قلبي معك لو شفت جسمي مع الناس .. ماغاب طيفك عن خيالي دقيقه

ودعتك اللي ما خلق مثلك اجناس .. حيل الله اقوى لو دموعي غريقه

والله ما ارخصتك ولا طعت جلاس .. بس النصيب يصيب هذي الحقيقه

اظلم سماي وحال من دونك الياس .. وتحسرجت عبرات قلبي بضيقه

همي عقب فرقاك ماهو بينقاس .. وجروح قلبي يا طبيبه عميقه

اجلس بوسط الناس واسرح بالهوجاس .. ما بيدي حيله ولا لي طريقه

حبك بوسط القلب مبني على ساس .. عنك العزى يا روح روحي ما اطيقه

فهد بن سعيد - قلبي معك

Ebrahim Al-Mrzouqi