這原本是一首給朋友的歌，幫助他從谷底慢慢爬上來，不再叫春連連（所以歌名為叫春歌）。這首歌一年前已經存在，拖了整整一年，他終於等到隻歌出生，我想他和周公都未必猜到在有生之年真的可以聽到叫春歌。sosad...
－－－－－－－－－－－－－－－－－－－－－－－－－－－－－

曲編唱: H
詞: 周公

可知道 頑固地笑是種消耗 
連淚痕也不敢哭訴
別要開心得太久

只等到 笑容也堆積不到
集齊那面譜一套
別要堅忍得太久

可知道 還記著那天的宣告
記著那刻的通報
竟將清晰都帶走

只等到 最後也許觸不到
隔著扇窗追不到
竟將景色都帶走

把心窗 任淚水洗刷過
洗走傷 活著並不折磨

由淚光 從頭洗乾這污垢再哼歌
從頭歸於清澈 昨天的心結

從頭洗乾這傷痛再哼歌
為何堅忍一個 為何不忍淌過 洗過


愁雲揮之都不去那哀歌
然而等一天我 任那風吹過 
愁雲終於都消散唱首歌
遙望窗口一角 重現風景知覺


然而污積總積過再穿梭
無人可真洗去 留傷的一句

誰明知玻璃窗已心碎
何不走出去 痕跡的堡壘

－－－－－－－－－－－－－－－－－－－－－－－－－－－－－

  每個人都有一些不願面對的過去，不敢回想的記憶，每次想起都會痛不欲生的舊事，但明知那些東西都已成往事，留戀在當時也只會越陷越深。
  事情總要讓年月逐點洗滌，叫春歌所講的並不是要人強行堅強起來，反而是善用自己的眼淚洗走傷口，縱使「無人可真洗去 留傷的一句」。也因此，最後真正能拯救自己的，其實也只是自己而已。

－－－－－－－－－－－－－－－－－－－－－－－－－－－－－

以下是那位朋友的感想（嫌長可略，因為都唔重要...I mean對於聽歌既人黎講唔多重要... ...）


等左一年，叫春歌終於橫空出世，同時亦都代表住我已經同佢分開左一年
諗返起岩岩分手既時候，失去重要既人既我就好似一隻唔識郁既錶咁，停左係傷痛入面，果陣時我真係好辛苦，同時又成日將「掛住佢」掛係咀邊，完全放唔低而得到叫春立呢個名，同時有幾位好友又決定為我作返隻歌，歌名既靈魂當然係來自我既瘋狂叫春，當時我地決定暫時佢為「叫春歌」
幸得不少好朋友不停支持，生活終於重回正軌，雖然仲係完全放唔低，見到佢個名都會唔開心，但人總需要勇敢生存，唔可以再好似之前咁成為一個淨係識叫春既頹佬
睇返果陣時既自己，真係好頹好頹，果時失去左佢就好似成個世界崩塌咁樣，但係有好多朋友都好支持我，肯陪住我一齊重新上路
或者係要到呢啲時候先會知道咩人先會一直留係你身邊，我已經知道有咩人係會係我最頹最廢最唔掂既時候支持我鼓勵我，呢個真係一個好大既收鑊黎
我依家就好似《月球上的人》講咁，用場外既角度去睇返以前自己失戀既種種往事，悲喜交集，但係我好似又更加明白自己、清楚自己係一個點既人。雖然我仲好幼稚、唔成熟，係一朵承受唔起傷害既溫室小花，但我相信呢一個經歷會令我開始去成熟、去面對人生既苦與樂
講真我到依家都係完全放唔低，究竟呢隻叫春歌會唔會成為我既救贖呢？我始終相信我係要靠自己，要改變自己，令自己變得成熟先得，但係叫春歌會係我開始放低既一個里程碑，一個起點，當走到終點時，我就可以真正解脫 
在此感激所有朋友，唔係你地陪伴同支持，我一早走入死路，永遠都返唔出黎。
同埋，如果你咁岩睇到，祝你幸福，你開心既話我都會開心。



洗滌(叫春歌)(Original)

這首簡單低能的歌是在托管課室望住班細路玩大笑瑜珈時用十分鐘寫出來的,我發現他們的稚氣有時會教識我重新思考生命。
最近莫名奇妙的心情隨即好轉,學懂正面思想原來只要望住人大笑... ...

用細路的思維作歌是個十分新鮮的體驗,隻歌會格外單調...
這首歌送給生命。(不要期待甚麼因為用十分鐘搞出來的都不會高汁得去邊)

曲詞編唱: H lau

帶著笑一起 與你 飛
怎麼 都彷如勝利

帶著笑一起 伴你 高飛
怎會為 大世界 憎你

願意獲得一切 淡忘一切
仰觀天際 高貴
願意放開一切 來承受一切
願意為美麗 而流涕

願意放開一切 來承受一切
願意付出 仍然 綺麗
願意放低一切 來承受這些失禮
學會怎麼 換季


願意放開一切 來承受一切
願意付出 仍然 綺麗
願意放低一切 來承受這些失禮
學會怎麼 換季


給生命的歌 Original

三年前一次偶然的聚合,三年來數次難忘的經歷,將所有情義集結成一首簡單的歌,這未必是能代表悅劇的歌,但這是我自己對悅劇的一切最完全的感覺。今天暫別並不是完結,離開是為了回來,有緣我們一定重逢舞台。
------------------------------------------------------------------------
曲詞編唱: H

從小空間 發生
一切悲歡 於這天降臨
曾聚過 曾分開 曾認真

回顧當天 每點每分
像雛鳥般 眷戀樹林
凝住了 曾青蔥 腳印

仍記得掌聲燈光中的美
記得漆黑之中的呼氣
記得哭聲打破了顧忌
沿路上 有你

彼此伸出鼓舞的雙臂
笑罵過 在某天細味
看過聚或散 如不捨 請緊記 


仍記得掌聲燈光中的美
記得漆黑之中的呼氣
記得哭聲打破了顧忌
台前後 有你

彼此伸出鼓舞的雙臂
笑罵過 願某天細味
每次聚或散 如不捨 越要 

記得掌聲燈光中的美
記得漆黑之中的呼氣
記得哭聲打破了顧忌
台前後 有你

彼此伸出鼓舞的雙臂
笑罵過 願某天細味
再次聚或散 如不捨 越 是要緊記

從這空間 再生
一切得失 於這天面臨
重拾那 遺失的 腳印

話悅 Original

一首一早錄好的原創,已經唔記得點解而家先放上去。
應節? 唔係好算,但又有少少咁大把既關連。以前成日覺得D同屋企人有關既歌都好老土,但近一兩年,尤其係佢走左之後,先知道呢類歌係有必要存在。家人點都會係各位心目中存有一定重量,人越大就越重,既然咁重,咪寫隻歌出黎分擔下。
雖然,主題同詞都唔係我定,但我知周公都係咁諗既,係咪?

曲編唱:H
詞:周公

奔一圈 走過你面前
來為這世界找點新發現

奔多圈 走過更自然
誰在我背靠奮鬥更自然

日後站得高 都攀了到 沒分毫
為著站得高 編織了布

望著望不到 願意歸途 月掛高
天色黑了嗎 

夜幕著了燈 
等一等一碗湯也夠
自知這應有 換了這衫鈕

等一等一聲經已夠
未知這稀有 一聲太夠   

現在站得高 沒有功勞 白辛勞
望著站得高 編織了布

望著沒聲討 全是好讚號

我卻過又過 只怕有日缺了燈
不知怎歸家 知悔疚
日子欠相扣 白了會知否

該應當歸家 知悔疚
一句不夠 聲聲至夠

該應當歸家 知悔疚
熱湯都會皺 望見你的手

可不可歸家 知悔疚
夜黑已足夠 燈光滲透

一刻已夠 一生已夠

洗滌(叫春歌)(Original)

HLAU