Rhythm of Life

Written and performed by: SYNCHRAW
Beat by: RJV Ernesto
Mix/Master: Reuben Rhymes

ഒറ്റ നൂലിനറ്റമുള്ള പറ്റിയ നൂൽ പുറ്റുകൾ
വിറ്റു പറ്റിലാക്കിടുവാൻ ചുറ്റിയ പൂമ്പാറ്റകൾ
തെറ്റുകുറ്റമുറ്റവരോട് എത്തിനിന്ന പറ്റുകൾ
പറ്റിയ തെറ്റിന്നകറ്റി നിർത്തിയ ചെറുവിറ്റുകൾ

ചറ പറ പല കുറി വിതറി എറിയുമനവധി
കഥ ഇടറിയ പതറും ഓർമകളിൽ
തകർന്നടിഞ്ഞുടഞ്ഞിടും പിടഞ്ഞ മന്ദഗതി
അടിമുടി തടഞ്ഞിടുമുടലിനാഞ്ജകൾ.
കരളിലെ കുളിരിനിന്നടികിട്ടി നില തെറ്റി
പയറ്റിയ പല തരമടവുകൾ അണപൊട്ടി
ഇടിവെട്ടി പൊടിയുന്ന മഴയത്തിന്നൊരു കുട്ടി
കുടപിടിച്ചിടവഴി നടന്നിടും പണി കിട്ടി

കാനനപ്പൂങ്കാവനങ്ങൾ കൺകുളിരെ കണ്ടു-
നിന്നിന്നാവരുതിന്നാരൊരുവൻ മിന്നിമാഞ്ഞ പൊൻകതിരായി
ആവനാഴി അമ്പുകളെല്ലാം എറിഞ്ഞു കാലി ആയ
നേരമിന്ന് നോക്കി നിന്ന തീർന്നു പോയ തേൻകുടങ്ങൾ

ചില്ലിമുളം കാടുകളിൽ ലല്ല ലലം പാടി വരും
തെന്നലിന്റെ കൂടെയൊരു മിന്നലായി വീണടരും
വീണ വീഴ്ചയിൽ പഠിച്ച വിലമതിച്ച പാഠവും
തൊടാതെ തൊട്ട് തൊട്ടടുത്ത് കെട്ടിയിട്ട പട്ടിയും കൂടുത്തരത്തിൽ എത്തുവാനായ് നെയ്തെടുത്ത പേടകത്തിൽ
ആകെയുള്ള രണ്ടു കവാടത്തിലൊന്നു stuck അടിച്ച്
grease ഒഴിച്ച് fuse അടിച്ച് പോയതാണോ test അടിച്ച്
Clutch പിടിച്ചിട്ട gear വെച്ചടിച്ചു പോയ കൊച്ചുകുട്ടികൾ കളിച്ചിടുന്ന പാടമേടകൾ
പണിഞ്ഞ ദൈവകേളികൾ
നിറഞ്ഞ ഗ്രാമ നാടുകൾ
തുടച്ചു നീക്കിടുന്ന ഭരണകൂട കേടുപാടുകൾ
ഇടഞ്ഞു പോയിടുന്ന അടിയിടാത്ത മോഹനാടുകൾ


കടപിടിച്ചു പടനയിച്ചു
ആനയിച്ച DARK പച്ച
വിലമതിച്ച കച്ചവടം
തച്ചിനിന്നു പച്ച പിടിപ്പിച്ച
എച്ചി പിച്ച എടുക്കുന്ന കൊച്ചു
പുച്ഛമില്ലാ പിഞ്ചു ബച്ചകൾ
ഉറക്കെ പാടുമൊച്ഛയിൽ
പഠിച്ച നിശ്ചയമില്ലാതെ
തച്ചുടച്ച GLIച്ചുകൾ
തെളിച്ച മുൾച്ചെടികൾ
കൊണ്ടുകേറും ഈ പുലർച്ചയിൽ

സാഗരമേ നീയെവിടെ
നീലിമലയിൽ വീണടരു
താരകമെൻ ജീവനിലെ
പീലികളിൽ പേരെഴുതു.

മാർഗദർശനം തുടർന്ന ദീർഘവീക്ഷണം
പകർന്ന ആശയമില്ലാത്ത തലക്കുള്ള പോഷണം
തളർന്ന നാടിനൗഷധം, തുടച്ചു മാറ്റുമുൾക്ഷതം,
പ്രതീക്ഷകൾ ക്ഷയിച്ചു പോയിടുന്നവർക്കൊരാശ്രയം

ഞൊടികളിൽ അടിമകൾ ഉടമകളുടെ അടി
തടയുവാൻ പടകൂട്ടി തുടങ്ങിയ ഇടങ്ങളിൽ
അടുക്കിയ പടക്കങ്ങൾക്കൊതുക്കത്തിൽ തിരി കൊടുത്തതിന്റിടക്കവിടൊക്കെ കൊടികളും പറത്തി
ഭടരുടമ സേവനം അടിമുടി നിറുത്തി
തൊഴിലവസരം തേടി ഉടമകൾ കൊളുത്തി
മുറിവേറ്റ കടുവയെ സടകുടഞ്ഞുണർത്തി
പൊടിതട്ടി എടുത്തടിമുറകളും പയറ്റി

മലനാടിലോടി ആടി പാടി
നിലപാട് നാലു പാടുമോതിmn
തടയാൻ മറന്നതില്ല പൂതി 
തുടരാൻ മടിച്ചു നിന്ന പേടി 

അരുതരുതെന്നകമരുളുക ഇന്നൊരു മരതക നൊടിനേരം പരതുകയോ? അതോ
തകർന്നുടൽ തരി പോലും അനങ്ങുകയില്ലിപ്പൊ പടം പിടിക്കുമ്പോൾ നമ്മൾ പറയില്ലേ YO?! 

അരുതരുതെന്നകമരുളുക ഇന്നൊരു മരതക നൊടിനേരം പരതുകയോ? അതോ
തകർന്നുടൽ തരി പോലും അനങ്ങുകയില്ലിപ്പൊ പടം പിടിക്കുമ്പോൾ നമ്മൾ പറയില്ലേ YO?! 



Rhythm Of Life (Beat by RJV)

SYNCHRAW