أهواكَ بلا أمل، 
لذا؛ أكتب إليك لأن هذا كل ما أملكه الأن،إستيقظت أمس ورأيت جرحى لازال ينزف الدماء، كان جرحى أنتَ وكانت الدماء هى الأحلام التى لم نحققها سوياً، فكرت فى أن أطلب رؤيتك لعل هذا يطيب جرحى.. 

ماذا لو طلبت منك الأن أن نصلح هذا الأمر سوياً؟، ولا نعذب أرواحنا بالفراق، ف والله أننى لو إستطعت لأخرجت لك قلبى لترى كيف أنك تسكنه وأنه ينبض فقط على أمل لقائك فى نهاية المطاف .. 

اليوم مررت ب ثلاث مراحل منذ الصباح .. 
الأولى.. عندما فتحت عينى على ضوء النافذة التى زالت أمى عنها الستائر ، لم أرى الضوء ولا النافذة ولا حتى أمى، رأيتك أنتَ فقط.. حينها تحسست قلبى وألقيت عليك سلاماً طيباً، وهنا كنت أحبك. 

الثانية.. عندما إنتهيت اليوم وعدت إلى منزلى وبداخلى رغبة فى سماع صوتك، ف أمسكت الهاتف وأردت أن أرسل لك رسالة ثم تذكرت أنك رحلت عن طيب خاطر، ف غضبت منك ورددت داخلى ، " أنا لا أحبه .. فقط إعتدت عليه ، يوماً ما سأتجاوزه كأن لم يكن "، وهنا كنت أكرهك. 

الثالثة.. عندما ذهبت إلى سريرى لأنام، قفزت إلى عقلى ذكرى أول مرة رأيتك فيها، كيف تملك منى شعور دفين لا أعرفه.. لكنه كان دافئاً.. دافئ جداً، كأن تمسك بقط ضائع وسط الثلوج وتضعه أمام مدفئة، هكذا كان قلبى حينها.. كنت ضائعة دونك .. عثرت على نفسى حين رأيتكَ، لكن على ما يبدو أننى فقدتها مرة أخرى، وهنا أيضاً كنت أحبك. 

وأظل طوال أيامى أتنقل من شعور الحب والكره تجاهك .. يتوسطهم جزء من اللامبالاة.. ولكن سيظل افضلهم هو شعور أننى أحبك؛ لأننى حينها فقط ، أعثر على نفسى وأحبها.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كتابة: ندى جويلي.
أداء: آلاء وهبه.

مرسال أهواك _آلاء وهبه.

راحت يا خال _اوتوستراد 🖤

العالم متماسك وأنا هَش
العالم صلب وأنا قَش

بتخاف!؟
لا مبخافش

بحلم وبتألم وبغش
بثور وألف وأدور وأكسر أيامي أدشها دش

بعيط من أب حنين
ومن دموع أم ليلة الفرح
بمسح دموعي قدام البحر
وامسح دموعي إذا زرعي طرح، واجمعه

أنا متلون أنا متكون أنا شايفك خايف متسكن

دموعك اسخن من صيف اغسطس
ونحيبك أهدى من رياح امشير
تفتكر نوصل ونتعلم!؟
تفتكر هيطلع لنا جناحات هنطير!؟

متفكرش
العالم متكربس متلغبط
 العالم ميستحملش
وأنا هَش!

وابقى لوم عليا 
لوم عليا الشوق 
ولوم عليا الشجن 
وابقا لوم بكا عنيا 

تلات اشهر بقفلتهم وانا هاوي 
تلات اشهر بحسبتهم وانا غاوي
تلات أشهر بدون داوي

بل الورق دمعي 
بل الدمع خدي 
بل انا كنت محتاج يدك جمبي

ازاي بتوه فيكي ، فا بلاقي عمري الجاي
وازاي حنان صوتك ، يغلب أنين الناي
وازاي بشوف ايدك ، بتصب ليا الشاي
وازاي بكون فاكرك ،وانا طبعي واد نساي

سيما وتترر و افيش
وانا عيل درويش

عيونك تدوبني و تسحرني بلاد
داير بسأل كل العباد
لجل اشوفك 

اختفيتي وسط الناس و الدخان 
درويش و تايه وراكي من زمان
لجل اتعثر ف خطاكي 

عمر هوانا جري وراح 
وصوت عم سيد بيتردد ف لساني زي الجراح
متفوتنيش انا وحدي 
متفوتنيش انا وحدي 
هتسبني لمين؟!   
اديك فوتني وحداني 

#متفوتنيش
#انا وحدي
#لوم عليا












درويش

إهداء للنور لما ينطفى
ولكل محولاتى الفاشلة إنى أوضح موقفى
للشك الواقعى .. ولليقين ، العاطفى
لمصطفى..
 والأدوار التانيه
والبطولات المزيفه
لكل المحطات
القطر ، المترو ،الإذاعة
وكام سنةمش فاكرهم
لعمرو..
واليتم المستمر
والاهتمام الغير مبرر
ولكل مرة قعدنا نحسبها وقولنا..
هنوفر
لـ على .. لـ على الجميل
ولامى علشان تعتبره رد جميل
 لدور الضحية ولكل حد قتلته أو قتلنى بحسن نية
لأخويا اللى زهقت من كونى بعاتبه
والوحيد حامد أياً كان درجة إيمانه باللى كتبه
ليوسف شاهين ، العجوز اللى مات عيل
والخيال ، لما ببطل أتخيل
للى ضاع فيا .. وضاع منى ووضعنى
لعم حسام ، لو كان بيسمعنى
لأصعب أيام شوفتها أو ليها
بشخصها
وصفتها
لفؤاد ، أو زى ما قال والد الشعراء
معرفش ليه بالظبط
ودى لو تعرفى -الثغرة الوحيدة فى الاهداء- ء
لأبويا ،عن حد تعبيرة
لانى خلصت ، مفاضلش حد غيرة
عندى عيب واحد صحيح ، لكن لو بطلتة مش هيبقى عندى أى ميزة
ومتفتكرش إنى خايف أو مرفه أو ضعيف
أنا ياما عديت من ميدان الجيزة
لكن مبقاش فى حاجه طيبه غير عيبى
بترجعى .. وف كل مرة تسيبى 
أنا مش مخاطر
بس شكلى بيدى
وبقود لأخر المعركة لوحدى
حتى اسألى 
-مين اللى ممكن تسأليه؟
-معرفش !
لكن ، للقصيدة أصول
لو كنت اعرفها ، كنت ابقى شاعر منطول
حياتى ، بعترف وبقول
م انا كنت شاعر من سنتين تلاته
لما أشوف الناس والنيون قائد
دلوقتى لا انا شاعر ولا انا سكران
أنا محايد.

احمد الطحان - كانت عيني واجعاني - مع الكلمات

كلمات & اداء تقوى الهوارى 
كلمات :
الوسخ وسخ و هيفضل وسخ 
و كيف الخرا يجيب له معلقة 
والحازوق هيفضل خازوق 
و العادي معداش بلاش نكدب و نحاول ننسي الفات 
الجبن وسيلة دفاع و الهروب فرض مش اختيار 
الخاين فاكر نفسه متخنش بس هو اتخان م نفسه قبل الغير ... 
شايف نفسي في مراية مكسورة لا لا 
دي مش مرايه دي طلعت الصورة ... 
اصلية وانا المكسور 
متغنليش ياناي ليه وانا مجروح بنزف دم ؟ 
ياخبيتك دي دموع بس مره شوية ف مش متعود عليها ...   جزمة م غير رباط مركونة يمكن نحتجها ولو صلحنها انتهت صلحيتها ف ياريت يعني لووسمحت بلاش صداع 
مش صفر ع شمال لا لا ولا اقل ولا اكتر انت عدم مش موجود ف الاصل محلك سر ملكش لزمة ... 
مش اكتئاب مودي لي انتحار للاسف ده الانتحار ذات نفسه منه جاله اكتئاب 
و ده مش حلم ولا كابوس دي حقيقة جواها محبوس و خايف بس تعترف و تقول ... 
ت انا فاشل انا عدم انا مليش وجود لا الاصح ملوش لزمه وجودي 
بس بس انا مش مؤذي 
مش عايز اتآذي مش عايز اخاف مش عايز جبن 
خيالي في الاوضة اوضح مني ... ف بتالي اسفي غير مجدي 
متعيطش متكبيش متوحنش كلهم نفس المعني بس الاقوي يوضحه و يقول كل ده في جملة واحدة  انت ملكش لزمة ... 
بس مش مؤذي

بس مش مؤذى

نصوص عشوائية #1

محشور
بين الأحزان والنور
مش لاقى مبرر لغيابك
دَستور
ياخوانا نهاركوا حزين
زى ما كنتوا أو هتكونوا
زى ما هنتوا أو هتهونوا
بتهونوا عشان 
مش بتخونوا
العالم داسكم بجنونه..
يمكن علشان العيب فيكوا
فمحدش مرّه هيحميكوا
زى العادة
العالم ظالم بزيادة
العالم بيحب الفوضى
وانتوا قلوبكوا ف سن الروضة
محشور بين العالم والحلم
محشور بين أحزانى وتَرفى
تايه معرفش انا مين فى الفيلم
كومبارس؟ بطل؟ أو ضيف شَرَفى ؟!
أو إن الفيلم ماهوش موجود
أو فيلم غريب .. 
مش من طَرَفى.
مابين قلبك وبين عقلك
سلام الروح بيشتاقلك
وبين حواديتك الماضية
وكل مشاعرك الفاضية 
حياتك لسه مش راضية
ولونك لسه زى ما كان
مغيرهوش فى مره مكان
وقلبك للغنا دكّان
بيشتروا منه وبيمشوا
وكل اللى سكن جفنك
منمتش يوم على رمشه..
تراك الليل طويل .. مرهق
تراك الليل حزين .. مزهق
تَراك الأغنيات مُشفق
على العمر اللى بيعدّى
وتسألها كما العادة
لإمتى هاسمعك وحدى
مالوش جيران
الليل طويل
الليل جعان
دوشه و مراسيل 
الليل هزيل
الليل هزيل

https://www.facebook.com/EngEsamShawky

الليل - عصام الطحان

الرسالة الأولى

من قلب هذا العالم الوَعِر أبعثُ لكِ أولى رسائلي التي لا أدري في الحقيقة هل ستصلك أم لا ولكن لا بأس ، أنا هنا من دونك ، وتعلمين كم أن هذا مؤذ لقلبي الصغير الضعيف ، أقع ، وأتكئ على هذا القلب فأقف مرة أخرى ويستمر في الضعف مع مرور الأيام ، تعلمين مدى قسوة هذا العالم ، فأنتِ أيضًا في مكان ما على متن نفس السفينة ، أعلمُ يقينًا أنك تعانين مثلي ، وحقًا لا أريدك أن تشعري مثل شعوري ، أؤمن أننا بُعثنا هُنا معًا ، أؤمن أننا جئنا هنا للبحث عن بعضنا البعض ، البعض يصلون والآخرون يُمضون حياتهم كلها في البحث بلا فائدة ، ولا أدري إلى أي فصيل منهم سأنتمي ، ولكن في النهاية أعلم أنكِ في مكان ما هنا ، فأكتبُ لكِ هذه الرسالة عسى أن تقرأيها يومًا ما ، فإذا حدث ذلك فلقد عثرت عليكِ أخيراً ، أعلمُ أنّكِ تحاولين السير نحوي كما أفعل ، أعلم أنك أرهقتكِ الرحلة كثيرًا لكن لا بأس ، فطالما أنا هنا أتنفس فأنتِ أيضاً هنالك تَتنفسين ، تَبحثين عني في تلك الأفلام وفي تلك اللوحات وتلك القصائد وفي كل الأشياء التي تؤمنين بها وتؤمِن بك .. كما أفعل أنا ، لأنك ببساطةٍ أنا .

Simplicity is beautiful 1 - Ahmed Abddo

𝐀𝐇𝐌𝐄𝐃 𝐀𝐁𝐃𝐃𝐎