‎كنا بخير حتي تعلقنا بأشياء ليست لنا فدفعنا الثمن الغالي جداً …!

شويه كراكيب

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

فى ليلة عشق وخدانى على شط الهوا التاني قابلت البحر فى عيونك شربت عطشت من تاني هي دي بدايتك معايا شوف بقى قلبي وجنونه

لكلمات : مدحت العدل
الحان وتوزيع : ياسر عبد الرحمن

حنان ماضي ليلة عشق

محمد فؤاد - الليل الهادى.mp3

أفتكرنى مصطفى قمر

بعد الرحيل - سميرة سعيد

محمد محي_تعبك يا قلبي 1994 من البوم روح قلبي جودة عالية

محمد محي_تعبك يا قلبي 1994

تانى يا هوى - محمد محي

 إديني قلب تاني ... من أجمل الأغنيات التي غناها الفنان هاني شاكر ضمن مشواره الفني الطويل

إديني قلب تاني... من روائع هاني شاكر

الغربه لاسماعيل البلبسي

إهداء : 

لكل الحاجات اللى فرطنا فيها .. 
وكل الحاجات اللى خلصت قوام
لنظره فـ وداع اللى كانوا فـ حياتنا
ودخلوها صدفه و خرجوا بسلام
لكل اللى كان نص تانى و شاركنا
فـ جد و هزار و انتظار و اشتياق
لكل اللى قالوا " هنفضل معاكوا "
وغابوا وسابوا الحنين و الفراق 
لكل اللى عايش عشان حد تانى 
لكل اللى كان نفسه اصلا يعيش
لكل اللى ساكت ولو قولت مالك 
يكون فيه ولكن يقولك " مفيش "
لكل اللى تبتنا فيهم بذمه 
وكل اللى حطونا بين " أو و إما "
وكل الحاجات اللى كانت مهمه
لكن بعد فتره بقت متساويش


تأليف : شادى ابراهيم 
هندسه صوتيه و ميكساج : محمد صقر

موسيقى ديوان زي الأفلام

افتكرني مصطفى قمر

الحلم - هبة طوجي

ايمان البحر درويش .. حد فينا

زمان وانا صغير .. كنت بحلم ابقى كبير .. ابقى كبير
تعب القلب واتحير من الدنيا ومن المشاوير
انا من صغر سنى حاسس بشئ جوايا .. وحلمت زمان اغنى والكون يسمع غنايا
غنيت .. غنيت و ف وسط الغنوة بكيت
ولقيت الكون كله بيتغير ... قلت ياريتنى فضلت صغير
زمان وانا صغير .. كنت بحلم ابقى كبير .. ابقى كبير
تعب القلب واتحير من الدنيا ومن المشاوير
حلمت زمان ببيت و بقلب يكون معايا .. ومن الاحلام صحيت ع جرح مالوش نهاية
و داريت وداريت الجرح ف قلبى داريت
ولقيت العمر يا دنيا قصير .. قلت ياريتنى فضلت صغير
زمـــــــــــــــــــــــان وانا صغير

ايمان البحر درويش .. حد فينا

Ihab A. Atwan

Recent comments

اميرة في احلامي

Alaa Tentawy

Tarek Omda

مي فرويله

Related tracks