💼

بادي محمد الطيب

حقيبه🖤💥

حقيبة

الاوصفوك

نظرة يا السمحة أم عجن 

لو كان قليل تبرى الشجن                                                                                            أعرف صفا الأيام وأفيق

أنظر جمال تلك الوجن 


دولات صدودك مارعن 

الامى وبى اتدرعن 

ابكى واصيح متضرعاً 

يا ناس دموع عينى ترعن 


راحمونى مارضنى الظعن 

أمالى جور لى قاطعن 

أحشاي هديل أتقطعن 

وبالفرقة نشابك طعن 

يا منبع النور والفطن 

يا الفقتى يعرب والرطن 

فى جوفى من حبك قطن 

يا جاهلة مليون ألف طن 


كيف أسلى عينيك والوجن 

يالبسمتك نور الدجن 

جسمك حرير ناسجة العجن 

ناضر وباللون انعجن 


الضاوية زى خديك من 

فى الدنيا يا نور الزمن 

أرواح نسائمك لى رمن 

نرجس مزج مسك اليمن 


ما احلاك يا الجيدك شدن 

يالعمرى فيك ضائع سدىً

انا عندى شوفتك يا اللدن 

أحسن من الروح فى البدن 


يا منبع الذوق آه يا من 

حبك غرز فى الجوف كمن 

يا غالية قط ما ليك تمن 

إن هب او جار الزمن 


ليك السلام ما ولعن 

خديك بالنور يلمعن 

وعدد النجوم ما يطلعن 

يرضيك وبيك لى يجمعن

نظره ياالسمحه ام عجن -بادي محمد الطيب

خلف الله حمد   انا في التمني

في الفؤاد ترعاه العناية ــ بادي ــ


وصـف الخنتيله جمال تاجوج المافى مثيله
كفاك يا زميل

رويحـتى قـتـيـلة قليبى يشابى حسب ترتيله

صدير هزاز وضميره فتيله وليها عيون اريل فى نتيله


وضيـبه زميـله تقوده بتاكى القامه يمـــيله
جبينه تلوح انواره جمـيله يفوق القمره بعد تكميـله

خـدوده أســيـله سناها يفوق غيماته عسيله
كتيفه نزل طاوع توسيله من الارداف ما لاقى وسيله
خـديره كحيله ضهيره رنع غــالباه الحيله

ضمير(الهيف) صفحاته نحيله صدير يرجح وارداف رحيله
عقولنا هزيله قلوبنا عليك كتر زلزيله
شوفة عارضك نغمه جزيله ترد الروح والغمه تزيله
خدرتك اصيله على النرجس يعظم تفصيله
عيونى نجوم الليل تحصيله مقاطع النوم ارجوك توصيله
الروبه ظليله طايله معتمه لاخمه دليله
لولا قمر محيك هالى له لكنا نتوه فى ظلمة ليله
ليها نفيله تعوم واكتافها يلازموا كفيله
وليها طباع الصيد جفيله عليها القافية وجب تقفيله


حسن محجوب - وصف الخنتيلة

الشاعر أحمد فلاح والكروان بادي محمد الطيب

بادي - عيونك علمن عيني بكا الخنساء

مسو نوركم - بادي محمد الطيب

من فريع البان - محمد أحمد عوض

بادي الطيب - إنت حكمة

شقي ومجنون-البربري

_MP3_متى_مزاري__كاملة__بصوت_بادي_محمد_الطيب.mp3

ببكي و بنوح و بصيح  - بادي محمد الطيب

الخدير ماني حي - بادي محمد الطيب

قوم نادى عنان واتباعا : ونظمها فى زواج صديقه الأديب سليمان كشه سنة 1925 وهي من الأغنيات التي كان الفضل لظهورها الفنان بادي محمد الطيب وكان الخليل قد استقل القطار مع بعض أصدقاؤه متوجهاً إلي الحصاحيصا ومنها الي رفاعة لحضور زواج صديقه الصحفي سليمان كشه بينما كان وجهة أصدقاء خليل مدينة ود مدني وعندما مر القطار بالحصاحيصا لم يلفتوا نظر الخليل لرغبتهم بأن يذهب الخليل معهم إلي مدني فلم يجد الخليل نفسه إلا وهو في محطة مدني فبعث هذه الأبيات لصديق كشه التي تبدأ
قوم نادي عنان واتباعا وقفل حوانيت الباعة
نزلت للدنيا شفاعة سعت امدرمان لرفاعة
هنا يطلب الخليل بمناداة عنان واتباعها وعنان فتاة مغنية وقد ذكرها الخليل في قصيدته الوطنية ( ماك غلطان)
اطرى فلان وليالى عنان وين ياسلام
كنا حنان والحله جنان نوح ياحمام
ولعظم المناسبة يطالب باغلاق حوانيت الباعة ويصف سيرة العريس من امدرمان ( بيت المال) لرفاعة ابوسن والقصيدة مليئة بوصف المكارم ووصف منطقة رفاعة
هنا تلقى الخلق الاعرابي
لاخوف لاضيم لامرابي
ظل الشكرية الكابي 
والشرف الاصلو ركابي
وايضاً يصف منطقة رفاعة بوصف جميل
هي شامة في تورنا الابرق
هي جنة نيلنا الازرق
الا أن يختم القصيدة بتوضيح ملابسات عدم حضوره الزواج و باعتذار رقيق للعريس
اعذرني اخوك انغش
لا اتعد هواك لاكش
اذكرني ولو بقشة
بيت مال وعيال يا كشة
قوم نادى عنان
قوم نادى عنان واتباعه وقفل حوانيت البــاعه
نزلت للدنيا شفاعه وسعت امدرمان لرفاعه
وطن الآباء يا ام طاعه أجمة ومشهـوره سباعه 
من دون أترابا مطاعه حضريه تقول فى طباعه 
المجد الحاسده مداعى هو أساس المــا بتداعى
وسعت أسلافنا وداعه وصارت فى جيلنا بداعه
رفعت أعلاما رفاعه وشمخت بى كبارنا يفاعه 
وطن السناب يا رباعه نزل العـربان فى رباعه
هنا تلقى الخلق الأعرابى لا خوف لا ضيم لا مرابى
ظل الشكرية الكابى والشرف الأصله ركـابى
هنا روعة عصراً ولى وروايــع جيلنــا الهله
عصبيه تناطح الجله ومدينه منــافيه الــزله 
إياك يا عاشق تحرق فى بحــور أوصافك تغرق 
هى شامه فى تورنا الأبرق هى جنـــة نيلنـا الأزرق
فى ربوعا الصيد إن وقل وشــافن مجنــون يتعقل
كفروع البان تتنقل رطب القــاماتن فقـــل
الصيد الضارب الوادى اجفـــل نــافـر غادى 
شرفن لى صوت الحادى حفلــن ضمــاهن نـادى
العز من حاضر وبادى حـرسن ما جـــاهن عادى
النور فى خدودن بادى وســلامة الـذوق شى عادى
لا تنسى ليالى العشه وفى الحلــه هبــوب الرشه
إتعشى عشاك واتمشى هــوى بيت المــال ما انفش 
اعذرنى أخوك إنغش لا اتعــد هــواك لا كــش
أذكرنى ولو بى قشه بيت مــال وعيــال يا كشه

بادي محمد الطيب،قوم نادي عنان واتباعا

كلمات عمر البنا - الحان كرومة

اذكريني ياحمامة المطرب بادي محمد الطيب

Imam Imamsalih