Dance With Me - Halim Yousfi

قداش عندي على السنين الجوهري و خشم البندق 
عينيك زيانو و شلاغمك كي البي في زمانو
 كنت بالدنقري البالح لا جيت لا صالح لا طالح
سبادري غزالة و تصويرة تحت المنقالة و امي تراك فصالة و بابا يشوفك سيد الرجالة
 فيبالك يا مدبل حبك في جواجيا مخبل 
فيبالك الي نموت على شعرك لمغوف و لكلام الي في فمك صوف
و نحب فيك هبالك و وشامك و احلامك 
و نحب فيك السروال لمقطع و السورية لمجعبة و السيقارو البين و تخرج من فمك بعد الكفرة امين و نحبك يا منتف  يا ضعيف يا طريف يا شطر لفة يا لي دمك يقطر ضمار و خفة 
يالي رقدت بيك و صبحت عليك و قمت مفجوعة من كذبك يا كافر ملكوعة  
تي شبيك تبدلت و تحولت كيف دارت في يديك لكعب 
تي شبيك وليت تحب تشريني و تغنيني تي ويني لقصايد و امل دنقل و لا تصالح و فمك لبنين المالح ؟
و كسكروت خمج و اللعب في قهاوي لمدينة و الهرج و العجة و تحكيلي عالهجة 
وينو سروالك لمقطع و مريولك لمشلفح و من زنقة 
 لزقنة تجيني تتطلفح 
وينو الاتحاد و النضال و اليسار تي شبيك وليت قواد ؟                                                             شصار عليك بدلك عليا ملي كنت تلقى لهبالنا ثنية 
شبيني ماعادش نعجب ماعادش نوهر و معادش تقدر؟
ويني ليالينا و العرك و المعروك و لكلام المتروك و مساطتك و بلادتك و الخمسة لي شريتهالي و التاريخ لي حكيتهولي و شبابي لي فكيتهولي ؟         
وينو تاليفونك في الليل و خوفك عليا 
وينو تفلسيفك لي موش مفهوم و بدنك لي موش مخدوم  
ويني اسرارك و بوسك و هبالك و نواحك و غرادك و خراك ؟  تي وينك ؟
ماعادش فمة بوسة الجبين و تذبيلة العين و المخ الخامج و الغشة و ربحتك في الرامي باخر فرشة 
كبرت و خليتني صغيرة نتغبن ، انا كنت في هبالك نتفنن
مخيبك ملي لميتهم رزز ، مخيبها عليك عيشة لكرز ..

Music:  Mine is the Grandeur - Dark Tranquillity

وينك ؟

Page Facebook : https://www.facebook.com/rayyes.officiel
Video Clip  : https://www.youtube.com/watch?v=2m_LzRr6hTc

halim Yousfi(Gultrah Sound System)-Dance with me

jhaifa

Related tracks