الضحكة من تشوفة صدفة
الدمعة من تگول ولفي وهو ولفك عندة ولفة
الطيبة من تعشك حلال وتالي تندم
الغربة من ادكلة احبك والجواب يصير تسلم
الذلة من يكودة غيرك
الحزن من تشوفة نشف ماي بيرك
الشوك من يضيع صوتك ويحجي بس صوت الصور
البرد من تعيش بس عايز بشر
الوحدة من تزيد ربعك
الظلم لو كلبك غلط وتعض اصبعك
الحيرة من أدور اعذار لدمعتك وانت تعرف بي سببها
الرجفة لو شفت الليشبها
الحسرة لو شفت المكان اللبي جنت وياه تكعد
الصفنة من تتمني موعد
انكسارك من تجي ادز الرسايل
طيحتك من مايرد من عندة زاجل

شوف روحك كبل لا شامت يشوفك
لا تسولف محد يقدر ضروفك
باجر اللحبك يعوفك
وموش تصفن عادة الليصفن يحن لكل بداية
وانتة من حمل اللتذكرة شواية الله اعلة النهاية
مشيت وتيهت دربي على الله
وينشدوني الخلك واصرخ على الله
مكابل صورتك واعتب على الله
خذاك وخلة خيط خبال بية
جوية البارود موتة
الملكة فاهي بلا شرار
جنة ماتنطيك كلشي ماتسير بيها نار
الجرح مرات صيت الجبل مجروح غار
شما تعب نام اعلة دربة هيج كاضيها القطار
صفنة الشباج موعد مشيت المخيط حبي

صفنة الشباج موعد مشیت المخيط حبي
اغلط كبال الليكرهك شوفة يتحول نبي
جدام كل نهران شك
عيشة البسمار دك
غلطة الغلطان حك
ساعة الفركة دهر
نومة الفاكد سهر
ضحكة الفشلة قهر
مامشة بزود بحياتة راي ماعندة النهر
الحلم مو دومة وهم
الحجاية اللتغثك سهم
الشارد من الوطن ليش بجنطتة تلكة العلم
الليكبر يظل اعلة طبعة
طيحة الروجة اعلة ربعة
سوالف الموكدها ذل
تريد تغلة هواي قل
اسم الله المكروه حل

محمد خضر طالب القرةغولي عباس الغالبي يمذبل جفونك خجل كاظم اسماعيل الكاطع حسين نعمة ما بيه حيل معاتبك يا رفكتي الليل ينشد موال

‎⁨الضحكة مِن تشوفة صِدفة•• محمد خضر

نحن جثث تعلم اليأس وتقبل نفسها. على الرغم من أنفسنا ، نحن نعيش ونموت فقط لتحقيق شكلي لا يضر: كما لو أن حياتنا تعتمد فقط على المضي قدما في اللحظة التي يمكننا التخلص منها ...

https://instagram.com/jtk_jafar?utm_medium=copy_link

‎⁨الضحكة مِن تشوفة صِدفة•• محمد خضر

Jafar Taleb