„პატარა აგური”

შვეიცარიის ერთ-ერთი გერმანულენოვან რადიოს {Radio BeO / KiBeO}, ინტერვიუ მივეცი. ერთ საათიან ინტერვიუში საუბარი შეეხო მრავალ თემას, მათ შორის: {რეზიუმე}
~ საქართველოს შესახებ მცირედი შესავალი, მისი ფიზიკურ-გეორგრაფიული გარემო და უძველესი ისტორია; ტურისტულ პოტენციალზე, სამთო-სათხილამურო კურორტები და ზღვა; საქართველო, როგორც დამაკავშირებელი ხიდი აღმოსავლეთსა და დასავლეთს შორის. 
~ საუბრის დიდი ნაწილი დაეთმო საქართველოს მართმადიდებელი ეკლესიის ისტრორის, მის სამოციქულო სტატუსს, ქართლის გაქრისტიანებას წმ. ნინოს მიერ, ანტიოქიისა და კონსტატინოპოლის საპატრიარქოებთან ისტორიულ ურთიერთობებს, ავტოკეფალიის საკითხსა და სხვ.
~ ვისაუბრე ძველი და ახალი ქართულის პრაქტიკულ გამოყენებაზე ეკლესიაში. სახარების უძველეს თარგმანზე, {რასაკვირველია, ქართული ენისა და დამწერლობის შესახებ; ჟღერადობა დააინტერესათ და წარმოვთქვი „მამაო ჩვენო“ სრულად}; ზოგადად ეკლესიის დღევანდელ ცხოვრებასა და მის მისიაზე; ახალგაზრდებისა და უფროსი ასაკის მორწმუნეთა (მრევლის) ჩართულობაზე საეკლესიო ცხოვრებაში.
~ საქართველოს პოლიტიკურ სიტუაციაზე; რუსეთის მიერ ოკუპირებულ ტერიტორიებსა და გავლენებზე; საქართველოს სუვერენული საგარეო პოლიტიკური არჩევანი/სწრაფვა
~ ევროპულ სტრუქტურებში ინტეგრაცია.
~ დიასპორა: ქართველთა მიგრაციის თამა ევროპაში; 2002 წლეს დაარსებული დასავლეთ ევროპის ეპარქია, მისი დანიშნულება და ზოგადად ეპარქიის როლი მიგრანტ ქართველებში; საკვირაო სკოლები და სამრევლოები. 
~ აღდგომის დღესასწაული, მისი მნიშვნელობა და დღესასწაულის აღნიშვნის ტრადიცია მართმადიდებელ ეკლესიაში. აქ გაიჟღერა ტრადიციულმა გალობამ „ქრისტე აღდგა მკვდრეთით“ {ანსამბლი „ლაშარი“-ს შესრულებით}, ასევე გერმანულად: „Christ ist erstanden von den Toten byzantinische Osterliturgie“.
~ 8 წუთი საკუთარ თავზე – ესეც ბევრი იყო.

• ინტერვიუს მსვლელობისას იყო მუსიკალური პაუზები, რომელსაც აფორმებდნენ: 
~ ნიაზ დიასამიძისა და 33ა-ს არაჩვეულებრივი სიმღერები ახალი ალბომიდან {♫ „სიყვარულის დროა“, „ადე შეხედე ქვეყანას“, „მჯერა ცა კავკასიონის“ და „ვერ შეაჩერებ დროს“}. 
ნიაზ (Diasamidze Niaz), დიდი მადლობა, შენ გაიხარე!
~ ზუმბალანდის (ზუმბას) ახალი ალბომი „Multitest“-დან შესანიშნავი სიმღერები {♫ „ოდა“, „მასპინძელი“ და „ნოსტალგია“}. 
ჯიმა (Zaza Zumba Korinteli), შენ გენაცვალე!

• დიდი მადლობა ჩემს ძვირფას მასწავლებელს, ნინო ფირცხელაურს (Nino Pizchelauri), რომლის წიგნი, „Das christliche Georgien“ {ქრისტიანული საქართველო}, ძალიან გამომადგა. მადლობა ნინო მას!

• დიდი მადლობა თავისი საქმის მცოდნეს, მიშა სარჯველაძეს (Mikheil Sarjveladze), პოლიტიკური კონსულტაციისათვის. რუსეთი რომ ეკუპანტია ამის თქმას არაფერი არ უნდოდა, მაგრამ დიპლომატიური და სწორი მესიჯების გაგზავნა, რამდენიმე წინადადებაში, მნიშვნელოვანი იყო.

• არ გეგონოთ, რომ აქ ჩემი პიროვნება რაიმეთი მნიშვნელოვანია. არა, მე მეათეხარისხოვანი ვარ. უბრალოდ, ყველანი ვცდილობთ წვლილი შევიტანოთ საერთო საქმეში, რომელიც სიკეთეს ემსახურება. და იმედია, ამ რადიოინტერვიუთი ერთი პატარა აგური დავდე ამ საერთო საქმისათვის.

Link: http://www.radiobeo.ch/DABiS/sounds/NEWSRECORDER1-6998458.mp3

Radiointerview / რადიოინტერვიუ – 27.03.2016

Irakli Jinjolava