Бурханд тэмүүлсэн сэтгэл, хүмүүсийг энэрэх зүрхээр амьдрахад суралцах Номлогч Др. Чарльз Стэнлигийн ХАМТДАА нэвтрүүлэг

ХАМТДАА нэвтрүүлэг

Амьдралд хөдлөшгүй зүйлс олон байдаг. Жишээ нь физик болон математикийн хуулиуд гэхэд цаг хугацаа байрлалаас үл хамааран ямагт тогтмол хөдлөшгүй байдаг шүү дээ. Маш олон хүмүүс эдгээр хуулиудыг хүлээн зөвшөөрдөг хэрнээ сүнслэг үнэнүүдийг үл тоодог. Өнөөдөр Др.Станли та бидний анхаарлыг авралын талаарх Есүс Христийн сургаал руу хандуулж байна. Есүс Өөрийгөө “Мөнхийн улсад хүрэх цорын ганц үүд” хэмээн маш тодорхой хэлсэн байдаг. Гэтэл энэ л үнэнээс болж маш олон хүмүүс бүдэрдэг. Тэд Бурханд итгэдэг хэрнээ Христийг Бурханд хүргэх ЦОРЫН ГАНЦ зам гэдгийг хүлээн зөвшөөрч чаддаггүй. Эцсийн эцэст бүх л шашин Бурхан луу хөтлөх биш үү гэж тэд хэлдэг. Тэгвэл одоо та бүхэн ийм бодол юунд хүргэдэг тухай болон Христ бол “Мөнхийн улсад хүргэх цорын ганц үүд” болох талаар Др.Стэнлигийн хичээлээс сонсоорой.

МӨНХИЙН УЛСАД ХҮРГЭХ ЦОРЫН ГАНЦ ҮҮД - 1 хэсэг

Зарим хүмүүс Есүс бол ёс суртахууны агуу багш, агуу гүн ухаантан гэдэгт итгэж байна. Харин би Түүнийг Бурхан гэдэгт нэг л итгэхгүй байнаа гэдэг. Иймэрхүү үгийг та сонсож байсан уу? Энэ бол хэсэг хүмүүсийн л бодол. Есүс бол мөнхийн улсад хүргэх цорын ганц үүд гэдгийг өнөөдрийн хичээл баталж өгөх болно.
Ингээд Др.Чарльз Стэнлигийн ярианд анхаарлаа хандуулцгаая.

МӨНХИЙН УЛСАД ХҮРГЭХ ЦОРЫН ГАНЦ ҮҮД - 2 хэсэг

Хуучин гэрээн дээр Бурханыг ариун, зөвт, хүршгүйгээр дүрсэлсэн байдаг. Харин шинэ гэрээг бид унших юм бол Бурханы өөр нэгэн зан чанарыг олж хардаг. Бурхан төгс, ариун, бүрэн зөвт боловч Есүс бидэнд Бурхан бол бидний тэнгэрлэг эцэг гэдгийг ойлгуулсан юм. Өөрөөр хэлбэл бид Бурхантай ойр дотно харилцаатай байж чадна гэсэн үг юм. Др. Чарьлз Стэнлигийн сургаалаар бэлтгэн хүргэдэг Хамтдаа нэвтрүүлгийн өнөөдрийн дугаараар гэр бүл дэх аав хүний үүргийн талаар сурах болно. Бид Есүс Христ Бурхан Эцэг хоёрын харилцаанаас үүнийг сурах болно. Энэ харилцаа бол бидэнд өгөгдсөн эцэг хүүгийн харилцааны төгс загвар юм. Хэрвээ сонсогч та эцэг хүн бол анхааралтай сонсож суралцаж, амьдралдаа хэрэгжүүлээрэй гэж хүсэж байна.

БИДНИЙ ТЭНГЭРЛЭГ ЭЦЭГ - 1 хэсэг

Энэ удаагийн Хамтдаа нэвтрүүлгээр Др.Чарьлз Стэнли аавуудын үр хүүхдүүддээ үзүүлж байгаа нөлөө нь тэдний Бурханы талаарх ойлголтод хамгийн их хүчтэй нөлөөлж байдаг талаар онцолж байна. Хэрэв аав нь хөндий хайхрамжгүй байдаг байсан бол хүүхэд нь Бурхантай дотно харилцаа үүсгэх тал дээр нилээн бэрхшээлтэй байх болно. Хэрвээ хатуу ширүүн харилцдаг байсан бол хүүхдийнх нь хувьд хайрын Бурхан холын Бурхан мэт санагддаг байна. Хэрвээ бид өөрсдийн Тэнгэрлэг Аавын талаар үр хүүхдүүддээ зөв ойлголтыг өгөхийг хүсэж байгаа бол Бурхан бидний хүүхдүүдэд хэрхэн ханддаг тэр зарчмуудыг бид эхлээд ойлгох хэрэгтэй. Христитгэлт аавуудад байх ёстой хэд хэдэн зан чанаруудын талаар Др.Стэнли та бүхэнтэй ярилцах болно.

БИДНИЙ ТЭНГЭРЛЭГ ЭЦЭГ - 2 хэсэг

2000 жилийн тэртээд нэгэн хүү мэндэлжээ. Хэдийгээр тэр хүү бусад хүүхдүүдтэй адилхан байсан боловч нэг л онцгой хүү байсан юм. Насанд хүрсэн хойноо түүний энэ онцгой байдал нь бүр ч илэрхий болсон юм. Түүнд гайхамшгуудыг бүтээж, өвчнийг эдгээж, үхэгсдийг амилуулах онцгой чадвар байв. Тэр сургаал айлдаж, эрх мэдэлтэйгээр сургасан. Түүний сургаалууд мэргэдийг гайхшруулж байсан. Энгийн хүмүүсийн хувьд энэ бол байдаг л нэгэн гайхамшигтай түүх. Харин үнэндээ энэ үнэн бол Христ итгэлийн үндэс суурь юм. Энэ Есүс гэж чухам хэн юм бэ? Энэ хүн яг хэн юм бэ? Хамтдаа нэвтрүүлгийн энэ удаагийн дугаараар Др.Стэнли бидэнд БУРХАНЫ ХҮҮ ЕСҮС ХРИСТ гэсэн сэдвээр хуваалцах болно.

ЕСҮС ХРИСТ БОЛ БУРХАНЫ ХҮҮ

Хэн нэгэнтэй сайн дотно харилцаатай байя гэвэл хоёр талын харилцаа зайлшгүй шаардлагатай байдаг. Энэ зарчим та бидний Бурхантай харилцах харилцаанд ч мөн адил үйлчилнэ. Бид хурдхан шиг залбираад хүсэлтүүдээ Бурханд гялс мэдүүлчихээд өөр өөрсдийн амьдралын зам мөрийг хөөдөг шүү дээ. Залбиралд иймэрхүү байдалтай хандсанаар бид ялагдал хүлээдэг. Бурхан зөвхөн бидний хүсэлтүүдийг сонсоод зогсохгүй Тэр биднийг өөртэй нь хамт цаг өнгөрөөх үед тайвшрал, урам бас явах чиглэлийг маань зааж өгөх хүсэлтэй байдаг. Та бидэнтэй хамт байж ЯРЬДАГ БУРХАНы талаарх бодит үнэнг хүлээн авна уу.

ҮГЭЭ АЙЛДДАГ БУРХАН – 1 хэсэг

Зарим хүмүүс аймшигтай гэмт хэрэг үйлдчихээд үүнийгээ Бурхан намайг хий гэж хэлсэн гэж хэлдэг. Тэд Бурхан тэдэнд үгээ хэлж эсвэл үзэгдэл үзүүлж, удирдсан гэж мэлздэг. Харин Христэд итгэгчид бид Бурхан хэзээ ч өөрийнхөө үгээс эсрэг зааврыг бидэнд өгөхгүй гэдгийг сайн мэднэ. Гэхдээ та Бурхан үнэхээр зүүдээр дамжуулж эсвэл үзэгдэл, эсвэл ямар нэгэн гайхалтай арга замаар дамжуулан үгээ хэлдэг юм болов уу гэж гайхаж байж магадгүй. Өнөөдөр Др.Стэнли ҮГЭЭ АЙЛДАГ БУРХАН сэдэвтэй сургаалаараа энэхүү асуултад хариу өгөх болно.

ҮГЭЭ АЙЛДДАГ БУРХАН – 2 хэсэг

Таны хандлага юу сонсох вэ гэдгээ шийдэж байдаг. Хэрэв Их Эзэнд болон Түүний хэлсэн үгэнд анхаарал тавьдаг бол Түүний үнэнийг олох болно. Харин та нөхцөл байдалд анхаарлаа хандуулсан бол огт өөр зүйл сонсож магадгүй.

БУРХАНЫ БИДЭНТЭЙ ЯРИХ ЗОРИЛГО - 1 хэсэг

Бурхан бидэнд хэзээ ч чухал биш эсвэл шаардлагагүй зүйлийг айлддаггүй. Бурхан айлдсан л бол түүнийг нь бид анхааралтай сонсох хэрэгтэй. Тийнхүү бид Бурханы заавруудыг нарийвчлан ойлгож, үр дүнтэй даган биелүүлж чадна шүү дээ. Тэгвэл Бурхан бидэнд яг юу өгүүлж байгааг бид яаж мэдэх үү? Бурхан бидэнтэй харилцдагийн цаад учир шалтгаан нь юу вэ? Бурхан бидэнтэй маш тодорхой ойлгомжтойгоор мөн тодорхой зорилготойгоор харилцдаг. Бурханы бидэнд хандан хэлж буй үгсийг ойлгохын тулд бид эхлээд Бурханы бидэнтэй харилцдаг цаад зорилгыг ойлгох хэрэгтэй. Бурхан бидэнтэй ярихад бид ямар хариу өгөх вэ? гэдгээ өнөөдрийн сургаалын дараа маш сайн ойлгож авна гэдэгт итгэж байна.

БУРХАНЫ БИДЭНТЭЙ ЯРИХ ЗОРИЛГО - 2 хэсэг

Та бид асуудалд орж хүнд байдал тулгарах үед бусдаас тусламж зөвлөгөө авахыг хүсдэг. Гэр бүлийнхэн болон найз нөхөд маань сайн зөвлөгөө өгч болох хэдий ч бид юуны түрүүнд Бурханаас зөвлөгөө авч байх хэрэгтэй. Одоо Др.Стэнли Бурханыг дуулгавартай сонсож чадалгүй өнгөрөөхийн хор уршгийг тайлбарлаж өгөх болно. Хүмүүс ер нь асуудлыг шийдэх хамгийн амар хялбар эсвэл хамгийн боломжийн үндэслэлтэй мэт харагдах арга замуудыг зөвлөдөг. Гэвч энэ бүгд Бурханы арга зам байдаг юм биш. Та бусдын зөвлөгөөг авахаасаа өмнө Бурханы үгийг дуулгавартай дагаж чадалгүй өнгөрөөхийн үр дагавар юу болохыг анхааран сонсоорой.

БУРХАНЫГ СОНСОХГҮЙ БАЙХЫН ХОР УРШИГ – 1  хэсэг

Адам Ева хоёр Бурханыг хэнээс ч илүүгээр таньж мэдсэн хүмүүс байсан. Тэд Бурхантай маш ойр дотно харилцаатай байсан. Тэдний харилцаа гэм зэмгүй, нүглээр бохирлогдоогүй байсан. Тиймдээ ч тэд Бурханы дуу хоолойг сонсохдоо яг байгаагаар нь сонсдог байсан. Гэсэн хэдий ч Эхлэл 2:17 дээр гардаг Бурханы нэгэн тушаалыг тэд зөрчсөн байдаг. Харин чи сайн мууг мэдүүлэгч модны жимснээс огт идэж болохгүй. Чи идсэн тэр өдөртөө зайлшгүй үхнэ гэж айлдав. Энэ бол Бурханы тушаал байсан юм. Харин Адам Ева хоёр Бурханыг сонсоогүй. Өнөөдөр бид тэдний энэ алдаанаас суралцах болно. Бурхан бидэнтэй ярилцах үед бид Түүнийг сонсож дуулгавартай дагах хэрэгтэй юм шүү. Ингээд Др.Стэнлийг хүлээн авч сонсоцгооё.

БУРХАНЫГ СОНСОХГҮЙ БАЙХЫН ХОР УРШИГ – 2 хэсэг

Бид өдөр бүр янз бүрийн дуу хоолой, яриа, мэссэж, дохио чимээ хүлээн авч байдаг. Радио, ФМ, сонин сэтгүүл , зурагт, компьютер, гэр бүл, найз нөхөд, хамт суралцагсад, хамт ажиллагсдаас ирж байгаа дуу хоолой, мэдээ мэдээлэлүүд тан руу чиглэн уралдаж байдаг гэж хэлж болох юм. Энэ их замбараагүй дуу шуугиан дундаас Бурханы дуу хоолойг ялгаж таньдаг байх нь маш чухал байна. Өнөөдөр Др.Стэнли ХЭРХЭН БУРХАНЫ ДУУ ХООЛОЙГ ТАНИХ талаар бичээсийн дагуух тодорхой удирдамжийг өгөх болно. Бурханы ярьж байгааг тодорхой мэдэж болох маш үнэ цэнтэй зарчмуудыг та мэдэж сонсох болно.

БУРХАНЫ ДУУ ХООЛОЙГ ТАНИХ НЬ – 1 хэсэг

Христэд итгэгч бидний хувьд Эзэнийхээ дуу хоолойг таньдаг байх нь чухал юм. Бидний эргэн тойронд байнгын үйл явдал өрнөж, чимээ шуугиан гарч байдаг шүү дээ. Өнөөдөр Др.Стэнли бидэнд Бурханы дуу хоолойг таних 11 зааврыг өгөх болно. Та эдгээр зааврыг сайтар ойлгох юм бол та өөрийн Эзэн Есүс Христийн дуу хоолойг тодорхой ялгаж сонсож чадах болно.

БУРХАНЫ ДУУ ХООЛОЙГ ТАНИХ НЬ – 2 хэсэг

Баптисм буюу усан баталгаа ямар утгатай юм бэ гэдэг талаар хүмүүс маш олон янзын бодолтой байдаг. Нялх хүүхдийн баптисм, насанд хүрэгчдийн баптисм, живүүлэх баптисм, гоожуулах баптисм, цацах баптисм гэх зэрэг баптисмын арга хэлбэрийг өнөөдөр Христийн сүм чуулганууд өргөнөөр хэрэглэдэг. Тэгвэл энэ талаар библи юу гэж өгүүлсэн байдаг юм бол? Энэхүү зан үйлийг хэрхэн үйлдэх , хэзээ үйлдэх нь тийм чухал юм болов уу? Хэрэв зүрх сэтгэлдээ чин сэтгэлээсээ итгэж байгаа л бол баптисмыг яаж хийх нь тийм чухал биш юм биш үү? Өнөөдөр Др.Стэнли энэ талаар библи дээр юу гэж өгүүлсэн байдаг талаар тодорхой ойлголтыг өгөх болно.

БАПТИСМ: ҮҮРЭГ ҮҮ? СОНГОЛТ УУ?

Үнэнээр явбал үхэр тэргээр туулай гүйцнэ. Худал үгээр хол явахгүй ээ гэж бид ярьцгаадаг. Харамсалтай нь энэ хөдөлшгүй үнэнийг чуулган хүртэл баталж байх юм. Олон номлогч, олон багш нар тэр байтугай зарим нэг урсгал хагас үнэн дээр тулгуурлан зааж байна. Тэд библийн зарим хэсгийг сонгож аваад бүхэл бүтэн теологи боловсруулсан байдаг. Ингэж боловсруулсан итгэлийн систем нь гаднаасаа зөв мэт харагдавч үнэндээ Бурханы үгийг хүмүүст бүрэн бүтнээр хүргэж чаддаггүй. Др.Стэнли өнөөдөр ИТГЭЖ БАЙГАА ЗҮЙЛЭЭ МЭДЭЖ БАЙХ НЬ хичнээн чухал болохыг бидэнд хуваалцах болно.

ЮУНД ИТГЭХ НЬ ЧУХАЛ УУ? – 1 хэсэг

Маш олон итгэгчид хэрэв бид итгэлтэй байвал Бурхан бидний гуйсан бүх зүйлийг өгнө гэдэгт итгэдэг. Учир нь тэдэнд хүмүүс тэгэж заасан байдаг. Гэтэл библи ингэж хэлээгүй юм. Библи ингэж заадаггүй. Бусдаас сурсан зүйлээ библиэр шалгаж байхгүй бол бид төөрөн одох болно. Өнөөдөр Др.Стэнли бидэнд худал хуурмаг сургаалыг Бурханы үгээр шалгах үүрэг хариуцлага нь биднийх юмаа гэдгийг сануулж байна. Та өөрийнхөө юунд итгэдэг гэдгийг сайн мэдэх үү?

ЮУНД ИТГЭХ НЬ ЧУХАЛ УУ? – 2 хэсэг

Энэ дэлхийд үй олон хүмүүс амьдардаг. Тэр бүх хүмүүс Бурханыг өөр өөрийнхөөрөө төсөөлдөг. Тэгвэл итгэгч бидний хувьд библи Бурханы талаар чухам юу гэж өгүүлдэг вэ гэдгийг мэддэг байх нь туйлын чухал билээ. Магадгүй та библийн Бурхан Эзэнийг яг хэн гэж тодорхойлох вэ гэдгээ сайн мэддэггүй байж болно. Эсвэл магадгүй бусад хүн таны итгэлийг сорих үед та яахаа мэдэхээ болих үед тохиолддог байж болно. Хэрэв тийм бол өнөөдрийн нэвтрүүлгийг заавал сонсоорой. Учир Др.Чарльз Стэнли бидэнтэй Юунд итгэдэгээ мэддэг байх нь ямар чухал вэ? Гэдэг талаар ярилцах болно. Бидний итгэлийн амьдралд зайлшгүй байх ёстой ойлголтууд яг ямар байх вэ гэсэн зураглалыг бидэнд өгөх болно.

БИДНИЙ ИТГЭЛИЙН ХЭВ МАЯГ - 1 хэсэг

Өнөөдөр сүм чуулганы хамгийн гол зорилго нь юу вэ? Хэрвээ та урсгал чиглэл шашны байгууллагын зорилго руу хазайх гэж байгаа бол энэ нь маш том асуудал болж хувирна. Харин библи бидэнд итгэгч нэг бүрт өгөгдсөн Бурханы зорилгын талаар өгүүлдэг. Өнөөдөр Др.Стэнли бидэнд БИДНИЙ ИТГЭЛИЙН ХЭВ МАЯГ ямар байх ёстой талаар өгүүлэх болно.

БИДНИЙ ИТГЭЛИЙН ХЭВ МАЯГ- 2 хэсэг

Та муу ёрын сүнс болон түүний довтолгоо, төлөвлөгөөний талаар хэр ихийг мэддэг вэ? Муу ёрын сүнсийг үнэхээр бодитой гэж боддог уу? Эсвэл сүм чуулганы зохиосон үлгэр домог гэж боддог уу? Энэ талаар библи бидэнд хэлэхдээ сатан болон түүний муу хүчнүүд бол Бурханы хүмүүсийг хуурч мэхлэн, тэднийг унагахын тулд юу ч хийхээс буцахгүй аюултай дайсан юм хэмээн сануулдаг. Тиймээс итгэгч бидний хувьд бурханлаг ялгуулсан итгэлийн амьдралаар амьдрахын тулд сатаны талаар библид юу гэж өгүүлсэн байдаг талаар мэдэж байх нь маш чухал юм. Өнөөдрийн сургаалаар Др.Стэнли бидэнд сатан болон бидний мөнхийн хувь тавилангийн талаар өгүүлэх болно.

БИДНИЙ ИТГЭЛИЙН ХЭВ МАЯГ- 3 хэсэг

Тоорын мод яагаад алим биш тоор ургуулдаг юм болоо? Гэж та бодож байсан уу? Ямар утгагүй асуулт вэ? Гэж та бодож байж болох юм. Утгагүй асуулт байж магадгүй л дээ. Та бид бүгдээрээ л ямар мод байна тийм л жимс ургадаг гэдгийг сайн мэднэ. Модоосоо шим тэжээл авсан мөчир өөрөөсөө үр жимсийг ургуулдаг. Яг л үүнтэй адилхан Ариун Сүнсний оршихуй итгэгч хүн нэг бүрийн амьдралд ариун амьдралын үр жимсийг ургуулдаг. Ариун Сүнс хүн нэг бүрийн амьдралд орж ирэн Эзэний нүдэнд тааламжтай сүнслэг үр жимсийг ургуулахыг хүсдэг. Итгэгч хүний амьдрал дахь Ариун Сүнс хүч чадал хэмээх өнөөдрийн сургаалаас их зүйлийг сурч авах болно.

ИТГЭГЧ ХҮНИЙ АМЬДРАЛ ДАХЬ АРИУН СҮНСНИЙ ХҮЧ ЧАДАЛ – 1 хэсэг

Библийн боловсрол олгох радио үйлчлэл

ХАМТДАА нэвтрүүлэг

ИТГЭЛ РАДИО