أشجع

 

ولابد يوم أرجع

ويمد فى كل العرب حبلى

 

المشى طاب لى

والدق على طبلى

****
"القدس"
_________
اصحى يا نايم  وحّد الدايم
وقول نويت بكره ان حييت
الشهر صايم والفجر قايم
اصحى يا نايم  وحّد الرزاق
رمضان كريم
مســحـراتى يا مؤمنين
مـنـقـراتى مد الأنين
الله على رعشة الحنين
عمره ما كان الأمل ضنين
يا قدس نوارة السنين
كأن عينى فى ميتمى
يا قدس ما يحتمل دمى
الا أشوفك وأرتمى
وأبوس ترابك المريمى
أبوىَ وابنى على فمى
ما اتوهش يا قدس فى المطال
يا عاصره مهجة الرجال
سقاكِ من دمعته الهلال
يا قدس يا سبحة الشقا
الأعمى فى سجدتك رأى
والفجر من صخرتك سقى
يا قدس تتفجر الجراح
والصبر حرب وأيوب صلاح
يا أخت من مكه والبطاح
قلبى انضرب للعرب وصاح
لابد من فتح فى الصباح
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطـرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
لما تقول أجمل ما فى الدنيا، الميه للعطشان
يعرفوك عربى
أما للراوى ريحة البرتقان فى مداخل يافا
يعرفوك عربى
لما تقول ابنى اتولد لاجئ
يعرفوك عربى
لما تقول يا رب
يعرفوك عربى
لما تباشر جهادك، ترمى أوتادك
فى قلب دابح ولادك
يعرفوك عربى
اصـحى يانايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يانايم.. يانايم اصحى
وحّد الرزاق

الليل ع الطريق - الشيخ إمام

Hazim Os