my fazza

ياللي تِـمر عْروق قلبي نَـظـرتك وتْتـلَّها

ألله عليك مْن الحسد واهل الحسد والله لنا

الشيله اللي فوق وجهك يا حبيبي شلَّها

خل الخجل منّك وسولف لي ما غير انته وانا

سوالفك حلوه ، ومن زود الغلا ما املّها

ألله من حرفٍ تمَكَّن في شفايفك وْ دَنا

إلى ثنيت رموشك اللي فوق خَدّك ظِلّها

يعكس تثنّاها ، تعال وشوف قلبي لا انثنى

إر سم لي اللهفه ودع نفسي تبرِّد غِلَّها

مصيرنا نفنى ، وكم واحد من الدنيا فنا

لو قلت إن الشمس ت شبه طلّتك في طلّها

يوم اشرقت والورد متفتِّح وجاهز للجنا

أقدر أقول لنور وجهك يوم تشرق ذلَّها

ميّزك من سوّاك عنها في الشروق وْفي السنا

القلب بَعْدك ثار ، والعين الدموع تهلَّها

ليه الشقا ليه الزعل ليه ْتمسك بالعنا

إثنينهم .. حزن الحبايب مَرَّها واحتلَّها

بعد المحبّه والمودّه والمواصل وَالهَنا

إن قلت لي بارجع عليها قلت روح وْخلَّها

الأمْن .. ليس مستقِرٌّ لا هناك وْلا هنا

الضيقه اللي في صدر رجّال وش هو حلَّها

خصوصاً ان كانت طموحاته طموحاتي أنا

Ant Wa Ana- Fazza-أنت و أنا - فزاع

لا تعـاتـبني على مزحـي معـاك

وتـعـتـبـر مـزحـي وسـيـله للـجـفا

لو خطاي وْمزحتي كانت خطاك

كـان قـلـبـي يا حـبـيـبــي قِـد عـفـا

لان قلبي مطـلبه يكـسب رضاك

وعاهـدك يا صاحـبي عهـد الـوفـا

عاهدك ما يعـشق انسانٍ سواك

وْعن جـميع الناس شايـم واكتفى

إكـتفى بك إنت بالـذات وْعـطاك

أصـدق الإحـساس والأعـظـم خفا

كيف تجـفي صاحبٍ ما قد جفاك

وْ في غيابك طرف عينه ما غفى

ينتظر وصلك يبي عَـلّ وْ عساك

تـسمـح الـزلـّه وْخـفــّاقـك صـفى

لـدّني بَـردك وانـا احـتـاج لدفاك

حاجـة الـقـطـب الـشـمالي للــدفا

إنت غالي وْ ماحدٍ ياصل غـلاك

لـو تـجافـيـني .. وتـعـطـيني قـفا

واللـيـالـي مالهـا معـنـى بـَــلاك

والـمـفارق جـرح .. واللقـيا شفا

ما هقيت ان ترمي الماضي وراك

بـس ذا الـمـرّه أفـا …  والله أفـا

Fazza Afa Walla Afa- أفـا والله أفـا - فزاع

الله خلق لي نفس تسـمو على البوح

ماهـيب لا ضاقـت من الهـم باحـت

على كثر ما شفت ضيقات وجروح

لا الوجه متغـيّر ولا العـين صاحت

أبـشـّرك .. بـشـارة الـروح للـروح

تـبي تطـيّحـني اللـيـالي و طـاحـت

هـذا أنـا والـوجـه باسـم ومـشـروح

وجهٍ بروقـه لمعـظم الناس لاحـت

كم محزم ٍ بنى على شـوفه صروح

وكم نفس من طارف عطاه استراحت

ألله وهـبـنا عـز و امجـاد و طمـوح

وذكـر ٍعـلى جـدران الايـّـام ناحِـت

هذي مراجل ماهي بضحك ومزوح

ماهي شموعي لا ضوا الصبح ساحت

الصـفح خصله والفخر ماله صـفوح

والحزن لا سيطر على الروح ناحت

بعض الجروح تجي لك شوي وتروح

وبعض الجروح ان جات ماعاد راحت

Fazza- Aljarooh- الجروح - فزاع

يتيـم فـاقد شـوفة امّـه من سـنين

وابوه مـات مْن القـهـر والتجـنّـي

ما شاف واحد منهم بْـنظرة العين

والحزن يهدم في الضلوع وْيبـنّـي

تـنزل دمـوعه من لحـون الـمغـنّـين

واهل اللحـون مْن السـعاده تغـنّـي

قالوا تمنّى ؟ قال ابا شوف الاثنين

كـانـه يفـيـد الـميّـتـيـــن التـمنّــي

يا كامل الأوصـاف ، يا نادر الزين

هذا شعـوري كل ما غبـت عنّـي

كيف آتقبّـل تعزية بُـعدك الشـين

وآشـوف عـذّالي تجـيـك وْتهـنّـي

دام الهجر والشـوق والحزن قاسيـن

لـيتـك علـينا يا حـبيـبي تـحـنّـي

يكفيك فـنّي عن فنون الـمحبّـين

كم مـرّه اسـتطربت والـفـن فـنّـي

كـنت آتـأنّى من فراقـك مـعي ليـن

طـوّلـت بفراقك ومـات الـتـأنّـي

وكان الخطا منّك ، مسامحك هالحين

وكان الخطا منّي ، وش تريد منّـي ؟

قصيدة "يتيم" - فزاع

ياللي ذكـرت الهـجر وتحـدِّد الـمهـله

لا ما تـروم الهـجر لو قلـت لي رايـم

الهـجر ، لا تحسب انّه مسأله سهله

الهجر يجـرح خفوق العـاشق الهايم

منهـل شـفايفك منه العيـن من نهـله

لكـن راعـيَّــــها مـن مَـنـهـلك صـــايـم

لا يجهل الحب قلبك ، وان طغى جهله

إفرد جـناح الهـجر يا طـيرنا الحايم

هاجر ودرسك مَعَك والوقت درسَه له

وانا من دروسك وْدرس الزمـن شايم

الوقت .. خـذيت مـنّـه تجـربة كـهـله

وطاحـت من عيوني الدنيا وانا قايم 

والكـفر ملـعـون ابو لـهـبه وابو جهـله

والعـشـق ملـعـون ابو بايعـه والسـايم

طَوِّل وقَصِّر على ما تريد فـي الـمهـله

مصـير قلبـك يـردِّك عاشــقٍ هـايـم

الواحـد يْغـيب عن أهـله ، و هم أهـله

لكـن ، قلـبه يـردّه صـوبـهـــم دايــم 

Fazza - Alhajer - الهجر - فزاع

الـفسـق آفـه .. لكن التـقوى خشـوع

أبـوي رمـز الـعـــز عـلّـمني بـها

يا مدرسـة الامجاد والقلوب البتوع

أنـا على هـقوتـك يا هـاقي بها

مْن الفلاسي ساسي وعندي فروع

من دار زايـد عز الارض وطيبها

شاعر واحب الـفزعه وقلبي فزوع

يالين شـفت الـناس سـمّوني بها

واهل الصمود اللي ماترضى بالخنوع

ألله سـبحــــانـه يشـبّـهـني بـها

أحب من جزل الـبيوت اللي تروع

أهل الـفكـر لا قامـت تـغـنّـي بها

ترى القصيد انـواع وانا كـل نـوع

أبـدع فـي تركـيـبـتـه وآسـالـيبـها

يا اهل السيوف القاطعه واهل الدروع

ترى الـسـنيـن الله يعـلم غـيـبها

أشـبّه الدنـيا على البكرة الدفـوع

دايـم تـكــون الاوّلـه ترتـيبـها

إن واصلـت راعـيّها أصـلـه جــزوع

وان قاصرت بانت فـضايح عيبها

والاّ أشبّـهـها على الـبنـت الـفـروع

إللى عـوى بيـن الـحــنايا ذيبـها

نـقـبل لها مادامـها حـلوه الـطـبوع

ونصـد مـنها لا تكـــاثر شـيبـها

أعمارنا تحسب من ايّام السـبـوع

تجري لكن الـناس ما تدري بها

ويوم الثلوث اللي قبل يوم الربوع

ذكراه فـي قلبي وش آسوّي بها

ويا وردة البستان قطّافك قنوع

وبعض الورود .. الله على تـعذيبها

غنّـيت لك ما تنطرب منه السموع

طـرايـفٍ تـعـجـبك فـي تركـيبها

والبـعد مثل السـيف والـفرقى تـلوع

لا تطري الفرقى وتجرحني بها

لحّنت لك حـزني على وتر الدموع

وخلّـيت قلـب الـعاشـق يغنّـي بها

ومشيت درب فراق ما منّه رجوع

والـمـغـترب نفسـه شكـت تغريبها

لو قلت لي جيب الثريّا.. قلت طوع

أمـد كـفّي للـســــما واجـيـبها

Fazza - Ramz Alezz - رمز العز علمني - فزاع

يا بحر انا سـبّاح وآغـوص وآعـوم

واطـلـق شـنب أقـدر أشـد انتـباهه

وجـاهـتي إنـّي ورث إبـن مـكـتـــوم

واملك من وصوف النـباهه نباهه

والاّ الشِعـر تصوير عن واقع اليوم

لا تـعـتـقــد إنـّـي كـتـبـتـه وجـاهه

ويا نايمين اصحوا ترى كثرة النوم

بـابٍ من ابـواب الكـسل والبلاهه

كم واحدٍ في الأرض ضايق ومحروم

وعينه على جيب الغني وبشراهه

والناس ترحـل بس وجـه الله يْـدوم

والشح في قـلوب المهابيـل عاهه

والطيّـب بْطـيبه مع الناس مـلـزوم

وبخـيل من يبخـل عـليهـم بجاهه

آطـيـح لعـيـون الرجـاجـيـل وآقـوم

وآقـول من باهـاك يا قـلـب بـاهه

يمكن أحصّـل لي من الناس زيزوم

يـشـد انتـباهي قـبل اشـد انتـباهه

Fazza - Entebah- إنتـبــاه  -فزاع

حـبال صوتـك قامـت تقـطـّع حبال

لا طلّعـت نبرات صوتـك حزيني

والناس تشكي حالهم قبل الاحوال

تـشـكي مـن الايـّام واللـوم فـيـني

تعـال تبغي جـزال في ليـلك جـزال

آمـر ويدعـمـك الـولـه والحـنيـني

ما تدري انّي لا انثـنى فكري وقال

رفعـت سوق اهل القصيد الثميني

إلى نقـشـت حروفها نقـش تمـثـال

رسـمت فـيها من تجـارب سنـيني

وخلّـيتك الفكرة وفصـّلت الامـثال

على طريـق الوصل بيـنك وبيـني

أدلّـلـك بالشـعـر تـدلـيـل الاطـفـال

وآضـمّـك بقـلبي وعـقـلي وعـيني

بيني وبين مواصـلك عـدّة امـيـال

مـدري تبـي فـرقـاي والاّ تبـيـني

أقـول لـدروبـك لو دروبـك طـوال

بامـشـيك دام ان الـوفـا يحـتويـني

لكـن لا تــدوّر بـدالــي وتـحـتــال

ما دامـني شـاريـك يا مـشـتـريـني

ما كـل رجّـالٍ يـعـيـضـك بْرجّــال

هـذا مثــــل قـالـوه لـي الاوّلـيـنـي

Fazza - 7baal Sotik - حبـال صوتـك  -فزاع

أحب هاجـوس الشعـر من كل نوع

والـنادره تصـبح بي وأمـسي بها

والهامه اللي ما تعرف الاّ الخضوع

كم في مـياديـن الـشـرف ترتيـبها

مع كـبار السـن .. ياتيـني خشـوع

واشعـر براحـه ماحـد ٍ يدري بها

كم شايـب ٍ ماهو من الـدنيا جزوع

مـتـمـرّس ٍ فـيها … وفـأسـاليـبها

لحـيـتـه فـيها شـيـب لكـنـّه قـنـوع

شوفوا بياض التجـربه في شيبها

باعـياد ميـلاد البدر ليت الشـموع

اللي الـبشر فاعـيادها تضحّي بها

ما تـنور لـرجل ٍ في هالدنيا خنوع

ما تـنـور الاّ للـرجـال .. وطيـبها

واذا الطلوع اصعب على نفوس التبوع

يامـشـرق احـلامـي ويا تغـريـبها

أنا النزول أصعب عليّ من الطلوع

ميـزه بعـض الاحـيان ما ودّي بها

وقـّـف هـنا لحـظات خلـّيها سـبـوع

في الصدر غـنوه ودّي آغنـّي بها

واللي سواتي غنوته جرح و دموع

بكـيـه .. ولكن مسـتحي يـبكي بها

إذا الخـطا قـدّام .. ياطـيب الرجـوع

مالت على نـفـس ٍ ما تسـتر عيبها

واذا الوقوف يصير من بعده وقـوع

الجـلـســــه اللي بيـنهـن يا طـيـبها

ما يـذبحـك من داخـلك إلا ّ الطبـوع

اللي تـمارسـها .. ولا تـوصّـي بها

أطلـب رضا الله دام قـلبك فـيه روع

واثني الصلاه اللي تبي تصلّي بها

وضع السجود يشابهه وضع الركوع

واستحضر الدعـوه قبل تدعي بها

يارب سـبحانك عـساي مْـن الجموع

إللي عـلى النـار يْـحـَرم تعـذيـبها

القلب في العـشر الأواخر جاك طوع

ويقول .. سـبحانك يا عالم غـيبها

Fazza - Bayath Atajrubah - بياض التجربه - فزاع

والله لخـلي السنين الـماضـيه تعـني

ووادع النـاس وارجـع وآخـذ الـمعنى

يمكن حـبيبي إذا غـنـّيت يسمعـني

قبـل البـحر ياقـلوب الشوق تبـلعـنا

اللي خـذانـي وعـيّـا ما يـرجّــعــني

والـدرب مجـهـول والتفـكير ضيّـعنا

يدفعـني الشوق لـمـواصله يدفـعـني

تـبادل العـشـق هو سـبّـة دوافـعـنا

تدرون قلبي على هجـره ما طـاوعني

الـنـاس تـعـذل وحـنـّا ما تسـمّـعـنا

لا قلت احبّه تراه الصاحب الـمعـني

واللي مع الـهـجر طبعاً ماهـو بْمعنا

لا قال دعـني وانا ما قـلت له دعـني

ياليـن سـالت من الفـرقـا مـدامعـنا

حتى في يـوم الـمـوادع يوم ودّعني

بكـت جمـيع اللـيالي مـن مـوادعنا

الله يـمتـّعـك بلـقـاي و يْـمتّـعـني

والقـاك والسحب تمـطر من تمتـّعـنا


Fazza- Assa7eb - الصاحب الـمعني - فزاع

قبل لا ابدى قبل لا اعرف قبل يوم الهموم هموم

قبل يوم الحزن يلوي ذراعه يجمع الأحـباب

قبل لا ينولد ( فـزّاع ) وقام وقـلت صـح النوم

بديت اقرا عيون الحب في عيني واحسب حساب

بديت اسري لياليها واصـدّق كل طيف حـلوم

واصـدّق كل شعـرٍ فيه ولو هو أصـدقه كـذّاب

أجيب الياسمين وفـلّ والنرجـس مع اليشـموم

مع النوّار والنسرين واحطّه ع الخدود اطياب

وتخدعني وانا راضي وتخدعـني بلا أيّ لوم

وارد ارضى وتخدعني واراضيها بليّا اسباب

أجيها بطيب نتـفاهـم ولكن عقب حَبّ خـشوم

عقب ثـلج الصبر لي في خفـوقي يبتدي ينذاب

بديت اتعـلـّم اخـطائي وأصنع للسهـوم سهـوم

واصنّع للسيوف سيوف واصنّع للحراب حراب

إذا جتـني بحـوم آحـوم والله ألـف مـرّه آحـوم

واذا جـتـني بلعـب العاب ألاعـبها بلعـب العاب

تعال اعلـّمك من قبل فصل الصيف كيف العـوم

واذا تعلّمت كيف العوم أعلّمك البحر وش جاب

واذا جاب البحر موجه وطحت ارفعك لجل تقوم

واذا قمت وفرحت ارميك في موجه قبل ينساب

ألمّك وانثرك واشريك وارخص في غلاك السوم

واسومك واشتري من باع قدرك واتركه يرتاب

أسوّي في السـما دروبٍ و اعلـّي للنجوم نجوم

واعاند لو تبي تعاند واصاحب لابغت الاصحاب

أسـوّي مثـل ما تسـوّي تـبادل للـعـلـوم عـلـوم

أبـيها تـفهـم المعـنى ش يعـني .. للذياب ذيـاب

بنـاءً عـ الـذي عـدّى عـذرتـك والعـذر مفهـوم

مجـرّد ردّ فعـل ولا عـقـب عـذر الكرام عتاب

أنا ما قـصـدي إلاّ رد فـعـل ولا عـلـيـكـم لــوم

نحن مهما حصل نهوى هواكم والهوى غلاّب

حبيبي كيف انا اتجرأ على هجرك يا عيب الشوم

تصدّق بانّي أسمع بك كلام اللي هذرك وعاب

فـديتـك كل هاللي مَـرّ كـلـّه كان طيف حـلـوم

غـفـت عيني ولكنـّي لجل عينك فتحـت الـبــاب

تبسّم قايـلٍ ( فـزّاع ) يا ( حمدان ) صحّ النوم

ترى توّك بديت تعرف وش يعني غرام احباب

Fazza - Ya 3eb Alshoom- يا عيب الشوم - فزاع

على عيــوني غمــــامة حــــزن تــمطر هموم

ولا انبتت في خفوقـي غير عشــــب الزهر

والحــــــال هـذا لو يطـــول معاي و يدوم

أخـــــاف يـــــــزرع بســاتين ويكــون نهــر

يا سارقة من عيون المحب حـــمدان نــوم

الليــل رجَع علي النــوم .. ليه السهـــــــر 

ليه السهر دام قلبي من غــــــلاك مــحروم 

وأنــا في حبك أذوب وعاشــق ومنبهـــر

العـــام كــنت أســـتلذ الشــــوق في كل يوم

واليـــــوم ماغيــر مـرة واحــــدة في الشهــر

تــــروم تـــــزعل علي لكن أنــا ما أروم

لآيمكـــــن أزعــــلك فــي ســر و الا جهـــر

جمالك المحتـشم خــلاك شخص محشــوم

و عفــافكـ النادر يزيدك في عيني طهــر

مثل القمر نور وجـهك في الظلام الكتوم

واذا تبسمــت مثــــل الشمــس عند الظهــر

لـــو ان عمــري مُــــهر قربكـ أنا قبل أسوم

أنا اللـي بآســــوق العــمر لأجـــــلك مهــر

ولا تصير خصمي أنا ماني باهاب الخصوم

وشلون أهاب البشر  وأنا ما أهاب الـدهر

الله خلقني على الدنيا "حصـــــانٍ" عزوم

عسفني  محمـــــد المكتـــوم  وأنا مهر

لـــو الــنجوميـــة تــورَث عيــال النجــوم

من باب حب الظهور الشخص منهم ظهر

الشهـرة تغير العــــالم بوجـــه العمــــوم

لكن ما غيرت حمــــــــدان يوم اشتهـر


al shuhra - fazza- الشهرة - فزاع

لا تـغـرِّك ضـحْـكـتي .. والاّ اسْـلــوْبـي

أعْرف عْـزاز النفـوس مْن الـرديِّـه

كَمْ وفوا لي ناس وكَمْ ناس اغدروا بي

وْكَمْ كسَـبْت بْـطيب نـيَّه سـوء نـيَّـه

نـاس .. مِن كـثر المـخـَادَع ما تـْتـوْبي

وْنـَاس بـيْـضان وْصـدَاقـَتـْها نـديَّـه

وْناس ٍاغلتـني ، وناس اغـلت جيوْبي

وْنـاس ٍ تـْطـالـع ، ولـكـنـْها عـمـيَّـه

كل هـذا .. والـجــروح تـْزيـد صـوْبـي

والمـجَـامَـل والتـَّمَـلـُّـق والـخَـطـيَّـه

ما يغَـيـِّـر ضحْـكة الـوجْـه الشـحــوْبي

مَـد يـمـنى دوم ماهي مـوسـمـيَّـه

ودِّي انـِّي أعْـطـي الـمـحْـتــَاج ثــوْبـي

واعـطـي وَلا انـْتـظِــر رَدِّ العـطـيَّــه

ما اجْمَع العَـالَم وَلا اقـول اسْمَعـوا بي

نفـْسي مْن اطـْرَاء خـلق الله غـنيَّـه

في بـَعَـض الاشـيـاء أتـْقـَـدَّم وانـوْبـي

عَن بـني آدم جـمـيـع وْعـن بـنـيَّــه

سَـجْـــــدةٍ تـَغـْـفِـر بَـها كـلّ الـذنـوبـي

خـيـر مِن عـيْش الحـيَاه القـاحـليَّـه

وْيَا مْسولفْ بي على الطرْق الكذوْبي

عاقـَب الله من ظـلـَمْ نـَفـْس ٍ بريَّــه

وْيَا صحـيب الخيـر يامثـبِّـت طـنـوْبي

النصـيْـحَه روح الايـْمَـان الـقـويَّــه

الصَّحـيْح مْن العـيـوب اللي تـشــوْبي

قـوْلـَها في الـوَجْـه ، والنـيَّه مطيَّـه

بَـارك الله في مـن اهْــدَاني عـيــوْبـي

واشـْكرَه جـِداً على هـذي الهـَـــديَّه

Fazza - لا تغـرّك ضحـكتـي - فزاع

الستر مطلوب ,و المكشوف عايب 
و الذي عيبه ما تستره الثيابي

يحسب انه ثامن السبع العجايب
ما درى انه مثل طراد السرابي

و الصحيب اللي ما يحسب في النوايب
دايم ارفع عن بني جنسه عتابي

لان لو اني تحت روس النصايب
او على الارض اتمشى ما درابي

و الحبيب اللي جهل سلم الحبايب 
و الله ان بعده مزود بي مصابي

يضحك بسنه و حالي فيه ذايب 
و قلبه اسود منك ياريش الغرابي

و الهجر مثل المواصل له سبايب 
يا معذبني وش يفيدك عذابي

لا تشب النار و تزيد الحرايب
و انت فرحة قلبي وزهرة شبابي

كم حمل متني من كبار المصايب
ما عجز عن حمله كبار الهضابي

اشرحت صدري رقيقات الهبايب
 و داعبت فطرة هجوسي و انتخابي

و البن آدام لو رقى فوق السحايب 
آخرته يحط من تحت الترابي

اترفع من مدورة النشايب 
و اشتري خوة عزيزين الجنابي

و احسب حساب العرب ما ني بهايب
بس احب العرب تحسب حسابي

حكمة الغايب و هو ما هو بغايب 
لاعرفت اسمه قدرت اضمن ثوابي

و يا هل الهجن الاصيلات العرايب 
التي من دونها روس الجنابي

لا خلت فكرة الاديب من الشوايب
انهلوا من حكمتي و اقروا خطابي

الهجن تقديرها حاضر و غايب
ما اتجاهلها و لو طوّل غيابي

اللهاللي حط في عوص النجايب
هيبته بين الثريا و السحابي

الاصيله ما تجي سوق الجلايب
كيف يملكها قليلين الزهابي

و كل ما قمنا نسولف في الركايب
ما ذكرنا غير فعلك يالشبابي

دايم الاول على روس الكتايب 
كنك مفطوم على دعوة صحابي

كنك تقول بفخر و القول صايب 
 ابتدى شوط التحدي و انتهى بي


Fazza_Al-Sater - الستر مطلوب - فزاع

الضـايق اللي سـاريٍ لـيله ولا حَصَّـل طريق

تلـعــب به الايّـام بيـن يْـميـنهـا وشْـمالـها

يا غَـارقٍ بالهَم لا تطـلب نجاتك من غريق

الصبر مفـتاح الـفرج ، والـناس هـذا حالها

وانا ترى مَتني يشيل مْن الحِمِل ما لا يطيق

مالي ومـال الـحِـمله اللي كل كـتفٍ شـالها

والدلّـه اللي ماتـقهوي ضيفها ، قِل للبريق

يرسل تعـازي ضـوّها لا فاحت بْفـنجـالها

أيّامنا بين الشهر واليوم ، والباقي سحيق

الايّام كم يبغى لها ، والناس كم يبغى لها

قمريّة الأحزان لا غَنَّت على الغصن الدقيق

ما تْعـاتب الـمحزون لو غَنَّت وَلا غَنَّى لها

يا ناس وش حَل الرفيق اللي يعاتب له رفيق

لا حَدِّتـه الايّـام ، والدنـيا عـلى منـوالها

لا تحسب ان اللي تحبَّه لا جَرَحته ما يضيق

لو يسـتر جْـروحه عـليك وعِـلِّـتـه ما قالــها

يضيق لكن مَبْسمه ضَحَّاك وِحْجَاجه طليق

لان الصَّداقه كنز ، والحَسْـنَه بِعَشْـر امثالـها

والحقد في قلوب الرجال اهْل الوفا ماهو يليق

قـلـوبـها تبقى نـظـيفه .. لـو تـغَـيَّـر حـالـها

وانا لو ابني للصداقه جسر لعيـون الصـديق

الـناس من كثر الزعل ، فال الله وْلا فالــها

العـذر مايكفي من التـقدير ، والصدَّه تعـيق

الوصـل من بيـن الـقـلـوب اللـي تـمـد حْـبالـها

والالماس سِعره فوق سِعرك يالذهب لو لك بريق

سِـعره لـحَاله .. والذهب تسـعـيرته بلْـحَالـها

واهْل الجواهر يفرقون الكـهرمان مْن العقـيق

لو تخـلـط الثـنتيـن بنـتٍ فـي طَـرَف سلسالها

نَصبر على قَرص النحَل حتى نوصِّل للرحيق

واهل الهـوى يمسـح خطـاياها لـذيذ وْصـالـها

والـناس لاجـل آمالـها تحـتاج للفـهم الدقـيق

واللي ما تمـلك فَـهـم تخسـر نفـسـها وآمـالـها

جْبال الارض الشامخه يا منكر الـمجد العريق

هـامـاتنا من كـبر هـيبتنا ، تطـول جْـبالـها

جديـدنا مستـقـبلٍ زاهـر ، وماضـينا عتـيق

مسـيرة الـتاريخ يـبقـى مـجـدنا فـي بـالـها

لو ان حَـضارتنا قصيدة شـاعرٍ فكـره عمـيق

ما كان غير محـمد الـمكـتــــوم صـاغ امثـالها

Jisr alsadaqah- Fazza- جسر الصداقة- فزاع



سيداتي .. انساتي .. سادتي

انصفوني في تغطرس غادتي

واعذروني لاسكبت الدمع يا

سيداتي انساتـي سادتـي

حذروها من جنون اهل الهوى

واجبروها عن حكي نقادتـي

عن سعادة خافقي قولو لها

انها كانت سبـب سعادتـي

صارت الفرحة لها عادة وانا

الحزن والهم صارت عادتي

المدينه من بعد هجرانها

اضلمت , والشوق هز إرادتي

ذكريات الحزن في جدرانها

دمعه الحرمان فوق وسادتي

آه من ظلم المحبة وأهلها

سجلوا يا أهل الغرام إفادتي

وآه من حسادتي من بعدها

كيف عذري كيف عن حسادتي


Ansaty- Fazza - سيداتي .. انساتي .. سادتي - فزاع

من يوم حصّـل صـورتي فالجـريده

وهو يـداعـبـني بـسـلك ( التـليفـون )

صـوره بلـيّا صـوت هــزّت وريـده

يالله عسى ما يشوفني في التلفزيون

كل يوم مرسـل لي رسـاله جـديـده

عـنـوانها قــلـبٍ من الحـب مـحـزون

المشكله ما اعرف وش اللي يريده

و في كـل لـيـلـه لـه نـظــامٍ وقـانـون

يا اهل العـقول الواعـيات الرشـيده

لو انـّـكم ( حـمدان ) وش باتسوّون

لا قـلت له سـولـف بجـمـله مـفـيده

سولف ولكن دون معـنى ومضمون

وقاطـعـتـه بلهـجـه شـديده شـديده

عفواً أنا ما افهم وش تقول وش لون

حـقـيقه .. هو روعـه وفـعلاً أكيده

إنـّه حبـيب ويـسلب الـروح ويـمون

ياللي عـيونـك عـامـلت بي مكـيده

خصرك مع سحرك ولاسحر هارون

ومـنحـرك يـخـتال بجـمـاله لجـيده

والردف كن ابلـيس وابليس ملعـون

والفـذ ( حمدان ) المكارم رصـيده

وانته بـدون اخـلاق عادي يامزيون

خـلـّيت لك ذكـرى الغـرام السعـيده

واللي بقى جرحٍ ورى القلب مكنون

وكسبت لي مليون شخص بقصيده

وخـسرت لي واحـد شـريته بمليـون

والـجـرح الاوّل لا تـحـاول تـعـيـده

من دون ما تشرح لي الوضع من دون

Fazza - Ebless Mal3on - فزاع - إبليس ملعون

للـشـعـر فـكـره وللـهــاجـس مـيـة طــاري

تــرزّ للــقـمّــــــــــه الـعـــلــيـــا بـيــــــــارقـهــا

وقـصـيدتي من حـصـيلة نـاتـج افـكــاري

كـل الـقـصـــايـد الى مـن جـات تـفـرقـها

لـو أبـغــي أغــرّق الـســاحـه بـإبـحـــاري

غـرّقـــتـهــا بس انـا مـا احــــب اغـرّقــهــا

أرسـم مـلامـح طـمـوحاتي فـي أشـعـاري

واحـاول اني قبل ما امــــوت احـقـقـهـا

واعرف مـقـدار غـيـري قبل مـقــــداري

واخـطاء نـفـسي على غـيـري ما اعـلـّقها

لـكـن مــشـــوار عـمـــري لى مـتى ســــاري

أرهـقـت نـفـسـي وما ادري لـيه مرهـقـهـا

قدام تـتـعـب قـدم رجـلـي يـا مـشـواري

الايـــــام ســاعــاتـهـا تـشـــــرح دقـايـقــهـا

مـراحـل الـعـمـر تـجري والـزمـن جـاري

والـنـاس تـفـنـى ويـبـقـى وجـــه خـالـقـهـا

وانـا طـمـوحـي تـخـلّـد فـعـلـي اخـبـــاري

فـ ارشـيـــف تــــاريـخ الافـعـال ووثـايـقـهـا

نـجـاحـي لـشـخـصي اعــداءه يـا أنـصـاري

أكـيـد مـنـطــقـه مـا يـشــبـه لـمـنـطـقـهــا

من يـامـر بـسـتر خـلـق الله وهـو عــاري

نـصـيـحـتـه مـن عـلى نـفـسـه يـطـبّـقـهـا

مـن كـثر مـا اخـاطـب الـعـالـم بـمـعـيـاري

دايــم أمـيّـــــز لـكـــــاذبـهـا وصــــادقـهـا

صـحــيـح انـا مـا مـعـي جـنـّـه ولا نـــاري

لـكـن ربّــــــي خـلــــق خـلـقــــــه وفـرّقـهـا

من شرفة القصر اناظر خلف الاسواري

وجـيـه نــــــاس ٍعـســى ربّـــــي يـوفـّـقــهـا

ويزيـد عزمـي بفـعـل الـخير واصـراري

فـي خـدمـــة بـــلاد برق الـعــز بـارقـهــا

والـطـيـب قـصّـه وفـيها مـعـظـم اسراري

والــذل نـــار ونــفـوس الــذل يـحـرقـها

يا قـصر ( زعـبـيل ) دامك بالحزن داري

لا تـعـلّـم ( دبـــي ) وتـبـكـّـي مـنـاطـقـهـا

الحزن اخوي الصـغير وضيفي وجاري

فـي غربـة الأرض الوسـيـعه أو مشارقها

مافـي عـيـوني سـوى دمـعـات تـذكــاري

لـولا السـحا مـن مـحاجـر عـيني أعـتـقـهـا

Fazza - Qasr - Zaabeel- فزاع - قصر زعبيل

كل اتـصالات الغلا في خافـقي مـشبوكه

لانّي اتصلت بخافقك وانته تبي تشبكني

واكثر أحاسيسي للجْنَة خافـقك متروكه

وكانك متنـّك لا تزيد الهَـمّ و تْتَـنّـكني

ضمّك خفوقي مثل ما ضم الفضا مَكـّوكه

واقفيت مثل الغول والعنقا والا السِكني

اللي من اوّل أحسب لْهم في الحياه اضحوكه

حتى عرفـتك يا معـذّبنـي ويا مربكـني

تـجارب الأيّـام منها مـهـجـتي معـروكه

عرّكـت نفسي يا حبيبي قبل ما تعركني

أفكـّر بْعقلي وخِطـّة سيـرك الـمحـبوكه

وتـعالـج الأيـّام وادركـها قـبل تـدركـني

يبرك رديّ العزم من حمله لو انّه شوكه

وانا ثـقيل الحِـمل في كـتـفي ولا برّكـني

ولا لقيت ابواب حبّك يالغلا مـصْـكوكه

ماني بْكاشـف سَـدّي لخـلق الله الا بَكـني

ترى مـصابيح السحر تحت يدي مـفروكه

وانا ماني بْـمصباح لجل انّك تجي تفركني

لي مـحـزمٍ ماهو يلين وْ بنـدقٍ مفـلـوكه

مـشاعري متـرابـطـه وشلـون با تفـكـّكني

من كثر تصريـحاتك اللي فالغـلا مشكوكه

حتى الهبوب اللي تـحرّك ثوبك تْشكـّكني

ومن يوم شفتك تنسج العذر الردي وتحوكه

وآنا مْـقـرّر أتـركــك قـــدّام ما تـتـركـني

لو كل غـايه تشتهـيها نفـسنا الـمـدروكه

كان ادرك الراعي طموح الشيخ يا مْهلـّكني

يفداك ما تملك جيوب اللي عشقك وْبوكه

هذي مـقـوله كـثر ما ردّدتـها تـضـحـكـني

أنا ملك عاشـق ونفـسي للغـلا مـملوكـه

أمـلك قـلوب الـمرهـفين وطيبها يملكـني

Fazza - Algool Walanqa2- فزاع- الغـول و العنـقاء

حبيبي والله انّي ما قدرت استوعب اللي صار

لفا خبر الـنيا واخلـفت ظن اللي صدق ظنـّه

أنا كـذّبت فيك اللي نقـل لي صادقـات اخبار

كتمت انفاس صدري وافضحتني جرّة الونّه

حبيبي ضاعت دروب الرجا والدار غير الدار

سكـنت بـدار من يـسكـن بها ما تـلحـقـه منـّه

ياويلي كل ما اطالع براءه تـلمحك الانظار

ومن يسـكـن بعـينـك كيف تـقدر تبتعد عنـّه

بدت تتشابه دروبي يالين الدرب فيها احتار

أنا المغرم وكانت لي دروب الشوق مطمنـّه

أعاتب كل خطوة شوق واصنع للذنوب اعذار

يالين العـذر أصبح ذنب حظي واعتـذر منـّه

إذا سن الدهر سيفه وحلـّت بالقضا الاقدار

من يـرد للـقضا سـيفه إذا سـيف الـدهر سنـّه

إذا جفـّت موارد هالتمنّي واذبلت الازهار

من يرد السـواقـي والـندى والعـطر والـبَـنـّه

كتبتك والقوافي بيت سرّي والبيوت اسرار

تعبت اخفي جروحي والشعر يوشي وانا اكنـّه

حبيبي وانت في قربك وبعدك جنـّتي والنار

واذا لابـد من بعـدك .. حـبيبي نارك الجـنـّه

my fazza

Jessika Aguirre