jinno

moort

محمد عكود - ست العرقي ... أكــــــــوج

محمد عكود_ست العرقي

Poems

سوداني انا

كلمات : محمد طه القدّال
الحان : شريف شرحبيل

يامحبوبي .. 
هـاك منّى مكتوبي .
صـدّاح الغُنـا المكتوم 
ومدّاح الجمال والنور 
كلمة حُـب فى قلب حبيبي 
وقليب حبيبي من توبي 
تشـوِّش جـوّه قلب النيل 
مع اللهفة العلى ولدى 
يا معشوقي .. 
ليك من شوقي كل الشوق 
فيا الخرطوم إذا نامت عليك عيون 
تشوف الضلمة في الضحى 
والنَهار مطلوق
ولو غنيتِ والغُـنا للسلام مخنوق 
أعرفي إنك الزمن اللى جاي شـروق 
وأعرفي إنك .. الزمن الحبيب و حنون 
يا الخرطوم .. 
عيون الحق ما بتنوم 
عيون الحق ما بتنوم 
أعرفي إنك .. 
الزمن اللى جاي شـروق 
وأعرفي إنك .. 
الزمن الحبيب و حنون


عقد الجلاد - صداح الغنا

كلمات: محمد الحسن سالم حميد

غناء : حتى نعود الغنائية- استراليا
اشراف وتنفيذ موسيقي: مامون شاهين

حقك


مرارات الروح
.
.
حضر الفرح ولم يجدنا 
كتب بي فحم الوجع 
علي باب بيتنا
 النور طفا
طقيت راسي
من شح االاحتمال
خرجت ولن أعد
.
.
من صرخة غافلة
كانت نضاج
إحتمالات الرمل
نعاس الحن
فوبيا الانين
زيف
ضحكة
وما ترتب من
تجهيز العروس
ليوم القيامة

مشيت يا الغمامه
ذي الحلم
الي خوابي الذاكرة
نطً الحنين في النيل
اتلايق الصبر ضلام
اتبشتنت جوانا بسمة 
ما.. اهو
جينا وكنت مافي
.
.
ما.. اهو
جينا وكنت مافي

طلعنا مشينا برانا 
لقيناك نفاج
بتتونس معانا

وكان داك يوم أربعين
الوالدة بينا
وبنات كتار
متشتتات
يرضعن 
في شارع البيت العام
طول البال عيال

وكان حضورك
الباهي
 جنون الحظه 
اجمل ما يكون
يا صدق الحنين
انين والله

ما.. اهو
جينا وكنت مافي
.
.
وانا
انا كنت جعان، 
بفلي الروح بقولك
وكان مفروش بروش
حزن الشارع الشعبي

انتكيت
عندو
لقيتو 
منكمش
 جنب سني
ثدي امي
ناديتو اللبن 
اباني
ستفت الروح
بالشم والشوف
شربتو احمر
بالقرقوش شاي 
و الخمج ساده 
في الصيوان 
 كان
مهدي منتظر
كبايه ساي
ياخ
ساكت ساي

ما.. اهو
جينا وكنت مافي

طفش حلمي
حلمي طلع حفيان
 يفتش
جوه مساكن الروح
عن همهمات الذات
وكان اللون 
للقلب شواف
وصف
بيت دمعتها

وفات الطريق 
ليك ليل
 منشرق
وثبة
و حسره

وكان القمر 
عصفور يتيم
و الشمس ترجف برد
وفوق ضلام الفوضى
فوضة سودنة
لمعت انت هناك هنا 
بياض نجوم
 اخضر بهارها 

ما.. اهو
جينا وكنت مافي

وكان سواد الموت 
طريق مفتوح 
بين باب السماء
 وشوارع الضئ
لون احمر شريف
ولعته  فجأة 
يالمحجوب نضيف
كلام
هتاف

هتاف
هتاف
هتاف
نقاوم لا نسأوم

كلام
كنار العتمه
ورغم الكتمه
لبست بيوت الطين 
ملامحك توب 
محل الطرحه
ختت دوكه
عاست تفاصيل حلمك
المبروكه
لقت
روحك 
فيها
امي
بتي
اختي
ابوي، اخوي، جدي
وذاك الحزين صاحبي
مسطرة وكراس
طبشيرة لي استاذ 
سبورة مشخبطه طيبة
لقتك حوش
اي نعم حوش

بابو كان مفتوح شجن 
جداول روح
بين  العتبه والعتمه
هناك
 مجري لمويه المطر
وكيس شايلو الهواء
اتشتت منو انت  رزاز 
حب
شتلات
امل
وعى
غبش 
دراويش
يوم نصيح لبكره
تطبيق صاح 
لراس كتاب العمله
روضه
ونفره
وفكره

يا الحزب جواك
 شمس 
سنويه
شتويه
 وفطره
.
.
لو تعرف
لو تعرف
اتفتحت عندنا كيف 
وكيف عرفنا نصاحبك كم
وكم
يا زول محموم بسحب الهم
يا زول مصنوع من طينة دم
بنحبك  ياخ
بنحبك يا الفتحت بالاحساس رؤانا
زح الجشع بعيد
من عيون منانا
قلنا نرتب فينا الزول
 
الهوامش
نخش المدارس
نبرد حشانا
نقنب برانا
نمشي منك 
دار المايقومه معانا
يفرحوا
شفع شمعات القلب بيك هناك
يا بصمة في الروح الملاك

وما بين حساب فائض القيمة
وصغير الغيمه
تكبر كراع 
قيم هميمه

نتهدا قيف
نصبح رغيف
لاطفال حفايا
لاطفال ورنيش
حلمهم حلمنا
تكريس الحب
تستيف الروح
بحن الام
يا زول
 يا ام
شكرا عناق 

شكرا رد جميل
يا رعشة الحس الرفض 
ابداً يميل
شكرا
شكرا
شكرا حضورك
شكرا عوالمك يا وريف
شكرا ليك
يااااخ
ما.. اهو
في الاخر جينا 
 ولقيناك فينا
……..
راني السماني                                                         
ابريل ٢٠١٤

مرارات الروح - في رثاء ابونا محجوب شريف

ازهري محمد علي في تخليد ذكرى شاعر الشعب في يوم السبت ١٧ مايو، ٢٠١٤ بمنزل الشعب الثورة الحارة ٢١.

ازهري محمد علي - محجوب شريف


خطاب حسن احمد  في تخليد ذكرى شاعر الشعب في يوم السبت ١٧ مايو، ٢٠١٤ بمنزل الشعب الثورة الحارة ٢١.

خطاب حسن احمد - محجوب شريف

عمر عركي _ قطار الشوق


https://www.facebook.com/pages/لبني-فاتح-منتديات-سفيان-جنو/152100501509818?ref=ts

ورينا يا خرطوم
عشقك بقالنا الصوت
ناقشينا في المسكوت
الشارع المكبوت
يانبقى ليك ملاذ 
يا نرفعك ملكوت

سفيان جنو _رسائل إلى الخرطوم _الرسالة الأولى_ ورينا يا خطوم

أينما تغيب الشمس ... تشرقُ أكوج

ما تشرب ساي ...
__________

ريحة الذاكرة الفاحت منكـ
هبشت وصحت غفلة نوم بتمرجح حِلمو
زطيف الدهشة وشيء ما في الخاطر لسة
بشبه ضحكت قهوة زولة تحبكـ أكتر
وإنت مزاجكـ كيفو غريب
وبرضو تقول إنكشح الشر ...؟
ماااا تشرب ساي 

عمل خاص للزول الجميل أمير موسى وهي من ألحانه وكلمات عبد الوهاب دنقل

أمير موسى : ما تشرب ساي

شغال إنسان في دوما أول 
في دوام تاني عامل يومية بتبني في ذات

سفيان جنو : مكاتب حلم عاطل

لو حتى ما ح تقوم
لما القيامة تقوم ...
ح نظل نغنيلكـ
تشرِق شموس ليلكـ
حُرية يا الخرطوم
الثورة وعد الحق
والحق مع المظلوم
يمهل ولا يهمل
درس الإله مفهوم


وعد الحق_سفيان جنو

لكل أسياد اللبن ....
تمنه وحمار
للخدرجية ... الاشاوس
للنقلتيه ...
وحباب كمان صلح سرير
لكل ستاتي ... النسا
مارقات ينضفو في البيوت  .. يوميه شن حق الفطور
كفتيرة صاج ...
راس مالا بس ...
توبين زراقا
وموحفضة ...
 
للمزارعية الخدر ...
وكل عمال السكك ...
الشقو قلب النيل ... قطر
للمغادرين المهاجرين ... المواني
للبواخر وكل عتالة السفن
للمواخيـــــر ... المغنية الشواذ
 
يا الله جد فتر  الصبر
ضجينا من الوجعة هوول
والقعده مابين الفصول
نستنا ميعاد الربيع
خلتنا تمبكنا الزهول ...
 
أماتنا عقرن ... ياااااا الخليل
يوم موتك آ القرشي النحيل
نشفت بلدنا من الرجال
ضل الظلم ...
حار في المقيل
 
عبد الفضيييل
وينك أخوي
ادينا شي من نطفتك
رحم البلد ياااااابس عديل
يمكنا نحمل بالحلال
 
والحاله شبه مضاجعة
الحاله دايره مراجعة
يا الله ياواحد احد
برضيك كدا ...
تصبح بلدنا من الصباح
تغسل وشيها العاهرات
راجعين ... ومكدودين جبين
من ليلة مالقن راجل
شان ينستر هذا الوطن
بأصيل جدع
 
الوجعــــة ...
طالت كل بيت
حتي الشياطين  ... هاجرت
ونحن الرجال
مااااااا من رجال
 
يشهد سرير العازة
جد مامن رجال
والحفرة ديكــــ هـــا مولعه
بتعالج أوجاع ألركب
بس والسلام
الدلكه حردانة الجسم
الخمره فارقت الحواس
محلبنا في النيل إندفق
والضفره حزنااااانة البخور
مامن رجال
 
وحتي الحريم ماهن حريم
ساعة الرجال .. نامت قفا
خلت وطن ... ضاع وإنكفي
 
ياااااا مصطفي
هارد لهاتك بالغنا
للطينه والوطن الحلال
مامن زميل قد شهدك
الزملا ربات البيوت
ماسو شي عاااادا ... الســـكــــر
والرفض بس ... للرفض بس
وإتشتتو
كيمان وسخ فوق الطريق
وإتناقشو ...
وإتنابزو ...
وإضاجعو ....
واطارحو....
وإدارنو ...
وفاتو البيوت ..
 
والاحلي مع كل الندام
باعو النضال .. بس بالكلام
والمعتقل سوهو نادي
وزوغة قدام المدام
نايح عليك يامصطفي
ونايح علي
هل حاسي بي ؟
 
ومامن شفيع ليومنا دا
أرقد كفي
 
وعجبوني اولاد اليهود
كيف قالعو العالم غصب
حتت أرض
دكوها دك
ونحن الارض حقتنا
شالوها الكلاب
شرونا في خيط البلاد
شرموط ..
مساريقة ودك ..
وماخافو حته من الكديس
مامن كديس
بقرب فطيس
 
يااااااعورة الوطن الرخيس
إتشتحتي
مامن رجال
شان يقربوك
اتشتحي ...مااااتخافي شي ...
 
وياااا
فُضــــــا فوك
يادا القلم
عامل مبادئ ياوهم
اهااا ضاجعوك
لاطوكا ..  تكتب ليك براك
مدسي من خلف القزاز
خوف الهوااا
وسجم الرزاز
 
ووينو الهنا
وينو المنا
وينو الوطن البيقول أنا
ايوووووووووووووي ... بزغررررررت
 
والما بيصفق
إن شاء الله يجوعهو
والجعان
يعروه ..
والعريان ... يــــ ....
 تمو الكلام ...
 
وانا ايه أقول
واجعني في الارض الجفاف
ماكان كدا ...
لاكان دا حالنا مع الزمان
 
كان جدنا
تهراقا كيف عاقل رصين
واحفادو  .. ال سبعة ال سمر
اعدل ملوك
لأحن شعب
من بعدو
جن حكمن حريم
وقفن وعمرن البلد
فاتوها كان من غير حدود
 
واحد من اولاد الاسود
حرق الملوك
واحد وقفلو النيل أدب
جنديها في المكسيك
ثبت
دهش الزمان
 
والليلة بس مامن رجال
النار بتولد في الرماد
ورمادنا بيحمل بالوهم
ووهمنا .. مات
 
مامن وطن


محمد عكود - ست العرقي ... أكــــــــوج

sufyan jinno