أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

أنا مظلوم -الأصلي-فن شعبى تراث صعيدى

جمالات شيحة - ياما دقت عالراس طبول - فن شعبى تراث صعيدى

محمد منير
للي
يونس
ولد الهلالية
اكرم حسني
محمود المنسي

خضرة محمد خضر - يونس خطر في السوق - Khadra Mohammad Khedr - Younes Khatar Fe El Souq

أه يا لالى .. يا لالى .. يا لالى .. يا أبو العيون السود يا خلى ..أه يا لالى .. يا لالى .. يا لالى  .. خليك على كيفك تملى .. يا عينى يا لالالى .. يا سيدى يا لالالى // من التراث النادر لأغانى السمسمية البورسعيدى // فرقة الطنبورة

مربعات ابن عروس

Hossąm Rąbie