باسم

نبراس الكرامة

♥️بآسم الكربلائي

استشهاد أمير المؤمنين

[مساحتها الألم والنافذات جروح]

كلمات الأديب جابر الكاظمي
أداء و ألحان الرادود علي مهدي
.....

هالليله الفكر محتار   بين الزهره والكرار
بين الباب   والمحراب
قسَّمْنه الدمع والنار   بين الزهره والكرار

★★★★★

طردني الصبر من بابه ورِحِت للنوح
لگيت ابوجهي باب النايحه مفتوح
أحس چن روحي دار اتشيّدت مو روح
مساحتها الألم والنافذات اجروح
هاي الدار دار الينتحب وينوح
ممنوع الصبر بس الحزن مسموح

حزني اعله ام ضلع مهشوم   نوحي اعله الوصي المظلوم
بين الآه   والويلاه
قسَّمت الحزن أدوار   بين الزهره والكرار

★★★★★

دخلت لدار نوحي وأسفح العَبره
أحس ويّايه يبچي العالم بأسره
ضلع عمري انكسر واستَهْوَنِت كسره
بچيت لكسر ضلع الطاهره الزهره
افْجَرِت بركان حزني ونثَّرِت جمره
ووزَّعت الجمر عالضلع والطبره

واجْعَلِت الدمع نهرين   للزهره ولبو السبطين
بالحسرات   والآهات
شطَّرت الدمع أشطار   بين الزهره والكرار

★★★★★

انفگد هابيل صبري والگلب آدم
وخليل النوح بعيوني حفر زمزم
على ضلوعي ادفَعِت باب القهر والغم
رِدِت ضلعي اويه ضلع الزهره يتهشَّم
ركن حِلمي انصدع عالبضعه واتهدَّم
وصخر صفوان صبري اتنثَّر امْن الهم

نهاري لفاطمه ونّيت   ليلي اعله الوصي حنّيت
يالمحزون   شفت اشلون
أجري ادموعي ليل انهار   بين الزهره والكرار

★★★★★

اخْتَمِت قرآن دمعي ابمسجد عيوني
وعلى كعبة اجروحي طافت اظنوني
ألوذ بصبري أهل الصبر يَردوني
ألوذ اشلون وآنه امجرّحه اجفوني
مصاب الزهره هد حيلي وخطف لوني
أنوح بكل مسافة عمري خلّوني

أجري العَبره يم الباب   لو أجريها بالمحراب
عالمهضوم   دمعي ادموم
أبچي اعله الجره والصار   بين الزهره والكرار

★★★★★

دِليلي اعله الصبر ياما بذل جهده
اشيصبر والرزايه اتجمِّعت عنده
ينوح اعله الوصي وبالنوح ما يِهْدَه
على اللي طاح دامي ابموضع السجده
هالليله أبو الحمله انحفر لحده
وبين آدم ونوح الجثّه متوسده

هالليله الوصي مطروح   بين آدم أبوه ونوح
ما ملّيت   من ونّيت
ونثَّرت الگلب نِثّار   بين الزهره والكرار

★★★★★

انصرع فرض الصلاة ابوسط محرابه
ودين الباري طبروا هامة اكتابه
أبو الحمله علي ما يضمد اصوابه
انطبر واتزلزلت هالدنيه لمصابه
وگع وانخضب وجه اللوح بخضابه
وغابت كل معاني الحكمه بغيابه

دم طبرة علي المسفوح   ما بين القلم واللوح
هالصرخات   والعبرات
يا جمرة حزن تختار   بين الزهره والكرار

★★★★★

مساحة الألم - استديو (كاملة)

[انت الإنسان]

   تاريخَكْ هُوَّه البُرهانْ    يا حيدَر إنتَ الإنسانْ
   مَنعوفَكْ نِتْمَسَّكْ بيكْ    و العالَمْ كلَّه يْناديكْ

                     يا حيدَر إنتَ الإنسانْ

١/ إلَكْ يا جامِعْ الأضْدادْ     مَناقِبْ تشْهَد بْفَضْلَكْ
الفصاحَه أفصَحْ الوادِمْ      العَدِلْ مَحَّدْ بِلَغْ عَدْلَكْ
الكَرَمْ مَحَّدْ گِدَرْ يوصَلْ       كرَمْ إحسانَكْ و بَذْلَكْ     
الشَّجاعَه أشْجَع الشُّجعانْ  الصَّبُرْ مَحَّدْ صُبَرْ مِثْلَكْ

  يا أوحَد ما بينْ النّاسْ   و انتَ بْغيرَك ما تِنْقاسْ
  مَحَّد بالدِّنْيا يْضاهيكْ      و العالَمْ كلَّه يْناديكْ

                     يا حيدَر إنتَ الإنسانْ

          _________________________

   تاريخَكْ هُوَّه البُرهانْ    يا حيدَر إنتَ الإنسانْ
   مَنعوفَكْ نِتْمَسَّكْ بيكْ    و العالَمْ كلَّه يْناديكْ

                     يا حيدَر إنتَ الإنسانْ

٢/ بْعُلومَكْ صِرِت إنْتَ البابْ  لْمَدينَةْ عِلِمْ هادينَهْ
وْ بَلاغَةْ مَنْطِقَكْ حُفْظَتْ        أدَبْنَه بْكلْ مَوازينَهْ
إلَكْ نَهْجِ البَلاغَه شْهودْ          كِتابِ بْعِلْمَه يِهدينَه
رِجالِ العَالَمَ اعْتَبْروهْ                بَعَدْ قُرْآنْ بارينَهْ

  عْيونَكْ تَوْراة وْ إنْجيلْ   و بْگَلْبَكْ وَحْيِ التَّنْزيلْ
    قُرآن الباري يْحَيِّيكْ       وِ العالَم كلَّهْ يْناديكْ

                    يا حيدَر إنتَ الإنسانْ

          _________________________

   تاريخَكْ هُوَّه البُرهانْ    يا حيدَر إنتَ الإنسانْ
   مَنعوفَكْ نِتْمَسَّكْ بيكْ    و العالَمْ كلَّه يْناديكْ

                     يا حيدَر إنتَ الإنسانْ

٣/  يَتِرْسانَةْ أُبو ابْراهيمْ   الشَّجاعَه البيكْ ما تِنْحَدْ
تِشْهَدْ بَدِرْ وِ الخَنْدَقْ        وْ صِفّين وْ أُحُدْ تِشْهَدْ
عَلى الوِدْ عَلَّمِتْ سيفَكْ     ارگابْ الزِّلِمْ يِتْوَدَّدْ
بْألِفْ فارِسْ بَعَضْ مِنْهُمْ    بْساحاتِ الحَرُبْ يِنْعَدْ

  تْعوفْ الهارِبْ مِنّ ايْروحْ   وْ ما تِضرُبْ طايَحْ مَجْروحْ
  بْأخْلاقَكْ مِنْهو يْساويكْ    وِ العالَمْ كلَّهْ يْناديكْ
   
                    يا حيدَر إنتَ الإنسانْ

          _________________________

   تاريخَكْ هُوَّه البُرهانْ    يا حيدَر إنتَ الإنسانْ
   مَنعوفَكْ نِتْمَسَّكْ بيكْ    و العالَمْ كلَّه يْناديكْ

                     يا حيدَر إنتَ الإنسانْ

٤/ عِشِت كلِّ العُمُرْ زاهِدْ    وَلا واحِدْ وِصَلْ زُهْدَكْ
لْتَطْبيقِ العَدِلْ ظَلِّيتْ          تِبْذِلْ بالحُكُمْ جُهْدَكْ
قَوانينِ العَبِدْ وِ الحُرْ           تِساوَتْ يا عَلي عِنْدَكْ
بْعَدالَه تْوَزِّع الأمْوالْ         حَتّى لو شَخِصْ ضِدَّكْ

  إنْتَ الْحَقْ وِ انْتَه الميزانْ   يا أعْدَلْ ما بالأكوانْ
  ميزانِ الحَقْ بين ايْديكْ     و العالَمْ كلَّهْ يْناديكْ
 
                      يا حيدَر إنتَ الإنسانْ

          _________________________

   تاريخَكْ هُوَّه البُرهانْ    يا حيدَر إنتَ الإنسانْ
   مَنعوفَكْ نِتْمَسَّكْ بيكْ    و العالَمْ كلَّه يْناديكْ

                     يا حيدَر إنتَ الإنسانْ

٥/ إبِنْ مُلْجَمْ طُبَرْ راسَكْ    وِ انْتَهْ لْإبْنَكِ تْوَصّيهْ
يَبْني انْطيهْ مِنْ أكلَكْ         وِ اذا عَطشانْ مايْ انْطيهْ
ضَرْبَه بْضَربَه وِ اتْحَذَّرْ       غَريمَكْ لا تِمَثِّلْ بيهْ  
و إذا آنَه عِشِتْ يَبْني          أكيد مْنِ القِصاص اعْفيهْ

  ما مِثْلَكْ يا حامي الجارْ    مَغدور يْحِنْ عالغَدّارْ
  بالرّوح و بالدَّمْ نِفديكْ      و العالَمْ كلَّهْ يْناديكْ

                     يا حيدَر إنتَ الإنسانْ

          _________________________

   تاريخَكْ هُوَّه البُرهانْ    يا حيدَر إنتَ الإنسانْ
   مَنعوفَكْ نِتْمَسَّكْ بيكْ    و العالَمْ كلَّه يْناديكْ

                     يا حيدَر إنتَ الإنسانْ

٦/ بْمَغيبَكْ يا عَلي غابَتْ    ثالِثْ شَمِسْ لِلْعِصْمَهْ
وْ دِفْنَوا باللَّحَد وَيّاكْ       القِيَمْ وِ العَدِلْ وِ الحِكْمَهْ
إمام الأُمَّه بالمِحرابْ         صَريع مْخَضَّب بْدَمَّهْ
وكل قطرة بدماءك نور     بشعاعه يهدي الأمّة

 دِفْنَوا جِسْمَكْ يا كَرّارْ    ظَلْ نورَكْ يِهدي الأبْصارْ
 و الإنْسانيَّه تْواسيكْ        و العالَمْ كلَّهْ يْناديكْ

                     يا حيدَر إنتَ الإنسانْ

يا حيدر انت الانسان - استديو

كل قطرة دم بشرياني - باسم الكربلائي

باسم الكربلائي // قصيدة قوم ارويها من التراث الباسمي

زيارة وارث - باسم الكربلائي

سامحيني - الملا باسم الكربلائي ليلة 7 محرم 1436 هجرية

دعاء العهد - بصوت الملا باسم الكربلائي

مجموعة من قصائد قديمة للرادود الملا باسم الكربلائي 

العلم عـ القاع ياحيدر - باسم الكربلائي - قديم

دعاء الصباح - باسم الكربلائي

اكتب عذابي - الحاج باسم الكربلائي

انت نبراس الكرامه - استديو

youtube.com/watch?v=JEAqFOfDeYo

توضت زينب | الرادود باسم الكربلائي

حلم الزيارة  الرادود محمد مطوع  محرم 1439 هـ

شِيعِيْ أَنَا والْحِزِنْ شِعَارِي . . والتّضْحِيَهْ والْفِدَا قَرَارِي
إِنّي أَنَا الشّيعِي وَالله شَهِيدْ . .  مَاقَدْ خَشَيْتُ أَيّ جَبّاراً عَنِيدْ
مَالِنْتُ يَوْماً لَا وَإِنْ لَانَ الْحَدِيدْ . . صَارْ الْعَزِمْ وِالْوِفَى اخْتِيَارِي



♡̷̬̩̃̊ КΑЯΑМ Αℓ- JΑƑΑЯ •̸♡̷̬̩̃̊

شِيعِيْ أَنَا والْحِزِنْ شِعَارِي . . والتّضْحِيَهْ والْفِدَا قَرَارِي

أنا حبّي علي وغرامي علي - استديو

مرت سنة ونص | الرادود باسم الكربلائي

كلما نوقف بمحراب نذكر نورك الي غاب - استديو

الفضا اتغير عقب حيدر - استديو

 حسافة من اصدار مناجاتي 

حسافة بزماني - باسم الكربلائي - من اصدار مناجاتي

صليت -باسم الكربلائي

Basim Karbalaei - Laisha Ta akhar Abbas - ليش تأخر عباس - باسم الكربلائي

باسم الكربلائي - حرت وعيوني ماينشف دمعها قديمة

جينا ننشد كربلاء امضيعينها بيها زينب قالوا ميسرينها .. السلام على الحوراء زينب