[Intro]
انا بصعوبة بافتكر اللي انا قلته
ماكنتش فايق، دا اللي بحاول اشرحه لكو
ايدي في اديكي بس انا مش المأذون
انا فنان، من حقي اني اكون مجنون

[Verse1]
وشّ يغلّف المجلة
بالي طويل وبيلعب سلة
حط ايدك على قلبك
صحبة بتيجي بالمذلة

فين المجاز؟ مش باتشبه غير بالنجف
شاف وشوشنا الواد انتبه
لا يوجد بيني وبينكو شبه

هاري مهاري
حتة ع الهادي حتة لبناني حتة وانساني
بنزل ع النت اخد لاڤ اجباري
ولذلك مزيكتي سعرها في العالي

بلفت النظر... لما بدخل الأوضة
نجم بغير الموضة
معايا المداااام
روسي زي شارابوفا

طب ايه الكلام؟
لا لا لا ما سمعتش صوتك
لا ما شوطتش ولا شوطة
اركن على جنب

واللعب ساري
على كبير
ياسطى انت ازاي كل دا لسه فاكر؟
دا انا نسيت

بغرق وشوشهم في العرق دي ساونا
مرة ايوة ومرة لا دي مزاولة
لو دخلتي دماغي هتلاقي دولة
حاول تحسبها بجد مين الأولى

شغف
بطولة في الفيلم دا الهدف
بنزل اغنية في السبت
كلمة في الضهر من راجل اتكرف

لا ماتحكمش عليا بحاجة وتعمل قاضي
انا مش هقبل الموضوع غير المرادي
متحطنيش ونبي في دماغك انا مش فاضي
وهاتتسابوا ع الارض لو جيتوا قصادي

[Chorus]
مش هكذب عليك، مش هكذب عليك
شباب جابت زيت، الشباب جابت زيت
خليكوا في البيت، خليكوا في البيت
مش هكذب عليك، انت اتغشيت


[Bridge]
لا، مش زعلان
انت اللي هاتزعل مني ودي نهاية الكلام
مش هبذل مجهود
بس انا صبور
هستناك تجيلي تحت رجلي وهادوس

[Verse 2]
كل دا وانا اللي فاضل
واخد السكة مراحل
اه في المزيكة انت شاطر
بس للاسف مش راجل

بس للاسف فشنك
مش شايف المنافسة م العدسة البينك
باقول لك ماتدوسش ع اللينك
في ألغام جوة اللينك

في ألغام على اللاب
في نسوان على الباب
في لايكات على الكاب
بلاش انت بالذات

لبسك واسع شغلك ضيق
حسيت أداءك كان مزيف
مش بتغني انت بتزيق
عادي حاول تهدى شوية

[refrain]
طب ايه الكلام؟
لا لا لا ماسمعتش صوتك
لا ماشوطتش ولا شوطة
اركن على جنب

واللعب ساري
على كبير
ياسطى انت ازاي كل دا لسه فاكر؟
دا انا نسيت

[Verse 3]
طويل فخرمت الاوزون
دي بالونة في المخ دي فجوة في الزمن
التمن…
حب رايح انما
النتيجة النجاح انا طاير في السما

مبتعرفش تقولها زيي
مش بحبكو انتوا نسايبي
هبعتك دولة تانية خالص فتقول لي VPN واقول لك IP

روح شوفلك travis scott تايب بيت
انا دكر انت نايتي
ولا ترامب ولا بوتين ولا هتلر هيحموكوا من مصايبي

في واحدة اعرفها شبه كايلي
بتكلمني على سكايبي
باعتة صور يابني باجي افتحها، م السخونة هانجت موبايلي

[Chorus]
مش هكذب عليك، مش هكذب عليك
شباب جابت زيت، الشباب جابت زيت
خليكوا في البيت، خليكوا في البيت
مش هكذب عليك، انت اتغشيت

Marwan Moussa Msh Hakzeb 3alek | مروان موسى مش هكذب عليك

Jimmy Junior