Bigyun : 

هاي الوصايا العشرة,قضايا عنشرة,إحنا بقايا ع كبرة
مصايب هالفترة ما بتنكال بمكيال واحد ولا بتنقال على سفرة
طلّعلن أحشائك ليعرفو إلي بداخلك هيك بترتاح على فكرة!
بدخل بعلاقات كتير بس بثبت لهيك ما بسميهم وعرة.
واقف بمكاني بس عم أهرب..شجرة مقطوعة بس رح انبت 
و قد ما عرفت حالي منيح رح أنسى,ورح أسرح انا وعم اكتب
ولما عم دور عحالي بين هالناس بين هالورق حالي عم صادف
و الوقت الي ضيعتو عهدول الناس عم آخدو بدل ضايع 
و عم دور عقيمتي كرقم فيهم,ممتلي من كلشي إلا القيمة 
و الدنيا كل يوم بتعاقبني..كإني شاهدلا على شي جريمة 
بعيش لوفر عحالي خسارة.مكشوف زي مسرح بدون ستارة
معروفة كواليسي..بس شو دوري فيها اذا مش عارف الدنيا وأسرارا
مبعثر بجمّع حالي,ولو كان هالشّي بالزور.
وعود هالنّاس إلي انعهدت بدمّن..طلعت وعد بلفور
وإلي كتبتو بساعة مصمود سنة قدام 
وإذا عرفت بثانية راحة..مسنود بعد مانام

جعفر : 

بكل قوة عم بصدم
واقف ثابت بس عم بهجم
الالهام من حالي بينجم 
حقيقي لو بحفلة تنكر
امتحان باثبات الذات
هيك تعلمت بين الجادات
لازم معركتك انتصارات
الي ما بيحسب بيقولو مات
الي براك جواك
الي جواك سواك
الي سواك فرجاك
الي فرجاك رباك
احباط الارباك
هي تضيق ع كيفها
انا بشق طريقي اشتقاق
لسااااا هاد مش الطموح رح ضل ابوح لو صوت مبحوح ما بعيد نزوح
ما بعيد نروح و ننسا الموضوع و نعيد الجروح  
اذا شي يوم علقت لوين رح نرجع نروح 
حديثنا متل دمنا .... مسفوح 
الناتج مطروح 
درس مش مشروح 
قتل كل يوم .... ارهاب مشروع 
اذا الكل دمى مين الي بيحرك ؟ 
والكل دَما مين عم يضرب
كل م قول بدي ابعد بلاقيني عم قرب 
و من برودي صار الكل مشوب
بدي جيب ذكرياتي بس عم دور ع مهرب 
حاطط كتاب حياتي  عم شطب 
كل ما قول خلصت بلاقيني عم كمل 


prod by : mohammad shalash

احداث|ft.BigYun|prod:mohammad shalash

أجد نفسي في الموسيقى، أكثر ممّا أجد نفسي في هذا العالم. 

احداث|ft.BigYun|prod:mohammad shalash

Jafaar Khalil