تسجيل نادر من سنة 1978 لنشيد "يا شعبي" كلمات و ألحان زياد 

ع زندك المتين، بلادك قامت
ضلّيت وانذلّيت، ما احتجّيت يا شعبي
طالت السنين، وحربك طالت
كفّيت وتفانيت، كل شي عطيت يا شعبي
يا شعبي يا ولد النار، شو بقلّك بعد اللي صار؟
شو ناطر؟ شو ناطر؟ شو بعدك ناطر يا شعبي؟
**********
يا شعبي علّموك، عملوا كتابك
كتّاب شي للشرق، وشي للغرب يا شعبي
هنّي قسّموك، فوق ترابك
وربيت إنت لون، وخيّك لون وتخبّي
يا شعبي بيكفّي التار، يلّلي ماتوا صاروا كتار
شو ناطر؟ شو ناطر؟ تا توحّد شعبك يا شعبي؟
**********
شو ناطر يا شعبي، شو ناطر تا تسمع
تا ترجّع تاريخك؟ تاريخك ما بيرجع
أتعابك سرقوها، باعوها، وصار لازم تحكم إنت يا شعبي
**********
بليلك الطويل كبروا ولادك
ع البرد، ع الحيطان، ع النسيان يا شعبي
خبزك القليل، حق عيادك
نسيوك ما هديوك إلا الخوف يا شعبي
هيدي بلادك خدها وصير، إنتَ ملكها وإنتَ أمير
شو ناطر؟ شو ناطر؟ تا تعيّد عيدك يا شعبي؟
**********
شو ناطر يا شعبي، شو ناطر تا تسمع
تا ترجّع تاريخك؟ تاريخك ما بيرجع
أتعابك سرقوها، باعوها، وصار لازم تحكم إنت يا شعبي


زياد الرحباني-يا شعبي

"أنا أشدو لكلّ قلب طروب، أنا أبكي لكلّ قلب معنّى"
ضُحىً يتنكر لذاته

يلّا ندلّع الدلع ونشهيص الشهيصة

العرص قال علي صوتك بس ما قالش ع الاغاني الممكنة

إياك و ان تسترق السمع .. فقط أمعن ♥️

‏أفشوا الموسيقى بينكم 
إبق حيث الموسيقى، فرجال الدين ليسوا هناك
“Without music, life would be a mistake.”
بين الجاز و المجاز

زياد الرحباني-يا شعبي

Hussein Chaalan